Mateo 6:14 - La'aqtaqa Ñim Lo'onatac 'Enauacna 2013

¹⁴ Cha'aye da qami' qauchoxoyiñi cam qarỹai maye qami' ỹo'oteque ca sa ỹaỹamaxañi, nache Ñim Lo'onatac 'Enauacna maye Qarta'ai maye neta'ague da piguem nataqa'en qami' ichoxore'n.

Nuevo Testamento Toba Sur

¹⁴ Cha'ayi da qami' qauchoxoyiñi cam sa ÿaÿamaxañi mayi qami' i'oteque cam qadÿai, nachi ishit da qami' ichoxode'n nataq'en ñi qadta'ai mayi neta'ague da piguem.

Nuevo Testamento Toba Sombrero Negro

¹⁴ “Qa'a qom auapalaĝachi' gaa'me ja 'noe'n jo'ne ami 'yeteque gaa'me adaqayadi', ñe'me Adet'ai jo'ne na'ague di'me piyem nach'e ena'am yapalaĝa't gaa'me ja 'noe'n jo'ne at'onataqadi'.

Mateo 6:14 Referans Kwoze

Efesios 4:32

Chaqrato' da qami' soxoraiqa, qataq qami' choxonnataxanaxaiqa, ñi 'oonolec ỹataqta ichoxoren ca lỹa da huo'o ca ỹasouaxat, 'eeta'am Ñim Lo'onatac 'Enauacna da qami' ichoxore'n chegoqchigui naqa'en So Cristo.

Marcos 11:25

Qaq da qanqouagaxauñi qalaq qauchoxoyiñi ca shiỹaxaua maye huo'o ca qami' ỹo'oteque qauem. Yaqto' Ñim Lo'onatac 'Enauacna maye Qarta'ai maye neta'ague da piguem, ỹapalaxat na qarasouaxashechi.

Colosenses 3:13

Ñi 'oonolec da qoñiita ỹataqta nhualaxaune' ca lỹa qataq ichoxoren da huo'otaq huo'o ca ỹasouaxat. Cha'aye, nache 'eetec So Cristo da qami' ichoxore'n.

Mateo 7:2

Cha'aye da saishet da qaurenataxañi da qanmichi ca qarỹai, nache Ñim Lo'onatac 'Enauacna nataqa'en saishet da qami' ire'n da qami' nmi't. Ñimaye qami' ỹo'oteque nataqa'en cam qauo'ochec na laỹepi shiỹaxauapi.

Santiago 2:13

Cha'aye Ñim Lo'onatac 'Enauacna saishet da ichoxoreetac cam saishet da ichoxoren ca lỹa. Qalaxaye ca huo'o da lchoxonnataxanaxa ca lỹa, nache camaye qaica ca lasouaxashet qom qanmitna.

Proverbios 21:13

Ca saishet da hua'axaỹa da nachoxonnaxac ca choxoraq, qaq camaye nataqa'en saishet da qaỹa'axaỹa da ivita da iỹaxanaique ca ntaunaguec.

Mateo 6:12

'Auapalaxat qome na qauem maye so'otaq, 'eeta'ama qomi' da mashe sapalaxataq 'enauac nam qomi' qaỹo'oteque qauem.

1 Juan 3:10

Qaq qomi' ishet da sauattonaq negue't ca llalec Ñim Lo'onatac 'Enauacna, qataq negue't ca llalec so pa'aguenataxanaxaic: nam llalaqpi so pa'aguenataxanaxaic, nachena nam saishet da ỹaỹamaxaren da ỹo'ot ca ỹaỹamaqchiguiñi qataq saishet da ỹauotec ca lỹa.

Mateo 5:7

Ñim Lo'onatac 'Enauacna ỹaalec da nqouagaxa nam choxonnataxanaxaicpi, cha'aye Ñimaye ichoxoren nataqa'en namayepi.

Lucas 6:37

So Jesús nataqa'en 'enapeco': Saishet da qanmichi ca lasouaxashet ca qarỹai, yaqto' Ñim Lo'onatac 'Enauacna, saishet da qami' nmi't. Qataq saishet da qauauo'oi ca nhuaxanaguec ca qarỹai, yaqto' Ñimaye saishet da ỹauo'o ca qanhuaxanaguiiqui. Qauapalaxache ca lasouaxashet ca qarỹai, yaqto' Ñim Lo'onatac 'Enauacna ỹapalaxat ca qarasouaxashechi.

Josué 22:15

Nache 'enauac somayepi da nqo'ona ye Galaad, maye netaña so maiche nhuo' le'ecpi maye chegoxoguetpi so Rubén, Gad, qataq so laỹe so maiche nhuo' le'ecpi maye chegoxoguetpi so Manasés, nache 'eeta':