Mateo 6:13 - La'aqtaqa Ñim Lo'onatac 'Enauacna 2013

¹³ Qataq da qomi' nvitalo ca qañe'eguenataguec, nache saishet da qomi' 'auashenegueta da chegoqchigui camaye da 'am qolaqa'ai. Qataq qomi' 'anca'alaxateeguesopa da la'añaxac so pa'aguenataxanaxaic.» [Cha'aye 'aralamaxat da no'onataxanaxac qataq da na'añaxac qataq da ño'oxoyec maye qaica ca loga't. Aja', nache 'eetec.]

Nuevo Testamento Toba Sur

¹³ Sa ishit qome da qomi' 'auashingueta ca qañi'iguenataguec, chaqdata da qomi' 'antelaqna'agueta ca sa ÿaÿamaxañi. Cha'ayi da 'ad'onataxanaxac, qataq da 'ad'añaxac, qataq da 'ayi'oxoyic nachi 'eetai' da qaica ca loga't. Aja', nachi 'eetec.

Nuevo Testamento Toba Sombrero Negro

¹³ Ena'te qo'mi auachalo'te da'me qanapiyenaguec, Dite da'me qo'mi auachiyoĝo'toto joñe'me ja no'en.»

Mateo 6:13 Referans Kwoze

1 Corintios 10:13

Da qañe'eguenataguiiqui maye qami' nvittegalo, damaye nachera da 'eeta'am da ñe'eguenataguec na 'enauac shiỹaxauapi. Qalaxaye qami' ishet da qaupi'iỹa'ai Ñim Lo'onatac 'Enauacna, cha'aye Ñimaye saishet da qami' ỹasheetema ca qañe'eguenataguiiqui da huo'otaq sa qanaloỹeeguet. Nachaqrata da huo'otaq nvi' ca qañe'eguenataguiiqui, nache Ñim Lo'onatac 'Enauacna qami' ỹachaxanalo ca lataxac da yaqto' ishet da qanaloỹa'aguet camaye.

Juan 17:15

Qaq Aỹem saishet da 'am seỹaxaatacot da yaqto' 'anqateeguesop naamaye ana 'alhua, nachaqrata da 'anpaxattaleguete qataq saishet da 'auasheneguet so pa'aguenataxanaxaic.

Mateo 26:41

Saishet qome da qauo'oche, nachaqrata da qanqouagaxauñi, yaqto' ishet da qauataiỹa'aguet da qañe'eguenataguiiqui maye nayeetai'. Qami' ỹataqta qami' lhuotte' da qauo'oche ca ỹaỹamaqchiguiñi, qalaxaye saishet da qauañoxoche da qauroilec da maiche qara'añaxaqui.»

Apocalipsis 19:1

Qaq can ime de'era, nache sa'axaỹa da lavilỹaxac so ỹataqta qalota shiỹaxauapi ỹataqta alam, chemqot na piguem, 'eeta': «¡'Enauac qome da qaỹo'oxoren Ñim Nataxala'! Ñim Qarta'a maye Lo'onatac 'Enauacna ỹataqta 'añaxaic, ỹoqo'oye qomi' nca'alaxatre'c. Qaq ỹoqo'oye nacheñi ñi lalamaxat da na'añaxac qataq da ño'oxoyec.

2 Ts 3:3

Qalaxaye So Qarataxala' Jesucristo maye sa ỹatenachet ca la'aqtac, qami' itaua'n da yaqto' qami' 'añaxaiqa, qataq qami' ntelaqna'agueta na sa ỹaỹamaxañisat.

Mateo 6:10

Ña 'auanac yaqto' 'am 'oonolec da 'am Qarta'a maye ỹataqta ỹactec da 'ara'amaqchec. Yaqto' 'enauac na shiỹaxauapi maye huetalec ana 'alhua 'am ỹalaxaguet, 'eeta'am da lalaxayec nam hueto'ot na piguem.

Jeremías 15:21

Aỹem 'am sesoueeguesop qome da la'añaxac na qauemaicpi, ¡qataq 'am ñeca'alaxateeguesop da la'añaxac nam qaica ca ireetac!»

2 Pedro 2:9

Qaq de'era qomi' ỹachaxanalo Ñim Lo'onatac 'Enauacna, da Ñimaye ỹaỹaten da ỹaỹamaxaañi nam lqalaiguesat qataq nam ishet da nqanaxat nam ỹalaxaguet Ñimaye, qataq nataqa'en ỹaỹaten da ỹauo'o ca nhuaxanaguec nam ỹo'ottac na qauem. Qaq damaye ỹo'ot que'eca na'a'q qom nmit 'enauacna.

1 Ts 1:10

Nataqa'en namayepi ỹaỹaten da qami' qauacheeta'aguet So Jesucristo qom ñe'eguelaq da chegoxogue da piguem. Ñim Lo'onatac 'Enauacna nca'aleeguesop naqa'en da l-leuaxa Somaye co'ollaxa yaqto' qomi' nca'alaxateeguesopa da nhuaxanaguec na 'etaxaloxoicpi ca pa'atec na'a'q qom nmitna Somaye.

Salmos 47:7

¡Cha'aye nacheñi ñi nta'a 'enauac ana 'alhua! ¡Ỹoqo'oye qauo'oñi ca ỹataqta 'onaxaic no'onec da qauo'onaxañiito'ot Ñimaye!

1 Crónicas 29:11

¡'Am Nataxala', maiche 'aralamaxat da na'amaqchec, da na'añaxac, da ño'oxoyec, da noxonaxanaxac qataq da qaica ca 'ena'am na'amaqchec! Cha'aye 'enauac na hueto'ot na piguem, qataq na huetalec ana 'alhua, maiche 'aralamaxat. Nataqa'en 'aralamaxat da lo'onataxanaxac na lta'alpi, qataq 'anataỹaña 'enauac namayepi.

Apocalipsis 21:4

Ñimaye iỹore'c naua lache' namayepi. Huaña, nache saishet da ileu, nataqa'en saishet da ỹe'eguelaxalec da nỹeetac, huo'otaq da na'alaqtapiguiñi, huo'otaq da huo'o da nqui'ic, cha'aye 'enauac nam huo'o co'ollaxa qalaq nagui 'enauac da imeuo.»

Salmos 10:16

Ñim Nataxala' choche tatec da lo'onataxanaxac da Nta'a, qaq na ỹotta'a't shiỹaxauapi qalaq imeuo qanqa'en ana 'alhua.

Apocalipsis 3:10

'Enauac na huetalec ana 'alhua ivireguet qome na lqalaiguesat qataq nque'eenaxacpi. Huaña qome, nache saỹaten ca Aỹem pi'iỹa'a qataq ca saishet da Aỹem pi'iỹa'a. Qaq 'am qalaxaye 'am ñepaxattalec, cha'aye Aỹem 'aualaxaguet co'ollaq 'am shenapega da saishet da 'axanec da 'arpi'iỹaxac Aỹem.

1 Juan 3:8

Qalaxaye ca saq ỹet da ỹo'ot ca qauem, nache camaye nauochaxaua so pa'aguenataxanaxaic, cha'aye so pa'aguenataxanaxaic, nache 'eetai' da lle'etaxaloxo, chegoqchiguiña co'ollaq Ñim Lo'onatac 'Enauacna ñaq cheta'ague da ỹo'ot ana 'alhua. Qaq nachera da huo'omshe anaỹa ana 'alhua som Llalec Ñim Lo'onatac 'Enauacna: da yaqto' ilaxachigui 'enauac nam ỹo'ottac so pa'aguenataxanaxaic.

1 Pedro 5:8

Qataq ỹataqta qanaỹaanaxanaqchiñi, qataq qami' lhuotte' da huo'o ca qaviyeeguet, cha'aye so pa'aguenataxanaxaic, somaye nmittaique ca ishet da ilaxachigui, 'eeta'am ca quiyoc da desoqtac.

Salmos 41:13

¡Ỹataqta qaỹo'oxoren qome Ñim Nataxala', maye Natamnaxala' na Israel le'ecpi, nagui qataq nache 'eetai' qome! ¡Aja', nache 'eetec!

1 Crónicas 16:36

¡Qaq ỹataqta qaỹo'oxoren Ñim Nataxala' maye Natamnaxala' na Israel le'ecpi, qataq chochaq tatec da ño'oxonnataguec Ñimaye! Nache 'enauac so nhuo' le'ecpi da, 'eeta': «¡Aja', nache 'eetec!» nache ỹo'oxoren Ñim Nataxala'.

1 Crónicas 4:10

Qaq so Jabés nachoxonnot co'ollaxa Ñim Natamnaxala' na Israel le'ecpi, 'eeta': «Ñaq aỹem 'auchoxoren, qataq aỹem 'aỹa'anem ca qalochiguiñi 'alhua, aỹem 'autauan qataq aỹem 'ausoueeguesop na qauemsat, yaqto' saishet da nache queta da ñeque'eenaxac.» Qaq Ñim Lo'onatac 'Enauacna ỹanem som iỹaxanaique co'ollaxa somaye.

Deuteronómio 8:16

qataq huaña yi'iye toolec 'alhua da qami' iquia'axaneque so nallec maye chegaqasheguem le'enaxat maná, som nallec maye sa ỹauanapega co'ollaxa da chec so hua'au qarta'ailpi, qataq huaña da ỹo'ot so lta'araic qanque'eenaxaqui qataq so qañe'eguenataguiiqui da yaqto' qauaỹachiñi da qami' ỹaỹamaxattrapiguiñi Ñimaye.

Éxodo 15:18

¡Ñim Nataxala' chochaq tatec da ilotague' 'enauacna!»

Génesis 22:1

Qaq co'ollaq mashe qaỹoqteguelo soua vi'iye, nache Ñim Lo'onatac 'Enauacna ỹe'eguen so Abraham, nache iỹaxana somaye, 'eeta': «Abraham.» Nache somaye ỹasat, 'eeta': «Aja', aỹem soota'a ne'ena.»

Gálatas 1:4

So Jesucristo ỹataqta nache 'eetai' da ỹalaxaguet Ñi Qarta'a maye Lo'onatac 'Enauacna, qataq nañaneguet da nleuaxa yaqto' Ñimaye ỹapalaxat na qarasouaxashetpi qataq qomi' isoueeguesopa nam qauemsat maye huetalec ana 'alhua.

2 Corintios 1:20

Cha'aye Somaye, nacheso so ipacchigui naqa'en 'enauac na ỹachaxanapecpi Ñim Lo'onatac 'Enauacna. Qaq ỹoqo'oye da sho'oxorenaq Ñim Lo'onatac 'Enauacna, qaq chegoqchigui So Cristo Jesús da shenaqta' da qarasataxac, «Aja', nachera lataxac.»

Salmos 47:2

Cha'aye Ñim Nataxala', Ñim Nataỹaña 'enauacna, Ñimaye ỹataqta huo'o da lchec, Ñimaye nacheñi ñi lta'araic nta'a 'enauac na huetalec ana 'alhua.

Números 5:22

Qaq que'eca 'anhuaxanaguec, 'am talec qom mashe ime da 'anỹomgui ne'ena 'etaxat maye chegaqaigui ca 'anhuaxanaguec, nache ỹasheeraxachigui ana 'ara'am qataq ỹo'ot da sa 'auco'o›. Nache aca'aca 'alo ỹasat qome, 'eeta': ‹Aja', nache 'eetec.›

Apocalipsis 2:10

Saishet da 'añi'iỹa nam 'aỹa'aguet 'anque'eenaxacpi. Cha'aye so pa'aguenataxanaxaic, huo'o qome ca ỹamaxaigui añi ncoñetaxanaxaqui da qoñiita, da yaqto' ỹaỹaten da 'eesa da Aỹem qaua'amaqchiñiitac. Qami' ỹataqta qalota qome na qaviyeeguet lqalaic, qalaxaye saq qaỹauec. Qaq da huo'o da qarpi'iỹaxaqui Aỹem choche ivitta'a da qaullivi, nache Aỹem qami' sanema da nca'alaxa maye chochaq tatec da qaraviguiiqui.

Apocalipsis 1:18

qataq Aỹem ñeca'altauec. Aỹem co'ollaxa seleu, qalaxaye nagui chochaq tatec da ñeca'altauec, qataq huo'o da ỹa'añaxac da ñataỹaña da la'añaxac da nleuaxa.

Mateo 5:37

Nachaqrata da 'oonolec ca qarasataxaqui. Qoñiita': aja' huo'otaq saishet. Cha'aye ca choche qaỹachegoxotauec na'aqtac, camaye chegoqo'ot so pa'aguenataxanaxaic.

Daniel 4:25

Qaq 'am nta'a, 'am qanqateeguesop qome na shiỹaxauapi, nache 'aualectaigui qome na shiguiỹacpi, nache qollectac qome ana huoue qoneta'am ca nauegaxanaxala'pi huaca, nache na 'aỹa ỹapapiaxat na 'aro'oc. Qaq 'era da qome da 'eetec da 'anachaalataxac que'ecaua siete vi'iye 'am nta'a, nache ivitta'a da 'auauatton da Ñim Lo'onatac 'Enauacna maye Nataỹaña 'Enauacna, huo'o da la'añaxac da ilo'ogue da lo'onataxanaxac na shiỹaxauapi ana 'alhua, qataq nacheñi ñim ỹanem da nta'a cam taalec da ỹanem.

Proverbios 30:8

Ña qaỹoqteuga qome 'anqa'en da sheeta, na saq 'en lataxac qataq na natenataxanaxac, qataq saishet da aỹem sallaxanec 'anqa'en, qataq saishet da ỹoqta aỹem choxoraq 'anqa'en, nacherato' da aỹem 'aỹa'anem qome ca anoq maye ỹoqta seuen ye na'a'q,

Deuteronómio 8:2

Qataq saishet qome da qaucouaỹa'ai 'enauac so qanque'eenaxaqui maye huaiguilo se'esoua cuarenta vi'iye co'ollaq qoquiitalec ye toolec 'alhua, co'ollaq Ñimaye ỹe'eguen da qarquiyaqteỹaxaqui da ỹoqta 'eesa da qaupaquiichiguilo naua lamaxasoxonaxaco huo'otaq saishet.

1 Corintios 14:16

Cha'aye 'am da huo'otaq 'aatacot da 'ana'achec Ñim Lo'onatac 'Enauacna, qaq chaqrata da saqcha'a 'arca'alaxa da ntootapigui', qaq da na'axaỹaxaatac ca shiỹaxaua maye ỹaqa'a ca chegaqa'ague, nache saishet da nhuanaua'a ca 'anqouagaxaunaxac da 'aatacot da 'ana'achecỹaxac Ñim Lo'onatac 'Enauacna, cha'aye camaye saishet da ỹaỹate'n naua 'ara'aqtaqa.

Mateo 28:20

Qataq qauapaxaguiñic qome namayepi da ỹalaxalec 'enauac na ỹapaxaguenataxanaxacpi. Qaq Aỹem nache 'eetai' da qami' soota'agueta, choche ivitta'a ca loga't ana 'alhua.»

Daniel 7:18

Qalaxaye ime qome nache da no'onataxanaxac qoỹanem na nhuo' le'ecpi maye lalamaxat Ñim Nataxala' maye Nataỹaña 'Enauacna, nache chochaq tatec qome da lalamaxat.

Salmos 106:48

Ỹataqta 'am qaỹo'oxoren qome, 'Am Nataxala', maye 'Am Natamnaxala' na Israel le'ecpi, 'am maye nache 'eetai', qataq chochaq tatec qome da 'am qaỹo'oxoreetac, qaq 'enauac qome na ỹotta'a't nhuo' le'ecpi, 'eeta': «¡Aja', nache 'eetec!» ¡Qaỹo'oxoren qome Ñim Nataxala'!

Salmos 89:52

Ỹataqta nache 'eetai' qome da 'am qaỹo'oxoreetac 'Am Nataxala'. ¡Aja', nache 'eetec, aja', nache 'eetec!

Salmos 72:19

Nache 'eetai' qome da no'on da ỹo'oxoraic le'enaxat. Qataq 'enauac ana 'alhua imattalec da llo'oxoyec. ¡Aja' nache 'eetec!

1 Reyes 1:36

Nache so Benaías maye llalec so Joyadá, 'enapeco': ¡Aja', nache 'eetec, qaq nachera da 'eetec qome Ñim Nataxala' maye 'Anatamnaxala', 'am nta'a!

Apocalipsis 19:4

Nache soua veinticuatro nqueroxonqa qataq soua cuatro shiguiỹa'c maye nca'altraue'c, soomaye nqapaxanegueta ana 'alhua. Nache 'eetra' da la'aqta'c: «¡Aja', nache 'eetec! ¡'Enauac qome da qaỹo'oxoren Ñim Lo'onatac 'Enauacna!» Ime, nache ỹo'oxoreeta'ape Ñimaye maye nso'ootangui aso nso'onaxaqui da nta'a.

Apocalipsis 5:13

Nataqa'en sa'axaỹa 'enauac nam lo'onatacpi Ñim Lo'onatac 'Enauacna, 'eeta': «¡'Onaxaic da 'enauac qaỹo'oxoren Ñim nso'ootangui añi so'onaxaqui qataq nataqa'en Ñim Qagueta Llalec! 'Onaxaic da qaiỹaxana Ñim huo'o da llo'oxoyec, qataq Ñim nache 'eetai' da huo'o da na'aalaxa da lamaxasoxonaxac.»

Apocalipsis 3:14

'Auauo'o nataqa'en aca 'ere, ime nache 'auamaxa ñi namaxashec maye ilotague' nam ỹa'amaqten So Jesús maye netaña ye nỹecpi ye Laodicea. Qoneta': ¡Aỹem maye ỹe'enaxat da 'Eesa! Qaq ỹe'enaxat de'era, cha'aye sapaxaguenataxaateguec da 'eesa na'aqtaguec Ñim Lo'onatac 'Enauacna, qaq saishet da satenataxaatac. Qataq chegoqchigui Aỹem da Ñim Lo'onatacna ỹo'ot 'enauacna. Ñaq 'ana'axaỹaxana dam 'am sa'axatem:

Hebreos 11:36

Qalota so shiỹaxauapi ỹe'eetac somayepi, qataq sa iyacnapec qataq iviraxata'a da ỹanaigui ana ncoñetaxanaxaquipi.

1 Timoteo 1:17

Ỹoqo'oye nagui sanaxam da qayo'oxonnataxanaxa qataq da qaryacnataxanaxac Ñim Lta'a 'enauac nam shiỹaxauapi maye choche tatec, Ñim qaica ca loga't qataq saishet da qaila'a. Ñimaye nacheñi Ñim Lo'onatac 'Enauacna maye qaica ca lỹa 'ena'am, qataq ỹaanaxanaxaic. Aja', nache 'eetec de'era.

Jeremías 28:6

«¡Aja', 'onaxaico' da Ñim Nataxala' ỹo'ot de'era! ¡'Onaxaico' da Ñim Nataxala' ipacchigui naqa'en dam 'aua'axattac, da qañe'eguelaxat qome 'enauac so nhuenecpi maye lalamaxat añi atamnaxaqui, qataq da qañe'eguelaxat 'enauac som qaỹaueegue co'ollaxa da Babilonia!

Salmos 22:28

Cha'aye Ñim Nataxala' nacheñi Ñim Nta'a, qaq Ñimaye nacheñi ñi ilotague' na ỹotta'a't shiỹaxauapi.