Mateo 6:12 - La'aqtaqa Ñim Lo'onatac 'Enauacna 2013

¹² 'Auapalaxat qome na qauem maye so'otaq, 'eeta'ama qomi' da mashe sapalaxataq 'enauac nam qomi' qaỹo'oteque qauem.

Nuevo Testamento Toba Sur

¹² 'Auapalaxat qome da qadasouaxashit, 'eeta'ama qomi' da mashi sapalaxataq cam qomi' qai'oteque sa ÿaÿamaxañi.

Nuevo Testamento Toba Sombrero Negro

¹² Auapalaĝa't gaa'me ja 'noe'n jo'ne jauoqo'oe, Nach'e naq'aeta nale japalaĝata' gaa'me ja 'noe'n jo'ne qo'mi qo'yeteque.

Mateo 6:12 Referans Kwoze

Efesios 4:32

Chaqrato' da qami' soxoraiqa, qataq qami' choxonnataxanaxaiqa, ñi 'oonolec ỹataqta ichoxoren ca lỹa da huo'o ca ỹasouaxat, 'eeta'am Ñim Lo'onatac 'Enauacna da qami' ichoxore'n chegoqchigui naqa'en So Cristo.

Marcos 11:25

Qaq da qanqouagaxauñi qalaq qauchoxoyiñi ca shiỹaxaua maye huo'o ca qami' ỹo'oteque qauem. Yaqto' Ñim Lo'onatac 'Enauacna maye Qarta'ai maye neta'ague da piguem, ỹapalaxat na qarasouaxashechi.

Efesios 1:7

Chegoqchigui da l-leuaxa So Cristo co'ollaq qaiuaxaneguet so npe'enaxaqui, da Ñim Lo'onatac 'Enauacna ỹapalaxat 'enauac nam qarasouaxashetpi qataq qomi' isoueeguesopa namayepi. Qaq de'era ỹo'ot souaxat da chochaq huañi lsoxoyec Ñimaye. Ỹachegoxotchigui dam lta'araic laỹaanec qataq lauattonaxanaxac,

Colosenses 3:13

Ñi 'oonolec da qoñiita ỹataqta nhualaxaune' ca lỹa qataq ichoxoren da huo'otaq huo'o ca ỹasouaxat. Cha'aye, nache 'eetec So Cristo da qami' ichoxore'n.

Lucas 11:4

Qataq 'auapalaxat nam qarasouaxashetpi, 'eeta'ama qomi' da mashe sapalaxataq 'enauac nam qomi' qaỹo'oteque qauem. Qataq da qomi' nvitalo ca qañe'eguenataguec, nache saishet da qomi' 'auashenegueta da chegoqchigui camaye da 'am qolaqa'ai.»

Lucas 6:37

So Jesús nataqa'en 'enapeco': Saishet da qanmichi ca lasouaxashet ca qarỹai, yaqto' Ñim Lo'onatac 'Enauacna, saishet da qami' nmi't. Qataq saishet da qauauo'oi ca nhuaxanaguec ca qarỹai, yaqto' Ñimaye saishet da ỹauo'o ca qanhuaxanaguiiqui. Qauapalaxache ca lasouaxashet ca qarỹai, yaqto' Ñim Lo'onatac 'Enauacna ỹapalaxat ca qarasouaxashechi.

Éxodo 34:7

Nam ỹataqta qaica ca loga't da lauotaxanaqtaic, qataq ishet da ichoxoren ca huo'o ca npe'enaxac qataq ca sa ỹalaq, qataq ca huo'o ca lasouaxashet. Qalaxaye nataqa'en ishet da ỹauo'o ca nhuaxanaguec ca shiỹaxaua maye qauema naua ỹo'otta'ape, qataq ca llalaqpi, laualpi qataq ca llalaqpi ca laualpi camaye.»

Salmos 32:1

Ỹataqta machiguiñi qome ca shiỹaxaua maye imauec da qaỹapalaxat na lasouaxashetpi qataq da lle'etaxaloxo.

Salmos 130:4

Qalaxaye 'am hueto'ot da nchoxonnataxanaxa, ỹoqo'oye ishet da huo'o naq 'enec qanqa'en 'am.

1 Reyes 8:39

qaq 'am ye qoneto'ot na piguem, 'aua'axaỹa qome camaye, qataq 'auapalaxat ca lasouaxashet, qaq 'am maicheye ca 'aỹa'anem ñi 'oonolec, cha'aye 'am maye 'auauatton da lataxac, qataq nache 'amta da 'auaỹaten da lquiyaqteỹaxac na shiỹaxauapi,

1 Reyes 8:30

Qataq 'aua'axaỹa qome da lỹaxanaxac ne'ena 'aramaxashec, qataq na 'aralamaxat nhuo' Israel le'ecpi qom ivita da nqouagaxauen da hueta'a ne'ena. Qataq 'aua'axaỹa da qoueta'a na piguem maye 'aranataqa', ñaq 'aua'axaỹa qome qataq 'auapalaxat na lasouaxashetpi.

Isaías 1:18

¡Ñim Nataxala', 'eeta': «Ña qauanaqui da ñecotaỹaqapigui de'era lataxac, na'aictoxo' da ỹataqta togaxaraic na qarasouaxashichi, qalaxaye Aỹem so'ot qome da ỹataqta ỹapagaq 'eeta'am aca aloñi, na'aictoxo' da 'eeta'am ca ỹataqta togaxaraic nqo'oilliguishec hualoxolaỹi, qalaxaye Aỹem so'ot qome da ỹataqta ỹapagaq 'eeta'am ca qagueta laue.

Daniel 9:19

¡'Am Nataxala', 'Am Nataxala'! ¡Ñaq qomi' 'aua'axaỹalo, qataq qomi' 'auchoxore'n! ¡Ña qomi' 'auqocha'alo 'Am Nataxala', nache 'auanac da qomi' 'autaua'n! ¡Qaq souaxat da 'arauotaxanaqtaic da qoneta 'Am Ñatamnaxala', qataq souaxat nam huaqta'a't nỹecpi, qataq souaxat na 'aralamaxat nhuo' le'ecpi, maye iỹaxaatega da 'are'enaxat, nache sa 'anaỹaloxon qome da 'auanac!

1 Reyes 8:34

nache 'am maye qoneto'ot na piguem 'aua'axaỹa qome namayepi, nache 'auapalaxat ca lasouaxashet, qaq da huo'otaq qaỹauec nache 'añe'eguelaxata qome ne'ena 'alhua maye 'aỹa'anem co'ollaxa so hua'au lta'alpi.

1 Reyes 8:50

Qataq 'auapalaxat qome na 'am hueto'ot lasouaxashetpi ne'ena 'aralamaxat nhuo' le'ecpi, souaxat da 'am dataỹa'aguet. Qataq que'eca mpa'aguenaxauapi maye loxonec namayepi, 'aỹa'anem da ichoxoren qome namayepi.

Hechos 13:38

Qaq ỹoqo'oye, qami' ỹaqaỹa't, 'era da na'aqtaxanaxac maye qami' sa'aqtaxanaqteguema, da So Jesús ishet da ỹapalaxat 'enauac na nasouaxashet. Na namaxasoxonaxacpi maye chegoqo'ot so Moisés qalaq saishet da huesoueeguesop naqa'en qami' na qarasouaxashechi.

Mateo 9:2

Qaq huaña yemaye, co'ollaq qairoua'a so ỹale maye sa da'añiigue, qaỹachetalec so lmala'. Qaq So Jesús co'ollaq ila'a da lpi'iỹaxa'c soomaye, nache 'enapega som ỹale, 'eeta': «¡'Ana'añaxat, 'am ñauochaxaua! Aỹem mashe sapalaxat 'enauac na 'arasouaxashetpi.»

Mateo 26:28

Cha'aye nachenaua naua maiche itago'q qataq chegoqchiguilo naamaye da Ñim Lo'onatac 'Enauacna naỹamaxate' 'enauac da qoñiita. Ne'enaua itago'q chegoqchiguilo da qaỹapalaxat na qalota lasouaxashet na shiỹaxauapi.

Lucas 13:4

¿Qaupi'itaxañiitega peta'a da se'eso dieciocho, maye ileu co'ollaq hua'axañi aso naue maye naña ye Siloé, da somayepi talec de'era, cha'aye ỹoqta ỹapactec da lasouaxashet qaq saq 'ena'am na laỹepi maye netaña ye Jerusalén?