Mateo 6:1 - La'aqtaqa Ñim Lo'onatac 'Enauacna 2013

¹ Qami' da huo'otaq huo'o ca qauo'oche ỹaỹamaqchiguiñi, qalaq saishet da qaua'axacheeteua'alo: cha'aye da nache qoñiitec de'era, nache Ñim Lo'onatac 'Enauacna maye Qarta'ai saishet da ỹauo'o ca qansheetenaguiiqui.

Nuevo Testamento Toba Sur

¹ Sa ishit qome da qanachaxañiita da huo'otaq qau'ochi da qad'amqajnataxanaxaqui, da yaqto' qami' ÿauaachiguilo na shiÿaxauapi. Cha'ayi da nachi qoñiitec de'eda, nachi ñi qadta'ai mayi neta'ague da piguem, ñimayi sa ishit da ÿauo'o ca qanshiitenaguiiqui.

Nuevo Testamento Toba Sombrero Negro

¹ “Ena'te ch'e aualoĝoñiyalo gaa'me at'onataqadi' jo'ne 'noote' ga'me jiyaĝadipi, qom nach'edata da'me jetaque ami qoyauanalo. Qom naq'aeta da'me auauoyi, ñe'me Adet'ai jo'ne na'ague di'me piyem ja ami 'te yanema ga'me anejetenaguequi.

Mateo 6:1 Referans Kwoze

Mateo 23:5

Qaq ỹo'ot 'enauac ne'ena namayepi, cha'aye nshetaique da na shiỹaxauapi huo'o da la'aalaxa. Ỹoqo'oye ỹauo'o natai' lereguishecpiolec ỹachegoxotaigui ana nere maye huetalec na la'aqtacpi Ñim Lo'onatac 'Enauacna, ime nache ỹauo'o aso laỹe' lo'ocole qataq ỹauo'o so lquet, nache ishet da ỹaxachigui na lqaic da ỹaatelec na latap huo'otaq na lhuaq. Nache nquigaxattauec ye lcata asa'aso laỹe' qataq ỹo'ot na lasoviaxanatac naua loga'te naua alogo da yaqto' na shiỹaxauapi ipettega da ỹataqta ỹalaxaguet Ñim Lo'onatac 'Enauacna.

Juan 12:43

qataq souaxat da namayepi nqopita da maiche ỹo'oxoreetac na 'eeta'am shiỹaxauapi, qaq saishet da ipacapegue' cam llo'oxoyec maye ỹanem Ñim Lo'onatac 'Enauacna.

Hebreos 6:10

Ñim Lo'onatac 'Enauacna ỹataqta no'on da lataxac, ỹoqo'oye saishet da huo'otaq icoua'ai nam qauo'oche qataq nam qoquiito'ot da qauo'ocheetac da yaqto' qautauañi nam lalamaxatpi qataq lca'aguishecpi. Qataq da nache qoñiitec de'era, nache qami' nataqa'en qauachaxañi da qauauochec Ñim Lo'onatac 'Enauacna.

Lucas 16:15

Nache So Jesús 'enapeco': «Qami' maye nacheqami' choche qanachaxañiitega 'enauac na shiỹaxauapi da qami' no'o'n, qalaxaye Ñim Lo'onatac 'Enauacna ỹauatto'n naua qarquiyaqchilli'. Cha'aye cam ỹamata'ac nam shiỹaxauapi da 'eetega 'amaqtaqaic, qaq nacheca cam ỹataqta ỹaỹemec Ñim Lo'onatac 'Enauacna.

Gálatas 6:12

Nam shiỹaxauapi maye qami' ỹamaqtaleguete da qauo'oche ca qana'anaxache, namayepi choche huotaique da qaỹamateguet. Cha'aye saishet da ỹaỹamaxaren da sa qaiyacnapec souaxat da ỹa'axattac da 'eetec co'ollaq So Cristo da qaiuaxaneguet so npe'enaxaqui.

Juan 5:44

Qaq ¡Ca 'eeteco' da qami' Aỹem qaua'amaqchiñi, ye qami' qarqopitaxache da qami' ỹo'oxoreeta'ape na shiỹaxauapi, qaq saishet da ỹo'oxoren Ñim Lo'onatac 'Enauacna maye 'oonolec!

Ezequiel 33:31

Qaq 'era da 'eetec naxa na ỹalamaxat nhuo' le'ecpi, da anac nache nso'ooñi 'am datato'ot da na'axaỹaxanalo naua 'ara'aqtaqa, qalaxaye saishet da ỹo'o't. Nacherata da ỹe'eguelaxattaleguete 'eeta'am naqa'en ca no'onec maye huetaigui da nauotaxanaqtaic, qalaxaye da lquiyaqteỹaxac quetague' da lauotaxanaqtaic ana anom plata.

2 Juan 1:8

Qaq maxatchaxa qome qanchilỹañi yaqto' saishet da qauqataqchichi 'enauac nam no'on maye qami' so'otaxaque. Cha'aye da saishet da nache qoñiitec de'era, nache qami' saishet da qauacoñiiguet cam ỹataqta nalochiguiñi qansheetenaguiiqui maye chegoqo'ot Ñim Lo'onatac 'Enauacna.

Marcos 8:15

Nache So Jesús huaqattapegueleguete soomaye, 'eeta': –Maxatchaxa qome, qarvichiỹa'a ana ỹasheeraxachigui ana nauole maye huetaigui na fariseopi qataq ñi Herodes Antipas.

Mateo 6:16

Qaq da ivita da qanqouaqchichi, qalaq saishet qome da yo'oqta da daquico da qarasheguiỹaxaqui, da qoñiita'am nam shiỹaxauapi maye choche nachaxaatac. Namayepi 'eetec de'era, cha'aye huotaique da qaỹaỹaten da nqouaqchettac. Qaq Aỹem qami' shenapegalo da namayepi sogote huo'o da nsheetenaguec.

Mateo 16:6

Nache So Jesús 'enapegalo soomaye, 'eeta': –Maxatchaxa qome, qarvichiỹa'a ana ỹasheeraxachigui ca ndaqñiguishec 'ayiiña maye huetaigui na fariseopi qataq na saduceopi.

Lucas 12:15

Ime, nache ỹamataigui som hueta'a yi'iye, nache 'enapeco': «Maxatchaxa, qarvichiỹa'aguet da nqopitaxanaqtaic da nsallaxa, cha'aye da nachaalataxac ca shiỹaxaua saishet da ỹachegoxotaigui nam saqalota lsallaxa maye hueto'ot.»

Mateo 5:48

Ỹoqo'oye qami' iuen da ỹataqta nalochiguiñi da qarataxaqui, qoñiita'am Ñim Lo'onatac 'Enauacna maye Qarta'ai maye neta'ague da piguem da ỹataqta nalochiguiñi da lataxac.

Mateo 5:16

Qaq nache 'eetec qome nataqa'en da qoñiita, da qarataxaqui iuen da 'eeta'am aca ncoỹaraxanaxaqui da 'eroigui qataq ỹachaxan da 'eetec da qaỹalaxaguet Ñim Lo'onatac 'Enauacna. Qauo'oche ca ỹaỹamaqchiguiñi, yaqto' ila'a na laỹepi shiỹaxauapi. Ime, nache namayepi ỹo'oxoren Ñim Lo'onatac 'Enauacna, Ñim Qarta'ai maye neto'ot na piguem.

Lucas 11:35

Qaq ỹoqo'oye maxatchoxo' qome, saishet da qauo'omaxache dam yo'oqchiguiñi maye huetaigui da qanachaalataxaqui.

Salmos 112:9

Qataq itauaatac na choxoraqpi, qaq da lqouagaxanaqtaic qalaq nache queta, qaq da la'añaxac huo'o qanqa'en da llo'oxoyec.

Lucas 12:1

Qaq ñaq queta da qalota so shiỹaxauapi lapootapegueua'a So Jesús qataq mashe ivira da huo'o na qaỹe'eguingui. Nache Somaye 'enapegalo soua lapaxaguenataqa, 'eeta': «Maxatchoxo' qome, qarvichiỹa'aguet da latenataxanaxac na fariseopi. Namayepi ỹataqta ỹatenachettac na shiỹaxauapi da 'eetega 'eesa nam la'aqtaxanaxacpi.

Mateo 25:40

Qaq Aỹem maye Aỹem Nta'a, sheeta': «Dam qauo'ochec na shiỹaxauapi maye qaica ca la'amaqchec ana 'alhua, qataq nam samata'ac da ỹataqta ỹaqaỹañicpi, nache damaye 'eeta'am da nache Aỹem da Aỹem qauo'ochec.»

Mateo 5:46

Cha'aye qami' da ndotec cam qami' ỹauoteque da qauauochec, nache ¿negue't cam qaraviguiiqui da qauo'ocheetac de'era? Ye ivira'a nam ỹacootapeeguet ana nsheetenaqte ca nta'a maye netaña ye Roma ỹo'ottac de'era.

Zacarías 7:5

«Qonapega qome 'enauac na shiỹaxauapi maye hueta'a ne'ena 'alhua, qataq 'enauac na ntaxaỹaxanaxanecpi, qoneta': ‹Qami' qauo'ocheetac naxa da qanqouaqchetaxaqui qataq qanỹeñiitac naxa da ivireuga so ca'agoxoic cinco, qataq so ca'agoxoic siete, qaq de'era mashe ivi' setenta años da qauo'ocheetac. Qalaxaye saishet da qauo'ocheetac damaye, souaxat da huo'o naq 'enec qanqa'eñi aỹem,

Mateo 23:13

Nache So Jesús 'enapega som fariseopi qataq som dapaxaguenataxaatapeguec na namaxasoxonaxacpi, 'eeta': ¡Ỹataqta qauem da qa'aita'ague qami' tenataxanaxaicpi! Cha'aye qami' qauapoigui ñi lasom dam lo'onataxanaxac Ñim Lo'onatac 'Enauacna, da yaqto' saishet da huo'o ca inoxoneuo. Qalaxaye ivira'alo qami' saishet da qaunoxoñiiuo, qataq saishet da qauashiñim da inoxoneuo nam nshetaique da inoxoneuo.

Mateo 6:9

Qaq ỹoqo'oye da qanqouagaxauñi, qalaq qoñiita': «'Am Qarta'a maye qoneto'ot na piguem, 'enauac qome da 'am qaỹauatton da 'am 'oonolec maye 'Aro'onatac 'Enauacna.

Deuteronómio 24:13

Nacherata da qaỹe'eguelaxatem que'eca lpatanec da yaqta'a da inoxooñi añi nala', yaqto' napogoña camaye da do'oche da pe. Yaqto' 'am ỹasaxalec ca 'onaxaic la'aqtac, qataq ỹaỹamaxareeta da 'arataxac da 'am ỹalletagui Ñim Nataxala' maye 'Anatamnaxala'.

Hebreos 2:1

Qaq ỹoqo'oye qomi' iuen da ỹataqta sauoqo'o da qarqochoxo da na'aqtaxanaxac maye chegaqaigui da nca'alaxa maye sa'axasoqchigui, yaqto' saishet da qolaqa'ai so nqa'aic maye qomi' ỹachaxanalo Ñim Lo'onatac 'Enauacna.

Daniel 4:27

Qaq ỹoqo'oye 'am nta'a, qoquetegue qome de'era ỹapaxaguenataxanaxac: 'Ano'onaxat qome da 'aro'onataxanaxac, nache saishet da qaltaq 'auauo'o ca 'arasouaxashet, nache tachiguiña 'anqa'en nam qauem maye 'auo'ottac, nache qouapegue' qome da 'autauan na choxoraqpi. Qaq saiuena'a da nachera da chegoqchigui da nache queta da 'anachattaigui da 'arlagaxayec qataq da qaica ca 'auena'a 'am nta'a.»

Hebreos 11:26

Qaq cha'aye saishet da ỹaỹamaxaren da nque'etaxaachigui da lsallaxa ye 'alhua Egipto. Nache so Moisés maiche lhuennataxac da ỹaỹamaqchiguiñi da nque'eten da 'eeta'am da nque'eenaxac ca Lca'aguishec Ñim Lo'onatac 'Enauacna. Cha'aye so Moisés ỹataqta ỹaỹateeta da Ñim Lo'onatac 'Enauacna ỹami' ca no'on nsheetenaguec somaye.

Mateo 16:27

Cha'aye Aỹem Shiỹaxaua Llalec, saqaỹaloq da ñe'eguelaq ñanactaigui da la'añaxac Ñim Lo'onatac 'Enauacna qataq na ỹamaxashecpi da yaqto' sanem ca laueguec nam 'onaxaic nam ỹo'ottacpi qataq sauo'o ca nhuaxanaguec na qauem nam ỹo'ottacpi.

2 Reyes 10:31

Qalaxaye so Jehú, saishet da imauec da lquiyaqteỹaxac da ỹataqta ỹalaxaguet nam lqataxacpi Ñim Nataxala', maye Natamnaxala' so Israel le'ecpi, cha'aye saishet da ca'ai nam qauem ỹo'otpi so Jeroboán, maye ỹo'ot co'ollaxa nam lasouaxashetpi so Israel le'ecpi.

2 Reyes 10:16

nache 'eeta': Ñaq aỹem 'auca'ategue, yaqto' 'auauaachigui da ỹataqta seca'alaxaalec Ñim Nataxala'. Huaña nache inotaxanaxangui aso laigona nache ỹauec.

Zacarías 13:4

Qaq que'eca na'a'q, na na'aqtaxanaxanecpi, huo'o qome da la'agaxa da ỹa'axattac nam lauanaqchecpi. Nache qaica qome ca datenataxan da napotaña ca lapo' na na'aqtaxanaxanecpi,

Hechos 3:12

Nache so Pedro co'ollaq ila'a de'era nqochoxo, nache 'enapego' so shiỹaxauapi, 'eeta': –Qami' Israel le'ecpi, ¿chaq ta'ainco' ye ỹapactec da qarqochoqoi? ¿Ta'ainco' da qomi' qauloito'oto, 'ena'amo' da nacheqomi' da ñatarenaq de'era ỹale, huo'otaq da maiche qara'añaxac da seroxolec damaye da yaqto' queuoỹapigui'?