Mateo 5:8 - La'aqtaqa Ñim Lo'onatac 'Enauacna 2013

⁸ Ñim Lo'onatac 'Enauacna ỹaalec da nqouagaxa nam qui'itta da lquiyaqteỹaxac, cha'aye namayepi nauane' qome Ñim Lo'onatac 'Enauacna.

Nuevo Testamento Toba Sur

⁸ Qataq ÿataqta machiguiñi qome nam qui'itta da lquiyaqteÿaxac, cha'ayi namayipi nauane' qome ñi Dios.

Nuevo Testamento Toba Sombrero Negro

⁸ “Nataq'aen made'tapolqa qomle jogaa'me jo'ne yoqovichiguilo naa'me lai'li, qa'a nach'egaua gaa'me jo'ne yauata qomle ñe'me Dios.

Mateo 5:8 Referans Kwoze

Salmos 24:4

Qomye nachecata ca qui'itte' naua lhua'q qataq ỹaỹamaqta da lquiyaqteỹaxac, qataq saishet da natameetacot na nqolacpiolec, qataq saishet da ỹanot ca la'aqtac nam saq 'en atamnaxala'pi.

Salmos 51:10

'Am Ñatamnaxala', ñaq aỹem 'aỹa'anaigui qome aca qui'itta nquiyaqte, qataq 'aỹa'anem so saqcha'a ica'alaxa da saq 'am ca'ai.

Hebreos 10:22

Qaq ỹoqo'oye no'on da ña'añaxataxac de'era qanauochaxac Ñim Lo'onatac 'Enauacna, qataq ỹataqta 'eesa ñaqa'enaq da qarpi'iỹaxac So Cristo. Cha'aye Somaye nacheso so qomi' iỹoueeguesopa na qarasouaxashetpi, 'eeta'am da qomi' iỹoi' da deỹoxona ca 'etaxat maye ỹataqta qui'itta. Qaq ỹoqo'oye mashe qomi' huesoueeguesopa naqa'en na qarasouaxashetpi.

Hebreos 12:14

No'on da ỹataqta qanpogoxoiñiỹapegue' da qaulaquiitapiguiñi, qataq qaualaqaiguet Ñim Lo'onatac 'Enauacna, cha'aye da saishet da nache qoñiitec de'era, nache saishet da ivira da ỹataqta qauloito'ot Ñimaye.

Proverbios 22:11

Ca nta'a ỹauotec ca huesota da lquiyaqteỹaxac, qataq ishet da nauochaxaua ca no'o'n naua la'aqtaqa.

Santiago 4:8

Qanquiquiỹot Ñim Lo'onatac 'Enauacna, qaq Ñimaye nataqa'en qami' nquiigueta. ¡Qami' 'etaxaloxoicpi, qaỹa'axañiiñi da qauo'ocheetac na qauem! Qami' maye qauauoitaique da qauauochec Ñim Lo'onatac 'Enauacna, qalaxaye nataqa'en qauauoitaique da qauo'ocheetac na qauem, qami' iuen da qauauo'oi ca qarasataxaqui: da nacheñi Ñim Lo'onatac 'Enauacna da qoquiigue huo'otaq qoquiigue da ñe'etaxaloxo.

1 Pedro 1:22

Nagui qami' qaualaqaiguet dam 'eesa la'aqtaxanaxac Ñim Lo'onatac 'Enauacna: nache Ñimaye iỹouec 'enauac na qarasouaxashechi: da yaqto' ñi 'oonolec da qoñiita ỹataqta 'eesa da ỹauotec ca lqaỹa. Qaq ỹoqo'oye ñi 'oonolec da qoñiita ỹataqta imauec naqa'en da lquiyaqteỹaxac qataq da la'añaxac da ỹauotec ca lqaỹa.

Santiago 3:17

Qalaxaye nam hueto'ot da naỹaanec maye chegoqo'ot Ñim Lo'onatac 'Enauacna, saishet da ỹo'ottac na qauem, nachaqrata da nmitta'a da nlagaxayec qataq laxaraicpi qataq huo'o da lauotaxanaqtaic na laỹepi; qataq ỹalecaua'a da nqui'ic nam huetaigui da nque'eenaxac qataq nache 'eetai' da ỹo'ottac ca ỹaỹamaqchiguiñi. Qataq saishet da lca'atagui na laỹepi, qataq ỹataqta 'eesa da quetague' So Cristo.

Tito 1:15

Ca shiỹaxaua, da ỹalaxaguet qataq ỹa'amaqten So Cristo, qaq qui'itta naqa'en 'enauac na chochena lataxaguesat. Qalaxaye nam sa ỹalaxaguet qataq sa ỹa'amaqten Somaye, nache namayepi qaica ca qui'itta naqa'en. Cha'aye da lhuennataxa qataq da ntoonaxac ivira'a da ỹataqta qauem.

Salmos 15:2

Nachecata ca qaica ca lasouaxashet, qataq ỹo'ottac ca no'on lataxac, qataq ca ỹataqta 'eesora naua 'ena'ape 'enauac da lquiyaqteỹaxac,

Hechos 15:9

Ñim Lo'onatac 'Enauacna saishet da qomi' lca'ataguilo, da yaqto' iỹotauga namayepi, cha'aye namayepi nataqa'en qaỹapalaxat na lasouaxashetpi co'ollaq ỹa'amaqten So Jesús.

Salmos 73:1

Ñim Lo'onatac 'Enauacna, ỹataqta soxoraic, ichoxoren na Israel le'ecpi, nam qui'itte' naua lquiyaqte.

Hebreos 9:14

Qaq da 'enauac damaye da 'eesa da huo'o da la'añaxac, nache ỹactec qone' da la'añaxa'c naua ltago'q So Cristo. Cha'aye chegoqchigui som Saqcha'a Na'añaxac maye chochaq tatec, da So Cristo maiche nañanot Ñim Lo'onatac 'Enauacna da 'eeta'am aca nachetaqtaxanaqte maye qaỹavigaxatta qataq ỹataqta qui'itta. Qaq naua ltago'q, nachenaua naua chegoqchiguilo da qomi' qui'itte' qataq chegoqchiguilo da qaỹapalaxa't naua qarasouaxashe'ete qataq da yaqto' ishet da so'onataxanaqot Ñim Lo'onatac 'Enauacna maye nache 'eetai' da nca'altauec.

2 Corintios 7:1

Qaq ỹoqo'oye qami' ñauochaxau' ỹaqaỹa't, 'era da qomi' qaỹachaxanapecoto. Qaq ỹoqo'oye saishet qome da so'otaq ca qauem, nachaqrato' da qomi' huesochiyiñi qataq saishet da huo'o ca qarasouaxashet hueto'ot Ñim Lo'onatac 'Enauacna, yaqto' Ñimaye qomi' ỹaconegueta. Sho'oxorenaq Ñim Lo'onatac 'Enauacna qataq ñepogoxoinaqapegue' da qomi' qui'itte', shenaqta'am Ñimaye.

Salmos 18:26

qataq da qui'itta 'arataxac 'auachaxana ca qui'itta da lataxac, qalaxaye sa 'anqalaate' da 'anapacalec ca shepecaiqa naua la'aqtaqa.

1 Corintios 13:12

Nagui da qarauattonaxanaxac Ñim Lo'onatac 'Enauacna, damaye saxanaxa da yo'oqoolec, 'eeta'am da seloqtalec aca tannaxai da 'omalec. Qalaxaye da nauattonaxanaxac qom ivita da nalochiguiñi, huaña nache selaqa'a Ñim Lo'onatac 'Enauacna. Nagui da ỹauattonaxanaxac saxanaxa da nalochiguiñi. Qalaxaye qom ivita da nalochiguiñi, huaña nache sauattoota Ñimaye, 'eeta'am da 'eetec da aỹem ỹauattoota Ñimaye.

Apocalipsis 22:4

Huaña, nache qanma'ai' da qanauane' Ñim Lo'onatac 'Enauacna. Qaq da le'enaxat Ñimaye, nache nanettalec naua lata'api namayepi.

Génesis 32:30

Qaq so Jacob, nache ỹanagui da le'enaxat «Peniel» yi'iye 'alhua, cha'aye 'enapeco': «Aỹem ñema'ai' da ñauane' Ñim Lo'onatac 'Enauacna, qalaq ñaq 'eetalec da ñeca'altauec.»

Salmos 51:6

Qataq saỹateeta da 'auauotec, da lquiyaqteỹaxac ca no'on ỹale, ỹoqo'oye saqcha'a 'anqa'en da aỹem 'aỹa'anem da ỹaỹaanec.

2 Samuel 22:27

qataq 'Am huesota, da huesota ca shiỹaxaua, qalaxaye sa 'anqalaate' da 'oicnapec, cam ỹe'enai' ca lỹa.