Mateo 5:7 - La'aqtaqa Ñim Lo'onatac 'Enauacna 2013

⁷ Ñim Lo'onatac 'Enauacna ỹaalec da nqouagaxa nam choxonnataxanaxaicpi, cha'aye Ñimaye ichoxoren nataqa'en namayepi.

Nuevo Testamento Toba Sur

⁷ Qataq ÿataqta machiguiñi qome nam ichoxoden ca lÿa, cha'ayi ñi Dios ichoxoden qome namayipi.

Nuevo Testamento Toba Sombrero Negro

⁷ “Nataq'aen made'tapolqa qomle gaa'me jo'ne choĝodena taĝanaĝayaqa, qa'a nach'egaua gaa'me jo'ne qoyichoĝode'n qomle.

Mateo 5:7 Referans Kwoze

Efesios 4:32

Chaqrato' da qami' soxoraiqa, qataq qami' choxonnataxanaxaiqa, ñi 'oonolec ỹataqta ichoxoren ca lỹa da huo'o ca ỹasouaxat, 'eeta'am Ñim Lo'onatac 'Enauacna da qami' ichoxore'n chegoqchigui naqa'en So Cristo.

2 Samuel 22:26

«Qaq 'Am Nataxala', ỹataqta 'auchoxoren, ca shiỹaxaua choxonnataxanaxaic, qataq 'auo'otec ca ỹaỹamaqchiguiñi, cam nalochiguiña da lataxac,

Salmos 18:25

Qataq 'am Nataxala' 'auchoxoren ca choxonnataxanaxaic, qataq 'auo'otec da no'on ca no'on da lataxac,

Santiago 2:13

Cha'aye Ñim Lo'onatac 'Enauacna saishet da ichoxoreetac cam saishet da ichoxoren ca lỹa. Qalaxaye ca huo'o da lchoxonnataxanaxa ca lỹa, nache camaye qaica ca lasouaxashet qom qanmitna.

Santiago 3:17

Qalaxaye nam hueto'ot da naỹaanec maye chegoqo'ot Ñim Lo'onatac 'Enauacna, saishet da ỹo'ottac na qauem, nachaqrata da nmitta'a da nlagaxayec qataq laxaraicpi qataq huo'o da lauotaxanaqtaic na laỹepi; qataq ỹalecaua'a da nqui'ic nam huetaigui da nque'eenaxac qataq nache 'eetai' da ỹo'ottac ca ỹaỹamaqchiguiñi. Qataq saishet da lca'atagui na laỹepi, qataq ỹataqta 'eesa da quetague' So Cristo.

Colosenses 3:12

Cha'aye Ñim Lo'onatac 'Enauacna ỹataqta qami' ỹauoteque, qataq qami' lca'agui'she, da yaqto' qami' lalamaqa'ate. Qaq ỹoqo'oye ỹataqta qami' choxonnataxanaxaiqa, qataq qami' huotaxanaqtaqaiqa, qataq sa qami' na'amqaanaxaiqa, qataq qami' huesotte' da qarataxaqui, qataq qami' hualaxaunaxaiqa.

Lucas 6:35

Qalaxaye qami' ỹataqta qauauochec ca qami' ipa'agueeta'ape, qataq qauaỹamaxacheeta qataq da huo'o ca qaua'aalaxanaxañic qalaq saishet da qauacheeta'a da qami' isheete'n. Cha'aye da nache qoñiitec de'era, nache Ñim Lo'onatac 'Enauacna maye 'amaqtaqaic qami' ỹanema ca qansheetenaguiiqui qataq ỹataqta qami' llalqa. Ñimaye ỹataqta choxonnataxanaxaic, ichoxoren na shiỹaxauapi maye qauem da lataxac qataq sa nmanapec.

Miqueas 6:8

Ñim Nataxala' mashe 'am da'aqtaxaatapeguem dam no'on. Maye iuatta'a Ñimaye da 'auo'ot, 'eeta': 'Auo'ot da nalochiguiñi lataxac, qataq 'auo'ot da nchoxonnataxanaxa, qataq 'am huesota da 'auatato'ot Ñim 'Anatamnaxala'.

Proverbios 19:17

Da qaỹa'aalaxanaxan ca choxoraq qalaq 'eeta'am da nacheñi Ñim Nataxala' da qaỹa'aalaxanaxan, ỹoqo'oye Ñim Nataxala' maiche isheeten que'eca ỹan aca na'aale.

Hebreos 6:10

Ñim Lo'onatac 'Enauacna ỹataqta no'on da lataxac, ỹoqo'oye saishet da huo'otaq icoua'ai nam qauo'oche qataq nam qoquiito'ot da qauo'ocheetac da yaqto' qautauañi nam lalamaxatpi qataq lca'aguishecpi. Qataq da nache qoñiitec de'era, nache qami' nataqa'en qauachaxañi da qauauochec Ñim Lo'onatac 'Enauacna.

Daniel 4:27

Qaq ỹoqo'oye 'am nta'a, qoquetegue qome de'era ỹapaxaguenataxanaxac: 'Ano'onaxat qome da 'aro'onataxanaxac, nache saishet da qaltaq 'auauo'o ca 'arasouaxashet, nache tachiguiña 'anqa'en nam qauem maye 'auo'ottac, nache qouapegue' qome da 'autauan na choxoraqpi. Qaq saiuena'a da nachera da chegoqchigui da nache queta da 'anachattaigui da 'arlagaxayec qataq da qaica ca 'auena'a 'am nta'a.»

Hebreos 4:16

Qaq ỹoqo'oye da huo'o ca qarhuenaxanaxa, nache no'on da maiche sauoqo'o da qanaquitaxac da ñequigaxaua'a ca hueta'a Ñim Lo'onatac 'Enauacna. Qaq Ñimaye qomi' itaua'n, cha'aye ỹataqta soxoraic, qataq qomi' lauotaqa'ate.

Proverbios 11:17

Ca choxonnataxanaxaic, camaye maiche no'onaxaala't, qaq ca sancherapec qalaq maiche nque'emaqcheela't.

1 Pedro 2:10

Qami' co'ollaxa saishet da qami' lalamaqa'ate Ñim Lo'onatac 'Enauacna, qalaxaye nagui ỹataqta qami' lalamaqa'ate Ñimaye. Ñim Lo'onatac 'Enauacna co'ollaxa saishet da qami' ichoxoreeta'ape, qalaxaye nagui Ñimaye ỹataqta qami' lauotaqa'ate.

Marcos 11:25

Qaq da qanqouagaxauñi qalaq qauchoxoyiñi ca shiỹaxaua maye huo'o ca qami' ỹo'oteque qauem. Yaqto' Ñim Lo'onatac 'Enauacna maye Qarta'ai maye neta'ague da piguem, ỹapalaxat na qarasouaxashechi.

Proverbios 14:21

Ca ỹo'otan ca nauochaxaua qalaq huo'o da lasouaxashet, qaq ca ichoxoren na choxoraq qalaq ỹataqta machiguiñi.

Oseas 2:1

Huaña qome nache qoñiỹapega na qarqaỹaipi, qoñeeta': «Nhuo' le'ecpi maye lalamaxat Ñim Lo'onatac 'Enauacna», qataq ana qarqaỹaipi: «Nchoxonnatapi.»

Salmos 112:9

Qataq itauaatac na choxoraqpi, qaq da lqouagaxanaqtaic qalaq nache queta, qaq da la'añaxac huo'o qanqa'en da llo'oxoyec.

Salmos 112:4

Ca no'on da lataxac qalaq qaicoỹattalec da huo'o na napalaxa, nataqa'en cam hualaxaunaxaic, choxonnataxanaxaic qataq ca nalochiguiñi da lataxac.

Salmos 37:26

Ỹataqta imerauec naua na'axa'te da huo'o da lchoxonnataxanaxa qataq ỹan da na'aalaxanaxac, qaq na llalaqpi chegoqchigui da nchoxonnataxanaxa.

1 Timoteo 1:13

Qaq Somaye aỹem ỹo'otec de'era, na'aictaxa da so lỹa na'a'q ỹataqta sasaxaleguete na itaxaỹaxaco qauema da sa seyacnapec, qataq secaatac, qataq sesheueetac. Qalaxaye Ñim Lo'onatac 'Enauacna ỹataqta aỹem ichoxoren, cha'aye saxanaxa da sa'amaqten So Jesús, qataq ỹataqta sa saỹaten da so'ottac.

1 Corintios 7:25

Qaq ana pa'ai qataq ana saxanaxa da huaron, aỹem qaica ca iqataxac chegoqo'ot So Qarataxala' da sanem. Qalaxaye sami' da iuennataxac, qaq ishet da aỹem qaipi'iỹa'a souaxat da lqouagaxanaqtaic Ñim Lo'onatac 'Enauacna maye aỹem huetalec.

1 Timoteo 1:16

Qalaxaye ñaqaiyeta Ñim Lo'onatac 'Enauacna aỹem ichoxoren, cha'aye Ñimaye nshetaique da aỹem la'auaxanec da do'onataxana naqa'en So Jesucristo da ỹachaxana na shiỹaxauapi da lhualaxavic lta'araic. Cha'aye ỹauotaique da aỹem naloqnaxanaxat, yaqto' ca shiỹaxaua ishet da ỹa'amaqten So Jesús, qataq ỹaconeguet da nca'alaxa maye choche tatec.

Oseas 2:23

Nache na ỹalamaxat nhuo' le'ecpi sanalec qome na 'alhua, da yaqto' ỹalamaxat, nache talec ñaqa'en da ichoxonnataxanaxa aso Lorrujama, qataq so Loamí, nache sheeta': «Maiche 'am ỹalamaxat.» Qaq da aỹem detaxaỹa, nache 'eeta': «'Am Ñatamnaxala'.»

Oseas 1:6

Qaq aso Gomer, qaltaq hualaxai co'ollaxa, nache co'ollaq deco'o, nache 'alo aso llale. Nache Ñim Nataxala', 'enapega so Oseas, 'eeta': «Aya'aye nogotole, 'aỹa'anagui da le'enaxat Lorrujama, cha'aye aỹem saishet da qaltaq sechoxoreetac da lo'onataxanaxac na Israel le'ecpi, qataq nache saishet da sapalaxat na lasouaxashetpi.

Isaías 57:1

Nam shiỹaxauapi maye no'on da lataxac da ileu qalaq qaica ca qochetegue', qataq na shiỹaxauapi soxoraicpi imeuo, qalaq qaica ca ỹaỹateeta da namayepi ileu souaxat na qauemsat ana 'alhua,

2 Corintios 4:1

Ñim Lo'onatac 'Enauacna Ñimaye ỹataqta qomi' ỹauoteque. Ỹoqo'oye qomi' ipataxaleguete de'era no'onataxanaxac, qaq ỹoqo'oye saishet da saq ña'añaxataq.

Romanos 11:30

Soua hua'au' vi'iye, qami' saishet co'ollaxa da qaualaqaiguet Ñimaye. Qalaxaye nagui nam judiopi da saishet da ỹalaq, nache Ñim Lo'onatac 'Enauacna huo'o da lchoxonnataxanaxa da qoñiita.

2 Samuel 17:28

Nache somayepi nacheuec so nacanecpi, ỹomaxaquipi, taxaquipi 'alhua, qataq so trigo, cebada, 'ayiiña qataq aso nqachilliguishe ala na nañiguishe habas, qataq lenteja,

Proverbios 11:25

Ca choxonnataxanaxaic qaica ca iueetac, qataq ca chetaqtaxanaxaic nataqa'en huo'o ca ỹaconeguet.