Mateo 5:6 - La'aqtaqa Ñim Lo'onatac 'Enauacna 2013

⁶ Ñim Lo'onatac 'Enauacna ỹaalec da nqouagaxa nam huo'o da lyaxa da ỹo'ot ca nalochiguiñi lataxac, cha'aye Ñimaye itauan namayepi, da yaqto' ishet da ỹo'ot damaye.

Nuevo Testamento Toba Sur

⁶ Qataq ÿataqta machiguiñi qome nam 'eeta'am da huo'o na lqouaxa qataq na laquip da nshitaique da i'ot cam 'eetapeguec ñi Dios, cha'ayi ñimayi itauanec qome namayipi, da yaqto' ishit da i'ot.

Nuevo Testamento Toba Sombrero Negro

⁶ “Nataq'aen made'tapolqa qomle gaa'me jo'ne ena'am ta'le yoqoua't nataq'aen yelinqui'p queda'me jetaque qoye'et da'me yataqatelegue, qa'a nach'egaua gaa'me jo'ne yachaqa'y qomle.

Mateo 5:6 Referans Kwoze

Juan 4:14

Qaq cam nỹomgui ca 'etaxat maye sanem, camaye saishet da ỹe'eguelaxalec da huo'o na laquip. Cha'aye cam 'etaxat maye sanem, 'eeta'am na 'etaxat maye npaxaatasheguem, da huetaigui camaye. Qaq nacheca ca iviraxata'a cam nca'alaxa maye chochaq tatec.

Salmos 107:9

Qataq imeuec naqa'en na laquip na ilem na laquip, qataq icoma' naqa'en na huo'o na lqouaxa.

Juan 6:27

Saishet da qauo'onataxañiitapeguelec cam nallec maye taỹa'a da imeuo, nachaqcata cam nallec maye saishet da imeuo qataq chegaqaigui da nca'alaxa maye chochaq tatec. Qaq 'eca cam nallec maye qami' ỹanema na Shiỹaxaua Llalec. Cha'aye Ñim Ita'a maye Lo'onatac 'Enauacna, ỹachaxan da Aỹem huo'o da shenec.

Salmos 145:19

Ñimaye ipacchigui naqa'en nam 'eetapeguecpi nam huo'o naq 'enec naqa'en Ñimaye, qataq hua'axaỹa da lỹaxanaxac namayepi nache nca'alaxatec.

Juan 7:37

Qaq som pa'atec na'a'q soua na'axa'te maye laloxoqui' da qanayenaiguilo naua npe'lolqa, qo'oipaq lcouepi som ỹataqta ỹactec da la'amaqchec. Nache se'eso na'a'q nachaañi So Jesús, nache ỹataqta nlamaxaren da detaqa, 'eeta': –Ca huo'o na laquip, qaq no'on da Aỹem naua'a, yaqto' nỹom.

Apocalipsis 7:16

Qataq mashe saishet da ilem na lqouaxa qataq na laquip; qataq da ỹavigaxat na le'eraxa añi nala', qataq da iqalleeteguem na napaxaỹaxa.

Lucas 6:21

Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui huo'o na qarqouaqai, cha'aye chochaq huañi qome na qo'oqoi. Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui qoviitaigui da qauaquicoitac, cha'aye qami' qome qoviitaigui da lta'araic qarlagaxayiqui.

Isaías 44:3

cha'aye Aỹem so'ot qome da ipaxaalec na 'etaxat ye toolec 'alhua, qataq na la'auaxacpi nam 'alhuapi maye deqaqta. Aỹem sanem qome da dalaxaic lca'alaxa ca 'am chegoxoguetpi, qataq ñamaxa qome ca iqouagaxanaqtaic.

Lucas 1:53

Qataq ỹanem da qaica ca iuena'a, nam huo'o da lhuenaxanaxa. Qaq nam sallaxanecpi qalaq ỹataqta qui'itchiguilo naqa'en naua lhua'q da ỹamaqauec.

Isaías 65:13

Qaq ỹoqo'oye Ñim Nataxala' nataqa'en, 'eeta' da la'aqtac: Nam ỹamaxashecpi huo'o qome na aloq, qalaxaye qami', qanque'etaxañiigui qome na qarqouaqai, nam ỹamaxashecpi saishet qome da iueetaique ca laquip, qalaxaye qami' qanque'etaxañiigui qome da qarhuenaxanaxai ca qaraquipi, nam ỹamaxashecpi machiguiñi qome, qami' qalaq qami' qane'eetapiguilo qome,

Salmos 65:4

Ỹataqta machiguiñi ca shiỹaxaua maye 'arca'aguishec, nache 'anauegueuo da yaqto' 'am saqaỹapeque naqa'en, hueta'a ca nanataqa' aca atamnaxaqui. Nache qaica ca seuenaqtac da souaqta'a ye 'arma', yem qui'itta atamnaqa'.

Isaías 25:6

Ñim Nataxala' maye Qaica ca Ỹaqalanapec huaña qome añi qasoxonaxa Sión da iqataxanai' da ỹo'ot da yaqto' ỹalegueua'a na ỹotta'at shiỹaxauapi ca nquia'axac da qanallec ca ỹataqta ama nallec, qataq qanỹomigui ca ỹataqta togoshaapec lataxa, qataq ca ỹataqta no'on nallec qataq cam ỹataqta no'on lataxa.

Salmos 84:2

Ỹataqta huo'o da iyaxa qataq da ña'añaxataxac, da sauotaique da soota'a ye nqasoxoc añi atamnaxaqui maye 'aralamaqte. Qataq imauec da iquiyaqteỹaxac da so'onaxaato'ot, Ñim Lo'onatac 'Enauacna maye chegoqo'ot da nca'alaxa.

Lucas 6:25

¡Ỹataqta qauem da qa'aita'ague qami', maye sa qaviñi ca qolliqui cha'aye qaviyeeguet qome da qauqouache! ¡Ỹataqta qauem da qa'aita'ague qami', maye nagui qauaỹalleguiyiitac, cha'aye qauaỹachiñi qome ca noinaxac qataq da qanayeetaigui ca naquicoxo!

Isaías 41:17

Nam choxoraqpi maye deuenaxaatacpi, nmittaique qome ca 'etaxat qalaxaye sa ỹanata. Qataq deqaqtegue na lqosot souaxat na laquip, qalaxaye Aỹem Nataxala', souapegue' qome namayepi, aỹem maye Aỹem Natamnaxala' na Israel le'ecpi saishet da salat namayepi.

Salmos 63:5

Qataq ỹataqta machiguiñi da ñachaalataxac, sheeta'am ca chectac ca ỹataqta no'on nallec, qataq da setaqa qalaq samachiguiñi, da 'am sho'oxoreetac.

Salmos 17:15

Qalaxaye aỹem, qom saỹaten da qaica ca sasouaxat nache samachiguiñi da selogui da 'arashiguiỹaxac, na'aictaxa da choche 'am samato'ot da ñelouec.

Cantares 5:1

'Am ỹaqaỹole maye 'am ñauonaxaua, mashe sogote da sootaigui na ỹañiguishe lma', 'am ỹaqaỹole maye 'am ñauonaxaua, mashe sacona ana mirra qataq na 'amnaxat, mashe she'egueetac na dapic lli'i, qataq ñeỹomtapigui na lataxa, qataq na huaca lche'. ¡Nache 'enauac namaye mashe ỹalamaxat! Qami' qanauochaxau', qauqui'i qome qataq qanỹomi, maicheye ca tachiguiña ca qarauotaxanaqtaiqui!

Isaías 66:11

cha'aye yemaye qami' illepaxa'n qome, nache qami' ỹa'añaqche't, qataq qami' comaraxaiqa naqa'en, yemaye qami' illepaxa'n qome nache qanque'etaxañiichigui da lyacỹaxac da llo'oxoyec.

Proverbios 10:24

Cam ñe'etapeeguet ca qauemaic qaq nacheca ca naỹa'a camaye, qaq ca no'on da lataxac qalaq ipacchiguilo naua no'o'n lhuennataxaco.

Proverbios 21:21

Ca quetegue da no'on nataxac qataq da nchoxonnataxanaxa, qalaq camaye ỹanata da lca'alaxa, naỹamaxa qataq ño'oxoyec.

Jeremías 31:25

Cha'aye sanem qome ca aloq qataq ca laquip, nache ỹataqta qaica qome ca iueetaique nam nasamtañi qataq nam qaica ca la'añaxac.»