Mateo 5:5 - La'aqtaqa Ñim Lo'onatac 'Enauacna 2013

⁵ Ñim Lo'onatac 'Enauacna ỹaalec da nqouagaxa nam qaica ca la'amaqchec, cha'aye namayepi ỹaconeguet cam 'alhua maye ỹachaxanapec Ñimaye.

Nuevo Testamento Toba Sur

⁵ Qataq ÿataqta machiguiñi qome nam sa ishit da ñi'oxonnaxaic da lquiyaqteÿaxac, cha'ayi namayipi ÿaconguet qome cam 'alhua mayi ÿachaxanapeguem ñi Dios.

Nuevo Testamento Toba Sombrero Negro

⁵ “Nataq'aen made'tapolqa qomle gaa'me jo'ne ja 'yoĝodenaĝayaqa, qa'a nach'egaua gaa'me jo'ne qoyanema qomle ga'me aleua jo'ne joote qo'yaĝatema.

Mateo 5:5 Referans Kwoze

Salmos 37:11

Qalaxaye na qaica ca na'amqaanaxac, taỹot qome da lalamaxat ne'ena 'alhua, qataq ỹataqta imauec da lactapiguiñi.

Isaías 29:19

Qataq nam qaica ca la'amaqchec ỹe'eguelaxa qome da huo'o da lamaicỹaxac souaxat Ñim Nataxala', qataq nam ỹataqta choxoraqpi huo'o qome da ntonaxac souaxat Ñim Qui'itta Natamnaxala' na Israel le'ecpi.

Santiago 3:13

Da huo'o ca 'oonolec da qoñiita da ỹataqta ỹaanaxanaxaic qataq sa nqalat, nache iuen da ỹachaxan ca ỹaỹamaqchiguiñi maye ỹo'ot qataq ỹachaxan da saishet da na'amqaanaxaic.

Salmos 149:4

Cha'aye Ñim Nataxala', ỹamaateguet na lalamaxat nhuo' le'ecpi, qataq no'on naqa'en da lca'alaxa ca qaica ca la'amaqchec.

Gálatas 5:23

qataq saishet da qomi' na'amqaanaxaiqa, qataq saỹatenaq da seloxogue da qarataxac. Qaica ca namaxasoxonaxac da ishet da dataỹa'aguet 'enauac de'era.

Santiago 1:21

Qaq ỹoqo'oye qaỹa'axañiiñi da qauo'ocheetac na qauem, cha'aye ỹapac mashe ỹaguec na qauem ana 'alhua. Saishet da qauo'oche da qauem; cha'aye da nache qoñiitec de'era, nache da qanachaalataxaqui nlaguiñi, 'eeta'am ca hualoq laỹe maye ltoqchet na lshepaxanaxa. Nachaqrato' da qami' huesotte' da qauacoñiiguet da la'aqtaxanaxac Ñim Lo'onatac 'Enauacna maye qami' ỹanema. De'era na'aqtaxanaxac ỹataqta huo'o da la'añaxac da qami' nca'alaxatre'c.

Salmos 25:9

Qataq ỹauega da no'on ñecỹaxac na qaica ca la'amaqchec, qataq ỹapaxaguenec da llec na ỹaỹamaqchiguiñi lataxacpi.

Números 12:3

Qalaxaye so Moisés ỹataqta huesota da lataxac, qaica ca 'ena'am na shiỹaxauapi, maye netalec ana 'alhua.

Colosenses 3:12

Cha'aye Ñim Lo'onatac 'Enauacna ỹataqta qami' ỹauoteque, qataq qami' lca'agui'she, da yaqto' qami' lalamaqa'ate. Qaq ỹoqo'oye ỹataqta qami' choxonnataxanaxaiqa, qataq qami' huotaxanaqtaqaiqa, qataq sa qami' na'amqaanaxaiqa, qataq qami' huesotte' da qarataxaqui, qataq qami' hualaxaunaxaiqa.

Mateo 11:29

Qaualaqaiguet na ỹamaxasoxonaxacpi qataq qavi'inaxache Aỹem, cha'aye Aỹem hualaxauaic qataq ỹataqta 'eesa da saishet da llateela't. Da nache qoñiitec de'era nache ishet da qauanachiỹa ca qanmataxaqui.

Efesios 4:2

Ỹataqta qami' huesote' qataq qami' choxonnataxanaxaiqa, qataq qami' hualaxauaiqa, qataq ñi 'oonolec da qoñiita ỹataqta ỹauotec ca lỹa qataq itauan.

1 Pedro 3:15

Nachaqrata da qavio'oxonñiitac So Cristo maye Qarataxala'ai, qataq qami' lhuotte' da qaua'aqtaxañim na shiỹaxauapi da 'eetec da huo'omshe huo'o da qarpi'iỹaxaqui So Cristo qataq dam ỹachaxanapec.

Sofonías 2:3

Qanmichiỹaique Ñim Nataxala', 'enauac qami' maye qaica ca qara'amaqchequi ana 'alhua, qami' maye qaualaqaiguet nam namaxasoxonaxacpi. Qanmichiỹaique da nalochiguiñi lataxac, qataq saishet da qana'amaqchiñi, cha'aye saiuena'a da qoñeetec de'era, nache qanca'alleeuec, cam na'a'q maye huaigui ca layeloxo Ñim Nataxala'.

Tito 3:2

Qataq saishet da qauema naua la'aqtaqa da detaqtega ca lỹa, nachaqrata da nmitaique da nlagaxayec, qataq huo'o naq 'enec naqa'en ca lỹa, qataq ỹachaxan da huesota lataxac da ỹalectaigui na shiỹaxauapi.

Salmos 37:22

Ñim Nataxala' nam ỹanem da nqouagaxa, namayepi talec qome da lalamaxat na 'alhua, qaq na ỹasaxalec da qauem qalaq namayepi nlaguiñi.

Salmos 37:9

Cha'aye na qauemaicpi imeuo qome qanqa'en, qalaxaye ca naquitto'ot Ñim Nataxala' qalaq taỹot da lalamaxat qome ne'ena 'alhua.

Isaías 11:4

Nacherata da do'ogoxona da nalochiguiñi lataxac da nmit na choxoraqpi, qataq iueelec nam qaica ca la'amaqchec maye netalec ana 'alhua. Naua la'aqtaqa qalaq 'eeta'am ca pon 'epaq da iuaxan ca qauemaic, qataq ỹauota'a na la'at maye chegaqaigui na alap da ỹalauat ca qauemaic.

Salmos 25:13

qataq qaica ca iueetac naqa'en, qataq ca chegoxoguetpi camaye nache netalec qome na 'alhua.

1 Timoteo 6:11

Qalaxaye 'am Timoteo, 'am lamaxashec Ñim Lo'onatac 'Enauacna, 'auataueeguesop 'enauac ne'ena sa ỹaỹamaxañi. Ime, nache 'ampogoxoinapegue' da 'aualaxaguet Ñimaye qataq da 'am no'on lapaxaguenatac So Jesucristo. Saishet da 'axanec da 'arpi'iỹaxac Ñimaye qataq 'auauotec 'enauac na qarqaỹañicpi maye qara'amqaanataxanaxauapi. Qataq da ivita da 'auataỹa'aguet na lqalaiguesat qalaq 'auauo'o qome da 'arhualaxavic, qataq 'auauotec na laỹepi shiỹaxauapi.

Salmos 69:32

Qaq da ila'a de'era na huo'o da nque'eenaxac, nache machiguiñi qataq na'añaxatapigui' da lquiyaqteỹaxac, da nmittaique Ñim Lo'onatac 'Enauacna,

Salmos 37:29

Na shiỹaxauapi maye no'on da lataxac namayepi taỹot na 'alhua, qataq nache 'eetai' qome da netalec namaye.

Salmos 37:34

Qaq 'am 'auata'aguet qome Ñim Nataxala', qataq 'aupacchigui na 'eetapeguecpi, yaqto' Ñimaye 'am ỹo'oxoraq naqa'en, qom 'am ỹanem yi'iye 'alhua da 'aralamaxat. Qataq 'auauaachigui qome da qanlaxaañi na qauemaicpi.

2 Timoteo 2:25

qataq huesotta da lataxac da nlaxanec ca depa'aguenataxaatac. Cha'aye saiuena'a da Ñim Lo'onatac 'Enauacna ishet da ỹami' camaye da naralaxat da lhuennataxac, qataq ỹami' da ỹaỹaten da 'eesa lataxac,

Romanos 4:13

Ñim Lo'onatac 'Enauacna ỹachaxanapecot so Abraham qataq na llalaqpi da ỹami' 'enauac ana 'alhua. Qalaxaye de'era ỹachaxanapec saishet da chegoqchigui da souaxat da ỹalaxalec nam namaxasoxonaxacpi so Abraham. Maye souaxat da somaye huo'o da lpi'iỹaxac Ñim Lo'onatac 'Enauacna. Nache Ñimaye ỹaỹamaxareeta somaye, nache ỹamata'ac da no'on shiỹaxaua.

Salmos 147:6

Ñim Nataxala', nauaxaỹaxaasheguem na choxoraqpi, qalaxaye huetaiya' naqa'en na qauemaicpi.

Mateo 21:5

«Qaua'aqtaxañim nam shiỹaxauapi maye hueta'a ye Jerusalén qoñiita': ¡Ñaq qauloỹeeguet, 'ena cha'aguet na qarta'ai! Namaye ỹataqta qaica ca la'amaqchec, anacta netalec na 'ashena, na 'ashena llalec.»

Isaías 60:21

Qaq huaña qome nache 'enauac nam 'arhuo' le'ecpi no'on da lataxac, qataq nache 'eetai' qome da lalamaxat ne'ena 'alhua, nache namayepi 'eeta'am qome da llaxataxa aca nañiguishe maye maiche saañi, maye sauota'aisalo naua ihua'q da so'ot, da yaqto' ỹachaxan da ỹo'oxoyec.

Isaías 61:1

So saq cha'a la'añaxac Ñim Nataxala' aỹem hueta'aguet, cha'aye Ñim Nataxala' aỹem lca'aguishec, aỹem namaq da sa'axatem da no'on na'axaỹaxac nam choxoraqpi, qataq sa'añaqchet nam daquicotac da lquiyaqteỹaxac, qataq sa'axatem da qaisouec nam ncoñeteguishecpi, qataq da qaisouec nam netaigui ana ncoñetaxanaxaquipi,

Salmos 22:26

Qaq deque'e qome na choxoraqpi nache ivitta'a da comaraxaicpi, qataq ỹo'oxoren qome Ñim Nataxala' na nmittaique Ñimaye, huaña nache qaỹoqtrec naua vi'iye da nachaalataxac.