Mateo 5:48 - La'aqtaqa Ñim Lo'onatac 'Enauacna 201348 Ỹoqo'oye qami' iuen da ỹataqta nalochiguiñi da qarataxaqui, qoñiita'am Ñim Lo'onatac 'Enauacna maye Qarta'ai maye neta'ague da piguem da ỹataqta nalochiguiñi da lataxac. Gade chapit laNuevo Testamento Toba Sur48 Qaq ÿoqo'oyi ÿataqta nalochiguiñi qome da qadataxaqui, yaqto' qoñiita'am da lataxac ñim qadta'ai mayi neta'ague da piguem da ÿataqta nalochiguiñi. Gade chapit laNuevo Testamento Toba Sombrero Negro48 'Noota qom yataqachiñe ami chimadichidiñe, nach'e naq'aeta ñe'me Adet'ai jo'ne na'ague di'me piyem yataqachiñe chimaqachiñe. Gade chapit la |
Qaq ỹoqo'oye qami' ñauochaxau' ỹaqaỹa't, 'era da qomi' qaỹachaxanapecoto. Qaq ỹoqo'oye saishet qome da so'otaq ca qauem, nachaqrato' da qomi' huesochiyiñi qataq saishet da huo'o ca qarasouaxashet hueto'ot Ñim Lo'onatac 'Enauacna, yaqto' Ñimaye qomi' ỹaconegueta. Sho'oxorenaq Ñim Lo'onatac 'Enauacna qataq ñepogoxoinaqapegue' da qomi' qui'itte', shenaqta'am Ñimaye.
Qaq nache 'eetec qome nataqa'en da qoñiita, da qarataxaqui iuen da 'eeta'am aca ncoỹaraxanaxaqui da 'eroigui qataq ỹachaxan da 'eetec da qaỹalaxaguet Ñim Lo'onatac 'Enauacna. Qauo'oche ca ỹaỹamaqchiguiñi, yaqto' ila'a na laỹepi shiỹaxauapi. Ime, nache namayepi ỹo'oxoren Ñim Lo'onatac 'Enauacna, Ñim Qarta'ai maye neto'ot na piguem.
Yaqto' qauachaxañi da qarataxaqui da qoñiita'am Ñim Qarta'ai maye Lo'onatac 'Enauacna maye neta'ague da piguem. Ñimaye nnoxoosheguem naqa'en añi nala' da icoỹarelec nam qauem da lataxac qataq na no'on da lataxac, qataq da ivita da namaq na auot, qalaq talec naqa'en nam ỹalaxaguet Ñimaye qataq nataqa'en nam saishet da ỹalaq.
Nataqa'en qami' ỹamaxalo da lquinaxanaxac ñi Epafras. Ñimaye nataqa'en lamaxashec So Jesucristo, qaq ñimaye maiche qami' chegoqtoiguilo co'ollaxa. Qaq ñimaye nache 'eetai' naxa da qami' nqouagaxaueetaleguete da yaqto' qaica ca da, qataq da yaqto' ỹataqta qanañañiỹot Ñim Lo'onatac 'Enauacna qataq da qauo'oche cam 'eetapeguec Ñimaye.
Nachaqrata de'era, qami' ñauochaxau' ỹaqaỹa't. Qami' sequiita'ape qataq qami' seỹaxanoiguilo da nache 'eetai' da qauamaichiguiñi. Qanpogoxoiñiỹapegue' da qanquigaxachiitasheguem da no'on qarataxaqui. Aỹem qaualaqaiguet qome. Qataq qanaỹamaxayiñeeta't qataq qavi'imaqaitac. Qaq Ñim Lo'onatac 'Enauacna Ñim qomi' lauotaqa'ate qataq qomi' ỹanema da qarlagaxayec, Ñimaye qami' hueta'agueta.