Mateo 5:46 - La'aqtaqa Ñim Lo'onatac 'Enauacna 2013

⁴⁶ Cha'aye qami' da ndotec cam qami' ỹauoteque da qauauochec, nache ¿negue't cam qaraviguiiqui da qauo'ocheetac de'era? Ye ivira'a nam ỹacootapeeguet ana nsheetenaqte ca nta'a maye netaña ye Roma ỹo'ottac de'era.

Nuevo Testamento Toba Sur

⁴⁶ Cha'ayi qami' da ndoteec cam qami' ÿauoteque, qaq nachica qauauochiic, nachi ¿huá'ago' ca 'eetec da huo'o ca qanshiitenaguiiqui? Cha'ayi nataq'en i'ot de'eda nam ÿacootapeeguet ana nshiitenaqte ca nta'a.

Nuevo Testamento Toba Sombrero Negro

⁴⁶ Qa'a qom nach'egaua adoqopichiyalo gaa'me jo'ne ami noqopitalo, qama'le ¿jach'e ga'me adajo'vii 'me ami qoyanema? Chayovida'alo gaa'me lo'ol da'me nejetenaguec di'me Roma, naq'aeta da'me yauote.

Mateo 5:46 Referans Kwoze

Mateo 11:19

Ime, qataq ñevi' Aỹem Shiỹaxaua Llalec, qaq seque'etac, qataq ñeỹomtac, nache qami' qoñiitega da Aỹem quia'aqchaqaic, Aỹem taxaic, qataq ñauochaxaua nam ỹacootapeeguet ana nsheetenaqte ca nta'a. Qalaxaye qantooñita'ac da na'aqtac naxa maye, 'eeta': Ca naỹaanec da ỹoqta 'eesa da chegoqo'ot Ñim Lo'onatac 'Enauacna, camaye yo'oq cam chegaqaigui qataq ỹataqta no'on.

Lucas 18:13

Qaq som ỹacootapeeguet ana nsheetenaqte ca nta'a, somaye qaỹata'a ca hueta'a, qataq saishet da ỹamato'ot na piguem. Chaqrata da naqchiguiñi, nache 'eeta': ‹¡'Am maye 'Aro'onatac 'Enauacna, aỹem 'auchoxoren, cha'aye aỹem huo'oi naua sasouaxa't!›

Lucas 15:1

Huo'o so na'a'q, nache anac da na'axaỹaxana So Jesús 'enauac nam ỹacootapeeguet ana nsheetenaqte ca nta'a, maye netaña ye Roma, qataq na laỹepi shiỹaxauapi maye nam chegaqaigui na fariseopi ỹamata'ac da qauem da na'aqtaguec.

Mateo 18:17

Qaq camaye da saishet da ỹalaxagueta caua 'ara'aqtaxanaxau', nache 'am ishet da 'aua'aqtaxanem na 'amqaanataxanaxaicpi. Qaq da saishet da ỹalaxaguet namayepi, nache camaye 'eeta'am qanqa'en ca saishet da ỹa'amaqten Ñim Lo'onatac 'Enauacna, huo'otaq cam ỹacootapeeguet ana nsheetenaqte ca nta'a maye netaña ye Roma.

Mateo 6:1

Qami' da huo'otaq huo'o ca qauo'oche ỹaỹamaqchiguiñi, qalaq saishet da qaua'axacheeteua'alo: cha'aye da nache qoñiitec de'era, nache Ñim Lo'onatac 'Enauacna maye Qarta'ai saishet da ỹauo'o ca qansheetenaguiiqui.

Lucas 19:7

Qaq co'ollaq qaỹauaachigui de'era, nache qanayectega, qoỹeeta': «So Jesús qache ishet da taua'a ye lma' so ỹale maye 'etaxaloxoic.»

Lucas 19:2

Qaq se'eso nỹecpi hueta'a so sallaxanec le'enaxat Zaqueo. Somaye lataxala' nam ỹacootapeeguet ana nsheetenaqte ca nta'a maye netaña ye nỹecpi ye Roma.

Mateo 5:47

Qataq da huo'otaq ndotec na 'anauochaxauapi da 'auquin, nache damaye saishet da sa qaỹauanapega. ¡Ye damaye ivira'a nam saishet da ỹa'amaqten Ñim Lo'onatac 'Enauacna ỹo'ottac!

Marcos 2:15

Qaq co'ollaq qaỹata'ague, nache So Jesús qataq soua lapaxaguenataqa deque'eta'ape, hueta'a ca lma' so Mateo. Nache qalota som ỹacootapeeguet ana nsheetenaqte ca nta'a maye hueta'a ye Roma, qataq na 'etaxaloxoicpi maye nagui ca'attague' So Jesús, nataqa'en qaiỹaxana da nquia'axauapi.

Marcos 2:16

Qalaxaye huo'o so dapaxaguenataxaatapeguec na namaxasoxonaxacpi maye chegaqaigui na fariseopi co'ollaq ỹauaachigui So Jesús da lquia'axaua 'enauac se'eso shiỹaxauapi, nache inatta'ape soua lapaxaguenataqa So Jesús, 'eeta': –¿Ta'ainco' ñi Qarataxala'ai da dequi'iỹa'ai' nam ỹacootapeeguet ana nsheetenaqte ca nta'a maye neta'ague da Roma, qataq nam shiỹaxauapi maye qauem da na'aqtaguec?

Lucas 3:12

Nataqa'en anac som ỹacootapeeguet ana nsheetenaqte ca nta'a maye netaña ye Roma da huotaique da qanachelaxan, nache inattaco' so Juan, 'eeta': –'Am Napaxaguenataxanaq, qaq qomi', ¿hua'ague ca shenaqtec da yaqto' ñeca'alaxauec?

Lucas 5:29

Qaq nacheso se'eso na'a'q da so Mateo ỹo'ot so lta'araic lquia'axac, souaxat da huo'o naq 'enec naqa'en So Jesús. Nache iỹaxana da lquia'axaua so qalota nam ỹacootapeeguet ana nsheetenaqte ca nta'a maye netaña ye Roma, qataq qalota so laỹepi.

Lucas 5:30

Qalaxaye huo'o na fariseopi qataq huo'o na dapaxaguenataxaatapeguec na namaxasoxonaxacpi da quetrapegueleguete soua lapaxaguenataqa So Jesús. Nache 'eetregalo, 'eetra': –¿Ta'ainco' qami' ye qarquia'axauai nam ỹacootapeeguet ana nsheetenaqte ca nta'a qataq nam shiỹaxauapi maye qauem da lataxac?

Lucas 7:29

Nam na'axaỹaxaatega co'ollaxa so Juan dequiguiỹo'ot somaye da yaqto' nachelaxan, ivira'a nataqa'en nam ỹacootapeeguet ana nsheetenaqte ca nta'a maye netaña ye Roma. Yaqto' somayepi ipaqueelec da ỹo'ot da 'eetapeguec Ñim Lo'onatac 'Enauacna.

Lucas 7:34

Ime, qataq ñevi', Aỹem Shiỹaxaua Llalec, nache seque'etac qataq ñeỹomtac qalaq qami' qoñiitega da Aỹem quia'aqchaqaic, qataq Aỹem taxaic, qataq ñauochaxaua na shiỹaxauapi maye qauem da na'aqtaguec, qataq na ỹacootapeeguet ana nsheetenaqte ca nta'a maye netaña ye Roma.