Mateo 5:44 - La'aqtaqa Ñim Lo'onatac 'Enauacna 2013

⁴⁴ Qalaxaye nagui Aỹem shenapec da ỹataqta qauauochec ca qami' ipa'agueeta'ape, qataq qanqouagaxauñiitalec cam saq qami' iyacna'ape.

Nuevo Testamento Toba Sur

⁴⁴ Qalaxayi qami' shinapegalo da ÿataqta qauauochiic ca qami' ipa'agueeta'pe, qataq qauasaqailec ca no'on ca qami' ishiueeta'pe, qataq qau'ochiic ca ÿaÿamaqchiguiñi cam qami' nquiÿategalo, qataq qanatamñiitalec cam qami' ishiueeta'pe, qataq cam qami' sa iyacna'pe.

Nuevo Testamento Toba Sombrero Negro

⁴⁴ Qalaĝaja ami ja'aĝatema: Adoqopichiyalo gaa'me jo'ne ami niquiya'alo, nataq'aen auajelaĝañilo'te ga'me jo'ne ami yachoĝode'tape.

Mateo 5:44 Referans Kwoze

Romanos 12:14

Qataq saishet da qauasaqailec ca qauem qara'aqtaqui nam saq qami' iyacna'ape. Nachaqrata da qauỹaxañiỹot Ñim Lo'onatac 'Enauacna, da yaqto' ỹanem ca no'on llecỹaxac namayepi.

1 Pedro 3:9

Da huo'o ca qami' ỹo'oteque ca qauem, nache qami' saishet da qavi'enaxachiỹa'aguet, qataq da huo'o ca qami' isheueeta'ape, nache saishet da qavi'enaxachiỹa'aguet da nataqa'en qausheuñi camaye. Nachaqrata da qanqouagaxauñiỹot Ñim Lo'onatac 'Enauacna da ỹaalec da lqouagaxanaqtaic que'eca shiỹaxaua, cha'aye Ñimaye qami' lca'agui'she da qami' ỹanema da lqouagaxanaqtaic.

Lucas 23:34

[Nache So Jesús 'eeta': –'Am Ita'a, 'auchoxoren namayepi, cha'aye sa ỹaỹaten dam ỹo'ottac.] Ime, nache som huataxanaqpi nallettapiguilo soua alogo So Jesús da chaq negue't ca taleguete soomaye.

1 Pedro 2:23

Qataq co'ollaq qaisheueetac, qalaq saishet da ỹe'eguelaxata'aguet da nsheunaguec, qataq saishet da ỹasauaxattac som ỹo'otpi da nque'eenaxac. Nachaqrata da hua'aqta'a da Ñim Lo'onatac 'Enauacna da huapegue' qataq ilo'ogue, cha'aye Ñimaye nmit qome 'enauacna qataq ipagaqchiichigui ca lataxac.

Hechos 7:60

Qaq co'ollaq ime, nache ỹa'alyiñi naua l-llectel, nache ỹataqta na'axannec da la'alaxac, 'eeta': –'Am Ỹataxala', saishet qome da 'aulogui da lasouaxashet ne'enapi. Qaq co'ollaq ime da nasaxauec de'era la'aqtac, nache ileu.

2 Reyes 6:22

Qalaxaye so Eliseo 'enapeco': 'A'i, saishet da 'aualauat. ¿Qalqo' 'auanaỹa'ac da 'aualauat co'ollaxa ca 'oxonecpi da 'aurolec ca 'ainec, qataq aca 'archecna? Ñaq 'auquia'axan qataq 'anỹomaxan namayepi. Qaq da ime, nache 'avi'eguelaxata cam lataxala'pi namayepi.

Salmos 7:4

¿Peta'a so'otec co'ollaxa ca qauem ca ñauochaxaua? ¿Qalqo' huetaiya' ñaqa'en ca ñepa'aguenaxaua maye qaica ca ỹasouaxat?

1 Samuel 24:17

nache 'enapeco': 'Am, ỹataqta aỹem 'auo'otec da nalochiguiñi lataxac, qaq saq 'ena'am aỹem, cha'aye nmeneguet 'anqa'en da no'on dam qauem maye 'am so'otec.

Proverbios 19:11

Da qaica ca qanqalaate' ỹo'ot da qalhueneguet da nalemataic, qataq ỹo'ot da ño'oxoyec da sa qaiqocha'a ca nogoqtaxanaxac.

Juan 13:34

Qaq nagui qami' sanema da dalaxaic namaxasoxonaxac, 'eeta': Ñi 'oonolec da qoñiita ỹataqta ỹauotec ca lỹa. 'Eeta'am da sheetec da ỹataqta qami' sauoteque, qaq nachera qome da qoñiitec da ñi 'oonolec da qoñiita ỹataqta ỹauotec ca lỹa.

1 Ts 5:15

Ỹataqta qanchelliỹa'a't, saqca ca isheetena'aguet ca sa ỹaỹamaxañi da ỹo'otec ca lỹa. Chaqrato' da qami' qanpogoxoiñiỹapegue' da qauo'ochec ca ỹaỹamaqchiguiñi ñi 'oonolec da qoñiita qataq 'enauac na laỹepi shiỹaxauapi.

Hechos 16:28

Qalaxaye so Pablo ỹa'alaxalec somaye, 'eeta': –Saishet da maiche 'analaala't, cha'aye qomi' 'enauac ñaloqta't.