Mateo 5:42 - La'aqtaqa Ñim Lo'onatac 'Enauacna 2013

⁴² Qataq da huo'o ca 'am iỹaxanot, qalaq 'aỹa'anem cam iỹaxanaique. Qataq saishet da 'avi'eguelaxattec da huo'otaq huo'o ca 'am da'alaxaatecot.

Nuevo Testamento Toba Sur

⁴² Qataq da huo'o ca 'am iÿaxanot, qalaq 'ai'anem cam iÿaxanaique. Qataq sa ishit da 'avi'iguelaxatteec da huo'otaq huo'o ca 'am da'aalaxaatacot.

Nuevo Testamento Toba Sombrero Negro

⁴² Gamachaqaega ga'me am yajela, 'noota qom auanem; nataq'aen ena'te anetauoĝolegue ga'me jo'ne jetaque am t'alaĝanot.

Mateo 5:42 Referans Kwoze

Proverbios 19:17

Da qaỹa'aalaxanaxan ca choxoraq qalaq 'eeta'am da nacheñi Ñim Nataxala' da qaỹa'aalaxanaxan, ỹoqo'oye Ñim Nataxala' maiche isheeten que'eca ỹan aca na'aale.

Hebreos 13:16

Qataq saishet qome da qaucoviỹa'ai da qauo'oche ca ỹaỹamaqchiguiñi, qataq da qautauañi ca qarỹai maye huo'o da lhuenaxanaxa. Qaq 'ena nam nachetaqtaxanaxat maye ỹaỹamaxareeta Ñim Lo'onatac 'Enauacna.

Salmos 37:21

Na qauemaicpi ỹauo'o na la'aalec, qalaxaye saishet da isheeten, qaq ca ỹale maye no'on da lataxac, qalaq dechoxonnataxan qataq dachetaqtaxan.

Romanos 12:20

Qataq nataqa'en 'eeta': «Ca 'am ipa'agueetac, da huo'otaq iqouat, qalaq 'auquia'axan. Qataq da huo'o na laquip, nache 'anỹomaxan. Cha'aye da nache qonetec de'era, nache camaye saishet da ỹe'eguelaxa da 'am ipa'agueetac.»

Daniel 4:27

Qaq ỹoqo'oye 'am nta'a, qoquetegue qome de'era ỹapaxaguenataxanaxac: 'Ano'onaxat qome da 'aro'onataxanaxac, nache saishet da qaltaq 'auauo'o ca 'arasouaxashet, nache tachiguiña 'anqa'en nam qauem maye 'auo'ottac, nache qouapegue' qome da 'autauan na choxoraqpi. Qaq saiuena'a da nachera da chegoqchigui da nache queta da 'anachattaigui da 'arlagaxayec qataq da qaica ca 'auena'a 'am nta'a.»

Eclesiastés 11:6

Qaq 'aỹa'aañi aca ala aca 'añiguishe ye nte'eta qataq ye avit, cha'aye sa 'auaỹate'n caamaye negue't acam ỹoqta no'on da lañaxataxac, huo'otaq aso hua'auchiguiñi, huo'otaq aca nca'ataxanauo, huo'otaq 'enauaque caamaye da no'on da lañaxataxa'c.

Hebreos 6:10

Ñim Lo'onatac 'Enauacna ỹataqta no'on da lataxac, ỹoqo'oye saishet da huo'otaq icoua'ai nam qauo'oche qataq nam qoquiito'ot da qauo'ocheetac da yaqto' qautauañi nam lalamaxatpi qataq lca'aguishecpi. Qataq da nache qoñiitec de'era, nache qami' nataqa'en qauachaxañi da qauauochec Ñim Lo'onatac 'Enauacna.

Santiago 1:27

Da qaỹa'amaqten Ñim Lo'onatac 'Enauacna maye Nta'a, nache iuen da qaỹauo'o ca ntonaxac Ñimaye qataq qaỹo'ot ca ỹaỹamaqchiguiñi. Qaq damaye 'eeta': qaitauan ana pa'aipi qataq nam qaicaua caua lta'al maye huo'o da nque'eenaxac, qataq saishet da qanasheneuo da dauegaxan na qauemsat maye huetalec ana 'alhua.

Lucas 11:41

Qaq dam ỹataqta ỹaỹamaqchiguiñi lataxac qataq 'eesa da qui'itta, damaye nachera da ñi 'oonolec detaunaxanot ca hueto'ot, da itauan na choxoraqpi.

Proverbios 21:26

cha'aye 'enauaque naua na'axa'te da choche iyaqtapigui'. Qaq ca no'on da lataxac qalaq saishet da ỹachetaigui da lashemataic da huo'o ca ỹan.

Mateo 5:41

Qataq da huo'o ca huataxanaq le'ec da 'am 'enapega da 'auache ca lla'ac da 'aviraxata'a ca laloqnec, nache 'am iuen da 'anquigaxattec ca tachiguiña da 'anqaañi camaye.