Mateo 5:4 - La'aqtaqa Ñim Lo'onatac 'Enauacna 2013

⁴ Ñim Lo'onatac 'Enauacna ỹaalec da nqouagaxa nam huo'o da nque'eenaxac nagui, cha'aye Ñimaye ỹami' da lamaicỹaxac namayepi.

Nuevo Testamento Toba Sur

⁴ Qataq ÿataqta machiguiñi qome nam huo'o da laquicoxo, cha'ayi ñi Dios ÿanem ca lamaiquiaxac.

Nuevo Testamento Toba Sombrero Negro

⁴ “Nataq'aen made'tapolqa qomle gaa'me jo'ne noye'tape, qa'a nach'egaua gaa'me jo'ne qoloyaĝanate'tape qomle.

Mateo 5:4 Referans Kwoze

Apocalipsis 21:4

Ñimaye iỹore'c naua lache' namayepi. Huaña, nache saishet da ileu, nataqa'en saishet da ỹe'eguelaxalec da nỹeetac, huo'otaq da na'alaqtapiguiñi, huo'otaq da huo'o da nqui'ic, cha'aye 'enauac nam huo'o co'ollaxa qalaq nagui 'enauac da imeuo.»

Isaías 57:18

Aỹem sauaachigui co'ollaxa da lataxac namayepi qalaxaye Aỹem ñataren qome qataq sanem da nmataxac qataq da lle'emaxa. Aỹem sa'añaqchet qome nam daquicotacpi,

Lucas 6:21

Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui huo'o na qarqouaqai, cha'aye chochaq huañi qome na qo'oqoi. Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui qoviitaigui da qauaquicoitac, cha'aye qami' qome qoviitaigui da lta'araic qarlagaxayiqui.

Santiago 1:12

Ca na'añaxateguet da ñe'eguenataguec, nache Ñim Lo'onatac 'Enauacna ỹaalec da lqouagaxanaqtaic. Cha'aye da mashe inoxonaqchetec de'era ñe'eguenataguec, nache Ñim Lo'onatac 'Enauacna ỹami' ca laueguec qataq ca lta'araic llo'oxoyec camaye. Qaq damaye nachera da nca'alaxa maye chochaq tatec maye ỹachaxanapeguem nam ỹauotec Ñimaye.

Isaías 25:8

Ñim Nataxala' nlaxaañi qome da la'añaxac da nleuaxa, huaña nache iỹorec naua lache' 'enauac na shiỹaxauapi, qataq nqateeguesop da ne'enaguec nam lalamaxat nhuo' le'ecpi 'enauac ana 'alhua. Qaq 'era da la'aqtac Ñim Nataxala'.

Isaías 66:10

«'Enauac qami' maye qarauotaxache ye Jerusalén, qantonaxauai qome yemaye, qami' maye huo'o da qaraquicoqoi co'ollaxa souaxat yemaye, qaq nagui qalaq qami' nlaqchiguilo qome da qaramaicỹaxaqui,

Ezequiel 9:4

nache 'enapega, 'eeta': «'Aucoleelec qome ye huaqta'a't nỹecpi ye Jerusalén, nache 'auauo'o ca la'anaxat na latap 'enauac nam huo'o da lta'araic laquicoxo, souaxat 'enauac nam ỹataqta qaiqaiga maye qaỹo'ottac da huaña yemaye.»

Isaías 35:10

Qaq nam nca'alaxatecpi Ñim Nataxala', do'onaxaatagui qome souaxat da ntonaxac qom inoxoneua'a ye Sión, qataq nache 'eetai' qome da machiguiñi. Qaq huaña nache ỹanata da ntonaxac qataq da lamaicỹaxac. Nache da naquicoxo qataq da qui'ic imeuo qome.

Isaías 30:19

Qaq qami' Sión le'ecpi maye qoñiitaña na Jerusalén, mashe saishet qome da queta da qannoinaxaqui. Cha'aye Ñim Nataxala' qami' ichoxore'n qom qami' hua'axaỹalo da qaỹaxañiỹaique ca qantaunaguiqui, qaq qom choche qami' hua'axaỹalo nache qami' ỹasategueta.

Lucas 16:25

Qalaxaye so Abraham ỹasategueto' somaye, 'eeta': «'Am ỹalec, 'auennate co'ollaq ña qanca'alliitauec, qaq 'am 'auaỹamaqchiguiñi, qaq ñi Lázaro qalaq qauem da llecỹaxac. Qaq ñimaye nagui hueta'a ne'ena qalaq huo'o da lamaicỹaxac, qaq 'am qalaq 'anmeneguet da huo'o da 'anque'eenaxac.

Ezequiel 7:16

Qaq na'aictaxa qome da huo'o ca ishet da naneltaxan da tasheguema aye qasoxonaxapi da 'eeta'am ca qoto' da ñi'i, qalaxaye 'enauac qome da ileu, souaxat na lasouaxashetpi.

Lucas 6:25

¡Ỹataqta qauem da qa'aita'ague qami', maye sa qaviñi ca qolliqui cha'aye qaviyeeguet qome da qauqouache! ¡Ỹataqta qauem da qa'aita'ague qami', maye nagui qauaỹalleguiyiitac, cha'aye qauaỹachiñi qome ca noinaxac qataq da qanayeetaigui ca naquicoxo!

Isaías 12:1

Qaq que'eca na'a'q, nache 'am qonapec qome «'Am sanot da ña'achecỹaxac 'Am Nataxala', cha'aye na'aictaxa da aỹem 'aualemataỹa co'ollaxa, qalaxaye da 'aralemataic mashe vi'iiguet, nache aỹem 'avi'eguelaxatem da ilagaxayec.

Lucas 7:50

Qalaxaye So Jesús 'enapega aso 'alo, 'eeta': «'Am nagui 'anca'alec, cha'aye Aỹem 'aua'amaqten. 'Aue, qojec, nagui 'aulactapiguiñi.»

Lucas 7:38

Nache aso 'alo pa'auo, nache ỹa'alyiñi naua l-llectel, hua'aqtaua'alo naua lchel So Jesús, nache asomaye ye ỹaguec da nnoinaxac, nache naua lache' taleguete naua lchel So Jesús. Ime, nache ỹaqaxaỹaxa't naua lchel Somaye ỹauota'a na laue qataq napigoqta'ape, ime, nache icoreleguete som coraxat maye ỹachetac.

Zacarías 12:10

Qalaxaye nam chegoxoguetpi so David, qataq nam hueta'a na Jerusalén secorelec qome dam saqcha'a 'achecỹaxac qataq da atamnaxac. Huaña nache Aỹem ỹamato'ot, Aỹem maye aỹem ỹalauat, nache nỹen 'eeta'am da nỹeetapeguelec ca 'oonolec llalec, huo'otaq ca llalec ỹe.

Isaías 66:2

¡Ye Aỹem maiche ỹo'onatac 'enauac nam huo'o, qaq 'era da 'eetec da huo'omshe yo'oq namayepi! Qaq 'era da la'aqtac Ñim Nataxala'. Cam shiỹaxaua maye selotagui nacheca cam choxoraq qataq daquicotac, maye huo'o naq 'eneque naqa'e'n naua ỹa'aqtaqa.