Mateo 5:32 - La'aqtaqa Ñim Lo'onatac 'Enauacna 2013

³² Qalaxaye nagui Aỹem shenapec da ca ỹale ishet da ỹalat aca lhua da huo'otaq huasoilec da lauatapiguiñi' ca lỹa ỹale. Qaq da huo'otaq ỹalat aca lhua da souaxat ca lỹa lataxac, nache camaye nataqa'en huetaigui da lchec da ishet da ỹo'ot que'eca nasouaxashet. Qaq aca'aca 'alo da ỹe'eguelaxalec da huaron, nache acamaye qataq cam dalaxaic lhua qaỹamata'ac da quisheguetaxaiqa.

Nuevo Testamento Toba Sur

³² Qalaxayi aÿim qami' shinapegalo da huo'otaq huo'o ca shiÿaxaua da ÿalat aca lhua, da sa ishit da huasoilec da nquishishaxac, nachi camayi ÿasouaxateguet aca lhua da 'ico' nquishishaxai. Qaq cam huadonguet acam qaÿalat 'alo, camayi nataq'en qaÿamata'ac da huadonaxaic.

Nuevo Testamento Toba Sombrero Negro

³² Qalaĝaja ami ja'aĝatema joga'me jo'ne yeguem jaga'me loua, qom ja naqaeda ta'le yajouaĝat da'me lequejeguetaĝa'j jogaa'me, qama'le en quejeguetaĝai jaga'me, nataq'aen ga'me jiyaĝaua laqaya jo'ne 'uoneguet jaga'me qoyeguem nach'e ena'am taue da'me lequejeguetaĝa.

Mateo 5:32 Referans Kwoze

Romanos 7:3

Qaq ỹoqo'oye acamaye da huo'otaq huaroneguet ca lỹa ỹale, da huo'otaq ña nca'altauec ca lhua, nache acamaye saishet da ipaguelec da lataxac da nhuaỹaxac. Qalaxaye da mashe ileu que'eca lhua, nache acamaye huesoueeguesop da lataxac da nhuaỹaxac, nache ishet da ỹe'eguelaxalec da qaltaq huaron, nache saishet da qaỹamata'ac da saishet da ipaguelec da lataxac da nhuaỹaxac.

Lucas 16:18

Ca ỹale da huo'otaq nalate' aca lhua, ime, qaltaq huaroneguet aca lỹa 'alo, nache camaye huo'o da lasouaxashet. Qataq cam huaroneguet aca 'alo maye nalate' ca lhua, nataqa'en camaye huo'o da lasouaxashet.» So Jesús nataqa'en 'enapeco':

1 Corintios 7:4

Aca 'alo maye mashe huaron, acamaye saishet da lalamaxat da lo'ocỹaxac, nache 'ena'am ca ỹale. Cha'aye da huarona't, nache aca 'alo lalamaxat ca ỹale, qaq ca ỹale lalamaqte aca 'alo.

Mateo 5:28

Qalaxaye Aỹem ỹataqta 'eesa de'era qami' sa'axatema da huo'o ca choche ilota'a aca 'alo, qaq huo'o da lqopiche, nache camaye sogote da 'eeta'am da mashe ncacheỹa'ai' acamaye dam lquiyaqteỹaxac.

Lucas 9:35

Ime, nache qaỹa'axaỹa so nvilỹaxac chemaxaigui so lo'oc, 'eeta': «¡'Era da Ỹalec maye Ica'aguishec! Qaq qami' iuen da ỹataqta qaualaqaiguet.»

Lucas 9:30

Huaña, nache nachaxa'n so Moisés qataq so la'aqtaxanaxanec Ñim Lo'onatac 'Enauacna le'enaxat Elías,

Jeremías 3:9

Qaq nache qaica ca lqalaic naqa'en da ỹo'ot damaye, huaña nache nshepaxanaqchet ne'ena 'alhua. Aỹem saỹalaxaguet, nache natameetacot na atamnaxala' coma'pi qataq na 'epaq.

Deuteronómio 24:2

Qaq acamaye da ime da ca'ai ca nma', nache ishet da qaltaq huaroneguet ca lỹa ỹale,