Mateo 5:30 - La'aqtaqa Ñim Lo'onatac 'Enauacna 2013

³⁰ Qataq cam ỹo'ot na 'oiguishec 'arhuaq da 'am ỹaueeguet da sa 'aualaq, nache no'on da 'auquesoxouec, nache qaỹoqteueegue 'anqa'en da 'auasaxauec. Cha'aye ỹaỹamaqchiguiñi da huo'o ca deqat naua 'ogoxoshe'ete, qalaxaye saishet da ỹaỹamaxañi da imauec da 'aro'ocỹaxac da qaỹasaxaña ca nhuaxanaqa' na 'etaxaloxoicpi.

Nuevo Testamento Toba Sur

³⁰ Qataq na 'oiguishic 'adhuaq, da 'am ÿanataxajñi, nachi no'on da 'auquesoxouec, nachi 'auasaxauec. Cha'ayi ÿaÿamaqchiguiñi da huo'o ca daqat naua 'ogoxoshi'te, qalaxayi sa ishit da imauec da 'ad'oquiaxac da qaÿasaxaña ca nhuaxanqa' na 'itaxaloxoicpi.

Nuevo Testamento Toba Sombrero Negro

³⁰ Nataq'aen qom na'me adouaq auayaten am yauegoue da'me aua'uo adoec, qama'le 'noota qom auachaĝaye nataq'aen aueguem; adiyamaqachiñe da'me onolec ga'me qaya da'me at'oyaĝac, qama'le ja yema da'me at'oyaĝac qoyamaĝa di'me payac 'lachaqa'.

Mateo 5:30 Referans Kwoze

Marcos 9:43

Na maiche 'arhuaq da huo'otaq 'am ỹaueca'a da sa 'aualaxaguet Ñim Lo'onatac 'Enauacna, qaq no'on da 'aucheguec. Cha'aye ỹaỹamaqchiguiñi da 'aunoxoneua'a da nca'alaxa da 'oonolec na 'arhuaq, saq 'ena'am da nalota't naua 'arhuaxaye, qalaxaye 'am qaỹasaxaña ca hueta'a ca norec maye saishet da qaỹalamat.

Mateo 5:29

Qaq ỹoqo'oye ca ilota'a ana 'oiguishe 'ara'aite da 'am ỹo'otec da sa 'aualaxaguet Ñim Lo'onatac 'Enauacna, nache no'on da 'anqat, nache 'auỹotaxateueegue da 'auasaxauec. Cha'aye ỹaỹamaqchiguiñi da huo'o ca deqat naua 'ogoxoshe'ete, qalaxaye saishet da ỹaỹamaxañi da imauec da 'aro'ocỹaxac da qaỹasaxaña ca nhuaxanaqa' na 'etaxaloxoicpi.

1 Pedro 2:8

Nataqa'en ye lỹa nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Ena nam coma' maye qalota na desalliilec; qataq qalota na pogolaxaisop.» ¡Qaq namayepi ivireguet de'era! ¡Souaxat da saishet da ỹa'amaqten da na'aqtaguec So Jesucristo!

1 Corintios 8:13

Qaq ỹoqo'oye aỹem saishet da sachec ca nallec da saỹaten da ỹauega ca ỹa'amqaanataxanaxaua maye saxanaxa da da'añi da lpi'iỹaxac da ỹauo'o ca lasouaxashet.

Lucas 17:2

Da huo'o ca ỹo'oteguet ca 'oonolec nam saq 'amaqtaqpiolec maye Aỹem ca'attague' da saq ỹalaxaguet naqa'en Ñim Lo'onatac 'Enauacna, nache camaye ỹataqta ỹactec da nque'eenaxac, saq 'ena'am da qaicoñero'ot na lqosot ca coma'. Ime, nache qaỹasaxangui aso auaxai.

Mateo 13:21

Qalaxaye souaxat da saishet da ỹoqta ỹaỹateeta de'era na'aqtaxanaxac, nache saishet da 'eetai' de'era ntonaxac. Cha'aye da huo'o da ivireguet lqalaic, huo'otaq da sa qaiyacnapec souaxat da ỹalaxaguet Ñim Lo'onatac 'Enauacna, nache saqaỹaloq da icoua'ai de'era na'aqtaxanaxac.

Lucas 12:5

Nachaqrata da qayi'iỹai Ñim Lo'onatac 'Enauacna Ñim saishet da nachaqrata da nqat da achaalataxac, maye nataqa'en Ñimaye huo'o naq 'enec da ỹamaxaña ca nhuaxanaqa' na 'etaxaloxoicpi ca shiỹaxaua, qom imat da nqat da nachaalataxac. Qaq 'iñi maye ishet da qayi'iỹai.

Gálatas 5:11

Qami' ỹaqaỹa't, da aỹemctaxa da sa'axatec da 'enauac, iuen da qaỹauo'o ca na'anaxat da qaro'ocỹaxaqui, nache nam aỹem ipa'agueetacpi ỹaxaañictaxa da aỹem icaatac, nache de'era na'aqtaguec da l-leuaxa So Cristo co'ollaq qaiuaxaneguet so npe'enaxaqui, saishettaxa da inogoqchet namayepi.

Romanos 9:33

Ana nere maye huetalec na la'aqtacpi Ñim Lo'onatac 'Enauacna Ñimaye 'eeta': «Aỹem sanaña qome ye Jerusalén ca 'oonolec coma'. Qaq camaye qome qalota na depoxolaxaisop qataq huañi naqa'en. Qalaxaye Ñim Lo'onatac 'Enauacna sa ỹatenachet 'enauac nam pi'iỹa'a Ñimaye.»

Mateo 26:31

Qaq co'ollaq ivildesheguemec aso qaỹoqotcheguemec 'alhua maye nanqa' ana Olivo, nache So Jesús 'enapegalo soua lapaxaguenataqa, 'eeta': –Ne'ena pe qami' deqat da qarpi'iỹaxaqui Aỹem. Cha'aye ana nere maye huetalec na la'aqtacpi Ñim Lo'onatac 'Enauacna, 'eeta': «Salauat qome ñim ilotague' ana qagueta nache ana qaguetapi qome nlagaxattac.»

Mateo 22:13

Nache so nta'a ỹamaxalec so lamaxashecpi, 'eeta': ‹Qaucoñiyiỹa't naua lchel qataq naua lhua'q, nache qauasaqaiuga ye napalaxa, yem huaña da na shiỹaxauapi ỹataqta nỹen qataq inaga't naua lhue da nqui'ic.›

Mateo 25:20

Nache nvireuo som ỹaconeguet co'ollaxa aso cinco mil anom, nache ỹaneuo asomaye lỹateuo naqa'en aso laỹe cinco mil nache, 'eeta': «'Am ỹataxala', aỹem 'aỹa'anem co'ollaxa aso cinco mil 'om. Qaq nagui 'ana ana laỹe cinco mil maye ỹaueque.»

Mateo 16:23

Qalaxaye So Jesús ỹamato'ot so Pedro, nache 'enapega, 'eeta': –¡'Am Pedro, da 'artaxaỹaxac 'eeta'am da ltaxaỹaxac so pa'aguenataxanaxaic! ¡Aỹem qoca'ai qome! Cha'aye 'am saishet da 'auaỹaten dam 'eetapeguec Ñim Lo'onatac 'Enauacna. Qataq choche qoquetegueua'a da Aỹem saishet da salaq.

Mateo 11:6

Ñim Lo'onatac 'Enauacna ỹaalec da nqouagaxa qome cam saishet da ỹaxanec Aỹem souaxat da ỹauaachigui de'era so'ottac.

Mateo 5:22

Qalaxaye nagui ỹataqta 'eesa ñaqa'en da huo'otaq huo'o ca choche dalemataỹa ca lỹa, nache camaye qanmit. Qataq cam isheuen ca lỹa, qalaq camaye qaỹauegueua'a cam nta'alpi maye loicnatac na lataxacpi. Qataq cam qauem ca la'aqtac da ỹasaxalec ca lỹa, nache camaye qaỹasaxangui ca norec maye nhuaxanaqa' na 'etaxaloxoicpi.

Mateo 17:27

Qalaxaye da yaqto' saishet da dalemata nam lapootega't ana nsheetenaxanaqte, nache no'on da 'anqo'onaxaama qome aso auaxai, ime, nache 'auasaxañi aca 'arqoina. Qaq ca hua'auchiguiñi 'arqoishec nỹaq camaye 'auauachigui na alap qome, nache 'aulalec aca anom lcatole. Nache 'auacona acamaye, nache 'aỹa'aneuo aca isheetenaxanaqte qataq aca 'arsheetenaxanaqte.

Mateo 18:8

Qaq ỹoqo'oye cam ỹo'ot na 'arhuaq huo'otaq na 'arapia' da huo'otaq 'am ỹaueeguet da sa 'aualaxaguet Ñim Lo'onatac 'Enauacna, qaq no'on da 'aucheguec, nache 'auỹotaxateueegue da 'auasaxauec. Cha'aye ỹaỹamaqchiguiñi da 'aunoxoneua'a da nca'alaxa, na'aictaxa da 'oonolec na 'arhuaq huo'otaq na 'arapia', qalaxaye saq 'ena'am da 'am qaỹasaxangui ca norec maye nhuaxanaqa' na 'etaxaloxoicpi da nalota't naua 'arhua'q qataq naua 'arapia'ate.