Mateo 5:24 - La'aqtaqa Ñim Lo'onatac 'Enauacna 2013

²⁴ nache 'am 'aucotana'asop añi nca'atoxonaxalate aca 'arachetaqtaxanaqte, nache 'aua'auaxaañi da 'anmane' ca 'arỹa. Ime, qaq 'am 'avi'eguelaxaua'a añi nca'atoxonaxalate, nache 'aỹa'aneuo aca 'arachetaqtaxanaqte.

Nuevo Testamento Toba Sur

²⁴ nachi 'am 'aucotana'asop aca nca'atoxonaxalate aca 'adachitaqtaxanaqte, nachi 'au'auaxaañi da 'anmane' ca 'adÿa. Ime, qaq 'am 'avi'iguelaxau'a aca nca'atoxonaxalate, nachi 'ai'aneuo aca 'adachitaqtaxanaqte.

Nuevo Testamento Toba Sombrero Negro

²⁴ cha'li auepota'ña jaga'me adajaqaje ga'me tamenaqa' qama'le 'uaeñe auec'ata ga'me adaqaya qaedi anayate'ne' queda'me avichoĝoden nataq'aen yitaĝa ami made'tape. Chane'eja male auaqanatet da'me auec'ata ga'me tamenaqa' qama'le auaneuo jaga'me adajaqaje.

Mateo 5:24 Referans Kwoze

Santiago 5:16

Qaq ỹoqo'oye ñi 'oonolec da qoñiita da'aqtaxanem ca lỹa ca lasouaxashet, qataq ñi 'oonolec nqouagaxaueetalec ca lỹa, yaqto' Ñim Lo'onatac 'Enauacna qami' natare'n. Da nqouagaxaunaxac ca no'on shiỹaxaua ỹataqta huo'o da la'añaxac, cha'aye Ñim Lo'onatac 'Enauacna ỹataqta hua'axaỹa.

Da na'aqtaguec so Job 42:8

Qaq qauacoñiiua'alo qome caua siete huaca llalqa, qataq caua siete qagueta lhuaraiqa, nache qanqo'oñiỹa qome ñi ỹamaxashec Job, yaqto' qaỹa'añiiuo da nachetaqtaxanaqte qaỹavigaxatta, qaq ñi ỹamaxashec Job, qami' natameeleguete qome. Nache aỹem saconeguet qome ca nqouagaxaunaxac ñimaye nache saishet da huo'o ca qami' shena'aque, souaxat da saishet da qaua'axache da ỹaỹamaqchiguiñi ỹataxac, cha'aye qami' saishet da qoñiita'am ñi ỹamaxashec Job.»

Proverbios 25:9

'Anqoleguete' ca 'am ỹasaqtapeguelec 'arasouaxashet ca 'arỹa, qataq saishet da 'auchoxot ca ỹaqa'a qoỹoxottapiguiñi,

1 Timoteo 2:8

Ỹoqo'oye sauotaique da na ỹalleppi maye do'onaxaatac, da ivita da nqouagaxauen qalaq ỹachaxaato'oto naua lhua'q Ñim Lo'onatac 'Enauacna qataq ỹaxaañi da ncotatega't qataq da nnota'a't.

Mateo 23:23

¡Ỹataqta qauem da qa'aita'ague qami' maye qauapaxaguenataxañiiteguec na namaxasoxonaxacpi qataq qami' fariseopi maye qoñiitega da qami' 'eesora! ¡Qami' tenataxanaxaicpi! Ỹataqta huo'o da qanpogoxoinaxaqui da qaỹa'añiiuo da qarachetaqtaxanaqche añi 'oonole laue ana diez ana nalecnaxanaqte maye le'enaxat menta, qataq anís, qataq ana comino maye qa'añiguishe, qalaxaye qami' saishet da qaualaqaigueta naua lapaxaguenataxanaxaco nam nqataxacpi maye ỹoqta iue'n da qaỹalaxaleguete maye, 'eeta': da no'on nataxac, qataq da qaichoxoren ca nỹa, qataq da qaỹalaxaguet Ñim Lo'onatac 'Enauacna. Qaq ne'enaua tres nachenaua naua iue'n da ỹataqta qaỹo'o't, qalaxaye saishet da nache sa qaỹalaxalec na laỹepi namaxasoxonaxacpi.

1 Corintios 11:28

Ỹoqo'oye ñi 'oonolec, iuen da ỹa'auaxaañi da ỹataqta naỹateetela't, da huo'otaq 'onaxaic cam ỹo'ottac huo'otaq qauem. Ime, nache ishet da chec aca nauole qataq ishet da nỹomgui aca ỹomaxaqui.

Marcos 9:50

Na toue, namaye ỹataqta no'on. Qalaxaye da huo'otaq deqat da lle'euaxa, qaq ¿ca 'eetec qami' da qavi'eguelaxachiỹa da lle'euaxa? Qaq ỹoqo'oye, qami' iuen da qoñiỹa'am namaye da ỹataqta qami' no'o'n: qauo'oche ca ỹaỹamaqchiguiñi qataq qaulaquiitapiguiñi da qaualliquiitaigui na shiỹaxauapi.

Mateo 5:23

Qaq ỹoqo'oye 'am, da huo'otaq 'arotaua'a aca 'arachetaqtaxanaqte añi nca'atoxonaxalate maye hueta'a añi no'onaxanaxaqui late'erai, qaq da tachigui ye 'arhuel ca 'arỹa da huo'otaq hueto'ot ca 'arasouaxashet,