Mateo 5:23 - La'aqtaqa Ñim Lo'onatac 'Enauacna 2013

²³ Qaq ỹoqo'oye 'am, da huo'otaq 'arotaua'a aca 'arachetaqtaxanaqte añi nca'atoxonaxalate maye hueta'a añi no'onaxanaxaqui late'erai, qaq da tachigui ye 'arhuel ca 'arỹa da huo'otaq hueto'ot ca 'arasouaxashet,

Nuevo Testamento Toba Sur

²³ Qaq ÿoqo'oyi 'am, da huo'otaq 'audotau'a aca 'adachitaqtaxanaqte aca nca'atoxonaxalate, qaq da tachigui yi 'adhuel ca 'adÿa da huo'otaq hueto'ot ca 'adasouaxashit,

Nuevo Testamento Toba Sombrero Negro

²³ “Chane'eja, mane'e qom aueda'a ga'me tamenaqa' jaga'me adajaqaje qama'te anetouena ga'me adaqaya jo'ne 'uo ga'me en adaviyaĝajet,

Mateo 5:23 Referans Kwoze

Marcos 11:25

Qaq da qanqouagaxauñi qalaq qauchoxoyiñi ca shiỹaxaua maye huo'o ca qami' ỹo'oteque qauem. Yaqto' Ñim Lo'onatac 'Enauacna maye Qarta'ai maye neta'ague da piguem, ỹapalaxat na qarasouaxashechi.

Mateo 5:24

nache 'am 'aucotana'asop añi nca'atoxonaxalate aca 'arachetaqtaxanaqte, nache 'aua'auaxaañi da 'anmane' ca 'arỹa. Ime, qaq 'am 'avi'eguelaxaua'a añi nca'atoxonaxalate, nache 'aỹa'aneuo aca 'arachetaqtaxanaqte.

Mateo 8:4

Nache So Jesús 'enapega somaye, 'eeta': –¡Ỹataqta 'ana'axaỹaxaachigui qome de'era shenapec! Saishet qome da huo'o ca 'aua'axatem de'era. Nachaqrata da 'am qojec, 'anachaxaneua'a ñim ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna, qataq 'aỹa'aneuo qome aca 'arachetaqtaxanaqte maye damaxasoxoolec co'ollaxa so Moisés, yaqto' qaỹaỹaten da mashe 'am no'oita.

Mateo 23:19

¡Qami' qaica ca qauaỹaañiỹapec! Cha'aye añi nca'atoxonaxalate maye qaỹachalec naxa ana nachetaqtaxanaqte da qoỹanot Ñim Lo'onatac 'Enauacna, añimaye napacalec da la'amaqchec aca nachetaqtaxanaqte, qataq nachañi añi ỹo'ot da huo'o da la'amaqchec aca nachetaqtaxanaqte da hueto'ot Ñim Lo'onatac 'Enauacna.

Lucas 19:8

Qaq co'ollaq ime da nquia'axac, nache nachaañi so Zaqueo, nache 'enapega So Jesús, 'eeta': –'Am Ỹataxala', aỹem qome secolaxatchiguingui na laiñi da isallaxa. Ime, qaq sanem nam choxoraqpi. Qaq da huo'otaq huo'o ca secachiỹot, nache cuatro da she'eguelaxalec da she'eguelaxatot camaye cam secachiỹa.

Oseas 6:6

Cha'aye aỹem ñeshetaique da aỹem qauauochec, qaq saishet da nachena nam qarachetaqtaxanaxache da ñeshetaique da aỹem qandoitapegueua'a. Qataq ñeshetaique da aỹem qauauattoñi da aỹem Qanatamnaxala'ai, qaq saishet da choche aỹem qaỹa'añeetacot anam nachetaqtaxanaqte qaỹavigaxatta.

1 Samuel 15:22

Huaña nache so Samuel, 'enapeco': «Ñim Nataxala' ỹataqta ỹactec da ỹaỹamaxareeta da qaỹalaxaguet, saq 'ena'am da qoỹanot aca nachetaqtaxanaqte qaỹavigaxatta qataq 'onaxaic naqa'en da qaỹalaxalec qataq da qailoolec ca 'enapec Ñimaye saq 'ena'am da qoỹanot aca nachetaqtaxanaqte huo'otaq da qaỹavigaxat na lcheta ca qagueta.

Lamentaciones 3:20

nache da seuennataxaateguelec naxa, nache ỹataqta qaica ca ỹa'añaxac.

1 Reyes 2:44

Qaq so nta'a nataqa'en 'enapega so Simea, 'eeta': «'Am, 'auaỹateeta da 'auo'otec co'ollaxa da ỹataqta qauem so ita'a David. Ỹoqo'oye nagui Ñim Nataxala', 'am talec naqa'en de'era qauem maye 'auo'ot co'ollaxa.

Ezequiel 16:63

Qaq qom sapalaxat 'enauac nam 'auo'otpi, nache 'am 'auennate qome nam qauempi maye 'auo'otpi co'ollaxa, nache ỹataqta huo'o da 'ara'agaxa, qataq souaxat da qaica ca qonec, nache saishet qome da qaltaq 'avi'eguelaxa da 'autaqtac. Qaq 'era da ỹa'aqtac, Aỹem Nataxala'.»

Génesis 41:9

Qaq huaña nache so lataxala' so ỹomaxaqui lo'opi, 'enapego' so faraón, 'eeta': «Nagui, tachigui iuel da huo'o da so'ot sa ỹaỹamaxañi.