Mateo 5:22 - La'aqtaqa Ñim Lo'onatac 'Enauacna 2013

²² Qalaxaye nagui ỹataqta 'eesa ñaqa'en da huo'otaq huo'o ca choche dalemataỹa ca lỹa, nache camaye qanmit. Qataq cam isheuen ca lỹa, qalaq camaye qaỹauegueua'a cam nta'alpi maye loicnatac na lataxacpi. Qataq cam qauem ca la'aqtac da ỹasaxalec ca lỹa, nache camaye qaỹasaxangui ca norec maye nhuaxanaqa' na 'etaxaloxoicpi.

Nuevo Testamento Toba Sur

²² Qalaxayi aÿim qami' shinapegalo da huo'otaq huo'o ca dalemataÿa ca lÿa, nachi camayi qaÿauo'o ca nhuaxanaguec. Qataq cam ishiuen ca lÿa, qalaq camayi qaÿauegueu'a cam nta'alpi mayi loicnatac na lataxacpi, da yaqto' qanmit. Qataq cam ÿamata'ac qaica ca ÿaÿajnapec ca lÿa, nachi camayi huetalec da lchic da tangui qanqoÿin ca nodec mayi huaña da ÿauo'o da nhuaxanaguec ñi Dios na 'itaxaloxoicpi.

Nuevo Testamento Toba Sombrero Negro

²² Qalaĝaja ami ja'aĝatema queda'me gamachaqaega ga'me jo'ne dalemata'ya ga'me laqaya, male qoyamaĝaue da'me ne'uaĝanaguec. Nataq'aen ga'me jo'ne yejouen ga'me laqaya, qama'le qoyajoĝonegueta jogaa'me jiyaĝadipi nec'atenoqo't; nataq'aen ga'me jo'ne yachalo'te gaa'me 'laqataqa 'me ja 'noe'n ga'me laqaya, qama'le qoyen yepaquetapegue' da'me yec'ata ga'me dole' 'me 'lachaqa' da'me 'uaĝanaĝac.

Mateo 5:22 Referans Kwoze

1 Juan 2:9

Da huo'o ca 'eetega da nachattaigui na yo'oqchiguiñi, qalaxaye nquiỹatega ca lỹa maye la'amqaanataxanaxaua, nache camaye ỹoqta 'eesa da ñaq huetaigui na lta'araic napalaxa.

Santiago 3:6

Naua qara'aqtaqa maye ñasaxasoxorec chegoqchigui ñi qarachaxat, naamaye 'eeta'am ca norec. Ñi qarachaxat ỹataqta lta'araic da la'añaxac da ỹo'ot ca qauem. Ishet da chegoqchigui ñimaye da deqat da qanachaalataxac qataq qomi' iviraxata'alo da qomi' qaỹasaxanguilo ca norec maye nhuaxanaqa' na 'etaxaloxoicpi.

Tito 3:2

Qataq saishet da qauema naua la'aqtaqa da detaqtega ca lỹa, nachaqrata da nmitaique da nlagaxayec, qataq huo'o naq 'enec naqa'en ca lỹa, qataq ỹachaxan da huesota lataxac da ỹalectaigui na shiỹaxauapi.

Mateo 10:28

Saishet da qañi'iỹai na shiỹaxauapi maye ishet da ilaxachigui da qaro'ocỹaxaqui, qalaxaye saishet da ilaxachigui dam saqcha'a qarca'alaqai. Nachaqrata da qañi'iỹai Ñim Lo'onatac 'Enauacna maye ishet da ilaxachigui qataq ỹasaxauga ca nhuaxanaqa' na 'etaxaloxoicpi da qaro'ocỹaxaqui qataq da qarca'alaqai maye saqcha'a.

Mateo 18:35

Nache So Jesús 'enapeco': «Qaq 'era qome da 'eetec naqa'en da qoñiita ñi Ita'a maye neta'ague da piguem, da huo'otaq ñi 'oonolec saishet da ỹoqta lquiyaqteỹaxac da ichoxoren ca lqaỹa.»

1 Pedro 3:9

Da huo'o ca qami' ỹo'oteque ca qauem, nache qami' saishet da qavi'enaxachiỹa'aguet, qataq da huo'o ca qami' isheueeta'ape, nache saishet da qavi'enaxachiỹa'aguet da nataqa'en qausheuñi camaye. Nachaqrata da qanqouagaxauñiỹot Ñim Lo'onatac 'Enauacna da ỹaalec da lqouagaxanaqtaic que'eca shiỹaxaua, cha'aye Ñimaye qami' lca'agui'she da qami' ỹanema da lqouagaxanaqtaic.

Romanos 12:10

Ñi 'oonolec ỹataqta ỹauotec ca lỹa 'eeta'am ca ỹoqta lqaỹa, qataq ñi 'oonolec huo'o naq 'enec naqa'en ca lỹa.

1 Pedro 2:23

Qataq co'ollaq qaisheueetac, qalaq saishet da ỹe'eguelaxata'aguet da nsheunaguec, qataq saishet da ỹasauaxattac som ỹo'otpi da nque'eenaxac. Nachaqrata da hua'aqta'a da Ñim Lo'onatac 'Enauacna da huapegue' qataq ilo'ogue, cha'aye Ñimaye nmit qome 'enauacna qataq ipagaqchiichigui ca lataxac.

Mateo 18:21

Nache so Pedro nquigueua'a So Jesús, nache inat 'eeta': –'Am Ỹataxala', da huo'o ca 'oonolec nam ỹaqaỹañicpi maye ỹa'amqaanataxanaxauapi da aỹem ỹo'otec ca qauem, nache ¿chaxan lcate' da she'eguelaxalec da sechoxoren camaye? ¿Peta'a siete da she'eguelaxalec da sechoxoren?

Salmos 109:3

aỹem nquiỹa da aỹem detaqtega namayepi, qataq qaica ca sasouaxat qalaq aỹem iloquiaxaatac.

Salmos 37:8

'Axanec da 'annogoxonaxac qataq qoca'ai da 'aralemataic, saishet da 'aualemata cha'aye damaye 'am ỹauecta'a ca qauem.

Judas 1:9

Qamaq so lataxala' na namaxashecpi, le'enaxat Miguel, saishet da ishet da ỹo'ot ca 'eeta'am de'era. Co'ollaq deloctague' so pa'aguenataxanaxaic da deuotaxanec so lo'ocỹaxac so Moisés, qalaq saishet da isheuen, nachaqrata da 'oonolec so la'aqtac da 'enapega, 'eeta': «Ñim Nataxala' ỹauo'o qome ca 'anhuaxanaguec.»

1 Juan 3:10

Qaq qomi' ishet da sauattonaq negue't ca llalec Ñim Lo'onatac 'Enauacna, qataq negue't ca llalec so pa'aguenataxanaxaic: nam llalaqpi so pa'aguenataxanaxaic, nachena nam saishet da ỹaỹamaxaren da ỹo'ot ca ỹaỹamaqchiguiñi qataq saishet da ỹauotec ca lỹa.

Hechos 17:18

Qaq huo'o nam ỹaanaxanaxaicpi maye ỹa'amaqten qataq 'eetega, dam ỹataqta huo'o naq naigui de'era achaalataxac, nachera da namaxayec. Qataq huo'o so laỹepi ỹaanaxanaxaicpi da ỹapaxagueetac na shiỹaxauapi da nllañi da lo'ocỹaxac da yaqto' saishet da ỹo'ot ca qauem. Nache namayepi huo'o na 'eeta': –¿Negue't da qomi' ỹa'axattapeguema dam da' ỹale, ye ỹapactec da ltaxaỹaxac? Qataq huo'o na 'eeta': –Damaye 'eeta'am da ỹa'axattapeguec cam lỹa 'añaxaic. Qaq 'eetec de'era somayepi, cha'aye so Pablo ỹa'axattac dam no'on na'axaỹaxac maye na'aqtaguec So Jesús qataq da 'eetec da qaltaq nca'alec ca shiỹaxaua.

1 Ts 4:6

Saishet da huo'o ca ỹatenachet ca lqaỹa maiche la'amqaanataxanaxaua, qataq saishet da qopiilec camaye. Mashe sogote da qami' sevitaqteetagalo da So Qarataxala' Jesús ỹauo'o ca lta'araic nhuaxanaguec ca nache 'eetec de'era.

Marcos 14:55

Nache som lataxala'pi na ntaxaỹaxanaxanecpi qataq 'enauac na 'amaqtaqaicpi nta'alpi maye nmit na nasouaxashetpi, somayepi nmittaique ca shiỹaxaua da ishet da ỹasaxalec ca la'aqtac saq 'en So Jesús, da yaqto' ỹachegoxotchigui da ỹaneguet ca nalaataguec Somaye. Qalaxaye saishet da ỹanata.

Mateo 26:59

Nache som lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq 'enauac som nmit na nasouaxashetpi, somayepi nmittaique da huo'o ca shiỹaxaua da huo'o ca latenataxanaxac da ỹasaxalec So Jesús, da yaqto' qaỹaconeua'a Somaye da qaỹalauat.

Deuteronómio 15:11

Cha'aye nache 'eetai' qome da huo'o na choxoraqpi ana 'alhua, ỹoqo'oye 'am samaxalec da 'auchoxoren qome que'eca 'arhuo' le'ec maye choxoraq, qataq huo'o da lhuenaxanaxa maye netaña que'eca 'ana'alhua.

Juan 11:47

Nache nam fariseopi qataq nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, namayepi dataỹa't, huaxaiguet so 'amaqtaqaicpi maye nmit da huo'o ye nasouaxashet. Nache somayepi 'enapeco': –¿Hua'ague ca shenaqtec? Cha'aye se'eso ỹale ỹataqta qalota na ỹo'ot na'anecpi maye sa qaỹauanapega.

Apocalipsis 20:14

Ime, nache so nleuaxa qataq da lo'onataxanaxac somaye qaỹasaxayingui so lta'araic norec. Qaq nam tangui se'eso lta'araic norec, nache chochaq tatec da sa nauane' Ñim Lo'onatac 'Enauacna.

Hechos 7:37

Qataq nacheso se'eso Moisés so da'aqtaxanem co'olloxocheye so Israel le'ecpi, 'eeta': «Ñim Lo'onatac 'Enauacna qami' namaxalo qome ca la'aqtaxanaxanec, camaye maiche qaralamaxache qarhuo'oi le'ec, camaye 'eeta'am aỹem da qami' qanamaxalo. Qaq camaye ỹataqta qaualaqaileco' qome.»

Lucas 12:5

Nachaqrata da qayi'iỹai Ñim Lo'onatac 'Enauacna Ñim saishet da nachaqrata da nqat da achaalataxac, maye nataqa'en Ñimaye huo'o naq 'enec da ỹamaxaña ca nhuaxanaqa' na 'etaxaloxoicpi ca shiỹaxaua, qom imat da nqat da nachaalataxac. Qaq 'iñi maye ishet da qayi'iỹai.

Mateo 5:44

Qalaxaye nagui Aỹem shenapec da ỹataqta qauauochec ca qami' ipa'agueeta'ape, qataq qanqouagaxauñiitalec cam saq qami' iyacna'ape.

Mateo 5:34

Qalaxaye nagui Aỹem qami' shenapegalo da huo'o ca qauachaxañiỹapec, nache saishet da qauauo'oi ca qauo'ogoxoñiỹa da chegoqchigui qanqa'eñi da la'añaxac da qaỹa'añi ca qara'aqtaqui. Saishet da chegoqchigui na piguem, cha'aye nachena na nso'ootalec Ñim Lo'onatac 'Enauacna,

Mateo 3:17

Qataq qaỹa'axaỹa so na'aqtac chemqot na piguem, 'eeta': «'Era da ỹalamaxat Ỹalec damaye ỹataqta ỹauotaxat, qaq ỹoqo'oye ỹataqta ñetootapeguec.»

Abdías 1:10

Qaq souaxat da ỹataqta sa 'auyacnapec qataq 'aualauat so 'arqaỹa Jacob, nache 'am talec qome da ncoxo, qataq ỹataqta imauec da 'am qailaxachigui.

Proverbios 14:16

Ca ỹaanaxanaxaic ñi'iỹa'aguet ca qauem qataq ca'ai camaye, qaq ca qaica ca ỹaỹaanapec qalaq qaica ca huotaique.

Salmos 7:4

¿Peta'a so'otec co'ollaxa ca qauem ca ñauochaxaua? ¿Qalqo' huetaiya' ñaqa'en ca ñepa'aguenaxaua maye qaica ca ỹasouaxat?

Génesis 37:4

Qalaxaye soua lqaỹa't, co'ollaq nomalo da so lta'a ỹataqta lauotaxat somaye, saq 'ena'ama soomaye, nache ỹataqta nquiỹalo so José, ivitta'a da saishet da iqui'n.

1 Juan 5:16

Da huo'otaq huo'o ca ỹauaachigui ca la'amqaanataxanaxaua da huo'o ca ỹo'ot lasouaxashet maye saishet da taỹa'a naqa'en da nleuaxa, qaq no'on da nqouagaxaueetalec camaye da yaqto' Ñim Lo'onatac 'Enauacna ỹami' ca lca'alaxa. Qalaxaye nache qoỹeetec de'era da qaỹaỹaten da ca nasouaxashet saishet da taỹa'a da nleuaxa. Cha'aye huo'o na nasouaxashetpi da dauegaqtaxana da nleuaxa. Qaq aỹem ñeshetaique da qami' shenapegalo da saishet da qanqouagaxauñiilec cam ỹo'ot de'era.

Santiago 2:20

Saishet da qaica ca 'auaỹaanapec. Iuen da 'aua'amaqten da qaica ca naigui da qonetega 'aualaxaguet Ñim Lo'onatac 'Enauacna qataq qonetega 'aua'amaqten Ñimaye da saishet da huo'o ca 'auo'ot ỹaỹamaqchiguiñi.

Hebreos 12:25

Qaq ỹoqo'oye maxatchaxa da qoñiita, saishet da huo'o ca sa iqocha'a Ñim Lo'onatac 'Enauacna da qami' detaxaỹoto. Saishet da sa qauacoñiiguet, cha'aye som hua'au Israel le'ecpi maye sa iqocha'a co'ollaxa Ñimaye qalaq saishet da ỹet so lta'araic nhuaxanaguec. Se'eso na'a'q co'ollaq Ñim Lo'onatac 'Enauacna detaqtacot somayepi, qalaq so lvilỹaxac ỹacholaxan ana 'alhua. Qaq qomi' da sa saconaxaguet Ñim Lo'onatac 'Enauacna maye qomi' iỹaxanalo so lvilỹaxac maye chegoqtot na piguem, nache nataqa'en saishet da qomi' ỹe't ca lta'araic qanhuaxanaguec. Cha'aye nagui da la'aqtac Ñimaye 'eeta': «Qaltaq she'eguelaxalec da sacholaxan ana 'alhua, qalaxaye saishet da ndotec anamaye nataqa'en na piguem.»

Hebreos 5:9

Nache co'ollaq So Cristo da ỹo'ot 'enauac nam ỹamaxalec Ñim Lo'onatac 'Enauacna, nache Somaye ivira'a da Nca'alaxaqui da ỹami' da nca'alaxa chochaq tatec 'enauac nam ỹalaq.

1 Corintios 6:6

Qami' saishet naxa da choche ndotec da qancotaitega't, ¡nataqa'en ivira'a naxa da qauroiua'a na nmit na nasouaxashetpi maye saishet da ỹa'amaqten So Jesús da yaqto' ỹaỹamaxañi cam qancotaitapigui!

Hechos 5:27

Qaq co'ollaq iviraxateua'alo so ltaxaỹaqa' so nta'alpi, nache so lta'a na ntaxaỹaxanaxanecpi da qaitaxaỹapegue' Ñim Lo'onatac 'Enauacna 'enapeco':

Juan 15:25

Qalaxaye damaye iuen da yo'oq, da yaqto' ipacchigui dam nanettalec ana nere maye huetalec na la'aqtacpi Ñim Lo'onatac 'Enauacna maye 'eeta': «Aỹem nquiỹa namayepi, qamaq qaica ca sasouaxat.»

Juan 8:48

Nache huo'o nam judiopi da 'eetega Somaye, 'eeta': –Qomi' ỹataqta 'eesa de'era qara'aqtac co'ollaq shenaqapec da choche 'am Samaria le'ec qataq huo'o ñi saqcha'a na'añaxac leguemaxaic 'am netaigui.

Juan 7:20

Nache so shiỹaxauapi 'enapeco': –'Am ỹataqta huo'o da 'oic, cha'aye ¿negue'to' ca nshetaique da 'am ỹalauat?

Marcos 15:1

Qaq co'ollaq mashe yo'oxoñi, nache dataỹa't som lataxala'pi na ntaxaỹaxanaxanecpi, qataq so nqueroxonecpi maye lataxala' na judiopi qataq som dapaxaguenataxaatapeguec na nqataxacpi maye chegoqo'ot so Moisés, qataq 'enauac som nta'alpi maye loicnatac na lataxaguesat. Nache somayepi ỹauec So Jesús, qaicoñetta'a't naua lhua'q, nache ỹauegueua'a so Pilato.

Mateo 25:41

Ime, nache shenapega na qauem da lataxac, sheeta': «¡Aỹem qoquiỹa'ai! Cha'aye Ñim Lo'onatac 'Enauacna 'oonolec da iqataxaatapigui' qauem maye qami' taleguete. Qanqo'oñiuga yem chochaq tatec norec maye iqataxaatai' Ñim Lo'onatac 'Enauacna, da yaqto' ỹasaxangui so pa'aguenataxanaxaic qataq nam lamaxashecpi.

Mateo 23:33

¡Qami' ỹataqta qami' tenataxanaxaicpi qataq qami' qauemaicpi! Ỹataqta qami' qauemaiqa qoñiỹa'am na lshenataxanaxa na na'araxanaq. ¡Qaq ỹoqo'oye ỹataqta sa qami' ỹe't ca qanhuaxanaguiiqui da qami' qaỹasaxañalo ca nhuaxanaqa' na 'etaxaloxoicpi!

Mateo 23:15

¡Ỹataqta qauem da qa'aita'ague qami' tenataxanaxaicpi! Cha'aye qami' ỹataqta qa'aiteua'alo naua nma'ate qauauoitaique da huo'o ca qami' queguelo, qaq da qauanachiỹa nache camaye ỹataqta qauo'ochec da ỹataqta ỹactec da nhuaxanaguec qom qaỹasaxaña ca nhuaxanaqa' na 'etaxaloxoicpi, qaq saq 'ena'am da qoñiita.

Mateo 17:5

Qaq co'ollaq ña detaqtac so Pedro, nache anac so lo'oc na piguem ỹataqta 'eroigui. Ipelteeleguete soomaye. Nache se'eso lo'oc chemaqtoigui so na'aqtac, 'eeta': «'Era dam Ỹalec maye ỹataqta ỹauotaxat, damaye ỹataqta ñetootapeguec, qaq qami' iuen da ỹataqta qana'axaỹaxañiỹa damaye.»

Mateo 12:24

Qalaxaye huo'o nam ỹalectaigui na fariseopi co'ollaq hua'axaỹa na shiỹaxauapi, nache 'eeta' da lhuennataxac: «De'era Jesús ỹo'ottapeguec na saqcha'a na'añaxac leguemaxaicpi maye netaigui na shiỹaxauapi, cha'aye so Beelzebú maye lataxala' nam saqcha'a na'añaxacpi nacheso so ỹami' da la'añaxac damaye da yaqto' ỹo'ot de'era.»

Mateo 10:17

Qataq maxatchaxa, cha'aye qami' qoỹaneua'alo qome na nta'alpi, da yaqto' qami' qaiuaxaata'ape da huaigui ana napaxaguenaxaquipi na judiopi.

Abdías 1:12

Qataq saishettaxa da 'antootapeguec da 'auauaachigui nam 'arqaỹañecpi so na'a'q co'ollaq huaigui da nque'eenaxac, qataq saishettaxa da 'antooteguec da 'auauaachigui da qailaxachigui na Judá le'ecpi, qataq saishettaxa da 'avi'iitac namayepi so na'a'q co'ollaq huo'o da lachetataic.

Daniel 3:19

Qaq so Nabucodonosor co'ollaq hua'axaỹa de'era la'aqta'c soomaye, nache ỹataqta ntoguec na lashec souaxat da lauel da ỹalleto'oto soua tres nsoxorolqa. Huaña nache damaxasoxoolec da siete da qaỹe'eguelaxalec da qaỹalonoigui aso nqatelaxanaxaqui, napacalec ye lcata naxa da qaỹalonoigui asomaye,

Daniel 3:13

Nache so Nabucodonosor ỹataqta dalemata, nache damaxasoxoneugalo da qanauegueua'a somaye, so Sadrac, Mesac, qataq so Abednego. Qaq co'ollaq ivildeuo soomaye

Lamentaciones 3:52

Nam ñepa'aguenaxauapi qaica ca huo'omshe aỹem icaatac, qaq huotaique da aỹem ỹaconeua'a sheeta'am naqa'en ca qoỹo,

Jeremías 17:11

Qaq cam desalligui da lcachaxac nache camaye 'eeta'am ca dachemi da nqapaxaaleguete caua saishet da lco'oue'ete. Nache da laiñi da nachaalataxac, nache da deqat 'enauac da lsallaxa, ime nache ivitta'a da 'eeta'am ca qaica ca ỹaỹaanapec.

Proverbios 18:6

Naua la'aqtaqa ca qaica ca ỹaỹaanapec qalaq ỹo'ot da cotaxac, qataq ne'enaua la'aqtaqa ỹo'otteua'alo da loquiaxac.

Salmos 92:6

Qaq ca qaica ca ỹaỹaanapec qalaq saỹaỹate'n, qataq saishet da ỹaỹaanegueta namaye.

Salmos 69:4

Ỹataqta napacalec ye lcata na laue na iqaic na aỹem nquiỹatapega, ỹataqta qalota na choche aỹem npa'agueetega, nam huotaique da aỹem nlaxaañi, qaq ¿ca 'eeteco' da she'eguelaxat ca saishet da secachiỹa?

Salmos 49:10

Cha'aye 'enauac da ileu namayepi, ivira'a na ỹaanaxanaxaic qataq na qaica ca ỹaỹaanapec, nache ỹaqa'a ca no'ona'aguet da lsallaxa.

Salmos 35:19

Saishet qome da aỹem ntootalec na ñepa'aguenaxauapi, qataq saishet da naquiaxaatalec ana la'aite nam choche aỹem nquiỹatega.

Salmos 25:3

Qataq saishet qome da 'auo'ot ca la'aloxo na ỹataqta 'am pe'etega, Nacherata da 'auo'ot da la'aloxo na choche chegoqchiiya' da 'am dataỹa'aguet.

Salmos 14:1

Na qaica ca ỹaỹaana'a da lhuennataxac, 'eeta': «Qaica ca Lo'onatac 'Enauacna.» Ỹoqo'oye 'enauac namayepi ỹataqta saỹaỹama'q naua ỹo'otta'ape qataq ỹataqta qauema, namayepi ỹataqta qaica ca choche 'oonolec da ỹo'ottac ca no'on.

Nehemías 5:8

Huaña, nache shenapega somayepi, sheeta': «Qomi' ỹataqta huo'o da qarhuogoxo da yaqto' ishet da ñe'eguelaxataxala't na maiche qarhuo' le'ecpi, maye qaimenoigui co'ollaxa so ỹotta'a't shiỹaxauapi da ỹauo'o l-latacpi. Qaq nagui qaltaq maiche qami' da qaumiñiitac na qaralamaxache qarqaỹaipi, maye mashe ñe'eguelaxataxala't co'ollaxa.» Nache 'enauac somayepi ỹataqta ỹe'emaqtom, cha'aye saỹaỹaten ca 'eetec ca lasataxac.

2 Crónicas 16:10

Huaña nache so Asa, ỹataqta dalemataỹa so na'aqtaxanaxanec, nache damaxasoxoolec da qoỹanaigui aso ncoñetaxanaxaqui. Nataqa'en nache huetoiguilo se'esoua na'axa'te da so Asa, huo'o so ỹataqta sa iyacnapecpi se'eso nhuo' le'ecpi.

1 Reyes 21:4

Nache so Ajab, jec co'ollaxa ỹe'eguelaxa so lma', qalaxaye ỹataqta daquico, qataq qaica ca lama', souaxat de'era la'aqtac so Nabot da, 'eeta': «Saishet da 'am sanem na 'alhua maye aỹem no'onaxata'aguet soua ita'al, da yaqto' ỹalamaxat naqa'en.» Qaq co'ollaq ivireuo somaye, nache nnaañi, datatot so lque so nỹec, qataq sa deque'e.

2 Samuel 16:7

nache so Simea queto'ot co'ollaxa da nqaqaatapiguiñi ỹasaqtapeguelec nam qauem la'aqtac so nta'a, 'eeta': ¡Qoca'ai ne'ena 'am qauemaic, qataq laataxanaxaic!

2 Samuel 6:20

Qaq so David nataqa'en ỹe'eguelaxa so lma' da yaqto' ỹanem nataqa'en da nchoxonnataguec so llalaqpi, qaq aso Mical, asom llale so Saúl, ca'ata'aguet co'ollaxa so David, nache 'eeta': «¡Ỹataqta sa no'onolec nagui dam huaigui na nta'a na Israel, ye nqa't naua alogo da nachaxana 'enauac ana l-latapi na lamaxashecpi, qaica ca la'agaxa 'eeta'am ca choche shiỹaxauatto!»

Génesis 37:8

Qaq huaña nache soua lqaỹa't 'ena'apo': «¿Damaye naigui peta'a da 'am qarta'a qome, qataq qomi' 'auamaqta'ape?» Qaq huaña, nache qaltaq ỹactec da qanquiỹa, souaxat so lchoxonaxac, qataq da 'eetec da la'aqtaxanaxac.

Deuteronómio 16:18

Nache 'enauac ñi 'oonolec que'eca huaqta'a't nỹecpi maye ỹotta'a't naua nañalo, maye Ñim Nataxala' maye Qanatamnaxala'ai qami' ỹanema qome, qauauoi qome cam nataxala'pi qataq ca aloico lo'opi, da yaqto' ilo'ogue qataq nalochiguiñi naqa'en da nmit ca nasouaxashet.

2 Crónicas 19:5

Nataqa'en ỹauo'o so nataxala'pi da yaqto' nmit ca nasouaxashet, nache ñi 'oonolec somayepi ỹanaña ñi 'oonolec se'eso qanpaxattaua'a huaqta'a't nỹecpi maye ỹotta'a't naua nañalo ye Judá.

Lucas 22:66

Qaq co'ollaq mashe yo'oxoñi, nache lapona't so nqueroxonecpi maye lataxala' na judiopi qataq so lataxala'pi na ntaxaỹaxanaxanecpi qataq nam dapaxaguenataxaatapeguec na namaxasoxonaxacpi. Nache somayepi ỹauec So Jesús, ỹauegueua'a so nta'alpi maye loicnatac na lataxaguesat. Nache qainattac, qoỹeeta':

Hechos 4:15

Huaña, nache nqateeguesopa soomaye so ntaxaỹaxac, nache somayepi maiche taỹa't da ncotatega't.

Hechos 5:21

Qaq co'ollaq mashe yo'oxoñitai', nache soua namaxa'she ivireua'alo so naloteuga aso no'onaxanaxaqui late'erai, nache da'aqtaxaatrapeguem na shiỹaxauapi. Qaq se'eso lta'a na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som ltauapi, ỹataxana't so nta'alpi maye nmit na nasouaxashet, qataq so lta'alpi na shiỹaxauapi. Ime, nache qaỹamaxasoxoneua'alo soua Jesús lamaxa'she maye netraigui aso ncoñetaxanaxaqui.

Hechos 6:12

Qaq 'era da 'eeteque soomaye da inogoqche't na shiỹaxauapi, qataq na nqueroxonecpi, qataq nam dapaxaguenataxaatapeguec na namaxasoxonaxacpi. Nache ỹataqta sa ỹauo'o ca ldaqa' so Esteban da ỹacooreua'a, nache ỹaueguereua'a so nta'alpi maye nmit na nasouaxashet.

Hechos 6:15

Nache se'eso nta'alpi maye 'amaqtaqaicpi qataq 'enauac som laỹepi, co'ollaq ỹamato'ot so Esteban, nache ila'a na le'eraxa na lashec da ỹataqta 'eeta'am da lasheguiỹaxac nam namaxashec piguem le'ec.

Hechos 22:30

Qaq so lỹa na'a'q, nache som nta'a huotaique da ỹaỹaten chaq ta'ainec na judiopi da nquiỹatega so Pablo. Nache nqa't so lque'ete somaye, nache ỹamaxalec da ỹo'ot so ltaxaỹaxac soua lataxala'ate na ntaxaỹaxanaxanecpi, nataqa'en 'enauac so nta'alpi maye nmit na nasouaxashet. Nache nqatec so Pablo da ỹataxanoigui somayepi.

Hechos 23:1

Nache so Pablo co'ollaq ỹamataigui so nta'alpi maye loicnatac na lataxaguesat. Nache 'enapeco': –Qami' Israel le'ecpi, aỹem ỹataqta ỹe'emaqtac da ivilỹaxac, cha'aye choche ivitta'a nagui da ỹataqta salaxaguet 'enauac Ñim Lo'onatac 'Enauacna.

Hechos 24:20

Qalaxaye, nache 'ena'am ne'enapi da ishet da ỹa'axat nagui da huo'otaq huo'o ca ilalec ỹasouaxashet co'ollaq salectaigui so laponaxac nam lta'alpi na judiopi maye loicnatac na lataxaguesat.