Mateo 5:21 - La'aqtaqa Ñim Lo'onatac 'Enauacna 2013

²¹ Qami' qantooñita'ac da soua qaỹoqteguelo vi'iye co'ollaq so Moisés 'eeta': «Saishet da 'aualaataxan, cha'aye da huo'o ca ỹalauat ca lỹa, nache nataqa'en camaye qaỹauo'o ca nhuaxanaguec.»

Nuevo Testamento Toba Sur

²¹ Qami' qau'aqaitapeguelec naxa da napaxaguenataguec som hua'au qadta'alpi mayi 'eeta': “Sa ishit da 'aualaataxan. Cha'ayi da huo'o ca dalaataxan, nachi camayi qaÿauo'o ca nhuaxanaguec.”

Nuevo Testamento Toba Sombrero Negro

²¹ “Da'me ami auomachiiya da'me jo'ne qo'yaĝatema joca'li jodia'me adet'aldi', eetac: «Ena'te aualataĝan, qa'a ñe'me jo'ne dalataĝan male qoyamaĝaue da'me ne'uaĝanaguec.»

Mateo 5:21 Referans Kwoze

Deuteronómio 5:17

Saishet da 'aualaataxan.

Éxodo 20:13

Saishet da 'aualaataxan.

Mateo 5:38

Qaq da lỹa lapaxaguenataxanaxac so Moisés damaye 'eeta': «Da huo'o ca nqat aca 'oonole la'aite ca lỹa, nache camaye nataqa'en qanqat aca 'oonole la'aite, qataq ca ỹacagaxatec aca lhue ca lỹa, nache nataqa'en qaỹacagaxatec aca lhue camaye.»

Números 35:12

Nache ỹe'eguenoigui camaye da dataueeguesop ca ipaltaique lvi' maye lauo' le'ec ca ileu, yaqto' saishet da ileu que'eca dalaataxan ivitta'a da qanmit, ỹauaachigui qanqa'en 'enauac na nhuo' le'ecpi.

Mateo 5:33

Qaq nache huetoiguilo se'esoua qaỹoqteguelo vi'iye da so Moisés nataqa'en dapaxaguenataxanec de'era, 'eeta': «Saishet qome da 'auo'ogoxona da le'enaxat Ñim Lo'onatac 'Enauacna da huo'o ca 'auachaxanapec maye taỹa'a da sa 'aupaguelec.»

Mateo 5:27

So Moisés nataqa'en 'eeta' da la'aqtac: «Saishet da 'arauañi' aca saishet da 'arhua.»

Mateo 5:43

'Era nataqa'en da lỹa damaxasoxoolec so Moisés soua qaỹoqteguelo vi'iye, 'eeta': «'Auauotec ca 'arqaỹa, qalaxaye ỹataqta 'anquiỹa ca 'am ipa'agueetac.»

Deuteronómio 16:18

Nache 'enauac ñi 'oonolec que'eca huaqta'a't nỹecpi maye ỹotta'a't naua nañalo, maye Ñim Nataxala' maye Qanatamnaxala'ai qami' ỹanema qome, qauauoi qome cam nataxala'pi qataq ca aloico lo'opi, da yaqto' ilo'ogue qataq nalochiguiñi naqa'en da nmit ca nasouaxashet.

2 Samuel 20:18

Nache asomaye, 'enapeco': «Se'esoua hua'au' vi'iye, qoỹenapec naxa: ‹Da huo'o ca denataxaatac, nache inat na lma' na Abel.› Huaña nache ime que'eca qanqalaata'a'i.

2 Crónicas 19:5

Nataqa'en ỹauo'o so nataxala'pi da yaqto' nmit ca nasouaxashet, nache ñi 'oonolec somayepi ỹanaña ñi 'oonolec se'eso qanpaxattaua'a huaqta'a't nỹecpi maye ỹotta'a't naua nañalo ye Judá.

1 Juan 3:15

Da qami' qanquiỹaita'a't, nache qami' laataxanaxaiqa. Qaq mashe qauaỹachiñi da qaica ca laataxanaxaic da inoxoneua'a da nca'alaxa maye chochaq tatec.