Mateo 5:18 - La'aqtaqa Ñim Lo'onatac 'Enauacna 2013

¹⁸ Cha'aye ỹataqta 'eesa de'era qami' sa'axatema da huo'otaq ñaqauo'o na piguem qataq ana 'alhua, qalaq saishet da huo'o ca qanqat nam saq 'amaqtaq leraxatpiolec nam namaxasoxonaxacpi, nato' qom mashe 'enauac da ipacchigui.

Nuevo Testamento Toba Sur

¹⁸ Cha'ayi qami' shinapegalo da huo'otaq ñaq huo'o na piguem qataq ana 'alhua, qalaq sa ishit da huo'o ca qanqat nam saq 'amaqtaq ledaxatpiolec nam nqataxacpi, nato' qom mashi ipacchigui 'enauac nam taÿa'a da yi'oq.

Nuevo Testamento Toba Sombrero Negro

¹⁸ Chane'eja ami jayateneque qom cha'li 'uo di'me piyem nataq'aen jena'me aleua, qaya'te 'uo ga'me cat'oñoq qoyalaĝat jodaa'me namaĝajoĝonaĝaco uotaĝa ch'e onolec nediijec jo'ne qonaqat, chayovida'a qom yema yepaquichiguilo.

Mateo 5:18 Referans Kwoze

Lucas 16:17

Qalaxaye ỹactec da saqalaq da ishet da nlaguiñi na piguem, qataq ana 'alhua, qaq saq 'ena'am na namaxasoxonaxacpi, cha'aye qaica ca saq ipacchigui cam ỹa'axat ñim 'oonolec namayepi.

Isaías 40:8

Ana huoue deqaqa qaq ana lauoxo qalaq deqat da lyac, qalaxaye naua la'aqtaqa Ñim Qanatamnaxala' nache 'eetai'salo, chochaq tatrec.»

1 Pedro 1:25

qalaxaye da la'aqtac Ñim Nataxala', saishet da huo'o ca loga't.» Qaq de'era na'aqtac nachera da no'on na'axaỹaxac maye qami' ỹapaxagueneque So Qarataxala' Jesucristo.

Marcos 13:30

Qaq ỹataqta 'eesa de'era qami' sa'axatema, da 'enauac qome ne'ena hua'auñi da yo'oq qom saxanaxa da ileu nam shiỹaxauapi maye ñaq nca'altauec nagui.

Isaías 51:6

Ña qauamachiỹo'ot na piguem, qataq qauamachiỹalec ana 'alhua: na piguem qalaq nlagaxatapec qome 'eeta'am na lmala'q, qaq ana 'alhua qalaq lto qome 'eeta'am aca npoto, qataq na netalecpi anamaye ileu qome 'eeta'am aca 'aỹat. Qalaxaye da ica'alaqtaxanaxac chochaq tatec qome, qataq da ỹauegaxanaxac saishet da huo'o ca loga't.

Apocalipsis 20:11

Qaq can ime de'era, nache sela'a aso late'erai so'onaxaqui lapagaxai qataq som nso'ootangui asomaye. Huaña, nache ana 'alhua qataq na piguem ỹataqta nlagaxatapec, nache qaica ca ishet da qaltaq ila'a.

Salmos 102:26

Qaq namayepi taỹa'a da imeuo, 'am qalaxaye nache qonetai', 'enauac namayepi taỹa'a da lto 'eeta'am ca nogoxot, qataq 'eeta'am ca nogoxot da 'anaralaxat da lto.

Juan 5:19

Nache So Jesús 'enapega somayepi, 'eeta': –Ỹataqta 'eesa de'era qami' sa'axatema, da ne'ena Llalec Ñim Lo'onatac 'Enauacna, namaye saishet da huo'o ca ỹo'ot da huo'otaq maiche ndotelec, cha'aye namaye ỹo'ot cam ỹauaachigui da ỹo'ot Ñim Lta'a. Qaq ỹoqo'oye 'enauac nam ỹo'otpi Ñim Ita'a, qaq nataqa'en Aỹem so'ot.

Mateo 17:20

Nache So Jesús 'enapeco': –Cha'aye qami' saishet da huo'o ca qarpi'iỹaxaqui Ñim Lo'onatac 'Enauacna. Qaq ỹataqta 'eesa de'era qami' sa'aqtaxanema da huo'otaq qami' huo'o ca qarpi'iỹaxaqui, na'aictaxa da lcatam aca ala ana nañiguishe le'enaxat mostaza, qalaq ishet da qoñiỹapega aca qaỹoqotcheguemec 'alhua da ca'ai ca hueta'a, nache qami' ỹalaxagueta. ¡Nache qaica ca alaq da qauataiỹa'aguet!

Mateo 16:28

Qaq ỹataqta 'eesa de'era qami' sa'aqtaxanema, da huo'o qome ca 'oonolec da qoñiita maye ỹalectauo nagui cam saishet qome da ileu, qom saxanaxa da ilogui da selo'ogue 'enauacna.»

Mateo 13:17

Cha'aye qalota co'ollaxa so la'aqtaxanaxanecpi Ñim Lo'onatac 'Enauacna qataq som no'on da lataxac shiỹaxauapi da huotaique da ỹauaachigui de'era maye qami' qaumiiñitac, qataq dam qaua'aqaitega, qalaxaye somayepi saishet da ỹañoxot.

Mateo 10:23

Qaq ca shiỹaxauapi maye hueta'a ca nỹecpiolec da huo'otaq qami' icana'ape qataq da huo'otaq qami' sa iyacna'ape, nache qananeltaxañi da qanqo'oñiỹa ca laỹepi nỹecpiolec. Cha'aye ỹoqta 'eesa de'era qami' sa'aqtaxanema da Aỹem Shiỹaxaua Llalec, ñe'eguelaq qome ñanactaigui da la'añaxac Ñim Lo'onatac 'Enauacna qom saxanaxa da qaumache da 'enauac qaviyiỹa na nỹecpiolec na lma' na Israel le'ecpi.

Mateo 6:2

Da huo'o ca 'oonolec da qoñiita da itauan na choxoraqpi, nache saishet da ỹa'axatteua'alo ana paxaguenaxaquipi qataq naua ndaqa'ate maye sa ỹe'emaxat da nlectecot na shiỹaxauapi; cha'aye damaye nataqa'en ỹo'ottac nam saq ỹataxalec da lataxac, maye huotaique da na shiỹaxauapi ỹo'oxoreetac. Qaq Aỹem ỹataqta 'eesa dam shenapec da nachaqrata nsheetenaguec maye ỹaconeguet namayepi.

Mateo 5:26

Huaña, nache 'am saishet da qoca'ai aca ncoñetaxanaxaqui da huo'otaq saxanaxa da 'aumattec da 'ausheeten aca 'aravigaxaiste.

Salmos 119:152

Qataq mashe qaỹoqtegue da sauatto'n naua 'aramaxasoxonaxaco, maye chochaq tatrec 'anqa'en co'ollaq 'alapaxayiñi.

Juan 21:18

Qaq ỹataqta 'eesa de'era 'am sa'axatem nagui, da co'ollaq ñaq 'am nsoqolec, qalaq 'am maiche 'aỹa'aayiñi naua 'ogo da 'ano'ot qataq 'am maiche 'oiqueetac cam 'aigue. Qalaxaye da ivita da 'am ỹa'axaiquiolec, nache 'am 'aỹa'aatrauec naua 'arhua'q qataq ỹaqa'a ca 'am no'otaxanaxan, qataq 'am qaỹaueegue cam saishet da ỹoqta 'atapeegue.

Juan 16:23

Qaq que'eca na'a'q qome, nache saishet da huo'o ca Aỹem inattac da qoñiita. Qaq ỹataqta 'eesa de'era qami' sa'axatema, da Ñim Ita'a qami' ỹanema 'enauac ca qauỹaxañiỹaique, souaxat da qami' ỹapaxaguenataqa.

Juan 16:20

Ỹataqta 'eesa de'era qami' sa'axatema nagui, da qami' qome ỹataqta qauaquicoita qataq qanỹiñiitac; qalaxaye na shiỹaxauapi maye ndota't da iuennatega na lataxacpi maye huetalec ana 'alhua, namayepi ỹataqta machiguiñi. Qalaxaye na'aictaxa da qami' ỹataqta qauaquicoita, qalaxaye de'era qaraquicoqoi, damaye nmeneguet qome ca qantonaxaqui.

Juan 14:12

Qaq ỹataqta 'eesa de'era qami' sa'aqtaxanema, da ca Aỹem ỹa'amaqten, nache camaye ishet nataqa'en da ỹo'ot nam so'otpi, qaq cha'aye Aỹem nagui saỹa ye netaña Ñim Ita'a, nache qami' ishet da ỹactec ca qauo'oche, napacalec nam so'otpi.

Juan 13:38

Nache So Jesús 'enapego' somaye, 'eeta': –¿Ỹoqta 'eesa peta'a da 'am lhuotta da Aỹem 'aỹa'aalec da 'anachaalataxac? Qalaxaye Aỹem ỹoqta 'eesa de'era 'am sa'aqtaxanem nagui, da qom yaqta'a da nỹen ca 'olgaxa, qaq mashe sogote da ivi' tres da 'avi'eguelaxalec da qonetega Aỹem sa 'auauatton.

Juan 13:16

Qaq ỹataqta 'eesa de'era qami' sa'axatema, da qaica ca nlatac da napacalec da la'amaqchec ca na'aco', qataq qaica ca namaxashec da ishet da napacalec cam ỹamaqtac camaye.

Juan 12:24

Qaq ỹataqta 'eesa de'era qami' sa'axatema, da aca ala na trigo, da huo'otaq saishet da taigui qanqa'en na 'alhua da yaqto' ileu, nache acamaye qaca aca ala. Qalaxaye acamaye da huo'otaq ileu, nache ỹataqta qalota ana ala da qanqat.

Juan 10:7

Nache So Jesús qaltaq ỹe'eguelaxalec da da'aqtaxan, 'eeta': –Ỹataqta 'eesa de'era qami' sa'axatema, 'eeta': Aỹem maye Nachaỹem lasom, maye Aỹem llegueuo ana qagueta.

Juan 10:1

So Jesús 'eeta': Ỹoqta 'eesa de'era qami' sa'axatema, da ca saishet da tateua'a ca lasom aca laỹe' ana qaguetapi da inoxoneuo, chaqrata da tateua'a na laỹe, nache camaye cachaxaic qataq huotaxanaxaic.

Juan 8:58

Nache So Jesús 'enapeco': –Aỹem ỹataqta 'eesa de'era qami' sa'axatema, da co'ollaq saxanaqca so Abraham, qalaq nale'ena da Aỹem huo'o.

Juan 8:51

Qaq ỹataqta 'eesa de'era qami' sa'axatema, da ca ỹalaxaguet dam shenapec, nache camaye chochaq tatec da hueta'aguet Ñim Lo'onatac 'Enauacna.

Juan 8:34

Nache So Jesús 'enapega somayepi, 'eeta': –Ỹataqta 'eesa de'era qami' sa'axatema, da 'enauac nam ỹo'ottac da lle'etaxaloxo, namayepi 'eeta'am da l-latacpi de'era ñe'etaxaloxo.

Juan 6:53

Nache So Jesús, 'eeta': –Aja', ỹataqta 'eesa de'era qami' sa'axatema, da huo'otaq saishet da qolliqui da lo'ocỹaxac na Shiỹaxaua Llalec, qataq da saishet da qanỹomiiguilo naua ltago'q, nache saishet da huo'o ca qarca'alaqai chochaq tatec.

Juan 6:47

Qaq ỹataqta 'eesa de'era qami' sa'axatema, da cam Aỹem ỹa'amaqten, nache 'eesa da huo'o da lca'alaxa maye chochaq tatec.

Juan 6:32

Nache So Jesús 'enapeco': –Aja', ỹataqta 'eesa de'era qami' sa'axatema, da saishet da nacheso so Moisés som qami' ỹanema aso nauole maye chegoqo'ot na piguem, nachaqñita Ñim Ita'a maye nacheñi ñi qami' ỹanema acam ỹataqta 'eesa nauole, maye chegoqo'ot na piguem.

Juan 6:26

Qalaxaye So Jesús 'enapega somayepi, 'eeta': –Ỹataqta 'eesa de'era qami' sa'axatema, da qami' Aỹem qanmichiitaique, cha'aye qami' qauqui'i, ivira'a da qami' comaraxaiqa, qaq saishet da souaxat da qami' qauaỹaañi ca naigui na na'anecpi maye sa qaỹauanapega.

Juan 3:11

Aja', qalaxaye ỹataqta 'eesa de'era 'am sa'axatem, da qomi' saỹatenaqta da sa'axataqtac, cha'aye ỹataqta sauanaqchigui. Qalaxaye qami' saishet da qaua'amaqchiñi da sa'axataqtac.

Juan 3:5

Nache So Jesús 'enapeco': –Aja', ỹataqta 'eesa de'era 'am sa'aqtaxanem, da ca saishet da nañan da qaltaq qanachelaxangui na 'etaxat qataq da nañanot So Saqcha'a Na'añaxac da naralaxat, nache camaye saishet da inoxoneua'a da lo'onataxanaxac Ñim Lo'onatac 'Enauacna.

Juan 3:3

Nache So Jesús 'enapega somaye, 'eeta': –Aja', ỹataqta 'eesa de'era 'am sa'axatem, da ca shiỹaxaua da saishet da ỹe'eguelaxalec da qaltaq ñiguiñi, qaq camaye saishet da ila'a da lo'onataxanaxac Ñim Lo'onatac 'Enauacna.

Juan 1:51

Nataqa'en 'enapeco' So Jesús: –Ỹataqta 'eesa de'era, qami' sa'axatema nagui, da qami' qauloỹa'a qome na piguem qom nauatoigui, qataq na lamaxashecpi Ñim Lo'onatac 'Enauacna naỹaña Aỹem Shiỹaxaua Llalec qaltaq ỹe'eguelaxasheguem.

Lucas 23:43

Nache So Jesús 'enapeco': –Ỹoqta 'eesa da shenapec, da nagui sogote Aỹem qoueta'aguet da souaqta'a ye lma' na qanca'alaxatecpi da piguem maye qaica ca 'eeta'am da llo'oxoyec.

Lucas 18:29

Nache So Jesús 'enapeco': –Ỹataqta 'eesa de'era qami' sa'axatema, da nagui ca ca'ai ca lma', huo'otaq caua lta'al, huo'otaq ca lqaỹañecpi, huo'otaq aca lhua, huo'otaq ca llalaqpi, souaxat da lo'onataxanaxac Ñim Lo'onatac 'Enauacna,

Lucas 18:17

Cha'aye Aỹem shenapec na ỹaconeguet da lo'onataxanaxac Ñim Lo'onatac 'Enauacna da ilo'ogue 'enauacna, da huo'otaq saishet da 'eeta'am ca nogotolec, nache camaye saishet da ỹañoxot da inoxoneuo.

Lucas 13:35

Qaq ỹoqo'oye naua qarma'achilli' qome qalaq ỹataqta tooleguete, qaq nache tachiguiña nagui da saishet da Aỹem qanauañi', nato' qom qoñiita': «Ỹataqta no'on qome da llecỹaxac nam nactaigui da le'enaxat Ñim Nataxala'.»

Lucas 12:37

¡Ỹataqta huo'o qome da lta'araic lamaxayec ca camayepi qom huo'otaq ca na'aco' nvi' ca laiñi ca pe huo'otaq da mashe yo'oxoñitai', qalaxaye nache 'ena'am nlotauec camayepi! Qaq ỹataqta 'eesa qami' sa'axatema, da que'eca na'aco' 'enapega camayepi da nso'ooñi da datalec ca nquia'axala', qaq camaye qalaq huapegue' da ỹo'ot ca aloq.

Lucas 11:51

chegoqchiguiña co'ollaxa da l-leuaxa so Abel, choche ivitta'a da nalaataguec so na'aqtaxanaxanec Zacarías, som qaỹalauat co'ollaq vichiguingui ye laiñi añi no'onaxanaxaqui late'erai yem naña añi nca'atoxonaxalate. Qaq ỹoqo'oye ỹataqta 'eesa de'era qami' sa'aqtaxanema, da 'enauac da qoñiita huo'o ca qanhuaxanaguiiqui souaxat de'era nleuaxa somayepi.

Marcos 14:30

Nache So Jesús ỹasategueto' somaye, 'eeta': –Pedro, 'am saishet da 'eesa de'era 'ara'aqtac; cha'aye qom yaqta'a da qaltaq ỹe'eguelaxalec da nỹen ca 'olgaxa, nache 'am mashe tres qome da 'avi'eguelaxalec da qonetega Aỹem sa 'auauatton.

Marcos 14:25

Nache pa'atec nagui da qami' ñeỹomaxau', ne'ena lataxa maye lli'i ana uva. Qalaxaye qom ivita da llaponaqta'a't da sonaqtaigui da lo'onataxanaxac Ñim Lo'onatac 'Enauacna, huaña, nache ñeỹomaxagui ca dalaxaic lataxa.»

Marcos 14:18

Qaq co'ollaq ñaq deque'eta'ape, nache So Jesús 'enapeco': –Ñim Aỹem ỹaneua'a nam Aỹem ipa'agueetacpi, ñimaye hueta'a ne'ena Aỹem lquia'axaua.

Marcos 14:9

Qaq ỹataqta 'eesa de'era qami' sa'axatema, de'era ỹo'ot aramaye qaiuennate nataqa'en 'enauac nam pa'aiguelo naua laỹel ana 'alhua nam hua'aguelo da qaỹa'axattac de'era no'on na'axaỹaxac maye chegoqo'ot Ñim Lo'onatac 'Enauacna.»

Marcos 12:43

Nache So Jesús iỹaxanalo soua lapaxaguenataqa, nache 'enapegalo, 'eeta': –Ỹataqta 'eesa de'era qami' sa'axatema, da asa'aso pa'ai maye choxoraq, asomaye ỹataqta ỹactec aso ỹasaxañi, napacalec 'enauac ana ỹasaxañi na sallaxanecpi.

Marcos 11:23

Ỹataqta 'eesa de'era qami' sa'axatema, da huo'o ca qarpi'iỹaxaqui qataq saishet da qauqolliguichi da la'añaxac Ñim Lo'onatac 'Enauacna, nache 'enauac cam qauỹaxañiỹaique da qanqouagaxauñi qalaq huo'o. Da qoñiỹapega añi qaỹoqotcheguemec 'alhua da, qoñiita: «Qoca'ai qome na qonetaña, nache 'angui aso auaxai», qaq nache ipacchigui. Nachaqrata da qaua'amaqchiñi da ipacchigui ca qauỹaxañiỹaique.

Marcos 10:29

Nache So Jesús 'enapeco': –Ỹataqta 'eesa de'era qami' sa'axatema, da huo'o ca 'oonolec da no'onaxatchigui 'enauac nam hueto'otpi souaxat da Aỹem ca'attague', qataq da ỹa'axat da no'on na'axaỹaxac, nache camaye ỹaconeguet ca nsheetenaguec. Da huo'otaq no'onaxatchigui ca lqaỹañecpi ỹalleppi, huo'otaq lqaỹañecpi 'alpi, lta'a huo'otaq aca late'e, huo'otaq ca llalaqpi, huo'otaq ca na'alhua,

Marcos 10:15

Qaq ỹataqta 'eesa de'era qami' sa'axatema, da ca saishet da 'eeta'am ca nogotolec da ỹaconeguet da lo'onataxanaxac Ñim Lo'onatac 'Enauacna, nache camaye saishet da inoxoneua'a da lo'onataxanaxac Ñimaye.»

Marcos 9:41

Qaq ỹataqta 'eesa da Ñim Lo'onatac 'Enauacna saishet da icoua'ai da ỹami' ca nsheetenaxat cam qami' ỹanema ca qaraquipi, souaxat da qami' ỹalamaqa'ate.

Marcos 9:1

So Jesús nataqa'en 'enapeco': –Ỹataqta 'eesa de'era qami' sa'axatema, da huo'o nagui nam ỹalectauopi nam saxanaxa qome da ileu, ivitta'a da ỹauaachigui da lo'onataxanaxac Ñim Lo'onatac 'Enauacna qataq da la'añaxac da ilo'ogue 'enauacna.

Marcos 8:12

Qalaxaye So Jesús decovi, souaxat da sa ỹaỹamaxaren de'era, nache 'enapeco': «¿Ta'ainco' ye saq ỹet qami' da qauỹaxañiitaique ca na'anec maye sa qaỹauanapega? Ỹataqta 'eesa de'era qami' sa'axatema, da saishet da huo'o ca qami' qoỹanema.»

Marcos 6:11

Qaq da huo'o ca huaña da saishet da qami' qaỹaconegueta, qataq saishet da qami' qana'axaỹaxanalo, nache qoquiỹa'ai que'eca qoviita'a qataq qauchegoqoi naua qarapela'achilli', yaqto' de'era la'anaxat da huo'o ca naỹa'a camayepi.» [Qaq ỹataqta 'eesa de'era qami' sa'axatema da qom ivita da qanmit 'enauacna, nache da nhuaxanaguec co'ollaxa so Sodoma qataq so Gomorra saq 'amaqtaq, qaq saq 'ena'am ca nhuaxanaguec qome qanqa'en que'eca shiỹaxauapi maye saq qami' ỹaconegueta.]

Marcos 3:28

Qaq ỹataqta 'eesa de'era qami' sa'axatema nagui, da 'enauac na shiỹaxauapi ishet da qaỹapalaxat na lasouaxashetpi, qataq 'enauac nam qauem la'aqtacpi maye nasaxauec.

Mateo 25:45

Nache Aỹem sheeta': «Qaq cha'aye qami' ye sa qautauañi nam shiỹaxauapi maye qaica ca la'amaqchec ana 'alhua, qaq ỹoqo'oye Aỹem shenapec da nataqa'en saishet da Aỹem qautauañi.»

Mateo 25:40

Qaq Aỹem maye Aỹem Nta'a, sheeta': «Dam qauo'ochec na shiỹaxauapi maye qaica ca la'amaqchec ana 'alhua, qataq nam samata'ac da ỹataqta ỹaqaỹañicpi, nache damaye 'eeta'am da nache Aỹem da Aỹem qauo'ochec.»

Mateo 25:12

Qalaxaye so auonaxaua 'enapeco': «Aque', qami' sa sauatto'n.»

Mateo 24:47

Qaq ỹoqta 'eesa de'era qami' sa'aqtaxanema, da que'eca 'aco' ipataxalec 'enauac nam lalamaxatpi camaye.

Mateo 24:2

Nache So Jesús 'enapeco': «¿Qauloita'a nagui 'enauac ne'ena nỹecpi maye ỹataqta lta'araicpi? Aỹem ỹataqta 'eesa de'era qami' sa'axatema nagui da 'enauac ne'ena qailaxachigui qome. ¡Saishet qome da huo'o ca 'oonolec da nachattañi namayepi!»

Mateo 23:36

Qaq ỹataqta 'eesa de'era qami' sa'axatema da 'enauac da qoñiita qaỹauo'o qome ca qanhuaxanaguiiqui souaxat de'era.

Mateo 21:31

Qaq ¿chaq negue't se'esoua dos ñalqa cam ỹo'ot da 'eetapeguec so lta'a? Nache som ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq som lataxala'pi na judiopi 'enapeco': –Qomye som llalec ỹe, 'enapeco' somayepi. Nache So Jesús, 'eeta': –Ỹoqta 'eesa de'era qami' sa'axatema, da nam shiỹaxauapi maye qauem da na'aqtaguec, qataq nam ỹacootapeeguet ana nsheetenaqte ca nta'a qataq anam quisheguetaxaipi, namayepi la'auaxanec da inoxoneua'a da lo'onataxanaxac Ñim Lo'onatac 'Enauacna.

Mateo 21:21

Nache So Jesús 'enapeco': –Ỹataqta 'eesa de'era qami' sa'axatema, da ỹoqta 'eesa da huo'o ca qarpi'iỹaxaqui qataq saishet da qauqolliguichi da la'añaxac Ñim Lo'onatac 'Enauacna, nache 'enauac cam qauỹaxañiỹaique da qauoita'a da qanqouagaxaunaxaqui, nache ishet da huo'o. Nataqa'en ishet da ivira'a da qauo'oche dam so'otec ara higo lcheyec, qataq ishet da ỹactec ca qauo'oche da huo'otaq qoñiỹapega ana qaỹoqotcheguemec 'alhua da, qoñiita': «Qoca'ai ne'ena qonetaña, ime, qaq 'angui aso auaxai», qaq de'era qara'aqtaqui ỹataqta ipacchigui.

Mateo 19:28

Nache So Jesús 'enapeco': –Ỹataqta 'eesa de'era qami' sa'axatema da 'enauac da qoñiita qami' ỹo'onataxanaxau' Aỹem Shiỹaxaua Llalec qom ñeso'ooñi da samaxasoxonapec. Huaña, nache Ñim Lo'onatac 'Enauacna naralaxat 'enauac na lataxaguesat, nache ñi 'oonolec da qoñiita ilo'ogue ca 'oonolec soua doce llalqa so Israel.

Mateo 19:23

Nache So Jesús 'enapegalo soua lapaxaguenataqa, 'eeta': –Ỹataqta 'eesa de'era qami' sa'axatema, da ỹataqta huo'o da lqalaic na sallaxanecpi da inoxoneua'a da lo'onataxanaxac Ñim Lo'onatac 'Enauacna maye imattalecna da la'añaxac.

Mateo 18:18

Qaq ỹataqta 'eesa de'era qami' sa'axatema, da ca qami' sa qauashiñi ana 'alhua, qalaq nataqa'en Ñim Lo'onatac 'Enauacna maye imattalecna saishet da ỹashen. Qataq cam qami' qauashiñiita ana 'alhua, qalaq nataqa'en Ñim Lo'onatac 'Enauacna ỹasheeta.

Mateo 18:3

nache 'enapeco': –Ỹoqta 'eesa de'era qami' sa'aqtaxanema, da yaqto' qaunoxoñiiua'a da lo'onataxanaxac Ñim Lo'onatac 'Enauacna, nache qami' iuen da qanaralaxache da qarataxaqui, nache qoñiita'am na nogotolec.

Mateo 11:11

Qaq ỹataqta 'eesa de'era shenapec da 'enauac nam shiỹaxauapi co'ollaxa da chegoqta'ague, choche ivitta'a nagui da qaica ca ishet da napacalec da la'amaqchec so Juan maye nachelaxanataxanaq. Qalaxaye nam ỹapactec da qaica ca la'amaqchec da huetaigui dam lo'onataxanaxac Ñim Lo'onatac 'Enauacna, nagui qataq dam taỹa'ague namayepi napacalec somaye.

Mateo 10:42

Qataq camachaqca shiỹaxaua, da huo'otaq ỹami' ca ỹataqta atom 'etaxat ca 'oonolec nam saq 'amaqtaqpiolec maye Aỹem quetague', qaq camaye ỹataqta huo'o qome da nsheetenaguec.

Mateo 10:15

Qaq ỹataqta 'eesa de'era qami' sa'aqtaxanema da qom ivita que'eca na'a'q da qanmit 'enauacna, nache ca nhuaxanaguec que'eca shiỹaxauapi ỹataqta napacalec qome da nhuaxanaguec som shiỹaxauapi maye netaña co'ollaxa so nỹecpi le'enaxat Sodoma qataq Gomorra.

Mateo 8:10

Qaq co'ollaq hua'axaỹa de'era So Jesús, nache ỹataqta huo'o da la'aalaxa. Nache 'enapega som nnaictague'pi, 'eeta': –¡Aỹem ỹataqta 'eesa de'era shenapec da 'enauac na Israel le'ecpi qaica ca selalec da ỹapactec da lpi'iỹaxac Aỹem, da 'eeta'am de'era ỹale maye chegaqauec!

Mateo 6:16

Qaq da ivita da qanqouaqchichi, qalaq saishet qome da yo'oqta da daquico da qarasheguiỹaxaqui, da qoñiita'am nam shiỹaxauapi maye choche nachaxaatac. Namayepi 'eetec de'era, cha'aye huotaique da qaỹaỹaten da nqouaqchettac. Qaq Aỹem qami' shenapegalo da namayepi sogote huo'o da nsheetenaguec.

Lucas 4:24

Qalaxaye ỹoqta 'eesa de'era qami' sa'aqtaxanema da qaica ca la'aqtaxanaxanec Ñim Lo'onatac 'Enauacna da qaỹa'amaqten, qataq qaỹaconeguet da hueta'a ca maiche lalamaxat lma'.

Salmos 111:8

namayepi sa nquic qataq chochaq tatec, cha'aye co'ollaq ỹo'ot nache ỹataqta 'eesa qataq ỹaỹamaqchiguiñi.

Isaías 44:26

Qalaxaye naua la'aqtaqa nam ỹamaxashecpi so'ot qome da ipacchiguilo, qataq naua lapaxayiñi nam ỹamaxashecpi so'ot qome da ỹaỹamaqchiyiñi. Aỹem sa'axat da qaltaq ỹe'eguelaxa qome da qanayenalec ye Jerusalén, qataq yem huaqta'a't nỹecpi ye Judá qalaq qaltaq qano'oxoosheguem qome, qataq nam qailaxachigui co'ollaxa yemaye, she'eguelaxata da qanauaxaỹaxaasheguem.