Mateo 5:15 - La'aqtaqa Ñim Lo'onatac 'Enauacna 2013

¹⁵ Qataq saishet da qoỹegueua'a aca ncoỹaraxanaxaqui, da yaqto' qoỹano'ot na pa'aguiñi ca naretaxanaxala'. Nachaqrata da qoỹanasheguem, da yaqto' icoỹarelec 'enauac nam hueta'a ca nma'.

Nuevo Testamento Toba Sur

¹⁵ Qataq sa ishit da qaiqueteteu'a aca coÿadaxanaxaqui, da yaqto' qoÿano'ot na pa'aguiñi aca cajón. Chaqdata da qoÿanashiguem, da yaqto' icoÿadelec 'enauac nam hueta'a ca nma'.

Nuevo Testamento Toba Sombrero Negro

¹⁵ Nale qoyetetoue jaga'me coyadaĝanaqate, ja 'noota ta'le qoyanaue ga'me yedapega't; dite da'me qoyanalegue ga'me qayaje'mec qaedi yecoyadelo'te ena'uaque gaa'me netedaue ga'me emec.

Mateo 5:15 Referans Kwoze

Marcos 4:21

Qaq co'ollaq ime de'era, nache So Jesús 'enapeco': «¿Peta'a isheto' da qandouo aca ncoỹaraxanaxaqui da mashe ime da qoỹegueua'a, nache qoỹano'ot na pa'aguiñi ca naretaxanaxala', huo'otaq ca mala'? 'A'i, saishet. Nda'a't da acamaye qoỹanasheguem, yaqto' yo'oqchiguiñi naqa'en.

Lucas 11:33

Qaica ca ishet da ỹegueua'a aca ncoỹaraxanaxaqui, ime, nache ỹoxooñi, huo'otaq da ỹano'ot na pa'aguiñi ca naretaxanaxala'. Nachaqrata da ỹatcheguem acamaye, yaqto' da huo'o ca pa'aigui ca nỹec, nache yo'oqchiguiñi.

Lucas 8:16

Qaica ca ishet da ỹegueua'a aca lcoỹaraxanaxaqui, ime, qaq ỹapolec, huo'otaq ỹano'ot na pa'aguiñi ca lmala'. Nachaqrata da ỹanasheguem, yaqto' da huo'o ca inoxonoigui ca nỹec, qalaq yo'oqchiguiñi.

Números 8:2

«Qonapega ñi Aarón, da ivita da ỹe'eraxatoigui ñeua siete ncoỹaraxanaxaquipi, nache natatec naqa'en.»

Éxodo 25:37

Qataq 'auo'o't caua siete ncoỹaraxanaxaqui', da yaqto' icoỹattalec na dataỹaueegue,

Zacarías 4:2

'Am Zacarías «¿Negue't ca 'aula'a?» Nache aỹem sasateguet sheeta': «Qomye selota'a ara lashe ana ncoỹaraxanaxaqui maye chegaqaigui na oro, aramaye na'attalec añi laỹe' na aceite. Qaq na pa'asheguem aramaye nache huo'oi ñeua siete ncoỹaraxanaxaqui' maye netaua'alo naua siete lleco na aceite.

Lucas 11:36

Cha'aye da 'enauac da qaro'ocỹaxaqui da yo'oqtelec, qataq qaica ca huaña da napaltalec, nache da qanachaalataxaqui qaỹoqtegue na le'eraxa, 'eeta'am aca ncoỹaraxanaxaqui da 'eroigui.

Filipenses 2:15

yaqto' saishet da huo'o ca qarasouaxashechi, qataq saishet da huo'o ca qami' qaỹasaxaleguete ca qarasouaxashechi. Ana'ana 'alhua nlaqtelec na shiỹaxauapi qauemaicpi, qataq 'etaxaloxoicpi, qami' qalaxaye qami' llalqa Ñim Lo'onatac 'Enauacna. Qaq ỹoqo'oye iuen da qoquiỹa'ai na qauemsat, nache qauachaxañi ca no'on qarataxaqui, qoñiita'am aca huaqaañi da 'ettaigui ye pe.

Hebreos 9:2

Som npe'l maye qaỹo'ot co'ollaxa da huaña da qaỹo'oxoren Ñim Lo'onatac 'Enauacna, 'eeta' da lataxac: so hua'auchiguiñi ndaqa', le'enaxat ndaqa' qui'itta somaye hueta'a aso ncoỹaraxanaxaqui qataq so nquia'axala' maye huetaleguete soua nauolel 'ayiiña maye qaiỹotaugalo da lalamaqtel Ñim Lo'onatac 'Enauacna.

Apocalipsis 2:5

Qaq ỹoqo'oye 'auennate qome da 'auachegoqta'ague, ime, nache 'avi'eguelaxa da 'auauotec Ñim Lo'onatac 'Enauacna. 'Axaañi da 'auo'ottac da qauem, nache 'avi'eguelaxa da hua'auchiguiñi 'arataxac. Qaq da saishet da nache qonetec de'era, nache Aỹem 'am ñeqo'ona da sauo'o ca 'anhuaxanaguec, qataq ñeqochenaxat añi ncoỹaraxanaxaqui maye 'am hueto'ot.