Mateo 5:14 - La'aqtaqa Ñim Lo'onatac 'Enauacna 2013

¹⁴ Qami' nataqa'en qoñiita'am aca lcoỹaraqte nam huetalec ana 'alhua. Nataqa'en qoñiita'am ca nỹecpi maye netalec aca qaỹoqotcheguemec 'alhua, camaye 'enauac da qaila'a.

Nuevo Testamento Toba Sur

¹⁴ Qami' nataq'en qoñiita'am aca lcoÿadaqte nam huetalec ana 'alhua. Qaq ca la ciudad mayi netalec aca qasoxonaxa, camayi sa ishit da 'ico' nqañoxottapiguiñi.

Nuevo Testamento Toba Sombrero Negro

¹⁴ “Nataq'aen ami lecoyadaĝanaqate jena'me aleua. Ga'me noic jo'ne nalegue ga'me qajoĝonaĝa 'me qayaje'mec ja yaqanatet ta'le nañoĝochiñe.

Mateo 5:14 Referans Kwoze

Filipenses 2:15

yaqto' saishet da huo'o ca qarasouaxashechi, qataq saishet da huo'o ca qami' qaỹasaxaleguete ca qarasouaxashechi. Ana'ana 'alhua nlaqtelec na shiỹaxauapi qauemaicpi, qataq 'etaxaloxoicpi, qami' qalaxaye qami' llalqa Ñim Lo'onatac 'Enauacna. Qaq ỹoqo'oye iuen da qoquiỹa'ai na qauemsat, nache qauachaxañi ca no'on qarataxaqui, qoñiita'am aca huaqaañi da 'ettaigui ye pe.

Juan 8:12

Nache So Jesús qaltaq 'enapega so shiỹaxauapi, 'eeta': –Aỹem Nachaỹem lcoỹaraxanaqte 'enauac na huetalec ana 'alhua. Aỹem qauca'acheegue, yaqto' saishet da qoquiitaigui na napalaxa, nachaqrata da qoviitaigui na yo'oqchiguiñi maye nachera da nca'alaxa.

1 Ts 5:5

Cha'aye 'enauac da qoñiita huo'o da qarpi'iỹaxaqui So Qarataxala', qaq damaye 'eeta'am da qoviitaigui na le'eraxa ye na'a'q laiñi, qaq saishet da qoviitaigui na napalaxa.

Proverbios 4:18

Da nqa'aicỹaxac nam no'on da lataxac, qalaq 'eeta'am na le'eraxa ca dalaxaic na'a'q, damaye nache nquictauec na le'eraxa, choche ivitta'a da ỹataqta yo'oqchiguiñi.

Juan 12:36

Qaq nagui da ña qami' hueta'agueta nam chegoqchigui nam yo'oqchiguiñi, nache qaua'amaqchiñi Namaye, yaqto' qami' ishet da qoñiita'am na yo'oqchiguiñi. Qaq co'ollaq ime de'era 'enapec So Jesús, nache jec da nqañoxocheesop somayepi.

2 Corintios 6:14

Saishet da qa'aitapegueua'a nam ỹo'ottacpi nam saishet da quetague' So Cristo. Cha'aye da no'on saishet da taỹapegueua'a cam qauem. Nataqa'en saishet da huaqta'a't na yo'oqchiguiñi qataq na napalaxa.

Apocalipsis 1:20

Aỹem 'am sa'aqtaxanem dam saqcha'a naiguilo soua siete huaqaañi, maye 'auauaachiguilo da huetaiguilo na ihuaq qataq dam saqcha'a naiguilo soua siete ncoỹaraxanaxaqui' maye chegaqaiguilo na oro. Soua siete huaqaañi, naiguilo naua lamaxa'she Ñim Lo'onatac 'Enauacna maye ilotagueto nam ỹa'amaqten So Jesús maye netaleguete naua siete 'aleu'. Qaq soua siete ncoỹaraxanaxaqui' naigui na 'amqaanataxanaxaicpi maye netaleguete naua siete 'aleu'.

Juan 9:5

Nagui da Aỹem ñaq soota'a ana 'alhua, qalaq Aỹem maye Nachaỹem lcoỹaraqte 'enauac ana 'alhua.

Apocalipsis 2:5

Qaq ỹoqo'oye 'auennate qome da 'auachegoqta'ague, ime, nache 'avi'eguelaxa da 'auauotec Ñim Lo'onatac 'Enauacna. 'Axaañi da 'auo'ottac da qauem, nache 'avi'eguelaxa da hua'auchiguiñi 'arataxac. Qaq da saishet da nache qonetec de'era, nache Aỹem 'am ñeqo'ona da sauo'o ca 'anhuaxanaguec, qataq ñeqochenaxat añi ncoỹaraxanaxaqui maye 'am hueto'ot.

Ezequiel 5:5

Qaq 'era da la'aqtac Ñim Nataxala', 'eeta': ¡'Ena na huaqta'a't nỹecpi na Jerusalén! Qaq nachaỹem da sanangui co'ollaxa na laiñi na nhuo' le'ecpi qataq na ỹotta'a't shiỹaxauapi.