Mateo 5:13 - La'aqtaqa Ñim Lo'onatac 'Enauacna 2013

¹³ Qami' qoñiita'am ca toue maye iuen nam shiỹaxauapi maye huetalec ana 'alhua. Qalaxaye ca toue da huo'otaq imeuo na lle'euaxa, qaq ¿ishet peta'a da qaltaq ỹe'eguelaxalec da no'on? Camaye nache saishet da huo'o ca taiguet. Nachaqrata da qaỹasaxauec, qataq choche pigui nam shiỹaxauapi.

Nuevo Testamento Toba Sur

¹³ Qami' qoñiita'am ca toue mayi iuen nam huetalec ana 'alhua. Qalaxayi ca toue, da huo'otaq imeuo na lli'iuaxa, qaq ¿ishit peta'a da qaltaq ÿi'iguelaxalec da no'on? Camayi nachi sa ishit da huo'o ca taiguet. Chaqdata da qaÿasaxauec, qataq chochi pigui nam shiÿaxauapi.

Nuevo Testamento Toba Sombrero Negro

¹³ “Ena'am ta'le ami mach'e qa'noua jo'ne youe'n joga'me jiyaĝadipi. Qalaĝaja qom ga'me qa'noua qaya da'me 'louaĝa, ¿qo'li yaqanatet ta'le 'niyelaĝatela't da'me lamaic? Male ja no'en, chane'eja qoyijaĝa'ya ga'me naq'aec qama'le qopetapelegue.

Mateo 5:13 Referans Kwoze

Colosenses 4:6

Naua qartaxaỹaxacolli' ỹataqta qaỹaỹamaxareete' qataq ỹataqta qanqopitalo. Ñi 'oonolec da qoñiita iuen da ỹaỹaten da ỹaỹamaqchiguiñi ca lasataxac da ỹasateguet ca 'oonolec namayepi.

Levítico 2:13

Qaq 'enauac aca'aca nachetaqtaxanaqtepi maye chegaqaigui ana ala ca nañiguishec, iuen da qaỹalecneguet ca toue, cha'aye ca toue naigui da nache 'eetai' de'era aỹamaxataxac Ñim Qanatamnaxala'ai. Qaq ỹoqo'oye 'enauac aca laỹepi nachetaqtaxanaqtepi iuen da qaỹalecneguet ca toue.

Da na'aqtaguec so Job 6:6

¿Peta'a ishet da qanallec ca nallec da qaica ca lalegue toue? ¿Peta'a ishet da huo'o ca lamaic ca lapagaxa ca 'olgaxa lco'oue'?

Hebreos 10:29

Qaq da ỹataqta qauennataxañiilec de'era, nache ¡ỹactec qone' da lchec ca nhuaxanaguec maye ỹaconeguet cam ỹo'otan som Llalec Ñim Lo'onatac 'Enauacna qataq da 'eetega qaica ca naigui da l-leuaxa Somaye! Qaq da nache 'eetec de'era, nache isheueetac som Saqcha'a La'añaxac Ñim Lo'onatac 'Enauacna maye lauotaxat camaye. Nataqa'en da ỹo'otan da l-leuaxa So Cristo qamaq nachera dam chegoqchigui da ipacchigui da naỹamaxataxac Ñim Lo'onatac 'Enauacna qataq chegoqchigui da qaỹapalaxat na lasouaxashetpi.