11 Qataq ÿataqta qauamaichiguiñi qom qami' ishiueeta'pe na shiÿaxauapi, huo'otaq da sa ishit da qami' iyacna'pe qataq da qami' ÿasaxalguete na ÿotta'a't shipegaxanaxacpi, souaxat da aÿim qoquiitague'.
Da huo'otaq huo'o ca qami' isheueeta'ape souaxat da qarpi'iỹaxaqui So Cristo, qaq no'on da que'eca qansheunaguiiqui, 'eeta'am qanqa'eñi ca qana'achecỹaxaqui maye chegoqo'ot Ñim Lo'onatac 'Enauacna. Qaq de'era naigui da som ỹo'oxoraic Saqcha'a La'añaxac Ñim Lo'onatac 'Enauacna, nache 'eetai' da qami' hueta'agueta.
Qaq 'enauac qome na shiỹaxauapi ỹataqta qami' nquiỹalo, souaxat da Aỹem qoquiitague'. Qalaxaye cam qaica ca iqocha'a, choche ivitta'a ca loga't da nachaalataxac, qaq nacheca ca qanca'alaxatec.
Huaña, nache qami' qaỹaue'c da qami' qaicoñerai'salo, qataq qami' qoỹaneua'alo na nta'alpi da yaqto' saishet da qami' iyacna'ape, qataq ivira'a da qami' ỹalaua't. Qataq 'enauac na shiỹaxauapi ỹataqta qami' nquiỹalo, souaxat da Aỹem qoquiitague'.
Ñim Lo'onatac 'Enauacna qami' ỹaaleguete da lqouagaxanaqtaic souaxat na shiỹaxauapi da qami' nquiỹalo, huo'otaq da qami' isheueeta'ape qataq da qami' sa qaỹaconegueta, qataq qaica ca huotaique da qami' ỹalecta'agueta. Na shiỹaxauapi qami' ỹo'oteque de'era, cha'aye souaxat da Aỹem qaualaqaiguet, Aỹem Shiỹaxaua Llalec.
Qataq co'ollaq qaisheueetac, qalaq saishet da ỹe'eguelaxata'aguet da nsheunaguec, qataq saishet da ỹasauaxattac som ỹo'otpi da nque'eenaxac. Nachaqrata da hua'aqta'a da Ñim Lo'onatac 'Enauacna da huapegue' qataq ilo'ogue, cha'aye Ñimaye nmit qome 'enauacna qataq ipagaqchiichigui ca lataxac.
Qaq ca nshetaique da maiche nca'alaxatec da maiche nachaalataxac, nache camaye deqat. Qalaxaye ca saishet da iteetega da nachaalataxac souaxat da Aỹem quetague', nache camaye nca'alec.
Qataq ỹataqta huo'o da 'anhualaxaunaxac. Qataq souaxat da Aỹem 'aualaxaguet, nache lta'araic da 'anque'eenaxac. Qalaxaye na'aictaxa da nache 'eetec de'era, qalaq ñaq 'eetalec da saishet da 'anasamiisop da Aỹem 'aualaxaguet.
Nache 'enauac nam no'onaxatchigui na lma'pi, huo'otaq ca lqaỹañecpi ỹalleppi qataq 'alpi, huo'otaq lta'a qataq aca late'e, huo'otaq lhua qataq ca llalaqpi huo'otaq na na'alhuapi, souaxat Aỹem, nache camaye ivi' qome ca cien nam qoỹami'pi. Nataqa'en qoỹami' dam nca'alaxa maye chochaq tatec.
Qaq qomi' souaxat da salaxasoxoguet So Cristo, nache na shiỹaxauapi qomi' ỹamata'aque da qaica ca saỹaanaqpec, qalaxaye qami' chegoqchigui da lqouagaxanaqtaic So Cristo, nache qami' qaỹamata'aque da qami' ỹaanaxanaxaiqa. Qomi' qaica ca qara'añaxac, qami' qalaq qami', 'añaxaiqa. Na shiỹaxauapi qomi' no'otanguilo, qaq qami' qalaq ỹataqta huo'o naq 'enec qanqa'en.
Da 'enapec ana nere maye huetalec na la'aqtacpi Ñim Lo'onatac 'Enauacna, 'eeta': «'Am sasouaxalec da imauec ye na'a'q da qomi' qaỹauecta'alo da qarleuaxa; 'eeta'ama qanqa'en qomi' aca qagueta da qaỹauectaua'a ca nalaataqa'.»
Cha'aye da huo'o ca ipettega da nachaalataxac da ỹactec da 'onaxaic, saq 'ena'am da Aỹem quegue, nache camaye da nachaalataxac deqat. Qalaxaye da huo'o ca ỹaỹamaxareeta qataq lca'aua'a da ileualec Aỹem, nache camaye nca'alec.
Cha'aye da nachaqrata da qampogoxoiñeetapegue' da qauauoitaique da qanca'alliiuec, nache deqat da qanachaalataxaqui. Qalaxaye da qanañañi da qaỹa'añi da qanachaalataxaqui souaxat da qaua'axacheetac da no'on na'axaỹaxac, nache qami' qanca'alaxatre'c.
Ỹoqo'oye ca napaxaguenatac ishet qome da machiguiñi da ivi' da 'eeta'am ca napaxaguenaxala', qataq cam choche namaxashec da ivi' da 'eeta'am ca na'aco'. Cha'aye na shiỹaxauapi da huo'otaq Aỹem iỹaxana, qaq 'eetega da Aỹem pa'aguenataxanaxaic, nache, ¿chaq 'eetec ca lỹaxanataxanaxac da qoñiita maye qami' ỹapaxaguenataqa?
Qalaxaye maxatchaxa qome. Cha'aye qami' qoỹaneua'alo qome na lataxala'pi na shiỹaxauapi, nache qami' iuaxaata'ape da huaigui ana napaxaguenaxaquipi na judiopi. Huaña, nache qami' qanachaalataxaneua'alo na nta'alpi maye ilotegueto naua 'aleu', qataq na lta'alpi namayepi souaxat da Aỹem qoquiitague'. Qalaxaye huaña qome, nache Aỹem qaua'axache da qaua'aqtaxañim namayepi.
Qalaxaye saishet da ỹoqta ỹaỹateeteguet de'era na'aqtaxanaxac, nache da ntonaxac sa qaỹauec, qataq da nque'elaxatta da huo'o na ivireguet, qaltaq da sa qaiyacnapec souaxat da ỹalaxaguet Ñim Lo'onatac 'Enauacna, nache icoua'ai da na'aqtaxanaxac.
Qataq ivira'a qome da qami' qaỹauegueua'alo nam ilotegueto naua 'aleu', qataq na lta'alpi namayepi da yaqto' Aỹem qaua'axache da qauataito'ot namayepi, qataq nam chegaqauec, cha'aye qami' ỹapaxaguenataqa.
Ñim Nataxala' nlaxaañi qome da la'añaxac da nleuaxa, huaña nache iỹorec naua lache' 'enauac na shiỹaxauapi, qataq nqateeguesop da ne'enaguec nam lalamaxat nhuo' le'ecpi 'enauac ana 'alhua. Qaq 'era da la'aqtac Ñim Nataxala'.
«Ñaq Aỹem qana'axaỹaxañiỹa qami' maye qauaỹachiñi da no'on lataxac, qami' nhuo' le'ecpi maye ỹataqta qauacheetaigui da qarquiyaqteỹaxaqui naua iqataxaco. Saishet qome da qayi'iitega da larenaxanaxac nam ỹalleppi, qataq da qaica ca qara'añaxaqui naqa'en nam lsheunaxanaxacpi namayepi,
Nache so Jeremías ỹasat, 'eeta': ¡Saishet da nache 'eetec de'era, saishet da sauotaique da sauaxaiguet na caldeopi! Qalaxaye so Irías saishet da na'axaỹaxana somaye, nacherata da ỹaconeua'a da icoñi', qataq ỹauegueua'a so 'amaqtaqaicpi nataxala'pi.
Ñim Lo'onatac 'Enauacna qami' ỹanema da lta'araic qana'achecỹaxaqui da qaupi'iỹa'ai So Cristo. Qaq ỹoqo'oye na'aictaxa da huo'o da qanque'eenaxaqui souaxat da qaua'amaqchiñi Ñim Lo'onatac 'Enauacna.