Mateo 5:1 - La'aqtaqa Ñim Lo'onatac 'Enauacna 2013

¹ Qaq So Jesús co'ollaq ila'a da ỹataqta qalota so shiỹaxauapi, nache tasheguemec aso qaỹoqotcheguemec 'alhua, nache nso'ooñi, nache soua lapaxaguenataqa nquiguereua'a Somaye,

Nuevo Testamento Toba Sur

¹ Qaq so Jesús co'ollaq ila'a da ÿataqta qalota so shiÿaxauapi, nachi nqo'ooshiguemec aso qasoxonaxa, nachi nso'ooñi, nachi so lapaxaguenatacpi laponeu'a somayi.

Nuevo Testamento Toba Sombrero Negro

¹ Mane'e da'me yauana ga'me jiyaĝadipi, Jesús yec'adije'ma ga'me qajoĝonaĝa qama'le ñiyiñe. Jogaa'me lapaĝaguenataqa yec'adeta joñe'me,

Mateo 5:1 Referans Kwoze

Marcos 3:13

Qaq co'ollaq ime de'era, nache So Jesús huo'o so maiche lca'aua'api da ỹaviguisheguemec aso qaỹoqotcheguemec 'alhua. Qaq co'ollaq mashe lapoota'a't somayepi,

Mateo 15:29

So Jesús ca'ai yi'iye hueta'a, nache co'ollaq iviraxaama ye loigue aso lapel ye Galilea. Ime, nache tasheguemec aso sa qaỹoqotcheguemec 'alhua, nache nso'ooñi.

Marcos 4:1

Qaq so lỹa na'a'q, nache So Jesús dapaxaguenataxaatac, neto'ot na loigue aso lapel ye Galilea. Qaq cha'aye souaxat da ỹataqta qalota so shiỹaxauapi maye na'axaỹaxaatac, nache So Jesús huenongui aso 'oonole nllocta, nache nso'ooñi da yaqto' dapaxaguenataxan. Qaq so shiỹaxauapi nachattañi neto'ot na loigue aso lapel.

Marcos 3:20

Qaq co'ollaq ime, nache So Jesús ỹe'eguelaxaua'a so nỹec, nataqa'en soua lapaxaguenataqa. Nache qaltaq qalota so laponeua'a shiỹaxauapi, ivitta'a da soomaye qaica ca ldaqa't da deque'e'.

Mateo 4:25

Nache ỹataqta qalota so shiỹaxauapi maye chegaqa'a ye Galilea, qataq ye Judea qataq ye Decápolis, nache ca'attague' So Jesús. Nataqa'en huo'o so chegaqaua'a ye nỹecpi Jerusalén, qataq na laỹepi nma'pi maye hueta'atague da lỹa le'ego so tala Jordán.

Mateo 13:2

Qaq souaxat da ỹataqta qalota so shiỹaxauapi laponeua'a cam hueta'a Somaye da na'axaỹaxana, nache So Jesús huenooñigui aso nllocta da nso'ootangui asomaye da dapaxaguenataxan. Qaq se'eso shiỹaxauapi hueto'ot na loigue aso lapel.

Mateo 5:2

Nache Somaye dapaxaguenataxan, 'eeta':

Lucas 6:12

Qaq se'esoua na'axa'te So Jesús tasheguemec aso saqaỹoqotcheguemec 'alhua da yaqto' nqouagaxauen, nache imattec se'eso pe da na'aqtaxaatague' Ñim Lo'onatac 'Enauacna.

Lucas 6:17

Nache So Jesús qataq soua doce lamaxa'she huenoteeguesopa aso qaỹoqotcheguemec 'alhua, nache nqo'onalo so nalochiguiñi 'alhua. Huaña yemaye, nache lapona't so qalota maye ca'attague' Somaye. Nataqa'en qalota na hueta'a yemaye na chegaqa'alo naua 'aleu' maye huaigui ye 'alhua Judea, nataqa'en na chegaqa'a ye nỹecpi ye Jerusalén qataq huo'o na chegaqa'a ye nỹecpi Tiro qataq Sidón,

Lucas 6:20

Nache So Jesús ỹamataigui so lapaxaguenatacpi, nache 'enapeco': «Ñim Lo'onatac 'Enauacna qami' ỹaaleguete da lqouagaxanaqtaic qami' maye qami' choxora'q, cha'aye da lo'onataxanaxac Ñim Lo'onatac 'Enauacna qaralamaxache.

Lucas 9:28

Qaq co'ollaq mashe inoxoore'c soua ocho na'axa'te, nache So Jesús ỹauec so Pedro, Juan qataq so Santiago da taresheguemec aso qaỹoqotcheguemec 'alhua da yaqto' nqouagaxauen.

Juan 6:15

Qalaxaye So Jesús co'ollaq noma da qaỹauotaique da qaỹaconeua'a da qoỹanagui da nta'a, nache Somaye qaltaq ca'ai somayepi da tasheguemec aso qaỹoqotcheguemec 'alhua, da yaqto' nda'a't ca hueta'a.