Biblia Todo Logo
Bib sou entènèt

- Piblisite -




Mateo 4:9 - La'aqtaqa Ñim Lo'onatac 'Enauacna 2013

9 Nache 'enapeco': –Aỹem 'am sami' 'enauac ne'ena, da ishet da 'aua'alyiñi naua 'arllectel da aỹem 'avio'oxoren.

Gade chapit la Kopi

Nuevo Testamento Toba Sur

9 Nachi 'enapeco': –Aÿim 'am sami' 'enauac ne'ena, da ishit da 'au'alyiñi naua 'adllicte da aÿim 'avi'oxoden.

Gade chapit la Kopi

Nuevo Testamento Toba Sombrero Negro

9 Enaac: —Qom auejoidiñe naa'me adeliquetel da'me jayem a'nonaĝachigui, qama'le am janema ena'uaque naa'me naajo' jo'ne am jaloĝonalo nayi.

Gade chapit la Kopi




Mateo 4:9
21 Referans Kwoze  

Dam no'on na'axaỹaxac, damaye qomi' da'aqtaxanema da la'amaqchec So Cristo, qaq Somaye qomi' ỹachaxanalo da la'amaqchec Ñim Lo'onatac 'Enauacna. De'era na'aqtaxanaxac 'eroigui, 'eeta'am na le'eraxa aca ncoỹaraxanaxaqui. Qalaxaye nam saishet da ỹa'amaqten saishet da ila'a, cha'aye so pa'aguenataxanaxaic saishet da ỹashenem da ila'a.


Nache aỹem sa'aroto naua illecte so namaxashec piguem le'ec da yaqto' sho'oxoren, qalaxaye somaye aỹem 'enapega, 'eeta': «¡Saishet da nache qonetec de'era! No'on da 'avio'oxoren qome Ñim Lo'onatac 'Enauacna, cha'aye aỹem nataqa'en so'onataxaatacot sheeta'am 'am, qataq 'enauac nam queto'ot da ỹa'amaqteetac da na'aqtaxanaxac maye chegoqo'ot So Jesús.» Cha'aye de'era la'aqtaxanaxac So Jesús, maye ỹapaxaguenec namayepi nachera da ỹa'añaqchet na shiỹaxauapi, yaqto' nache queto'ot da ỹa'axattac damaye.


Ca nataxala' saishet da huo'otaq cheta'ague da da'amqaanataxan, cha'aye saiuena'a da huo'otaq taigui da na'amqaanaxac, nache ishet da que'emaxam qome, nache ishet da 'eeta'am da nhuaxanaguec co'olloxocheye so pa'aguenataxanaxaic.


Qataq 'enauac na nta'alpi ỹa'aroto naua l-llecte camaye, qataq 'enauac na ỹotta'a't shiỹaxauapi do'onataxanot qome.


Qaq Somaye so lapo' qataq na ltele'eta nache nanettalec so le'enaxat, 'eeta': «Lta'a na nta'alpi qataq Lataxala' na nataxala'pi.»


Qaq nagui saishet da qaltaq huo'o ca sa'axat, cha'aye mashe nayeetai' nam pa'aguenataxanaxaic maye damaxasoxonapec ana 'alhua. Qalaxaye namaye qaica ca la'añaxac da ishet da Aỹem ỹachiguiñi.


Nagui mashe ivita ye laloqo' da Ñim Lo'onatac 'Enauacna nmit na huetalec ana 'alhua, qataq da ỹamaqauec som damaxasoxonapec ana 'alhua.


Nache 'enapego' somayepi, 'eeta': «¿Chaq negue't aca lasheue da yaqto' qami' setaua'n da saconeua'a So Jesús?» Nache somayepi ỹachaxanapecot somaye aso treinta anom lcatpiole maye chegaqaigui na lcat le'enaxat plata.


cha'aye 'am qanqateeguesop qome na shiỹaxauapi, nache 'aualectaigui na shiguiỹacpi, qataq qollectac qome ana huoue qoneta'am ca nauegaxanaxala'pi huacapi, ivittrec caua siete vi'iye, nache ivitta'a da 'auauatton da Ñim Lo'onatac 'Enauacna maye Nataỹaña 'Enauacna, da huo'o da la'añaxac da ilo'ogue da lo'onataxanaxac na shiỹaxauapi ana 'alhua, qataq nacheñi ñim ỹanem da nta'a cam taalec da ỹanem.»


Nache aỹem chegoqchigui da huo'o da lo'onataxanaxac na nta'alpi, qataq na nataxala'pi da ishet da lapaxañi ca no'on lataxac.


Nache So Jesús 'enapego' somaye, 'eeta': –'Am pa'aguenataxanaxaic, aỹem qoca'ai, cha'aye ye nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Avio'oxoren Ñim Lo'onatac 'Enauacna, qataq nachaqñita da 'aualaxaguet.»


Swiv nou:

Piblisite


Piblisite