Mateo 4:6 - La'aqtaqa Ñim Lo'onatac 'Enauacna 2013

⁶ nache 'enapega, 'eeta': –Qom ỹataqta 'eesa da 'am Llalec Ñim Lo'onatac 'Enauacna, nache 'auparenaxanec nagui. Cha'aye ye nanettalec ana nere maye huetalec na la'aqtacpi Ñim Lo'onatac 'Enauacna, 'eeta': «Ñim Lo'onatac 'Enauacna namaq qome ca lamaxashecpi, da yaqto' 'am ntela'a. Nache 'am ỹachetaleguete qome naua lhua'q camayepi, da yaqto' saishet da 'am iuaxaneguet na coma'pi.»

Nuevo Testamento Toba Sur

⁶ Nachi 'enapega, 'eeta': –Qom ÿataqta 'eesa da 'am llalec ñi Dios, qaq 'aupadenaxaneec qome. Cha'ayi yi l'aqtac ñi Dios mayi nanettañi 'eeta': Ñi Dios namaq qome ca lamaxashic piguem l'ec, da yaqto' 'am ntela'a. Nachi 'am ÿachitalguete qome naua lhua'q camayipi, da yaqto' sa ishit da ntoqneto naua 'adchil na coma'pi.

Nuevo Testamento Toba Sombrero Negro

⁶ qama'le enaac: —Ta'le yataqachiñe eja am Dios Lec'oĝot, qama'le auenotegue; qa'a da'me Dios 'laqatac enaac: «Dios am namaĝadi'ña gaa'me lamaĝa's jo'ne piyem laje' qaedi am neteleta.» Nataq'aen enaac: «Am yacotedo'ot qaedi qaya'te gamachaqaega qa' ta'le anedo'oguet.»

Mateo 4:6 Referans Kwoze

Hebreos 1:14

Cha'aye na namaxashecpi piguem le'ecpi, namayepi choche saqcha'a na'añaxacpi maye do'onataxaatacot Ñim Lo'onatac 'Enauacna. Qataq Ñimaye ỹamaxa namayepi da itauan 'enauac nam shiỹaxauapi maye taỹa'a da nca'alaxatec Ñimaye.

Salmos 34:7

Qaq so lamaxashec piguem le'ec Ñim Nataxala', npaxattalec qataq nca'alaxatec, nam huo'o naq 'enec naqa'en Ñimaye.

2 Corintios 11:14

Qaq damaye saishet da huo'otaq lleualqa'a, cha'aye saỹaanaq da so pa'aguenataxanaxaic ishet da choche ỹe'enaxat da lataxac cam 'oonolec na lamaxashecpi piguem le'ecpi Ñim Lo'onatac 'Enauacna maye huo'o na le'eraxa.

Salmos 34:20

Qataq Ñimaye mpaxattalec 'enauac na lpi'inecpi camaye, nache qaica da huo'otaq 'oonolec ca qainoxon na lpi'inecpi camaye.

Mateo 4:4

Nache So Jesús ỹasateguet 'eeta': –Naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna 'eeta': «Saishet da nachaqacata aca nauole 'ayiiña da ỹa'añaqchet ca shiỹaxaua, nataqa'en iuen da ỹalaxaguet 'enauac na lamaxasoxonaxacpi Ñim Lo'onatac 'Enauacna.»

Da na'aqtaguec so Job 5:23

Na coma'pi qalaq saishet qome da na'aqchet ca 'ano'onaxa qataq ca shiguiỹacpi 'enauac da 'anhuoteete'.

Da na'aqtaguec so Job 1:10

Cha'aye 'Am ỹataqta sa 'auashen da huo'o ca ipoteua'a ñimaye, qataq na llalaqpi, qataq 'enauac nam hueto'otpi na'atetpi. Qataq ỹataqta 'auchoxonnec 'enauac na ỹo'otpi, qaq ỹoqo'oye ñimaye ỹataqta napacalec da lsallaxa 'enauac na netalec yi'iye 'alhua.