Mateo 4:4 - La'aqtaqa Ñim Lo'onatac 'Enauacna 2013

⁴ Nache So Jesús ỹasateguet 'eeta': –Naua ñiyigui'she maye nanettaleguete ana nere maye huetalec na la'aqtacpi Ñim Lo'onatac 'Enauacna 'eeta': «Saishet da nachaqacata aca nauole 'ayiiña da ỹa'añaqchet ca shiỹaxaua, nataqa'en iuen da ỹalaxaguet 'enauac na lamaxasoxonaxacpi Ñim Lo'onatac 'Enauacna.»

Nuevo Testamento Toba Sur

⁴ Nachi so Jesús 'enapeco': –Naua ñiyigui'shi l'aqtaqa ñi Dios 'eeta': Sa ishit da nachacata aca pan da i'añaqchit ca shiÿaxaua, mayi nataq'en 'enauac na l'aqtacpi ñi Dios.

Nuevo Testamento Toba Sombrero Negro

⁴ Qalaĝaja Jesús 'yateguet: —Joda'me Dios 'laqatac enaac: «Ja nach'egata ga'me pan ta'le nec'aleta'yejop ga'me jiyaĝaua, dite da'me qoyouetaque ena'uaque jodaa'me 'laqataqa joñe'me Dios.»

Mateo 4:4 Referans Kwoze

Deuteronómio 8:3

Na'aictoxo' da ỹauo'o co'ollaxa da qanque'eenaxaqui, qataq huo'o naqa'en so qarqouaqai, qaq co'ollaq ime, nache qami' iquia'axaneque so nallec maye chegaqasheguem le'enaxat maná, som nallec maye qami', qataq so hua'au qarta'ailpi sa ỹauatton, cha'aye huotaique da qauaỹaañi da saishet da nachecata ca nallec da nca'altauec naqa'en ca shiỹaxaua, cha'aye nataqa'en naua la'aqtaqa Ñim Nataxala' deca'alaqtaxa'n.

Lucas 4:4

Nache So Jesús 'enapeco': –Ana nere maye huetalec na la'aqtacpi Ñim Lo'onatac 'Enauacna, 'eeta': «Saishet da nachaqacata aca nauole da ỹa'añaqchet ca shiỹaxaua.»

Juan 6:63

Som Saqcha'a La'añaxac Ñim Lo'onatac 'Enauacna, nacheso so chegoqo'ot da nca'alaxa maye chochaq tatec; qaica ca chochaq shiỹaxaua da ỹan de'era achaalataxac. Qaq dam shenapec, damaye chegoqo'ot som Saqcha'a Na'añaxac maye ỹan de'era achaalataxac.

Romanos 15:4

Cha'aye 'enauac nam nanettalec ana nere maye huetalec na la'aqtacpi Ñim Lo'onatac 'Enauacna qoỹiyiñi co'ollaxa da yaqto' qomi' ỹapaxague'n. Da la'aqtaxanaxac anamaye qomi' itaua'n da yaqto' huo'o da qara'añaxac qataq qanhualaxaunaxac, qataq ỹataqta 'itchiguiñi da 'eesa dam qara'amqaanataxanaxac.

Efesios 6:17

Qataq da qarca'alaqai 'eeta'am qanqa'eñi aca qanaro'oi da yaqto' npaxaalec na qarqaiqui. Qataq qauacoñiỹa da la'aqtac Ñim Lo'onatac 'Enauacna da 'eeta'am qanqa'eñi ca ỹeelonec maye qami' ỹanema So Saqcha'a Na'añaxac Qui'itta.

Éxodo 16:15

Qaq co'ollaq ila'a so Israel le'ecpi, nache nnattega't, 'eeta': ¿Negue't ana'ana? Cha'aye saishet da ỹauatton. Qalaxaye so Moisés 'enapeco': «Nachena na nallec maye qami' ỹanema Ñim Nataxala', da yaqto' qollequi.»

Lucas 4:8

Qalaxaye So Jesús 'enapeco': Ana nere maye huetalec na la'aqtacpi Ñim Lo'onatac 'Enauacna, 'eeta': «'Avio'oxoren Ñim Nataxala' maye Lo'onatac 'Enauacna, qataq nachaqñita Ñimaye 'aualaxaguet.»

Éxodo 16:35

Huaña, nache so Israel le'ecpi chectac aso maná choche ivittraue'c soua cuarenta vi'iye, choche ivitta'a co'ollaq somayepi ivita ye 'alhua maye mashe qanayeetalec. Qaq 'era da 'eetec somayepi co'ollaq chectac aso maná, choche ivittaua'a so loigue ye 'alhua Canaán.

Éxodo 16:8

Nache so Moisés 'enapeco': Qomele avit, Ñim Nataxala' qami' iquia'axaneque qome ca lapat, qaq qonte' nte'eta qaltaq qami' ỹanema ca nallec chochaq huañi naqa'en. Cha'aye Ñimaye hua'aqtega da qami' qoquiitapeguelec. Cha'aye ¿negue'to' qomi'? Qami' saishet da nache qomi' da qomi' qoquiitapegueleguete, maye nacheñi Ñim Nataxala' Ñim qoquiitapeguelec.»

Mateo 4:10

Nache So Jesús 'enapego' somaye, 'eeta': –'Am pa'aguenataxanaxaic, aỹem qoca'ai, cha'aye ye nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Avio'oxoren Ñim Lo'onatac 'Enauacna, qataq nachaqñita da 'aualaxaguet.»

Mateo 4:7

Nache So Jesús 'enapeco': –Nataqa'en ye nanettalec ana nere maye huetalec na la'aqtacpi Ñim Lo'onatac 'Enauacna, 'eeta': «Saishet qome da 'avi'iguen Ñim Nataxala' maye Lo'onatac 'Enauacna.»

Lucas 4:12

Nache So Jesús 'enapeco': –Nataqa'en ana nere maye huetalec na la'aqtacpi Ñim Lo'onatac 'Enauacna, 'eeta': «Saishet da 'avi'iguen Ñim Nataxala' maye Lo'onatac 'Enauacna.»

Éxodo 23:15

Qauo'oche qome ca qarquia'axaqui da qollequi ana nauole 'ayiiña maye sa qaỹauo'o aca lalegue maye ỹasheeraxachigui. Qataq qauloitelec qome da ỹa'aqtac maye qami' sanema, da qollequiitac ana'ana nauole 'ayiiña caua siete na'axa'te. Qaq ca na'a'q maye huetoigui damaye, nacheca ca ca'agoxoic le'enaxat Abib, cha'aye nacheso so ca'agoxoic maye huetoigui co'ollaq qoquiỹa'ai ye Egipto. Qaq da qauanaqui da Aỹem qavio'oxoyiñi nache Aỹem qandoiua'a aca qarachetaqtaxanaqche.

Mateo 15:11

Saishet da nachena nam chec ca shiỹaxaua da ishepaxanaqchet da nachaalataxac da datato'ot Ñim Lo'onatac 'Enauacna. Dam ishepaxanaqchet da nachaalataxac ca shiỹaxaua nachera dam lsheunaxanaxac qataq naua qauema la'aqtaqa maye chegaqaiguilo na alap.

Marcos 7:20

Nataqa'en 'enapeco': «Ca nshepaxanaqchet da nachaalataxac na shiỹaxauapi da nachatto'ot Ñim Lo'onatac 'Enauacna, nachena nam nasaxauec qataq nam ỹo'ottacpi.

Juan 15:26

Qalaxaye qom ivita da anac cam qami' itaua'n qataq qami' ỹa'añaqche't, Cam Saqcha'a Na'añaxac maye ỹoqta 'eesa, cam qami' ñamaxalo maye chegoqo'ot Ñim Ita'a, camaye qome Aỹem ỹa'axat.