Mateo 4:24 - La'aqtaqa Ñim Lo'onatac 'Enauacna 2013

²⁴ Nache da na'aqtaguec So Jesús ỹataqta 'enauac ye 'alhua Siria da qaỹaỹaten. Nache qanda'a Somaye som shiỹaxauapi maye ỹotta'a't na lalolaxa, qataq som huo'o na netaigui saqcha'a na'añaxac leguemaxaic, copchaxaicpi, qataq na sa da'añiigue. Nache 'enauac nataren So Jesús.

Nuevo Testamento Toba Sur

²⁴ Nachi ivida'a 'enauac yi 'alhua Siria da n'aqtaguec so Jesús. Nachi qanda'a somayi nam ique'eteetac na ÿotta'a't lalolaxaguesat, nam huo'o na l'ec leguemaxaic, copchaxaicpi, qataq na sa da'añiigue. Nachi 'enauac nataden so Jesús.

Nuevo Testamento Toba Sombrero Negro

²⁴ Yema di'me aleua jo'ne Siria qo'yaĝatetac ñe'me Jesús, qama'le qoyeda'alo gaa'me yodapecache lachoĝodeco 'me ja 'noe'n, napite'nadi nataq'aen layaliaĝaco, nataq'aen jogaa'me uetayelo gaa'me payac lepaqa'li, nataq'aen jogaa'me copechaĝayaqa choqogaa'me choĝolaĝayaqa. Qama'le ena'uaque e'n yemedegue ñe'me Jesús.

Mateo 4:24 Referans Kwoze

Mateo 17:15

nache 'eeta': –¡'Am Ỹataxala', 'auchoxoren qome da ỹalec, nache 'autauan! Cha'aye damaye ỹataqta sa no'on qataq ỹataqta lta'araic da nque'eenaxac. Cha'aye qalota naxa da tangui na norec da decopche, qataq na 'etaxat.

Mateo 8:6

'eeta': –'Am Ỹataxala', ye ỹamaxashec huetaña ye ima' huetalec ye lmala', yemaye saishet da ñesheguem, ỹataqta lta'araic da nque'eenaxac souaxat da nqui'ic.

Lucas 5:15

Nache So Jesús ỹataqta nquictauec da na'aqtaguec. Nache ỹataqta qalota na shiỹaxauapi anac da ỹauotaique da na'axaỹaxana qataq huo'o na anac da huotaique da qanataren.

Lucas 2:2

Se'eso na'a'q so Quirino maye lta'a na netaña ye 'alhua Siria, qaq nacheso so qoỹami' da namaxasoxonaxac da ỹo'ot ca naloqnaguec na shiỹaxauapi maye netaña ye 'alhua Palestina.

Mateo 17:18

Nache So Jesús nlaxa se'eso saqcha'a na'añaxac leguemaxaic maye netaigui se'eso nsoq, nache 'enapega da jec. Huaña nache no'oita so nsoq.

Mateo 15:22

Nache huo'o aso 'alo maye lma' yi'iye 'alhua asom chegaqaigui nam iỹaxana naxa na judiopi qalaq Cananeo, asomaye naua'a So Jesús, nache na'axanneque naua la'aqtaqa, 'eeta': –¡'Am Ỹataxala' maye 'am Lca'aguishec Ñim Lo'onatac 'Enauacna, aỹem 'auchoxoren qome aỹem 'autauan! ¡Añi ỹale huo'o so netaigui saqcha'a na'añaxac leguemaxaic maye ỹo'ottac da lta'araic nque'eenaxac!

Mateo 12:22

Huo'oi soua shiỹaxau' ỹauegueua'alo So Jesús so ỹale da yaqto' nataren. Somaye qanamaic qataq qaicaua naua la'aqtaqa, cha'aye huo'o so netaigui saqcha'a na'añaxac leguemaxaic. Nache So Jesús nataren, qaq se'eso ỹale ỹe'eguelaxa da nauaachiguiñi, qataq huo'oi naua la'aqtaqa.

Hechos 10:38

So Jesús maye Nazaret le'ec. Qaq Ñim Lo'onatac 'Enauacna ỹanem co'ollaxa da la'añaxac Somaye So Saqcha'a Na'añaxac Qui'itta. Qaq Ñimaye ye hueta'aguet So Jesús, nache Somaye nache 'eetai' naxa da ỹo'ottac na ỹaỹamaqchiguiñi qataq nataren 'enauac nam huetalec da la'añaxac so pa'aguenataxanaxaic.

Hechos 15:23

Nache soomaye ỹache' qanqa'e'n aso nere maye huetalec da na'aqtac, 'eeta': «Qomi' Jesús lamaxa'she qataq naua qarỹa't lataxala'ate na 'amqaanataxanaxaicpi maye hueta'a na nỹecpi na Jerusalén, qomi' samaxasaxa da qarquinaxanaxac na qarqaỹañicpi maye saishet da judiopi, maye netaña ye Antioquía qataq ye 'alhua Siria qataq ye Cilicia.

Marcos 2:3

Nache nataqa'en nvildeua'a se'eso nỹec soua cuatro shiỹaxau'. Soomaye nacootragui so mala' huetalec so ỹale maye sa da'añiigue.

Marcos 1:32

Qaq co'ollaq mashe napalchiguiñi, nache so shiỹaxauapi iroua'a So Jesús 'enauac som sa no'onpi qataq 'enauac som huo'o na le'ec saqcha'a na'añaxac leguemaxaic.

Mateo 4:23

Nache So Jesús coleetapeguelec 'enauac ye Galilea da dapaxaguenataxaatapoigui ana napaxaguenaxaquipi na judiopi yi'iye 'alhua, ỹa'axattac da no'on na'axaỹaxac maye ỹa'axat da Ñim Lo'onatac 'Enauacna ilo'ogue 'enauacna, qataq natareetac 'enauac na ỹotta'a't lalolaxa na shiỹaxauapi.

Éxodo 15:26

Nache 'enapeco' da la'aqtac: «Aỹem Nachaỹem Nataxala' maye Qanatamnaxala'ai, qami' qom ỹataqta qauloitelec da ỹa'aqtac, qataq qom qauo'oche cam saỹamaxareeta, qataq qaualaqailec da ỹamaxasoxonaxac, qataq da qaupaquiiteleguete naua iqataxaco, nache aỹem saishet qome da ñamaq na nalolaxapi maye ñamaxa co'ollaxa ye Egipto le'ecpi, cha'aye aỹem Nachaỹem Nataxala' maye ishet da qami' ñatare'n».

Hechos 15:41

Nache taaleguete ye 'alhua Siria qataq ye Cilicia, nache ỹataqta ỹa'añaqchettac na 'amqaanataxanaxaicpi da nache queto'ot da naquitaxac So Qarataxala'.

Lucas 4:14

So Jesús ỹe'eguelaxa ye 'alhua Galilea, ỹataqta nlaqchigui So Saqcha'a La'añaxac Ñim Lo'onatac 'Enauacna. Nache quetagui na lma'pi na shiỹaxauapi qataq dapaxaguenataxaatapoigui ana napaxaguenaxaquipi na judiopi, qaq 'enauac na shiỹaxauapi ỹataqta 'onaxaic da na'aqtaguec da detaqtega Somaye. Nache saqaỹaloq da 'enauac qaỹauatton Somaye yi'iye 'alhua.

Marcos 1:28

Nache saqaỹaloq da qaỹaỹaana'a't da no'on na'aqtaguec So Jesús 'enauac yem 'alhua Galilea.

Mateo 14:1

Qaq se'eso na'a'q so Herodes Antipas maye ilotague' ye 'alhua Galilea, somaye hua'aqtega na shiỹaxauapi da na'aqtaxaatapigui So Jesús.

1 Crónicas 14:17

Huaña nache da llo'oxoyec so David ỹataqta imattalec yi'iye 'alhuapi, qataq Ñim Nataxala' ỹo'ot da 'enauac nam ỹotta'a't shiỹaxauapi ñi'iỹa somaye.

1 Reyes 10:1

Qaq aso nate'e ye Sabá, co'ollaq hua'aqtapeguelec da ño'oxonnataguec so Salomón, maye ỹo'ot da llo'oxoyec Ñim Nataxala', nache asomaye nqo'ona co'ollaxa somaye, cha'aye ỹauotaique da ỹe'eguen, huota'a na ỹataqta qalaqaic nnataxanaxacpi.

1 Reyes 4:31

Qaq somaye ỹataqta ỹaanaxanaxaic, napacalec so laỹepi shiỹaxauapi, napacalec da laỹaanec so Etán maye chegoxoguet so Zeraj, qataq so Hemán, Calcol, qataq so Dara, som llalqa so Majol. Qaq ỹoqo'oye da llo'oxoyec so Salomón, ivira'alo 'enauaque naua hueta'alo so ỹotta'a't shiỹaxauapi.

Josué 6:27

Qaq Ñim Nataxala' ỹataqta hueta'aguet so Josué, ỹoqo'oye da llo'oxoyec somaye imattalec se'eso 'alhua maye qanayeetalec.

Juan 10:21

Qalaxaye huo'o somayepi na 'eeta': –Qaica ca shiỹaxaua da huo'otaq huo'o ca netaigui saqcha'a na'añaxac leguemaxaic da 'eetec de'era da ltaxaỹaxac. Cha'aye ¿isheto' peta'a da huo'o ca netaigui ca saqcha'a na'añaxac leguemaxaic da nauaañi naqa'en ca qanamaic?

Mateo 9:35

So Jesús coleetapigui 'enauac nam nma'ate qataq nam nañalo nam saq 'amaqtaq shiỹaxauapi da dapaxaguenataxaatapoigui ana napaxaguenaxaquipi na judiopi, ỹa'axattac dam no'on na'axaỹaxac maye naigui da ilo'ogue 'enauacna Ñim Lo'onatac 'Enauacna, qataq natareetac 'enauac nam ỹotta'a't lalolaxa qataq da nqui'ic na shiỹaxauapi.

Mateo 9:26

Nache 'enauac yi'iye 'alhua maye hueta'a So Jesús imauec da qaỹaỹaten de'era.

Mateo 8:28

Qaq So Jesús co'ollaq mashe ivittague da le'ego aso lapel late'erai, ivittra yem 'alhua Gadara, nache ana'c soua dos ỹale't maye netaiguilo so saqcha'a na'añaxac leguemaxaic soomaye chegoqtroigui ca napa'alpi da ca'atra'aguet So Jesús. Qaq se'esoua ỹale't ỹataqta chaqaiqa, ỹoqo'oye qaica ca ishet da tateuga se'eso nqa'aic. Qaq se'esoua dos ỹale't co'ollaq nquiguereua'a So Jesús,

2 Samuel 8:6

Nache so David ỹanaña ye Siria yem huaña ye 'alhua Damasco so laỹe nalleppi maye lauanaxanaxanecpi, qaq so David ilo'ogue co'ollaxa so netaña ye Siria, nache desheetenaxaatac naqa'en somayepi. Nache Ñim Nataxala' ỹanem so David da loxonec naqa'en 'enauac so mpa'aguenaxauapi.

1 Crónicas 29:2

Aỹem, ỹataqta lta'araic co'ollaxa da iuogoxo da seqataxanai' na no'onataxatpi aca atamnaxaqui maye lalamaqte Ñim Ñatamnaxala', nam oro, plata, lcat da yaqto' qaỹo'ot nam ỹotta'a't nhuenecpiolec, qataq nam 'epaqpi, qataq na qalota coma'pi maye ỹotta'a't da lataxac qataq da lyac, qataq na mármol.

Mateo 8:33

Qaq soua ỹale't maye ilotegueto aso cospi soomaye datare'c, cha'aye ỹataqta ñi'i'. Qaq co'ollaq ivireua'a ca nỹecpi, nache ỹa'axattrac 'enauac de'era qataq dam huaiguilo soua ỹale't maye huo'o so netaigui saqcha'a na'añaxac leguemaxaicpi.

Marcos 2:4

Qalaxaye souaxat da ỹataqta qalota so shiỹaxauapi, nache soomaye huenoldesheguemec na l-laq so nỹec, nache ỹauo'o so lauatrac. Nache tachiguingui naqa'e'n so sano'on maye huetalec so lmala'.

Marcos 2:9

Aỹem qaua'aqtaxañim ¿negue't ca ỹactec da saqalaq da qairolec? ¿Peta'a da qoỹeeta': Na 'arasouaxashetpi 'enauac qaỹapalaxat, huo'otaq da qoỹeeta': Qoñisheguem, 'auacona na 'armala' nache qojec?

Lucas 4:38

Huaña, nache So Jesús ca'ai aso napaxaguenaxaqui na judiopi, nache taua'a so lma' so Simón. Qaq co'ollaq pa'aigui so nỹec, nache qaỹa'aqtaxanem da aso lachoro so Simón sa no'on ỹataqta ỹaguec na le'eraxa.

Lucas 5:24

Qalaxaye nagui qami' sachaxanalo da Aỹem, maye Aỹem Shiỹaxaua Llalec huo'o da ỹa'añaxac ana'ana 'alhua da sapalaxat na nasouaxashetpi.» Huaña, nache 'enapega som ỹale maye sa da'añiigue, 'eeta': «Qoñisheguem, 'auacona na 'armala'. Ime, qaq qojec, 'anqo'ona ca 'arma'.»

Hechos 8:7

Cha'aye qalota na shiỹaxauapi maye nqo'oneua'a somaye, huo'o na netaigui saqcha'a na'añaxac leguemaxaic, nache so Felipe ỹo'orauec, nache ne'ena saqcha'a na'añaxac leguemaxaic huenoxonec, ỹa'alaqtagui. Nache nataqa'en qalota na nataren nam ñi'iỹauo na lche lỹa qataq nam sa da'añiigue, nache namayepi ỹe'eguelaxalec da queuoỹapigui'.

Lucas 7:17

Nache na shiỹaxauapi maye hueta'a ye 'alhua Judea qataq na laỹepi maye lauoreuapi yemaye, imauec da qaỹaỹaten da ỹo'ot So Jesús.

Hechos 28:9

Huaña, nache anac nataqa'en nam laỹepi sa no'on maye lma' aña'añi ỹaqa'ata 'alhua, nache so Pablo 'enauac no'oita naqa'en.