Mateo 4:23 - La'aqtaqa Ñim Lo'onatac 'Enauacna 2013

²³ Nache So Jesús coleetapeguelec 'enauac ye Galilea da dapaxaguenataxaatapoigui ana napaxaguenaxaquipi na judiopi yi'iye 'alhua, ỹa'axattac da no'on na'axaỹaxac maye ỹa'axat da Ñim Lo'onatac 'Enauacna ilo'ogue 'enauacna, qataq natareetac 'enauac na ỹotta'a't lalolaxa na shiỹaxauapi.

Nuevo Testamento Toba Sur

²³ Nachi so Jesús coleetapeguelec 'enauac yi Galilea da dapaxaguenataxaatapoigui ana laponaxaquipi na judiopi yi'iyi 'alhua, i'axattac da no'on qad'axaÿaxac mayi i'axat da ñi Dios ilo'ogue 'enauacna, qataq natadeetac 'enauac na ÿotta'a't lalolaxaguesat na shiÿaxauapi.

Nuevo Testamento Toba Sombrero Negro

²³ Qama'le Jesús yeuotapelegue yema di'me Galilea, da'me dapaĝaguenataĝanouelo nale gaa'me nemaĝaiqui'. Dapaĝaguenataĝatapec da'me onaĝaic 'naqataĝanaĝac jo'ne 'yaĝat da'me Dios lejaliaĝa, qama'le e'n yemedegue ena'uaque gaa'me lapite'nadi ga'me jiyaĝadipi nataq'aen gaa'me layaliaĝaco jo'ne yodapecache.

Mateo 4:23 Referans Kwoze

Mateo 9:35

So Jesús coleetapigui 'enauac nam nma'ate qataq nam nañalo nam saq 'amaqtaq shiỹaxauapi da dapaxaguenataxaatapoigui ana napaxaguenaxaquipi na judiopi, ỹa'axattac dam no'on na'axaỹaxac maye naigui da ilo'ogue 'enauacna Ñim Lo'onatac 'Enauacna, qataq natareetac 'enauac nam ỹotta'a't lalolaxa qataq da nqui'ic na shiỹaxauapi.

Marcos 1:39

Nache So Jesús coleetapeguelec ye 'alhua Galilea, dapaxaguenataxaatapoigui ana napaxaguenaxaquipi na judiopi, qataq ỹo'orauec na qalota saqcha'a na'añaxac leguemaxaicpi.

Hechos 10:38

So Jesús maye Nazaret le'ec. Qaq Ñim Lo'onatac 'Enauacna ỹanem co'ollaxa da la'añaxac Somaye So Saqcha'a Na'añaxac Qui'itta. Qaq Ñimaye ye hueta'aguet So Jesús, nache Somaye nache 'eetai' naxa da ỹo'ottac na ỹaỹamaqchiguiñi qataq nataren 'enauac nam huetalec da la'añaxac so pa'aguenataxanaxaic.

Lucas 7:22

Ime, nache 'enapegalo' se'esoua dos ỹale't, 'eeta': –Qauesomiỹa qome, qaua'aqtaxañim ca Juan 'enauac nam qauauañiichigui qataq qaua'aqaichigui. Nagui nam qanamaicpi ishet da nauaañi Qataq nam qaica ca lche lỹa qalaq ỹaỹamaxañi da lqueuoxoc. Qataq nam nchega na lo'oc qalaq no'oita qataq nam da'añaigui na lqaic qaltaq ishet da hua'aqa. Qataq nam mashe saqcapi qalaq ỹe'eguelaxalec da nca'alec, qataq nam choxoraqpi qaỹa'aqtaxanem da no'on na'axaỹaxac maye chegaqaigui da nca'alaxa.

Mateo 11:5

Nagui nam sanauaañi, qalaq nauaachiguiñi, qataq nam ñe'eerauo naua lchel, qalaq queuoỹapigui', qataq nam nchega na lo'oc, qalaq no'oita, qataq nam sa hua'aqa, qalaq ishet da hua'aqa, qataq na mashe ileu, qalaq nca'alec qanqa'en, qataq nam choxoraqpi, qalaq qaỹa'axatem da no'on na'axaỹaxac maye chegaqaigui da nca'alaxa.

Mateo 13:54

Nache co'ollaq ivita ye maiche lalamaxat lma'. Huaña, nache dapaxaguenataxan co'ollaq huaigui aso napaxaguenaxaqui na judiopi. Nache so shiỹaxauapi ỹataqta huo'o da la'aalaxa nache, 'eeta': «¿Hua'ague ca ỹachegoxota'ague da laỹaanec dam da' ỹale? ¿Ca 'eeteco' damaye da ishet da ỹo'ot nam sa qaỹauanapega?» Qataq huo'o na 'eeta':

Marcos 1:21

So Jesús qataq soua lapaxaguenataqa nqo'oora ye nỹecpi ye Cafarnaúm. Qaq co'ollaq ivireuga so na'a'q mataxaqui, nache So Jesús taua'a aso napaxaguenaxaqui na judiopi, nache huaña da dapaxaguenataxan.

Salmos 103:3

Cha'aye Ñimaye nacheñi ñi ỹapalaxat 'enauac na ỹasouaxashetpi, qataq nataren 'enauac na ỹalolaxasat.

Romanos 10:15

Qataq ¿ca 'eetec da huo'otaq huo'o ca da'aqtaxan, da huo'otaq saishet da namaxashec? Cha'aye dam 'enapec naua ñiyigui'she maye nanettalec ana nere maye huetalec na la'aqtacpi Ñim Lo'onatac 'Enauacna, 'eeta': «¡Ỹataqta saq no'onolec da lviraxac nam ndotai' da na'aqtaxanaxac maye ỹo'ot da nlagaxayec, qataq ỹa'axattac da no'on na'axaỹaxac!»

Lucas 8:1

Qaq co'ollaq mashe qaỹoqtegue de'era, nache So Jesús quetagui na saq 'amaqtaq nỹecpiolec qataq nam naña nam lta'araic nỹecpi da da'aqtaxaatapeguem na shiỹaxauapi da no'on na'axaỹaxac da lo'onataxanaxac Ñim Lo'onatac 'Enauacna. Qaq Somaye nnaictagueto soua doce lapaxaguenataqa,

Marcos 6:2

Qaq co'ollaq iviteuga so na'a'q mataxaqui maye saishetapec na judiopi, nache Somaye dapaxaguenataxaatac, huaigui aso napaxaguenaxaqui na judiopi. Qaq ỹataqta qalota so shiỹaxauapi na'axaỹaxaatega, nache huo'o da la'aalaxa qataq nnattega't, 'eeta': –¿Cam ỹachegoxota'ague da laỹaanec dam da'? Qataq ¿chaq ỹachegoxota'ague dam lauattonaxanaxac? Qataq ¿ca ỹachegoxota'ague da la'añaxac da ỹo'ot nam sa qaỹauanapega?

Mateo 24:14

Qaq cam loga't ana 'alhua nvi' qom de'era no'on na'axaỹaxac maye ỹa'axat da lo'onataxanaxac Ñim Lo'onatac 'Enauacna mashe qaỹa'aqtaxanem 'enauac na huetalec ana 'alhua, qataq nam ỹotta'a't shiỹaxauapi hua'aqchigui damaye.

Mateo 12:9

Nache So Jesús jec, nache taua'a aso napaxaguenaxaqui na judiopi yem qanayeuta'a.

Juan 18:20

Nache So Jesús 'enapeco': –Aỹem ỹataqta ñachaxaata naxa 'enauac nam shiỹaxauapi da setaqtac, qataq saq ỹet da huaigui ana napaxaguenaxaquipi na judiopi da sapaxaguenataxaatac qataq añim no'onaxanaxaqui late'erai maye huaña naxa da lapona't 'enauac na judiopi. Qaq Aỹem saishet da huo'o ca ỹa'aqtac soxottañi.

Lucas 13:10

Huo'o so na'a'q mataxaqui, nache So Jesús dapaxaguenataxaatac, huetaigui asom napaxaguenaxaqui na judiopi.

Lucas 9:11

Qalaxaye so shiỹaxauapi co'ollaq ỹaỹaten da So Jesús taigue da Betsaida, nache qaicaalec Somaye. –Nache So Jesús ỹaconeguet 'enauac so shiỹaxauapi, cha'aye ỹataqta huo'o da lauotaxanaqtaic, nache ỹachegoxottot da da'aqtaxaatapeguem dam lo'onataxanaxac Ñim Lo'onatac 'Enauacna. Nataqa'en nataren nam sa no'onpi.

Lucas 5:17

Qaq huo'o so na'a'q So Jesús dapaxaguenataxaatac hueta'a so nỹec. Qaq huo'o na ỹalectauo nso'ootañi nam ỹalectaigui na fariseopi qataq nam dapaxaguenataxaatapeguec na namaxasoxonaxacpi. Somayepi chegaqa'alo naua 'aleu' yem 'alhua ye Galilea, qataq ye 'alhua Judea qataq ye nỹecpi ye Jerusalén, da yaqto' na'axaỹaxana So Jesús. –Qaq souaxat da So Jesús hueto'ot da la'añaxac Ñim Lo'onatac 'Enauacna da yaqto' nataren na sa no'onpi,

Marcos 6:6

cha'aye ỹataqta lta'araic da la'aalaxa da se'eso shiỹaxauapi saishet da ỹa'amaqten Somaye. –So Jesús jec da taỹalo naua saq qaỹapigui lma'ate na shiỹaxauapi dapaxaguenataxaateguec da no'on na'axaỹaxac.

Marcos 3:10

'Eetai'toxo' da So Jesús mashe qalota so nataren, qalaxaye ñaqaiyeta ña qalota so sa no'onpi. Qaq somayepi ỹataqta coleesop So Jesús da huotaique da ipoteua'a da yaqto' no'oita.

Marcos 1:14

Qaq co'ollaq mashe qoỹanaigui aso ncoñetaxanaxaqui so Juan, nache So Jesús taỹa ye 'alhua Galilea. Huaña, nache ỹa'axattac dam no'on na'axaỹaxac maye ỹa'axat da lo'onataxanaxac Ñim Lo'onatac 'Enauacna, 'eeta':

Salmos 74:8

Nache da lquiyaqteỹaxac, 'eeta': «ỹataqta nlachiguiñi ñaqa'enaq.» Nache ỹavigaxat 'enauac aso atamnaxaquipi, maye netalec ne'ena 'alhua.

Hechos 20:25

Qaq nagui ỹoqta da 'enauac da qoñiita nam sa'aqtaxaatapeguem co'ollaxa da lo'onataxanaxac Ñim Lo'onatac 'Enauacna, da nache tachiguiña nagui da aỹem sa nauane'.

Hechos 18:4

Qaq naxa da iviteuga ye na'a'q mataxaqui, nache so Pablo taua'a aca napaxaguenaxaqui na judiopi, nache da'aqtaxaatapeguem namayepi, nataqa'en nam Grecia le'ecpi, da yaqto' da'amqaanataxan naqa'en.

Juan 6:59

Qaq de'era dapaxaguenataxaatapeguec So Jesús, damaye huaigui aso napaxaguenaxaqui na judiopi maye naña ye Cafarnaúm.

Lucas 10:9

qanatayiñi 'enauac nam sa no'onpi maye hueta'a camaye, qataq qaua'aqtaxañim da lo'onataxanaxac Ñim Lo'onatac 'Enauacna da mashe nayeetai'.

Lucas 6:17

Nache So Jesús qataq soua doce lamaxa'she huenoteeguesopa aso qaỹoqotcheguemec 'alhua, nache nqo'onalo so nalochiguiñi 'alhua. Huaña yemaye, nache lapona't so qalota maye ca'attague' Somaye. Nataqa'en qalota na hueta'a yemaye na chegaqa'alo naua 'aleu' maye huaigui ye 'alhua Judea, nataqa'en na chegaqa'a ye nỹecpi ye Jerusalén qataq huo'o na chegaqa'a ye nỹecpi Tiro qataq Sidón,

Mateo 14:14

Qaq co'ollaq huenoteeguesop aso nllocta So Jesús da le'ego, nache choche ilaigui so shiỹaxauapi ỹataqta qalota hueta'a yi'iye, nache ỹataqta qalota da lchoxonnataxanaxa somayepi. Huaña, nache nataren 'enauac so sa no'onpi maye qandotauo.

Mateo 13:19

Huo'o na na'axaỹaxaatega da na'aqtaguec da lo'onataxanaxac Ñim Lo'onatac 'Enauacna, qalaxaye ye saishet da ỹaỹaten, nache so pa'aguenataxanaxaic anac, nache ỹo'otec da icoua'ai de'era na'aqtaxanaxac. Qaq 'ena nam 'eeta'am aso nañiguishe ala maye tatelec so nqa'aic.

Mateo 3:2

Qaq da la'aqtaxanaxac somaye 'eeta': «Qavi'eguelaqaỹot Ñim Lo'onatac 'Enauacna, cha'aye da lo'onataxanaxac Ñimaye da ilo'ogue 'enauacna mashe saqaỹaloq da yo'oq.»

Juan 7:1

Qaq co'ollaq ime de'era, nache So Jesús coleetac ye 'alhua Galilea. Somaye saishet da taỹa ye 'alhua Judea, cha'aye nam lataxala' na judiopi maye lma' yemaye nshetaique da ỹalauat Somaye.

Lucas 20:1

Qaq huo'o so na'a'q co'ollaq So Jesús huetaigui aso no'onaxanaxaqui late'erai da ỹapaxagueetac so shiỹaxauapi, qataq ỹa'axattac da no'on na'axaỹaxac. Nache nvireuo som nqueroxonecpi maye lataxala' na judiopi qataq nam ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq nam dapaxaguenataxaatapeguec na namaxasoxonaxacpi.

Lucas 4:14

So Jesús ỹe'eguelaxa ye 'alhua Galilea, ỹataqta nlaqchigui So Saqcha'a La'añaxac Ñim Lo'onatac 'Enauacna. Nache quetagui na lma'pi na shiỹaxauapi qataq dapaxaguenataxaatapoigui ana napaxaguenaxaquipi na judiopi, qaq 'enauac na shiỹaxauapi ỹataqta 'onaxaic da na'aqtaguec da detaqtega Somaye. Nache saqaỹaloq da 'enauac qaỹauatton Somaye yi'iye 'alhua.

Lucas 6:6

Qaq so lỹa na'a'q mataxaqui, nache So Jesús qaltaq inoxoneua'a asom napaxaguenaxaqui na judiopi da yaqto' dapaxaguenataxan. Qaq ỹalectauo so ỹale maye deqaqta na lhuaq aloiguishec.

Lucas 7:21

Nache huetoigui se'eso na'a'q da So Jesús nataren so qalota shiỹaxauapi maye sa no'on qataq ỹaguec da nque'eenaxac. Qataq nataqa'en nataren nam huo'o na netaigui saqcha'a na'añaxac leguemaxaicpi, nataqa'en qalota so qanamaicpi ỹe'eguelaxatem da nauaañi.

Lucas 9:60

Qalaxaye So Jesús 'enapega 'eeta': –Ỹactec da ỹaỹamaqchiguiñi da 'am qojec nagui da 'aua'axatec da no'on na'axaỹaxac da lo'onataxanaxac Ñim Lo'onatac 'Enauacna. ¡Ñaq 'aua'axaỹa'a na leuaxaicpi da maiche ilayiñi na lqatacpi!

Lucas 16:16

Choche ivitta'a co'ollaq nvi' so Juan da na shiỹaxauapi, iuen da ỹalaxaguet na namaxasoxonaxacpi maye chegoqo'ot so Moisés qataq nam lapaxaguenataxanaxacpi som la'aqtaxanaxanecpi Ñim Lo'onatac 'Enauacna. Qalaxaye nagui, nache qaỹa'axat da no'on na'axaỹaxac maye ỹa'axat da lo'onataxanaxac Ñim Lo'onatac 'Enauacna, qaq 'enauac na shiỹaxauapi ỹataqta lta'araic da na'añaxataxac da huotaique inoxoneua'a damaye.

Hechos 28:31

Nache ỹataqta qaica ca ñe'etaique da ỹa'axattac da lo'onataxanaxac Ñim Lo'onatac 'Enauacna, qataq dapaxaguenataxaatapeguec So Qarataxala' Jesucristo maye Lca'aguishec Ñim Lo'onatac 'Enauacna. Ỹataqta qaica ca naxattac da la'aqtaxanaxac.