Mateo 4:22 - La'aqtaqa Ñim Lo'onatac 'Enauacna 2013

²² Huaña, nache soomaye no'onaxatchiguilo aso l-llocta' qataq so lta'a', nache ca'atregue So Jesús.

Nuevo Testamento Toba Sur

²² Huaña, nachi soomayi n'onaxatchiguilo aso nbarco' qataq so lta'a', nachi ca'atregue somayi.

Nuevo Testamento Toba Sombrero Negro

²² qama'le paja'a queda'e jaga'me licota nataq'aen ga'me let'a't da'me quetegue ñe'me Jesús.

Mateo 4:22 Referans Kwoze

Mateo 10:37

Ca ỹactec da ỹauotec ca lta'a, huo'otaq aca late'e, da saq 'ena'am naqa'en Aỹem da lauoche, huo'otaq cam ỹactec da ỹauotec ca llalec, huo'otaq aca llale, da saq 'ena'am naqa'en Aỹem da lauoche, nache camaye saishet da ỹalamaxat.

Lucas 14:26

–Saishet da ỹapaxaguenatac ca Aỹem naua'a, da huo'otaq ỹapagaqnauec da ỹauotec ca lta'a, huo'otaq aca late'e, lhua, qataq ca llalaqpi, lqaỹañecpi ỹalleppi qataq 'alpi. Nachaqcata ca ỹactec da Aỹem ỹauotec, saq 'ena'am da maiche nachaalataxac, qaq nacheca ca ỹapaxaguenatac.

Marcos 1:20

Nache So Jesús nỹaxaañalo, nache soomaye no'onaxatchiguilo so lta'a' Zebedeo qataq soua lamaxa'she no'ona'agueta aso l-llocta'. Nache soomaye ca'atregue So Jesús da ỹauo'o napaxaguenaxala't.

2 Corintios 5:16

Qaq ỹoqo'oye qomi' nagui saishet da choche seloqtapigui da lataxac ca shiỹaxaua da shenaqta'am nam huetalec ana 'alhua. Qaq na'aictaxa da sogote co'ollaxa da seloqtapigui da lataxac So Cristo da shenaqta'am nam huetalecna, qalaxaye nagui saishet da nache 'eetec da qarhuennataxac.

Lucas 14:33

Ỹoqo'oye camachaqca ca huotaique da ỹapaxaguenatac, nache 'onaxaic da nataqa'en deuennataxaatelec da huo'otaq ishet da ỹañoxot da ỹaxanec 'enauac nam hueto'ot.

Mateo 4:21

Qaq So Jesús, nache queto'ot na loigue aso lapel, huaña nache qaltaq ila'alo soua lỹa't dos nqaỹa't maye nataqa'en ya'acoxoiqa: Santiago qataq so Juan soomaye netrangui aso l-llocta', napareeta'ape so lalegue'c nnaictrague' so lta'a' Zebedeo. Nache So Jesús iỹaxanalo soua nqaỹa't.

Mateo 4:23

Nache So Jesús coleetapeguelec 'enauac ye Galilea da dapaxaguenataxaatapoigui ana napaxaguenaxaquipi na judiopi yi'iye 'alhua, ỹa'axattac da no'on na'axaỹaxac maye ỹa'axat da Ñim Lo'onatac 'Enauacna ilo'ogue 'enauacna, qataq natareetac 'enauac na ỹotta'a't lalolaxa na shiỹaxauapi.

Lucas 5:11

Ime, nache ỹaueguetra so loigue soua l-llocta', nache no'onaxatchiguilo 'enauac nam ỹachetacpi, nache ca'atregue So Jesús.