Mateo 4:2 - La'aqtaqa Ñim Lo'onatac 'Enauacna 2013

² Qaq co'ollaq mashe iviraxatre'c soua cuarenta na'axa'te da saishet da deque'e co'ollaq huetauga so toolec 'alhua, nache So Jesús ỹataqta ỹaguec na lqouaxa.

Nuevo Testamento Toba Sur

² Nachi somayi sa ishit da deque'e, chochi ividaxattrauec soua cuarenta na'axa'te qataq soua cuarenta pe'. Qaq co'ollaq inoxoodeec se'esoua na'axa'te, nachi huo'o na lqouaxa.

Nuevo Testamento Toba Sombrero Negro

² Qama'le ue'ta gaa'me cuarenta pi'yaĝadi nataq'aen noloqo'ote da'me ja deque'e; yem qama'le yataqachiñe 'uo da'me loqouaĝa.

Mateo 4:2 Referans Kwoze

Deuteronómio 9:18

Ime, qaltaq she'eguelaxalec da sa'aldoto naua illecte Ñim Nataxala', se'enaxatchigui da sheetec soua cuarenta na'axa'te, qataq soua cuarenta pe', co'ollaq qaica ca sachec qataq qaica ca ñeỹomgui, souaxat da lta'araic qarasouaxashichi da qauo'ocheetac da qauem maye ỹauaachigui Ñim Nataxala', nache dalemata naqa'en Ñimaye.

1 Reyes 19:8

Nache so Elías ñisheguem, nache deque'etac qataq nỹomtac 'etaxat. Nache se'eso nallec ỹauo'o da la'añaxac somaye, da yaqto' queta se'esoua cuarenta na'axa'te, qataq cuarenta pe', nache ivitta'a ye Horeb, maye nqasoxonaxa Ñim Lo'onatac 'Enauacna.

Éxodo 34:28

Nache so Moisés no'onaisop co'ollaxa Ñim Nataxala', ivittrec soua cuarenta na'axa'te, qataq cuarenta pe', qataq saishet da deque'e, qataq saishet da nỹom. Huaña, nache ỹereleguete soua dos coma'ye soua diez nqataxaco.

Lucas 4:2

Huaña yemaye, nache hueta'a cuarenta na'axa'te, nache anac so pa'aguenataxanaxaic da ỹe'eguen. Qaq ỹataqta qaica ca chec Somaye se'esoua na'axa'te. Qaq co'ollaq, ime, nache nomteguet na lqouaxa.

Deuteronómio 9:9

Huaña caillaye nache aỹem senossheguemec añi qasoxonaxa da yaqto' saconegueta soua coma'ye maye nanettaleguete da naỹamaxataxac Ñim Nataxala' da qami' naỹamaxateto. Nache sootasheguemec añimaye soua cuarenta na'axa'te, qataq soua cuarenta pe', qaq nache qaica ca sachec qataq qaica ca ñeỹomgui.

Deuteronómio 9:25

Qaq souaxat co'ollaxa da Ñim Nataxala' qami' ỹareetegalo da ỹataqta qami' nlaxaayiñi, nache aỹem sa'atto'oto naua illecte Ñimaye soua cuarenta na'axa'te qataq cuarenta pe',

Éxodo 24:18

Nache so Moisés huenoxonoigui se'eso lo'oc da tasheguemec aso qasoxonaxa. Huaña, nache ivi' soua cuarenta na'axa'te qataq cuarenta pe' da huetasheguemec asomaye.»

Juan 4:6

Qaq co'ollaq mashe laiñi so na'a'q, nache So Jesús ỹataqta nasamñi souaxat da lqueuoxoc. Ỹoqo'oye Somaye nso'oolec na laỹe aso nshere,

Marcos 11:12

Qaq so lỹa na'a'q, nache So Jesús qataq soua lapaxaguenataqa quera'ai ye Betania. Qaq co'ollaq huangui so nqa'aic, nache So Jesús nomteguet na lqouaxa

Deuteronómio 18:18

Qaq Aỹem, sachegoxottoigui qome namayepi ca ỹa'aqtaxanaxanec maye 'am 'eeta'am, qaq camaye nache ỹa'axat qome ca samaxalec ỹa'aqtac da da'aqtaxanem namayepi.

Mateo 21:18

Qaq so nte'etom so lỹa na'a'q co'ollaq ỹe'eguelaxaua'a ye Jerusalén So Jesús, nache co'ollaq huangui so nqa'aic, nache nomteguet da huo'o na lqouaxa,

Mateo 25:35

Cha'aye co'ollaq huo'o na iqouaxa, qalaq Aỹem qaỹa'añim so anoq, qataq co'ollaq huo'o na ỹaquip qalaq Aỹem qaỹa'añim so ỹaquip, qataq co'ollaq sheca'ai ye ỹalamaxat ima', nache qami' Aỹem qauacoñiiguet,

Mateo 25:42

Cha'aye co'ollaq huo'o na iqouaxa, qalaq qami' saishet da Aỹem qaỹa'añim ca anoq, qataq co'ollaq huo'o na ỹaquip, qalaq qami' saishet da Aỹem qanỹomaxañi,