Mateo 4:17 - La'aqtaqa Ñim Lo'onatac 'Enauacna 2013

¹⁷ Huaña, nache So Jesús cot da da'aqtaxanem 'enauac so shiỹaxauapi, 'eeta': «Qavi'eguelaqaỹot qome Ñim Lo'onatac 'Enauacna, cha'aye da lo'onataxanaxac Ñimaye maye hueta'a ne'ena.»

Nuevo Testamento Toba Sur

¹⁷ Huaña, nachi so Jesús cot da da'aqtaxan, 'eeta': –Qai'axañiideec qome naua qan'onataxacolli', cha'ayi mashi sa qaÿapeque da l'onataxanaxac ñi Dios mayi neta'ague da piguem da ilo'ogue 'enauacna.

Nuevo Testamento Toba Sombrero Negro

¹⁷ Chane'eja chiyoqotelegue da'me Jesús t'aqataĝatapema ga'me jiyaĝadipi, enaac: “¡A'niyelaqaeyot joñe'me Dios jo'ne ne'tague di'me piyem, qa'a male qoyoqo'ta da'me laloqo' da'me nejaliaĝatelegue ena'uac!”

Mateo 4:17 Referans Kwoze

Mateo 3:2

Qaq da la'aqtaxanaxac somaye 'eeta': «Qavi'eguelaqaỹot Ñim Lo'onatac 'Enauacna, cha'aye da lo'onataxanaxac Ñimaye da ilo'ogue 'enauacna mashe saqaỹaloq da yo'oq.»

Hechos 2:38

Nache so Pedro 'enapego' somayepi, 'eeta': –Qomye qauỹaxañiỹot Ñim Lo'onatac 'Enauacna da qami' ichoxore'n qataq qavi'eguelaqaỹot da qaualaqaiguet Ñimaye qataq qauaqaita'a da qami' ñachelaxanaxaguilo da le'enaxat So Jesucristo. Yaqto' Ñim Lo'onatac 'Enauacna ỹapalaxa't naua qarasouaxashe'echilli' qataq qami' ỹanema So Saqcha'a Na'añaxac Qui'itta.

Lucas 5:32

Aỹem ñanac da seỹaxana nam 'etaxaloxoicpi da yaqto' ỹe'eguelaqot Ñim Lo'onatac 'Enauacna, qaq saishet da nachena nam 'eetega da no'on da lataxac.

Lucas 24:47

Nataqa'en iuen da qaỹa'aqtaxanem na ỹotta'a't shiỹaxauapi Aỹem, yaqto' 'enauac namayepi ỹe'egueloqot Ñim Lo'onatac 'Enauacna, qaq Ñimaye ỹapalaxat na lasouaxashetpi. Qaq chegoqchiguiña na Jerusalén,

Hechos 17:30

Qaq Ñim Lo'onatac 'Enauacna saishet co'ollaxa da iloguilo naua ne'enaxaco na shiỹaxauapi soua hua'au' vi'iye. Qalaxaye nagui Ñimaye 'enapega na shiỹaxauapi maye netaleguete naua ỹotta'a't 'aleu', da yaqto' ỹaxaare'c naua no'onataxaco.

Mateo 9:13

'Onaxaic da qoqui, nache qanpogoxoiñiỹapegue' da qauchemaxache cam ỹoqta 'eetapeguec Ñim Lo'onatac 'Enauacna co'ollaq nasaxauec de'era la'aqtac, 'eeta': «Aỹem ñeshetaique da qami' qauchoxoyiñi na shiỹaxauapi, qaq saishet da nachera da Aỹem qandoiua'a aca qarachetaqtaxanaqche.» Cha'aye Aỹem ñanac da seỹaxana nam 'etaxaloxoicpi, da yaqto' sauo'o ỹapaxaguenatacpi, qaq saishet da nachena nam 'eetega da no'on da lataxac.

Hechos 26:20

Ỹoqo'oye aỹem sa'auaxaachiguiñi da sa'axatem da na'aqtac nam netaña ye Damasco. Ime, qataq jec nam netaña ye Jerusalén qataq 'enauac nam netaña ye 'alhua Judea qataq nataqa'en nam saishet da judiopi. Shenapega da iỹaxanot Ñim Lo'onatac 'Enauacna da yaqto' ichoxoren qataq ỹalaxaguet, nache ỹo'ot cam no'on maye ỹachaxan da 'eesa da naralaxat da lhuennataxac.

Lucas 15:7

Qaq Aỹem shenapec da ỹactec da ntonaxac nataqa'en na neta'ague da piguem, qom huo'otaq huo'o ca 'oonolec ne'ena shiỹaxauapi da ỹe'egueloqot Ñim Lo'onatac 'Enauacna, qaq saq 'ena'am cam noventa y nueve nam ỹaỹamaxareeta Ñim Lo'onatac 'Enauacna maye sa iuen da ỹe'eguelaxaguet Ñimaye.

Hechos 3:19

Qaq ỹoqo'oye qaualache' nagui naua qano'onataxacolli', nache qaualaqaiguet Ñim Lo'onatac 'Enauacna, yaqto' Ñimaye ỹapalaxa't naua qarasouaxashe'echilli'. Nache Ñimaye icoua'ai 'enauac nam sa ỹaỹamaxañi maye qauo'ocheetac, nache qami' ỹanema da qara'añaxaqui.

Lucas 15:10

Qaq Aỹem shenapec nataqa'en da ỹataqta huo'o da ntonaxac nam lamaxashecpi piguem le'ecpi Ñim Lo'onatac 'Enauacna, da huo'otaq ỹaxaare'c naua no'onataxaco ca shiỹaxaua 'etaxaloxoic.

Hechos 20:21

Qaq 'enauac nam judiopi qataq nam saishet da judiopi sheetega da ca'aisalo naua qauema lataxaco, nache ỹa'amaqten Ñim Lo'onatac 'Enauacna, qataq ỹa'amaqten So Qarataxala' Jesucristo.

Hebreos 6:1

Qaq ỹoqo'oye qomi', no'on da nquictasheguem da qarauattonaxanaxac, choche seviraqta'a da ỹe da qarauattonaxanaxac So Cristo. Qataq ño'onaxataqchigui dam hua'auchiguiñi napaxaguenataxanaxac maye ỹa'axat So Cristo, qataq saishet da qolaqto'ot da sa'axataqtac ca lataxac maye saq 'amaqtaq. Qataq saxanaxañi da so'otaq ca qauem, nache qolaxague So Cristo, qataq saxanaxañi da sauoqo'o ca qarasouaxashet, yaqto' saishet da seleuaq. Qomi' saỹatenaq da iuen da sauoqo'o ca qarpi'iỹaxac Ñim Lo'onatac 'Enauacna,

Hechos 11:18

Nache som nqaỹañecpi maye netaña ye Jerusalén, co'ollaq hua'axaỹa de'era, nache nañaxaañi da ltaxaỹaxac, nache ỹo'oxoreetac Ñim Lo'onatac 'Enauacna, 'eeta': –¡Aja', qache nache 'eeteco' Ñim Lo'onatac 'Enauacna da nataqa'en ỹanem na saq judiopi, da yaqto' naralaxa't naua lhuennataxaco, qataq da huo'o da lca'alaxa maye chochaq tatec!

Mateo 25:1

De'era lo'onataxanaxac Ñim Lo'onatac 'Enauacna, damaye 'eeta'am da 'eetec se'eso pe co'ollaq huo'o so naronaxac. Nache huo'oi soua diez qa'añole ỹaconalo soua lcoỹaraxanaxaqui' maye lca'atoxo't na aceite. Nache huaqatra'aguet ca auonaxaua.

Mateo 13:47

Nataqa'en da lo'onataxanaxac Ñim Lo'onatac 'Enauacna, damaye 'eeta'am ca naleguec maye qaỹalliguingui aca auaxai, nache ỹataqta ỹalecta't nam lalliiguishec nỹaqpi.

Mateo 10:7

Nache qaua'aqtaxañim de'era na'aqtaxanaxac maye, 'eeta': «Da lo'onataxanaxac Ñim Lo'onatac 'Enauacna mashe saqaỹaloq da nvita ne'ena.»

Lucas 9:2

Ime, nache ỹama'q soomaye da ỹa'axatre'c da no'on na'axaỹaxac dam lo'onataxanaxac Ñim Lo'onatac 'Enauacna, qataq natare'n na sa no'onpi.

Mateo 11:12

Chegoqchiguiña co'ollaq so Juan maye nachelaxanataxanaq da da'aqtaxaatac, choche ivitta'a nagui, da de'era lo'onataxanaxac Ñim Lo'onatac 'Enauacna queta, na'aictaxa da huo'o na npa'aguenaxauapi. Nachaqnata nam shiỹaxauapi maye 'añaxaicpi qataq lhuotta nam ishet da taua'a da ỹalegueua'a da lo'onataxanaxac Ñimaye.

Mateo 13:24

So Jesús ỹauo'o da lỹa daloqnaxana, 'eeta': «Da lo'onataxanaxac Ñim Lo'onatac 'Enauacna 'eeta'am ca ỹale maye ỹaañi aca no'on lañiguishe maye ala na trigo da ỹaalec ca na'alhua.

Mateo 13:9

¡Qaq qami' da ỹoqta 'eesa da huo'oi naua qartelai lauacolli', nache no'on da qana'axaỹaxañi!»

Mateo 13:11

Nache So Jesús 'enapeco': Aỹem qami' sa'aqtaxaatema dam saqcha'a lataxac da lo'onataxanaxac Ñim Lo'onatac 'Enauacna, qalaxaye na shiỹaxauapi qalaq saishet da saỹaanaxanaxanec.

Mateo 6:10

Ña 'auanac yaqto' 'am 'oonolec da 'am Qarta'a maye ỹataqta ỹactec da 'ara'amaqchec. Yaqto' 'enauac na shiỹaxauapi maye huetalec ana 'alhua 'am ỹalaxaguet, 'eeta'am da lalaxayec nam hueto'ot na piguem.

Lucas 3:23

So Jesús mashe ivi' soua treinta vi'iye da llaxa co'ollaq cot da do'onataxan. Qaq Somaye na shiỹaxauapi 'eetega llalec so José. Qaq 'ana ana lmalate som chegoxoguetpi Somaye: so José, nache lta'a so Elí,