Mateo 4:16 - La'aqtaqa Ñim Lo'onatac 'Enauacna 2013

¹⁶ Na'aictaxa da nam shiỹaxauapi maye 'am huetalec da huetaigui na napalaxa, qalaq namayepi ila'a aca late'erai ncoỹaraxanaxaqui. Ncoỹaraxanaxaqui maye icoỹarelec nam mashe huetaigui qataq huotaique da loxonec da nleuaxa.»

Nuevo Testamento Toba Sur

¹⁶ Nam shiÿaxauapi mayi huetaigui na napalaxa, qalaq namayipi ila'a aso late'edai 'ico' ncoÿadaxanaxaqui. Nam huetaigui nam ÿataqta lta'adaic lpaqal da nleuaxa, qalaq namayipi icoÿadelec aso 'ico' coÿadaxanaxaqui.

Nuevo Testamento Toba Sombrero Negro

¹⁶ Jena'me qadayi jo'ne uetaue da'me 'lalaĝa, Male yauana ga'me yoqochiñe jo'ne p'ajaye; Nach'ena na'me yoqochiñe jo'ne yecoyadelo'te nayi Ga'me jiyaĝadipi jo'ne te'me uetedaue da'me neleuaĝa.”

Mateo 4:16 Referans Kwoze

Isaías 9:2

Nam shiỹaxauapi maye huetaigui co'ollaxa na napalaxa, ila'a so lta'araic ne'eraxa, qaq se'eso ne'eraxa, icoỹarelec co'ollaxa nam huetaigui na napalaxa.

Miqueas 7:8

Qaq 'am ñepa'aguenaxaua, saishet qome da aỹem 'antootalec, cha'aye na'aictaxa da souañe co'ollaxa qalaxaye qaltaq ñachaañi qome, qataq na'aictaxa da sootaigui ca napalaxa, qalaxaye Ñim Nataxala' nacheñi ñim aỹem icoỹattalec.

Lucas 2:32

Namaye nachena na ncoỹaraxanaqte, maye icoỹarelec 'enauac na shiỹaxauapi, qataq namaye nache llo'oxoyec nam 'aralamaxatpi maye Israel le'ecpi.»

Amós 5:8

Qanmichiỹaique qome ñim lo'onata 'enauac ana huaqaañipi, ñim nañigui naqa'en na yo'oxoñi nam pe, qataq nañigui naqa'en na pe nam yo'oxoñi, qataq iỹaxana na 'etaxat maye huetangui aso auaxai nache icorelec ana 'alhua. ¡Qaq Ñimaye le'enaxat, Nataxala'!

Da na'aqtaguec so Job 34:22

Qaica ca lta'araic lpaqal, huo'otaq ca lta'araic napalaxa, da ishet da nqañoxotoigui ca ỹo'ottac na qauem.

Jeremías 13:16

Qavio'oxoyeñi qome Ñim Nataxala' maye Qanatamnaxala'ai, qom saxanaxa da nvi' naqa'en ca napalaxa, qataq da qaupogolaxañiitapiguiñi da qoquiitaigui ca napalñi. Qaq qami' qauacheetaique cam yo'oqchiguiñi qalaxaye Ñimaye nmeneguet qome naqa'en cam sansattec napalaxa qataq ỹe'eguelaxa naqa'en da ỹataqta napalñi.

Da na'aqtaguec so Job 10:22

cam 'alhua maye huaña na lta'araic napalaxa, qataq qaica ca laỹamqa', cam 'alhua maye ne'ena yo'oqchiguiñi 'eeta'am na napalaxa.›»

Da na'aqtaguec so Job 3:5

¡'Onaxaictoxo' da anac co'ollaxa ca napalaxa qataq ca sansatchiguiñi lpaqal maye dalaataxanapec, nache ỹapolec na lpaqal na lo'oc na piguem, huo'otaq ca lta'araic napalaxa maye ỹo'ot da lta'araic ncolanaxa!

Salmos 44:19

Qalaq nache 'ena'am qomi' 'auasaxaugalo ye nachoxoraqa', qataq qomi' 'auachetaiguilo na lta'araic napalaxa.

Isaías 9:1

Qaq saishet qome da nache 'eetai' da huetaigui na napalaxa nam huetaigui nagui da laquicoxo. Ñim Lo'onatac 'Enauacna huetaiya' naqa'en co'ollaxa ye na'alhua so Zabulón, qataq ye na'alhua so Neftalí, qalaxaye taỹa'a naqa'en da huo'o da llo'oxoyec ye Galilea maye na'alhua nam ỹaqa'a da la'amqaanataxanaxac, maye chegoqchiguiña ye pa'aỹa'atague da lỹa le'ego ye Jordán nache ivira'a ye loigue aso auaxai.