Mateo 4:14 - La'aqtaqa Ñim Lo'onatac 'Enauacna 2013

¹⁴ Qaq 'eetec de'era, yaqto' ipacchigui dam ỹiyiñi co'olloxocheye so la'aqtaxanaxanec Ñim Lo'onatac 'Enauacna le'enaxat Isaías, 'eeta':

Nuevo Testamento Toba Sur

¹⁴ Qaq 'eetec de'eda, yaqto' ipacchigui dam ÿiyiñi co'olloxochiyi so Dios l'aqtaxanaxanec l'enaxat Isaías, 'eeta':

Nuevo Testamento Toba Sombrero Negro

¹⁴ Qama'le naq'aeta da'me yepaquichigui da'me jo'ne joote yediñe ca'li ñe'me Isaías jo'ne Dios 'laqataĝanaĝanec, enaac:

Mateo 4:14 Referans Kwoze

Mateo 2:23

Qaq co'ollaq mashe ivita yemaye, nache huera'a ye nỹecpiolec le'enaxat Nazaret. Qaq 'eetec de'era, da yaqto' ỹataqta ipacchiguilo naua la'aqtaxanaxaco so la'aqtaxanaxanecpi Ñim Lo'onatac 'Enauacna da 'eeta': «Ca Lca'aguishec Ñim Lo'onatac 'Enauacna da qaiỹaxana qalaq qaỹamata'ac Nazaret le'ec.»

Lucas 24:44

Qaq co'ollaq ime, nache 'enapegalo soomaye, 'eeta': –De'era souaigui, nachera dam sa'axattac co'ollaq ña qami' soota'agueta: da iuen da ipacchigui qome 'enauac na ña'aqtaguec maye ỹa'axat nam namaxasoxonaxacpi maye ỹiyiñi co'olloxocheye so Moisés qataq naua leregui'she som la'aqtaxanaxanecpi Ñim Lo'onatac 'Enauacna qataq nam no'onecpi le'enaxat Salmos.

Lucas 22:37

Cha'aye Aỹem shenapec da ỹataqta iuen da ipacchigui qome da ña'aqtaguec maye ỹa'axa't naua ñiyigui'she la'aqtaqa Ñim Lo'onatac 'Enauacna maye 'eeta': «Nache qaỹalecnoigui nam 'etaxaloxoicpi camaye.» Cha'aye 'enauac nam ña'aqtaguec maye qoỹettañi, namaye iuen da ipacchigui.

Mateo 2:15

nache huetra'a yemaye, choche ivitta'a co'ollaq ileu so Herodes. Qaq 'eetec de'era, yaqto' ỹataqta ipacchigui da la'aqtac Ñim Lo'onatac 'Enauacna maye ỹa'axat co'ollaxa so la'aqtaxanaxanec, 'eeta': «Seỹaxana so Ỹalec, maye hueta'a ye Egipto.»

Juan 19:28

Qaq So Jesús co'ollaq ỹaỹaten da mashe ipacchigui 'enauac nam ỹamaxalec Ñim Lo'onatac 'Enauacna. Qaq ỹoqo'oye da yaqto' ipacchiguilo naua nanettralec ana nere maye huetalec na la'aqtacpi Ñimaye, nache Somaye 'enapeco': –Huo'o na ỹaquip.

Juan 15:25

Qalaxaye damaye iuen da yo'oq, da yaqto' ipacchigui dam nanettalec ana nere maye huetalec na la'aqtacpi Ñim Lo'onatac 'Enauacna maye 'eeta': «Aỹem nquiỹa namayepi, qamaq qaica ca sasouaxat.»

Mateo 26:56

Qalaxaye 'enauac de'era iuen da huo'o, yaqto' ipacchigui dam ỹa'axat co'ollaxa so la'aqtaxanaxanecpi Ñim Lo'onatac 'Enauacna.» Huaña, nache 'enauaque soua lapaxaguenataqa no'onaxatchiguilo So Jesús da datare'c.

Mateo 26:54

Qalaxaye ñaq 'aua'axaỹa'a damaye yaqto' ipacchigui, cha'aye da nache 'eetec de'era, nache ỹataqta ipacchigui dam 'enapec naua nanettralec ana nere maye huetalec na la'aqtacpi Ñim Lo'onatac 'Enauacna.»

Mateo 8:17

Qaq 'eetec de'era, yaqto' ỹataqta ipacchigui dam ỹachaxanapec co'ollaxa Ñim Lo'onatac 'Enauacna maye ỹa'axat so la'aqtaxanaxanec le'enaxat Isaías co'ollaq, 'eeta': «Camaye nataren 'enauac na qaralolaxasat, qataq qomi' nca'alaxateeguesopa na qanque'eenaxaguesat.»

Mateo 1:22

Qaq so José co'ollaq nlouec, nache ỹalaxaguet so lamaxashec Ñim Lo'onatac 'Enauacna, nache lhua aso María. Qalaxaye saishet da nauaña't co'ollaq saxanaxa da ñiguiñi so nogotolec. Qaq co'ollaq mashe ñiguiñi, nache so José ỹanagui da le'enaxat Jesús. Qaq 'enauac dam huaigui asomaye yo'oq, cha'aye yaqto' ipacchigui dam 'enapec co'ollaxa Ñim Nataxala' maye ỹa'axat so la'aqtaxanaxanec Isaías 'eeta': «¡Ỹataqta qana'axaỹaxañiichiguiñi! Aca 'alo saxanaxa da huaron, acamaye hualaxai qome, nache huo'o ca llalec. Qaq camaye le'enaxat qome da Emanuel.» De'era ne'enaxat naigui da 'eeta': «Ñim Lo'onatac 'Enauacna qomi' hueta'agueta.»

Mateo 4:13

Qalaxaye saishet da ỹe'eguelaxa so lma' maye naña ye nỹecpiolec le'enaxat Nazaret. Nachaqrata da nqo'ona da naña ye nỹecpiolec le'enaxat Cafarnaúm. Yemaye neto'ot na loigue aso lapel late'erai ye 'alhua Galilea. Yem hueta'a nam Israel le'ecpi maye chegoxoguet so Zabulón qataq so Neftalí.

Mateo 4:15

«Ñaq 'ana'axaỹaxan 'am 'alhua maye 'am lalamaxat na llalaqpi so Zabulón, maye 'am saqaỹapeque aso auaxai; qataq 'ana'axaỹaxan 'am 'alhua maye 'am lalamaxat na llalaqpi so Neftalí, maye 'apa'aigue da nala' lliguisheguem so tala Jordán; Qataq 'ana'axaỹaxan 'am 'alhua Galilea, maye 'am netalec nam chegaqauec shiỹaxauapi.