Mateo 4:13 - La'aqtaqa Ñim Lo'onatac 'Enauacna 2013

¹³ Qalaxaye saishet da ỹe'eguelaxa so lma' maye naña ye nỹecpiolec le'enaxat Nazaret. Nachaqrata da nqo'ona da naña ye nỹecpiolec le'enaxat Cafarnaúm. Yemaye neto'ot na loigue aso lapel late'erai ye 'alhua Galilea. Yem hueta'a nam Israel le'ecpi maye chegoxoguet so Zabulón qataq so Neftalí.

Nuevo Testamento Toba Sur

¹³ Qalaxayi sa ishit da naña yi Nazaret. Chaqdata da nqo'ona da naña yi pueblo Capernaum. Yimayi neto'ot na loigue aso lapel late'edai mayi netau'a na loigue yi 'alhua Zabulón qataq yi Neftalí.

Nuevo Testamento Toba Sombrero Negro

¹³ Qalaĝaja ja nale'en ua'a di'me Nazaret, dite da'me yec'ata di'me Capernaúm qaedi na'ña, dajoya'ata jaga'me qa'em, mach'e 'naleua dia'me net'al jo'ne Zabulón nataq'aen Neftalí.

Mateo 4:13 Referans Kwoze

Juan 4:46

Nache Somaye qaltaq nqo'ona ye Caná, maye huaigui yi'iye 'alhua Galilea, yem huaña co'ollaq so 'etaxat da nañigui naqa'en na lataxa Somaye. Qaq huo'o so ỹo'oxoraic huataxanaq lta'a maye ltaua so nta'a Herodes Antipas, somaye huo'o so llalec sa no'on, hueta'a ye Cafarnaúm.

Marcos 1:21

So Jesús qataq soua lapaxaguenataqa nqo'oora ye nỹecpi ye Cafarnaúm. Qaq co'ollaq ivireuga so na'a'q mataxaqui, nache So Jesús taua'a aso napaxaguenaxaqui na judiopi, nache huaña da dapaxaguenataxan.

Mateo 11:23

Qataq qami' maye qarmaye ye Cafarnaúm, ¿qaupi'itaxañiitega peta'a da 'onaxaic da qarviraxaqui da qami' qaỹaconegueta da piguem? Qalaxaye Aỹem qami' shenapegalo da qami' qaỹamaxañalo qome ca ỹataqta qaỹoqchiguiña nhuaxanaqa' na leuaxaicpi. Cha'aye nam sa qaỹauanapega maye qaỹo'otpi maye qami' huanguilo da huaña taxa so Sodoma, nache somayepi naralaxat taxa da lataxac, nache se'eso nỹecpi taxa nagui ñaqauo'o.

Juan 6:59

Qaq de'era dapaxaguenataxaatapeguec So Jesús, damaye huaigui aso napaxaguenaxaqui na judiopi maye naña ye Cafarnaúm.

Juan 6:24

Nache se'eso shiỹaxauapi, co'ollaq ila'a da saishet da hueta'a yi'iye So Jesús qataq soua lapaxaguenataqa, nache somayepi huenooñiguilo se'esoua nllocta da qanqo'oota ye Cafarnaúm, da qanmitaique Somaye.

Juan 2:12

Qaq co'ollaq ime de'era, nache So Jesús taỹa ye nỹecpi ye Cafarnaúm, lỹatac aso late'e, nataqa'en soua lqaỹa't qataq soua lapaxaguenataqa. Nache ỹataqta huo'oi soua na'axa'te da hueta'a yemaye.

Mateo 17:24

Qaq So Jesús qataq soua lapaxaguenataqa co'ollaq mashe ivitra ye nỹecpi ye Cafarnaúm, nache som ỹacootapeeguet ana nsheetenaxanaqte da qaisheeten aso no'onaxanaxaqui late'erai, somayepi taua'a so Pedro, nache inattac, 'eeta': –¿Isheeten peta'a ñim Qanapaxaguenaxala'ai añi lasheue da qaisheeten añi no'onaxanaxaqui late'erai?

Lucas 4:23

Nache So Jesús 'enapeco': –Qami' yo'oqta qome da Aỹem qauroilec da na'aqtac naxa maye 'eeta': «¡'Am natannaxanaq, hua'auñi da maiche 'anatareela't!» Qami' qauaỹachiñiita nam so'otpi co'ollaq huaña ye Cafarnaúm, qaq ỹoqo'oye nagui Aỹem qauỹaxañiitacot da so'ot nataqa'en da huaña ne'ena.

Mateo 4:14

Qaq 'eetec de'era, yaqto' ipacchigui dam ỹiyiñi co'olloxocheye so la'aqtaxanaxanec Ñim Lo'onatac 'Enauacna le'enaxat Isaías, 'eeta':

Mateo 4:15

«Ñaq 'ana'axaỹaxan 'am 'alhua maye 'am lalamaxat na llalaqpi so Zabulón, maye 'am saqaỹapeque aso auaxai; qataq 'ana'axaỹaxan 'am 'alhua maye 'am lalamaxat na llalaqpi so Neftalí, maye 'apa'aigue da nala' lliguisheguem so tala Jordán; Qataq 'ana'axaỹaxan 'am 'alhua Galilea, maye 'am netalec nam chegaqauec shiỹaxauapi.

Mateo 9:1

Qaq co'ollaq ime de'era, nache So Jesús qataq huenongui aso nllocta da taitague na le'ego aso lapel da ỹe'eguelaxata ye maiche lalamaxat lma' yem nỹecpi maye le'enaxat Cafarnaúm.

Marcos 2:1

Qaq co'ollaq mashe huo'oi soua na'axa'te, nache So Jesús qaltaq ỹe'eguelaxa ye nỹecpi ye Cafarnaúm. Qaq co'ollaq choche qaỹaỹaten da hueta'a ca nma',

Lucas 10:15

Qami' maye qoviita'a na nỹecpi Cafarnaúm, ¿qaupi'itaxañiitega peta'a da qami' qaỹaconegueta da piguem? 'A'i, saishet nachaqrata da qami' qaỹamaxañalo cam ỹapac qaỹoqchiguiña nhuaxanaqa' na 'etaxaloxoicpi.»