Mateo 4:12 - La'aqtaqa Ñim Lo'onatac 'Enauacna 2013

¹² Qaq So Jesús co'ollaq la'axaỹaxac so Juan da qaicoñerai' qoỹanaigui aso ncoñetaxanaxaqui, nache Somaye taỹa ye 'alhua Galilea.

Nuevo Testamento Toba Sur

¹² Qaq so Jesús co'ollaq l'axaÿaxac da so Juan qoÿanaigui aca ncoñitaxanaxaqui, nachi somayi taÿa yi 'alhua Galilea.

Nuevo Testamento Toba Sombrero Negro

¹² Ca'li Jesús dep'iyeya ñe'me Juan da'me qoyanetaue jaga'me coñetaĝanaĝaiqui, qama'le yec'ata di'me Galilea.

Mateo 4:12 Referans Kwoze

Marcos 1:14

Qaq co'ollaq mashe qoỹanaigui aso ncoñetaxanaxaqui so Juan, nache So Jesús taỹa ye 'alhua Galilea. Huaña, nache ỹa'axattac dam no'on na'axaỹaxac maye ỹa'axat da lo'onataxanaxac Ñim Lo'onatac 'Enauacna, 'eeta':

Lucas 3:20

Qalaxaye so Herodes, na'aictaxa da qalota na ỹo'ot sa ỹaỹamaxañi, qalaq nache 'ena'am qaltaq nquigaxattec da ỹo'ot maye ỹataqta qauem, cha'aye ỹamaxaigui aso ncoñetaxanaxaqui so Juan.

Mateo 14:3

Cha'aye soua hua'au' na'axa'te co'ollaxa so Juan maye nachelaxanataxanaq 'eetega so Herodes, 'eeta': «¡De'era 'auo'ot ỹataqta sa ỹaỹamaxañi! Cha'aye añi Herodías maye lhua so 'arqaỹa Felipe, añimaye 'auotaxanec, nache 'auauo'o 'arhua.» Nache so Herodes dalemataỹa so Juan, nache damaxasoxoolec da qaỹaconeua'a, nache qaicoñerai' qoỹanaigui aso ncoñetaxanaxaqui late'erai.

Juan 3:24

Qaq 'era da 'eetec co'ollaq saxanaxa da qoỹanaigui aso ncoñetaxanaxaqui so Juan.

Lucas 4:14

So Jesús ỹe'eguelaxa ye 'alhua Galilea, ỹataqta nlaqchigui So Saqcha'a La'añaxac Ñim Lo'onatac 'Enauacna. Nache quetagui na lma'pi na shiỹaxauapi qataq dapaxaguenataxaatapoigui ana napaxaguenaxaquipi na judiopi, qaq 'enauac na shiỹaxauapi ỹataqta 'onaxaic da na'aqtaguec da detaqtega Somaye. Nache saqaỹaloq da 'enauac qaỹauatton Somaye yi'iye 'alhua.

Marcos 6:17

Cha'aye so Herodes Antipas huaroneguet co'ollaxa aso Herodías maye lalamaqte lhua so lqaỹa Filipo, qaq so Juan co'ollaxa iviraxato'ot so Herodes, 'eeta' da la'aqtac: «Saishet da ỹaỹamaxañi da 'auauo'o 'arhua añi lalamaqte lhua so 'arqaỹa.» Qaq de'era ỹataqta inogoqchet aso Herodías, ỹoqo'oye, nache chegoqchiguiña da huo'o da lhuennataxac da ỹalauat so Juan da huo'o ca llegueuo. Qalaxaye so Herodes nda'a't da damaxasoxoolec da qaicoñerai' somaye da qoỹanaigui aso ncoñetaxanaxaqui late'erai.

Juan 4:54

Qaq 'era da lỹa na'anec sa qaỹauanapega maye ỹo'ot So Jesús co'ollaq huaña ye 'alhua Galilea, co'ollaq chegoqta'a ye 'alhua Judea.

Juan 4:43

Qaq co'ollaq mashe inoxoore'c soua dos na'axa'te, nache So Jesús ca'ai ye 'alhua Samaria, nache taỹa ye 'alhua Galilea.

Lucas 4:31

Ime, nache So Jesús nqo'ona ye nỹecpi le'enaxat Cafarnaúm, yem huaigui ye 'alhua Galilea. Qaq co'ollaq huaña yemaye, nache ỹapaxagueetac so shiỹaxauapi so na'a'q mataxaqui.

Mateo 11:2

Qaq so Juan maye nachelaxanataxanaq netaigui aso ncoñetaxanaxaqui, somaye iviraua'a da ỹaỹaten 'enauac nam ỹo'otpi So Jesús, nache huo'oi soua ỹama'q som maiche lapaxaguenataqa da yaqto' ina't So Jesús, 'eeta':

Lucas 23:5

Qalaxaye somayepi ỹe'eguelaxalec da la'aqtac ỹataqta na'axannec, 'eeta': –Namaye ỹasouaxattega't na shiỹaxauapi maye netaña na Judea, souaxat da lapaxaguenataxanaxac. Chegoqchiguiña ye 'alhua Galilea, qaq nagui qataq nvitta'a ne'ena souaqta'a.

Juan 1:43

Qaq so lỹa na'a'q nache So Jesús taigue da 'alhua Galilea. Nache huaña yemaye da natenalec so Felipe, nache 'enapega, 'eeta': –Aỹem qoquegue.

Juan 2:11

Qaq de'era ỹo'ot So Jesús co'ollaq huaña ye nỹecpi ye Caná maye huaigui ye 'alhua Galilea. Damaye, nachera da hua'auchiguiñi nam ỹo'otpi na'anec maye sa qaỹauanapega co'ollaq ỹachaxan da llo'oxoyec. Nache soua lapaxaguenataqa ỹataqta ỹa'amaqte'n Somaye.