Mateo 4:11 - La'aqtaqa Ñim Lo'onatac 'Enauacna 2013

¹¹ Nache so pa'aguenataxanaxaic, somaye ca'ai So Jesús, nache saqaỹaloq da anac so lamaxashecpi Ñim Lo'onatac 'Enauacna da huetague' So Jesús.

Nuevo Testamento Toba Sur

¹¹ Nachi so shiÿaxaua lma'na, somayi ca'ai so Jesús, nachi anac so namaxashicpi piguem l'ecpi da qaitauan somayi.

Nuevo Testamento Toba Sombrero Negro

¹¹ Chane'eja ñe'me payac ca'e ca'li ñe'me Jesús, qama'le uo'oe gaa'me piyem laje' nec'adeta qaedi lecochita.

Mateo 4:11 Referans Kwoze

Mateo 26:53

¿Sa qauaỹachiñiỹo' da Aỹem ishet da seỹaxanot ñi Ita'a da Aỹem itauan, qaq Ñimaye ishet da Aỹem namaxa ca napacalec ca setenta mil maye lamaxashecpi?

Hebreos 1:14

Cha'aye na namaxashecpi piguem le'ecpi, namayepi choche saqcha'a na'añaxacpi maye do'onataxaatacot Ñim Lo'onatac 'Enauacna. Qataq Ñimaye ỹamaxa namayepi da itauan 'enauac nam shiỹaxauapi maye taỹa'a da nca'alaxatec Ñimaye.

Lucas 22:43

[Nache anac som namaxashec chegoqo'ot na piguem da ỹanem da la'añaxac Somaye.

Lucas 4:13

Nache so pa'aguenataxanaxaic co'ollaq saishet da ỹanata ca lỹa lataxac da ỹe'eguen So Jesús, nache cara'acolec da loiguilo naua na'axa'te da ca'ai Somaye.

Hebreos 1:6

Qaq co'ollaq namaxalec ana 'alhua So Llalec, nache 'enapeco': «'Enauac nam ỹamaxashecpi piguem le'ecpi ỹo'oxoren qome Somaye.»

Juan 14:30

Qaq nagui saishet da qaltaq huo'o ca sa'axat, cha'aye mashe nayeetai' nam pa'aguenataxanaxaic maye damaxasoxonapec ana 'alhua. Qalaxaye namaye qaica ca la'añaxac da ishet da Aỹem ỹachiguiñi.

Lucas 22:53

Qami' soota'agueta soua na'axa'te añi no'onaxanaxaqui late'erai, qalaq ¿ta'ainco' ye saisheto' da Aỹem qauacoñiiua'a? Qalaxaye nagui mashe ivita ye laloqo' da qauo'onataxañi qataq da do'onataxan da la'añaxac na napalaxa.

Marcos 1:13

Nache So Jesús hueta'a yemaye cuarenta na'axa'te, huetangui na shiguiỹacpi maye qauemaicpi. Qaq so pa'aguenataxanaxaic ilotaique ca lataxac da ỹatenachet Somaye, qalaxaye na lamaxashecpi Ñim Lo'onatac 'Enauacna itauaatac So Jesús.

Mateo 4:6

nache 'enapega, 'eeta': –Qom ỹataqta 'eesa da 'am Llalec Ñim Lo'onatac 'Enauacna, nache 'auparenaxanec nagui. Cha'aye ye nanettalec ana nere maye huetalec na la'aqtacpi Ñim Lo'onatac 'Enauacna, 'eeta': «Ñim Lo'onatac 'Enauacna namaq qome ca lamaxashecpi, da yaqto' 'am ntela'a. Nache 'am ỹachetaleguete qome naua lhua'q camayepi, da yaqto' saishet da 'am iuaxaneguet na coma'pi.»

1 Timoteo 3:16

Qaq saishet da qaiqoleguet de'era 'eesa lataxac da qara'amqaanataxanaxac, cha'aye ỹataqta lta'araic da naigui llo'oxoyec: So Cristo nachaxan co'ollaxa, qalaxaye ỹacona da lataxac ca yo'oqchigui shiỹaxaua; qaq So Saqcha'a Na'añaxac ỹa'axat da saqca ca lasouaxashet Somaye, qaq ỹauaachigui Somaye 'enauac na chegaqasheguem lamaxashecpi Ñim Lo'onatac 'Enauacna. Qataq qaỹa'axatem 'enauac na ỹotta'a't shiỹaxauapi, qaq na shiỹaxauapi maye huetalec ana 'alhua ỹa'amaqten Somaye. Ime, qaq qaỹaueegue da piguem, nache Ñim Lo'onatac 'Enauacna ỹataqta nlaxatchigui da 'enec Somaye.

1 Reyes 19:6

Nache so Elías co'ollaq ỹamatapiguiñi, nache ila'a aso nauole datoxoi huetaleguete soua poqo, qataq aso naquipiaxaqui huetagui so 'etaxat, huetra'ague da na'axaata'ague somaye. Huaña, nache ñisheguem co'ollaxa, nache deque'etac qataq nỹomtac. Ime, nache ỹe'eguelaxañi da do'oche.