Mateo 4:10 - La'aqtaqa Ñim Lo'onatac 'Enauacna 2013

¹⁰ Nache So Jesús 'enapego' somaye, 'eeta': –'Am pa'aguenataxanaxaic, aỹem qoca'ai, cha'aye ye nanettalec ana nere maye huetalec na la'aqtacpi Ñim Lo'onatac 'Enauacna 'eeta': «'Avio'oxoren Ñim Lo'onatac 'Enauacna, qataq nachaqñita da 'aualaxaguet.»

Nuevo Testamento Toba Sur

¹⁰ Nachi so Jesús 'enapega, 'eeta': –'Am Satanás, aÿim qoca'ai, cha'ayi yi nanettañi l'aqtac ñi Dios 'eeta': “'Avi'oxoden ñi 'adataxala' Dios, qataq nachaqñita 'au'onataxanot.”

Nuevo Testamento Toba Sombrero Negro

¹⁰ Qalaĝaja Jesús 'yateguet: —Am payac Satanás, jayem oca'e, qa'a da'me Dios 'laqatac enaac: «A'nonaĝachigui joñe'me Adejaliaĝanec jo'ne Anedios nataq'aen nach'eñeta a'uonataĝaneuo'o joñe'me.»

Mateo 4:10 Referans Kwoze

Deuteronómio 10:20

Huo'o naq 'enec qanqa'eñi Ñim Nataxala' maye Qanatamnaxala'ai, qataq nacheñita da qavio'oxoyiñi, saishet da qavio'oxoyiñi ca ỹaqa'a atamnaxala'pi. Qaq da huo'o ca qaỹa'añi qara'aqtaqui, nache chegoqchigui qanqa'eñi da le'enaxat Ñimaye.

Josué 24:14

«Qaq souaxat 'enauac de'era nache ỹataqta huo'o naq 'enec qome qanqa'eñi Ñim Nataxala', qataq qami' 'eesora, qataq ỹataqta qami' huesote' da qauo'onataxañiitacot Ñimaye. Nache qoquiỹa'ai qome 'enauac na atamnaxala'pi maye natameetacot co'ollaxa so hua'au qarta'ailpi, co'ollaq ñaq neta'atague da le'ego so tala Éufrates, qataq co'ollaq netaña ye Egipto, nache qavio'oxoreñi qome Ñim Nataxala'.

Lucas 4:8

Qalaxaye So Jesús 'enapeco': Ana nere maye huetalec na la'aqtacpi Ñim Lo'onatac 'Enauacna, 'eeta': «'Avio'oxoren Ñim Nataxala' maye Lo'onatac 'Enauacna, qataq nachaqñita Ñimaye 'aualaxaguet.»

1 Samuel 7:3

Ỹoqo'oye so Samuel 'enapego' 'enauac so Israel le'ecpi, 'eeta': «Da ỹoqta qaumachiỹo'ot da qarquiyaqteỹaxaqui Ñim Nataxala', nache qauasaqaiuec 'enauac nam atamnaxala'pi maye chegaqauec, qataq na lqui'ipi aso Astarté, nache qaumachiỹo'ot da qanachaalataxaqui Ñim Nataxala', qataq nachaqñita qome Ñimaye da qavio'oxoyiñiitac. Nache Ñimaye qami' nqateeguesopa qome da la'añaxac na filisteopi.»

Santiago 4:7

Qaq ỹoqo'oye ỹataqta qaualaqaiguet Ñim Lo'onatac 'Enauacna. Qataq qauataiỹa'aguet so pa'aguenataxanaxaic, nache somaye dataueguesopa qami'.

1 Pedro 5:9

Qanachaachiỹa'aguet da lcanaxanaxac, qataq qauauo'oi ca qarpi'iỹaxaqui Ñim Lo'onatac 'Enauacna qataq saishet da huo'o ca huaña da qauqolectaxañi. Cha'aye mashe qauaỹaañi da 'enauac ana 'alhua da huo'o nam quetague' So Cristo da nataqa'en huo'o da nque'eenaxac 'eeta'am da qoñiita.

Mateo 16:23

Qalaxaye So Jesús ỹamato'ot so Pedro, nache 'enapega, 'eeta': –¡'Am Pedro, da 'artaxaỹaxac 'eeta'am da ltaxaỹaxac so pa'aguenataxanaxaic! ¡Aỹem qoca'ai qome! Cha'aye 'am saishet da 'auaỹaten dam 'eetapeguec Ñim Lo'onatac 'Enauacna. Qataq choche qoquetegueua'a da Aỹem saishet da salaq.

Da na'aqtaguec so Job 2:1

Qaq co'ollaq ivita so laloqo' da qaltaq nachaateua'a Ñim Lo'onatac 'Enauacna, 'enauac so lamaxashecpi piguem le'ecpi, nache nataqa'en nachatteuo so Pa'aguenataxanaxaic da ỹalectaigui somayepi.

Da na'aqtaguec so Job 1:12

Nache Ñim Nataxala' 'enapego' so Pa'aguenataxanaxaic, 'eeta': «Hua', ỹaỹamaqchiguiñi, maiche 'oiqueetac qome ca qoneta'ac 'enauac na hueto'otpi ca Job, qalaxaye saishet qome da huo'o ca 'auo'otec sa ỹaỹamaxañi da nachaalataxac camaye.» Huaña nache so Pa'aguenataxanaxaic, ca'ai Ñim Nataxala'.

1 Crónicas 21:1

Qaq se'eso pa'aguenataxanaxaic dataỹa'aguet co'ollaxa so Israel le'ecpi, nache ỹayena'a so David da ỹo'ot aso le'enaxat lmalate so Israel le'ecpi.

Da na'aqtaguec so Job 1:6

Qaq huo'o so na'a'q da nachaateua'a Ñim Nataxala' som lamaxashecpi piguem le'ecpi, nache nataqa'en nachatteuo so Pa'aguenataxanaxaic, da ỹalectoigui somayepi.

Salmos 109:6

Ñaq 'auo'ot da nmit 'anqa'en namayepi ca qauemaic, nache que'eca qauemaic ỹauo'o ca nhuaxanaguec cam huo'o da lasouaxashet.

Éxodo 23:25

Nacherata da Aỹem qanatamñiitacot, Aỹem Nataxala' maye Qanatamnaxala'ai, yaqto' qami' sechoxonneque ca ỹotta'a't nallec qataq ca qaraquipi. Qataq aỹem seỹotauga qome nam nalolaxapi,

Isaías 30:22

Qaq huaña nache qaica ca naigui qanqa'eñi nam qare'enaqtaqui maye chegaqaigui na lcat plata, qataq nam qare'enaqtaqui maye qalapaxalec na oro. Huaña nache qauasaqaiuec 'eeta'am qanqa'eñi cam lasogoñi maye ỹataqta qauem.

Marcos 1:13

Nache So Jesús hueta'a yemaye cuarenta na'axa'te, huetangui na shiguiỹacpi maye qauemaicpi. Qaq so pa'aguenataxanaxaic ilotaique ca lataxac da ỹatenachet Somaye, qalaxaye na lamaxashecpi Ñim Lo'onatac 'Enauacna itauaatac So Jesús.

Lucas 10:18

Nache So Jesús 'enapeco': –Aja', Aỹem sauaachigui da naañi so pa'aguenataxanaxaic, chegoqtot na piguem, 'eeta'am na nqashelgaxa.

Lucas 11:18

Qaq nache 'eetec nataqa'en so pa'aguenataxanaxaic da maiche npa'agueela't, nache maiche nlaxaañi da lo'onataxanaxac. Qami' qoñiitega da Aỹem so'otteguec na ne'ecpi leguemaxaicpi da so'otaxaatega da la'añaxac so pa'aguenataxanaxaic.

Lucas 13:16

Qaq ara'ara 'alo ye maiche llale so Abraham, qaq so pa'aguenataxanaxaic ye icoñetta'aguet aramaye de'era nalolaxa, nagui mashe ivi' naua dieciocho vi'iye, qaq ¿peta'a saisheto' da qaisoueeguesop de'era lalolaxa aramaye ne'ena na'a'q mataxaqui?

Lucas 22:3

Nache so pa'aguenataxanaxaic taigui da lquiyaqteỹaxac so Judas, da le'enaxat lỹa Iscariote. Somaye maiche 'oonolec soua doce lapaxaguenataqa So Jesús.

Lucas 22:31

Nataqa'en 'enapeco' So Jesús: –Simón, Simón, maxatchaxa, ten so pa'aguenataxanaxaic mashe iỹaxanot Ñim Lo'onatac 'Enauacna qataq mashe qoỹami' da qami' ỹe'egue'n, huotaique da 'eeta'am naqa'en qami' na trigo da ichegoq.

Juan 13:27

Qaq co'ollaq lcopa'a da ỹaconeguet so laỹe aso nauole so Judas, nache so pa'aguenataxanaxaic taigui da lquiyaqteỹaxac somaye. Nache So Jesús 'enapego', 'eeta': –'Am Judas, 'auỹalapegue' dam huotaique da 'auo'ot.

Hechos 5:3

Nache so Pedro 'enapego' somaye, 'eeta': –Ananías, ¿ta'ainec ye 'aualaxaguet so pa'aguenataxanaxaic? Ye 'am 'ano'onaxatañi aso laỹe asom lasheue so 'ana'alhua, 'aupi'itaxaatega da ishet da 'auatenachet So Saqcha'a Na'añaxac Qui'itta.

Hechos 26:18

Aỹem 'am samaxa namayepi, da yaqto' ishet da nauaañi 'anqa'en, yaqto' saishet da quetaigui na napalaxa, nachaqrata da quetaigui na yo'oqchiguiñi; qataq yaqto' namayepi saishet da hueto'ot da la'añaxac so pa'aguenataxanaxaic, nachaqrata da quegue Ñim Lo'onatac 'Enauacna; qataq ỹa'amaqten, nache ishet da qaỹapalaxat na lasouaxashetpi, qataq yaqto' qaỹalecneua'a da qoỹanem qome cam ỹachaxanapec Ñim Lo'onatac 'Enauacna da ỹami' nam lalamaxatpi Ñimaye.»

1 Corintios 5:5

qaq iuen da ñi'iñi ỹale qoỹaneguet so pa'aguenataxanaxaic. Da yaqto' na'aictaxa da so pa'aguenataxanaxaic nlaxaañi da lo'ocỹaxac ñimaye, qalaxaye dam saqcha'a lca'alaxa qanca'alaxatec qom ñe'eguelaq So Qarataxala' Jesús.

1 Corintios 7:5

Qaq saishet da sa naỹaana't caamaye. Nachaqrata da naỹateeta't da ỹauo'o ca laloqne'c da saishet da nauaña't, souaxat da ỹauotraique da ỹataqta nañaareguet da nqouagaxaunaxa'c. Qalaxaye da ime, nache qaltaq ipactegue da nauaña't, cha'aye saiuena'a da ỹasouaxat da saishet da naỹateetrela't, nache so pa'aguenataxanaxaic huo'o ca llegueuo da ỹauo'o ca lasouaxashe't.

2 Corintios 2:11

Yaqto' so pa'aguenataxanaxaic saishet da huo'o ca llegueuo da shenaqta, cha'aye qomi' mashe saỹaanaqte' naua qauema 'eetapegueco.

2 Corintios 11:14

Qaq damaye saishet da huo'otaq lleualqa'a, cha'aye saỹaanaq da so pa'aguenataxanaxaic ishet da choche ỹe'enaxat da lataxac cam 'oonolec na lamaxashecpi piguem le'ecpi Ñim Lo'onatac 'Enauacna maye huo'o na le'eraxa.

2 Corintios 12:7

huo'otaq nam ỹauanaqchecpi maye aỹem ỹachaxana Ñim Lo'onatac 'Enauacna. Qaq ỹoqo'oye da yaqto' saishet da aỹem taigui da ño'oxonnaxac, nache aỹem sevireguet da lta'araic ñequi'ic. 'Eeta'am da so pa'aguenataxanaxaic ỹa'ayigui da ỹo'ocỹaxac aca ỹaxat le da yaqto' ỹauo'o da lta'araic ñeque'eenaxac.