Mateo 4:1 - La'aqtaqa Ñim Lo'onatac 'Enauacna 2013

¹ Qaq co'ollaq mashe ime de'era, nache So Saqcha'a La'añaxac Ñim Lo'onatac 'Enauacna, ỹauegueuga so toolec 'alhua So Jesús da yaqto' so pa'aguenataxanaxaic ỹe'eguen Somaye.

Nuevo Testamento Toba Sur

¹ Qaq co'ollaq mashi ime de'eda, nachi so Espíritu Santo ÿauega so Jesús ca tojlec 'alhua, da yaqto' so shiÿaxaua lma'na ÿi'iguen somayi.

Nuevo Testamento Toba Sombrero Negro

¹ Yem qama'le joñe'me Dios Lepaqal yauegue ñe'me Jesús ga'me aleua jo'ne totapega't, qaedi ñe'me payac yapiyen joñe'me.

Mateo 4:1 Referans Kwoze

Hebreos 2:18

Qataq Somaye ye mashe nmate' de'era nque'eenaxac qataq ye so pa'aguenataxanaxaic ỹe'eguen co'ollaxa da yaqto' huo'o ca lasouaxashet naqa'en, qaq ỹoqo'oye nagui da so pa'aguenataxanaxaic da qomi' ỹe'egue'n, nache So Jesús ishet da qomi' itaua'n.

Romanos 8:14

Qaq 'enauac nam quetague' So Saqcha'a La'añaxac Ñim Lo'onatac 'Enauacna, namayepi ỹataqta llalaqpi Ñimaye.

Ezequiel 43:5

Qaq huaña nache so Saqcha'a La'añaxac Ñim Nataxala' aỹem ỹanaxanaxaasheguem, nache aỹem ỹauegueua'a ye qasoxoc maye pa'aỹauo, nache sela'a da llo'oxoyec Ñim Nataxala' da nlaxatchigui aso atamnaxaqui.

Juan 14:30

Qaq nagui saishet da qaltaq huo'o ca sa'axat, cha'aye mashe nayeetai' nam pa'aguenataxanaxaic maye damaxasoxonapec ana 'alhua. Qalaxaye namaye qaica ca la'añaxac da ishet da Aỹem ỹachiguiñi.

Ezequiel 3:14

Qaq huaña nache da la'añaxac Ñim Nataxala' aỹem nachaalataxaañi, nache aỹem nqateeguesop yemaye, qaq aỹem ashec qalaxaye ỹataqta saquico, qataq qaica ca ỹamaic, qaq Ñim Nataxala' nache queto'ot da aỹem nllechiguiñi na lhuaq.

Hechos 8:39

Qaq co'ollaq nnoxooyishegue'm so 'etaxat, nache So Saqcha'a La'añaxac Ñi Nataxala' ỹauec so Felipe. Nache se'eso ỹale maye sa deco'o sa lỹa da nauane' so Felipe. Qalaxaye somaye ỹe'eguelaxague ca lma', ỹataqta machiguiñi.

Ezequiel 3:12

Qaq huaña nache da la'añaxac Ñim Nataxala' aỹem nachaalataxaañi, nache chemaxague na ilaq so lta'araic nllimiaxa 'eeta'am da l-lamaxa na 'alhua da qalagoxoñi, co'ollaq ca'ai ye hueta'a da llo'oxoyec Ñim Nataxala'.

Ezequiel 40:2

Nache Ñim Lo'onatac 'Enauacna ỹachaigui so ỹauanaqchec da aỹem ỹauega ye 'alhua ye Israel, nache aỹem ỹanalec aso ỹataqta qaỹoqotcheguemec qasoxonaxa. Qaq dam pa'aỹa'ague da taguiñi asa'aso qasoxonaxa huo'o so lta'araic nỹec, 'eeta'am da lataxac ca huaqta'a't nỹecpi.

1 Reyes 18:12

Qalaxaye da 'am sheca'ai, nache yo'oqta da anac qome so Saqcha'a La'añaxac Ñim Nataxala', da 'am ỹauega cam sasauana. Nache da ñeqo'ona ca Ajab, da sa'aqtaxanem de'era, qaq qom saishet da 'am ỹanata, nache aỹem ỹalauat qome. Qalaxaye 'auaỹaten da ne'ena 'aramaxashec, chegoqta'a co'ollaq ñaq nsoqolec da ỹataqta huo'o naq 'enec naqa'en Ñim Nataxala'.

2 Reyes 2:16

nache 'enapega somaye, 'eeta': Ne'ena 'aramaxashecpi maye hueta'a ne'ena, huo'o na cincuenta 'añaxaicpi maye ỹalectaigui namayepi. Qaq 'auasheetem taxa da nmitaique ca 'arataxala', cha'aye saiuena'a da so Saqcha'a La'añaxac Ñim Nataxala' ỹache, qalaxaye huo'otaq huo'o ca ỹasaxaña anam qasoxonaxapi, huo'otaq nam ca'amapega'tpi. Qalaxaye so Eliseo 'enapeco': 'A'i, saishet da huo'o ca qauamaqai.

Génesis 3:15

Qaq Aỹem, so'ot da 'am, qataq ara 'alo qami' npa'aguenaxau', nache 'ena'am qome ca 'aỹa'alaqpi, qataq ca llalaqpi aramaye. Ca llalaqpi aramaye pigui qome na 'arqaic, qaq 'am 'anaigui qome ana lla'axa.»

Ezequiel 11:24

Qaq ime, nache da la'añaxac Ñim Nataxala' aỹem nachalataxaañi, nache aỹem ỹe'eguelaxata ye Babilonia maye hueta'a som laỹepi ncoñeteguishecpi. Qaq de'era nache huaigui so ỹauanaqchec maye aỹem ỹachaxana som saqcha'a la'añaxac Ñim Lo'onatac 'Enauacna. Qaq co'ollaq ime se'eso ỹauanaqchec

Ezequiel 11:1

Da la'añaxac Ñim Lo'onatac 'Enauacna aỹem ỹanaxanaxaasheguem, nache aỹem ỹauega ñi ñegueuo añi atamnaxaqui maye lalamaqte Ñim Nataxala' ñim pa'aỹa'ague da nala' lliguisheguem. Qaq ñi lasom nache hueta'a so veinticinco ỹalleppi. Qaq somayepi, nache ỹalectaigui so Jazanías, som llalec so Azur, qataq so Pelatías, som llalec so Benaías, maye lataxala'ate co'ollaxa so nhuo' le'ecpi.

Ezequiel 8:3

Qaq se'eso shiỹaxaua ỹachaxanec so lhuaq nache ỹaconoigui na ỹaue. Qaq huaña nache so la'añaxac Ñim Lo'onatac 'Enauacna, naỹoxoosheguem naqa'en aỹem, qaq huaña nache huo'o so ỹauanaqchec chegoqo'ot Ñim Lo'onatac 'Enauacna nache aỹem ỹauega ye Jerusalén, nache aỹem ỹanaña ñi lasom maye pa'auo, qataq datata'ague da sheu', yem huaqta'a't nỹecpi maye netaña som nqolac maye ỹo'ot da dalemata Ñim Nataxala'.

Santiago 1:14

Nachaqrata da ivita da huo'o da qañe'eguenataguec, nache maiche qarqopitaxanaqtaic nam qomi' ỹauecta'ape qataq qomi' ỹamaqta'ape.