Mateo 3:9 - La'aqtaqa Ñim Lo'onatac 'Enauacna 2013

⁹ Qataq saishet qome da tatapigui qarvilli da qoñiita': ‹Qomi' maiche qomi' llalaqpi so Abraham.› Cha'aye qami' shenapegalo da Ñim Lo'onatac 'Enauacna, ishet da ivira'a da ỹachegoxotaigui ne'ena coma'pi ca ỹataqta llalaqpi so Abraham.

Nuevo Testamento Toba Sur

⁹ Qaq sa ishit qome da tatapigui qadvilli da qoñiita': “Qomi' maichi qomi' llalaqpi so Abraham.” Cha'ayi qami' shinapegalo da ñi Dios ishit da ivida'a da ÿachigoxotaigui ne'ena coma'pi ca ÿataqta llalaqpi so Abraham.

Nuevo Testamento Toba Sombrero Negro

⁹ Qama'le ena'te aueñetapela't: «Qo'mi qonec'alaĝatelegue qomle qa'a yataqachiñe qo'mi lec'oqo'tepi di'me Abraham»; qa'a ami ja'aĝatema queda'me chayovida'alo naa'me naajo' qadipi Dios yaqanatet ta'le neleguemaĝatalo q'ae'n daa'me Abraham c'oqo'tepi.

Mateo 3:9 Referans Kwoze

Lucas 3:8

Qauachaxañi ca qarataxaqui maye ỹachaxan da qaỹa'axañiiuec da qauo'ocheetac naua qarasouaxashe'echilli'. Saishet da qaupicheetega da qami' llalqa so Abraham nache qanca'alliiuec. Cha'aye ỹataqta 'eesa de'era qami' sa'axatema da ivira'a ne'ena coma' Ñim Lo'onatac 'Enauacna ishet da nqochenaxata da ỹauo'o llalaqpi so Abraham.

Juan 8:33

Nache somayepi 'enapeco': –Qomi' maiche qomi' llalqa so Abraham, qaq ỹataqta sa ỹauano' da huo'o ca qomi' l-lataqa. Qalaq ¿ta'ainco' da 'am qonapec da ishet da qomi' huesochiyiñi?

Romanos 4:1

Seuennataxanaxalec da huaigui so Abraham maye sachegoxosoxoguet.

Hechos 13:26

Qaq aỹem qana'axaỹañiỹa qami' ỹaqaỹa't maye qami' qauachegoqoiguet so Abraham qataq 'enauac da qoñiita maye ỹataqta qaualaqaiguet Ñim Lo'onatac 'Enauacna, de'era na'aqtaxanaxac maye chegaqaigui da nca'alaxa, damaye ỹataqta qaralamaxat.

Lucas 16:24

Nache so sallaxanec iỹaxana so Abraham, 'eeta': «'Am ita'a Abraham, aỹem 'auchoxoren. 'Anamaq na Lázaro, da yaqto' ipet na llaxaata lsheenec ca 'etaxat da yaqto' ipet na ỹachaxat. Ten ỹapactec da ñeque'eenaxac da sootangui ne'ena norec.»

Juan 8:53

'Am ¿'aupettega peta'a da 'anapacalec so qarta'a Abraham? Somaye, qataq 'enauac som la'aqtaxanaxanecpi Ñim Lo'onatac 'Enauacna ileu co'ollaxa. Qalaq ¿negue't 'am?

Lucas 5:22

Qalaxaye So Jesús ỹaỹaten da lhuennataxa somayepi, nache denataxan 'eeta': «¿Ta'ainco' ye qarhuennataxaqui de'era?

Marcos 7:21

Cha'aye da huo'o ca nasaxauec ca qauem la'aqtac, qaq camaye qauemaic qataq nache 'eetai' da iuennatega ca qauem, qataq ca lataxac da ỹo'ot ca saỹaỹamaxañi, huo'otaq decache qataq ỹalauat ca lỹa huo'otaq da ncachetague' aca sa lhua, qataq nachaqrata da iuennatega cam 'eetec da ishet da sallaxanec qataq ỹo'ottac nam qauemsat, datenataxaatac, qataq quiỹaxanaqtaqaic, sheunaxanaxaic qataq ỹasaxalec ca qauem la'aqtac ca lỹa, qataq qaica ca ỹaỹaanapec qataq ño'oxonnaxaic.»

Ezequiel 33:24

«Na shiỹaxauapi maye hueta'a ye huaqta'a't nỹecpi maye ỹotta'a't naua nañalo ye Israel maye nlachiguiñi, namayepi naxa, 'eeta': So Abraham 'oonolec co'ollaxa, qalaxaye somaye ivira'a co'ollaxa da lalamaxat ne'ena 'alhua, qaq qomi' ye qomi' qalote', qalaq taloxochiyo' da saishet da seviraqa'a da qaralamaxat ne'ena 'alhua.

Hechos 15:14

Ñi Simón Pedro qomi' da'aqtaxaatapeguema da 'eetec Ñim Lo'onatac 'Enauacna co'ollaq cheta'ague da nqouaguec nam saishet da judiopi, nache lca'aua'a namayepi da yaqto' ỹalecnoigui na lalamaxatpi.

Lucas 19:40

Qalaxaye So Jesús ỹasateguet 'eeta': –Ỹataqta 'eesa de'era qami' sa'axatema da nañaxaañi ne'enapi, nache na coma'pi ishet da ỹa'alaq.

Lucas 7:39

Qaq co'ollaq ỹauaachigui de'era so Simón, nache deuennataxaataco', 'eeta': «Ñi'iñi ỹale da ỹoqta 'eesa taxa da la'aqtaxanaxanec Ñim Lo'onatac 'Enauacna, nache ishettaxa da ỹauatton añim 'alo maye ipottaua'alo naua lchel da añimaye qauem da na'aqtaguec.»

Lucas 12:17

Nache so sallaxanec deuennataxaatac, 'eeta': ‹¿Chaq hua'ago' nagui ca sheetec? Ye aỹem qaica cam sacha'ague da saỹamaxat nam ñeqat ala na ỹañiguishec.›

Juan 8:37

Aỹem mashe sogote da saỹaten da maiche qami' llalqa so Abraham. Qalaxaye qami' qansheetaique da Aỹem qaualauache, cha'aye saishet da qauacoñiigueta naua ỹapaxaguenataxanaxaco.