Mateo 3:6 - La'aqtaqa Ñim Lo'onatac 'Enauacna 2013

⁶ Nache somayepi ỹa'axa't naua lasouaxashe'ete da ỹaxaare'c, nache so Juan nachelaxangui so tala Jordán.

Nuevo Testamento Toba Sur

⁶ Nachi namayipi i'axa't naua lasouaxashi'te da ÿaxaadeec, nachi so Juan nachilaxangui so tala Jordán.

Nuevo Testamento Toba Sombrero Negro

⁶ Yechoĝote'tape jogaa'me loeco, qama'le Juan nachilaĝadiñgui di'me ñache.

Mateo 3:6 Referans Kwoze

Hechos 19:18

Qaq nam ỹa'amaqten So Jesús, ỹa'axatem na shiỹaxauapi 'enauac nam qauem maye ỹo'otpi co'ollaq saxanaxa da da'amqaanataxan.

1 Juan 1:9

Qalaxaye da sa'aqtaxanaxam naua qarasouaxashe'ete Ñim Lo'onatac 'Enauacna, qalaq nataqa'en qolaqto'ot da qarpi'iỹaxac da Ñimaye maye no'on da lataxac, ishet da qomi' ichoxore'n qataq iỹouec 'enauac na sa ỹaỹamaxañisat maye so'otaqtac.

Hebreos 9:10

'Enauac ne'ena lataxacpi, damaye ỹa'axat da yo'oqchigui nquia'axac qataq ỹomaxac qataq dam qaỹo'ot ca nỹoxoc da qanaỹamaxateguet ca ño'oxonnataxanaxac. De'era lataxac ỹachaxan ca 'eetec cam qaỹo'ot, qalaxaye saishet da qomi' itaua'n da naralaxat da maiche qarataxac. Qaq de'era lataxac da qaỹo'oxoren Ñim Lo'onatac 'Enauacna, huo'o da naigui, choche ivitta'a da Ñimaye nmeneguet naqa'en dam ỹataqta ỹactec da lyac.

Mateo 3:11

Qaq 'eesa da aỹem nagui qami' ñachelaxanguilo na 'etaxat, qaq damaye naigui da qami' qaỹa'axañeere'c naua qauema maye qauo'ocheeta'ape. Qalaxaye cam aỹem nca'attalec, camaye dachelaxanataxana qome So Saqcha'a Na'añaxac Qui'itta qataq ca norec. Qaq camaye ỹataqta ỹactec da la'añaxac, saishet da sheeta'am. Na'aictoxo' da choche aỹem l-latac ỹataqta saishet da ñaloua'a.

Hebreos 6:2

qataq dam naigui da qomi' qanachelaxa'n. Nataqa'en iuen da saỹaanaq da llec nam ỹa'amaqten So Cristo da qaỹasheltalec da yaqto' ỹaconeguet So Saqcha'a Na'añaxac Qui'itta. Qataq nataqa'en iuen da saỹaanaq da na leuaxaicpi qaltaq ỹe'eguelaxalec qome da nca'alec. Qataq nataqa'en iuen da saỹaanaq da huo'o ca pa'atec nmitaguec 'enauacna.

Colosenses 2:12

Cha'aye co'ollaq qami' qanachelaxanguilo na 'etaxat, nache qoñiita'am So Cristo co'ollaq qailareñi, qaq co'ollaq qannoxoñiisheguem, nache qoñiita'am Somaye co'ollaq qanca'alaxateeguesop da l-leuaxa, cha'aye qami' ỹataqta qaua'amaqchiñi da la'añaxac Ñim Lo'onatac 'Enauacna.

1 Corintios 10:2

Qaq 'enauac de'era llecỹaxac somayepi, damaye 'eeta'am da nachera da nachelaxanataguec somayepi da yaqto' na'areua'a qanqa'en so Moisés.

Hechos 22:16

Qaq nagui, ¿negue't cam 'auatta'a? Qoñisheguem qome, nache 'am qanachelaxan, ỹataqta 'aupi'iỹa'a da le'enaxat So Qarataxala', yaqto' ishet da qaỹapalaxat na 'arasouaxashetpi.»

Hechos 11:16

Huaña, nache aỹem seuennate co'ollaxa da la'aqtac So Qarataxala' maye 'eeta': «'Eesa so Juan da dachelaxanataxana na 'etaxat, qalaxaye da qoñiita qome qami' qanachelaxanguilo So Saqcha'a Na'añaxac Qui'itta.»

Hechos 1:5

Cha'aye 'eesa da so Juan dachelaxanataxangui na 'etaxat, qalaxaye naua lỹa't na'axa'te Ñim Lo'onatac 'Enauacna, qami' nachelaxanguilo ca Saqcha'a Na'añaxac Qui'itta.

Lucas 3:16

Qalaxaye so Juan 'enapega 'enauac so shiỹaxauapi, 'eeta': –Aỹem 'eesa da qami' ñachelaxanguilo nagui na 'etaxat, qalaxaye huo'o na aỹem nca'attalec maye ỹataqta ỹactec da la'añaxac napacalec aỹem. Namaye qami' nachelaxanguilo So Saqcha'a Na'añaxac Qui'itta qataq norec. ¡Aỹem ỹataqta sa yaloua'a Namaye na'aictaxa da choche aỹem l-latac!

Daniel 9:4

Nache ñatamnot, qataq sa'aqtaxanem Ñim Nataxala' maye Ñatamnaxala', sheeta': 'Am Nataxala', maye 'Aro'onatac 'Enauacna 'Am lta'araic qataq 'Am 'añaxaic, maye nache 'eetai' naxa da 'aupacchigui nam 'auachaxanapecpi, qataq 'auachaxana da 'arauotaxanaqtaic nam 'Am ỹauotecpi, qataq ipaqueelec nam 'aramaxasoxonaxacpi:

Ezequiel 36:25

Nache qami' seỹoi' qome seỹoxona ca ỹataqta qui'itta 'etaxat, nache seỹouec 'enauac na qarshepaxanaqai, qataq seỹouec da qavio'oxoreñiitac na nqolacpi,

Proverbios 28:13

Qaq ca ỹoxotchiguiñi ca lasouaxashet qalaq saishet da no'on da llecỹaxac, qaq ca ỹa'axatta qataq ỹaxanec ca lasouaxashet, camaye ishet da qaichoxoren.

Salmos 32:5

Qalaxaye 'am sa'axatem co'ollaxa na ỹasouaxashetpi, qataq saishet da 'am soxocheesop na qauem maye so'otpi, nache sheeta': «Aỹem sa'axatem na ỹasouaxashetpi Ñim Nataxala'.» Nache 'am 'auapalaxat 'enauac namayepi.

Josué 7:19

Huaña, nache so Josué 'enapega so Acán, 'eeta': «'Am ỹalcolec, ñaq huo'o naq 'enec 'anqa'en qataq 'aỹa'anot da 'ayo'oxonnataxanaxac Ñim Nataxala' maye Natamnaxala' na Israel le'ecpi, nache aỹem 'aua'aqtaxanem de'era 'auo'ot. ¡Saishet da aỹem 'oxocheesop!»

Números 5:7

nache camaye iuen da ỹa'axat ca lasouaxashet. Qataq isheeten que'eca shiỹaxaua maye hueto'ot ca lasouaxashet, qataq ipacchigui naqa'en aca lasheue ca lasouaqtac, qataq ỹauo'o aca ỹactec da isheeten camaye.

Levítico 26:40

Qalaxaye da qaua'axacheeta ca qarasouaxashichi, qataq ca lasouaxashetpi so qarta'ailpi, qataq da 'eetec da ỹe'eguelaqtalec da Aỹem qauataiỹa'aguet, qataq Aỹem qauatenachichi naxa,

Levítico 16:21

nache ỹashel-lec na lqaic qataq nache ỹa'axat 'enauac na lle'etaxaloxosat na Israel le'ecpi, souaxat da npe'eeleguete naua lataxaco, qataq sa ỹalaxaguet Ñim Nataxala'. Qaq 'era da 'eetec da ỹachelec qome ca quetaq que'eca nasouaxashetpi, nache ca lỹa shiỹaxaua huapegue' da ỹo'orauga ca toolec 'alhua da yaqto' talec naqa'en camaye,

1 Pedro 3:21

Qaq se'eso 'etaxat, nacheso so naigui dam seuenaqtac naxa nagui da so'otaq da achelaxac dam chegoqchigui da Ñim Lo'onatac 'Enauacna qomi' nca'alaxatre'c. Qaq de'era achelaxac maye ỹataqta 'eesa saishet da iỹo da yo'oqchigui qaro'ocỹaxac, nachaqrata da seỹaxanaqot Ñim Lo'onatac 'Enauacna da iỹouec na qarasouaxashetpi, yaqto' saishet da seuennaqtega da huo'o ca qarasouaxashet. Qaq Ñim Lo'onatac 'Enauacna qomi' nca'alaxatre'c, chegoqchigui naqa'en da saxaigui dam qanachelaxac, cha'aye So Jesucristo nca'aleeguesop da nleuaxa, ime, nache taigue da piguem, da nso'ooñi, neta'ague da aloic Ñim Lo'onatac 'Enauacna hueta'a yem ỹataqta ỹo'oxoraq qataq huaña da ilo'ogue 'enauac nam lamaxashecpi Ñim Lo'onatac 'Enauacna qataq 'enauac nam laỹepi maye saqcha'a, maye nataqa'en huo'o da la'añaxac qataq da 'enec.

Santiago 5:16

Qaq ỹoqo'oye ñi 'oonolec da qoñiita da'aqtaxanem ca lỹa ca lasouaxashet, qataq ñi 'oonolec nqouagaxaueetalec ca lỹa, yaqto' Ñim Lo'onatac 'Enauacna qami' natare'n. Da nqouagaxaunaxac ca no'on shiỹaxaua ỹataqta huo'o da la'añaxac, cha'aye Ñim Lo'onatac 'Enauacna ỹataqta hua'axaỹa.

Esdras 10:1

Qaq so Esdras co'ollaq ña nqouagaxaueetac qataq ỹaatac so la'aqtac, souaxat na lasouaxashetpi so lauo' le'ecpi qataq nỹeetac, ỹa'attrañi naua l-llecte, hueta'a aso atamnaxaqui maye lalamaqte Ñim Lo'onatac 'Enauacna, nache anac so qalota ỹalleppi, 'alpi qataq so ñaqpiolec maye Israel le'ecpi. Qaq 'enauac somayepi coleesop somaye, nache nỹeetac souaxat da lta'araic nqui'ic.

Lucas 1:16

Que'eca nogotolec, camaye ỹo'oteguet qome da qalota na Israel le'ecpi da ỹaxaañi da ỹo'ottac na qauemsat, ime, nache ỹalaxaguet Ñim Lo'onatac 'Enauacna.