Mateo 3:4 - La'aqtaqa Ñim Lo'onatac 'Enauacna 2013

⁴ Qaq naua alogo so Juan no'oxonqa, chegaqaigui na laue ana shiguiỹac le'enaxat nauanaxanaxa, qataq so nsaataxaqui lo'oc. Qataq chectac ana shiiquioxoi qataq na dapic maye aviaq le'ec.

Nuevo Testamento Toba Sur

⁴ Qaq naua alogo so Juan n'oxonqa, chigaqaiguilo na laue ana camello. Qaq so nsaataxaqui l'oc, qataq chictac ana shiiquioxoi qataq na dapic lli'i.

Nuevo Testamento Toba Sombrero Negro

⁴ Ga'me louo ñe'me Juan qoyachiyoĝotayelo ga'me camello layoĝot, nataq'aen 'uo ga'me najataĝaiqui jo'ne jiyac lo'oc; yalic jaga'me qojequioĝoi ca'li nataq'aen ga'me ma'ague li'i jo'ne 'nonaĝajec.

Mateo 3:4 Referans Kwoze

2 Reyes 1:8

Nache soomaye 'enapeco': Qomye somaye ỹaatañi so npo' huo'o na laue, qataq lo'oc so nsaataxaqui. Nache so nta'a ỹa'alaq, 'eeta': ¡'Ah! ¡Nacheca ca Elías maye Tisbé le'ec!

Levítico 11:22

pelgaxanaq, quiñite, milec, qataq ana ỹotta'a't shiiquioxoipi.

Mateo 11:8

Qaq ¿negue't som qami' qaumeenaxañiitapeuga? ¿Peta'a ỹataqta no'o'n naua alogo somaxa? Qami' qauaỹaañi da na shiỹaxauapi maye ỹataqta no'o'n naua alogo, namayepi netaiguilo naua lma'ate na nta'alpi.

Zacarías 13:4

Qaq que'eca na'a'q, na na'aqtaxanaxanecpi, huo'o qome da la'agaxa da ỹa'axattac nam lauanaqchecpi. Nache qaica qome ca datenataxan da napotaña ca lapo' na na'aqtaxanaxanecpi,

Lucas 1:17

Camaye nvi', qom saxanaxa da nvi' ca Nca'alaxaqui maye Lca'aguishec Ñim Lo'onatac 'Enauacna. Qaq de'era na'añaxac saqcha'a maye hueto'ot co'ollaxa so na'aqtaxanaxanec Elías, nachera da hueto'ot qome camaye. Da la'aqtaxanaxac ỹo'oteguet da ca nta'a nmaneto caua llalqa, qataq nam sa ỹalaq ila'a da lsomaxac, nache quegue da lataxac nam ỹataqta ỹalaq. Nataqa'en ỹaỹamaxaañi na Israel le'ecpi da yaqto' ỹataqta lhuotta da ỹaconeguet cam Lca'aguishec Ñim Lo'onatac 'Enauacna.

Malaquías 4:5

Qaq ñaq qauloỹa da: Aỹem qami' ñamaxalo qome ca na'aqtaxanaxanec Elías, qom saxanaxa da nvi' que'eca na'a'q maye lalamaxat Ñim Nataxala', cam na'a'q maye ỹataqta lta'araic qataq chaqaic.

Apocalipsis 11:3

Nache Aỹem sama'q caua dos ỹa'aqtaxanaxanaqa, da yaqto' ỹa'axa't da ỹataqta 'eesa ỹa'aqtaxanaxac. Qaq caamaye qom sama'q qalaq ỹaatrañi ñaqa'e'n caua alogo lasouaxaqui', da yaqto' ỹa'axat da ỹa'aqtaxanaxac iviraxattre'c que'ecaua tres vi'iye qataq ca laiñi ca lỹa vi'i.»

Mateo 11:18

Cha'aye so Juan maye nachelaxanataxanaq, somaye nqouaqchettac, qaq qami' qalaq qoñiitega da huo'o ca netaigui saqcha'a na'añaxac leguemaxaic.

Deuteronómio 32:13

Nache qami' ỹaviguishiguemalo ye ỹataqta qaỹoqotcheguema 'alhua. Qataq qami' iquia'axaneque aso no'onaxa lashe qo'oipaq ala, qataq so te'esaq lli'i maye npaxanec chegaqaigui so coma', qataq so aceite maye ỹachegoxotaigui aso coma',

Isaías 20:2

Qaq nache huaña co'ollaxa da Ñim Nataxala' detaqa, 'enapega so Isaías, som llalec so Amós, 'eeta': «'Anqa't naua sansattegueta 'ogo maye 'aỹa'aatrañi, qataq naua 'arapela'ate maye 'aỹa'aatrañi.» Nache so Isaías ỹo'ot damaye, huaña nache huac da huetauec qataq qaicaua caua lapela'ate.