Mateo 3:17 - La'aqtaqa Ñim Lo'onatac 'Enauacna 2013

¹⁷ Qataq qaỹa'axaỹa so na'aqtac chemqot na piguem, 'eeta': «'Era da ỹalamaxat Ỹalec damaye ỹataqta ỹauotaxat, qaq ỹoqo'oye ỹataqta ñetootapeguec.»

Nuevo Testamento Toba Sur

¹⁷ Nachi qai'axaÿa, chimqot na piguem, 'eeta': –'Eda da ÿalamaxat ÿalec mayi ÿauotaxat. Damayi ÿataqta ñitootapeguec.

Nuevo Testamento Toba Sombrero Negro

¹⁷ Nataq'aen qodomachiya ga'me nejamaĝa jo'ne chimaqapije'ma di'me piyem, 'me enaac: “Jenjo' mach'e yalec 'me jauotec, nach'ena jo'ne yataqachiñe yiquiyac.”

Mateo 3:17 Referans Kwoze

Isaías 42:1

«'Ena na ỹamaxashec maye ñasoqtañi, nam ica'aguishec maye saỹamaxareeta, namaye sanagui so Saqcha'a ỹa'añaxac da yaqto' nda'a ca nalochiguiñi lataxac na ỹotta'a't shiỹaxauapi.

Mateo 17:5

Qaq co'ollaq ña detaqtac so Pedro, nache anac so lo'oc na piguem ỹataqta 'eroigui. Ipelteeleguete soomaye. Nache se'eso lo'oc chemaqtoigui so na'aqtac, 'eeta': «'Era dam Ỹalec maye ỹataqta ỹauotaxat, damaye ỹataqta ñetootapeguec, qaq qami' iuen da ỹataqta qana'axaỹaxañiỹa damaye.»

Salmos 2:7

Qaq aỹem sa'axatec qome da lhuennataxac Ñim Nataxala', cha'aye Ñimaye aỹem 'enapega, 'eeta': «'Am, nache 'am ỹalec, aỹem 'am seco'oic na na'a'q.

2 Pedro 1:17

Qomi' sauanaqchigui co'ollaq Ñim Lo'onatac 'Enauacna maye Nta'a, dam ỹo'otec So Jesús da lta'araic 'enec qataq ỹachaxan dam qaica ca 'ena'am llo'oxoyec Somaye. Qaq nache huaña añi saqaỹoqotcheguemec 'alhua maye sa qaishetapec da sa'axasoqchigui co'ollaq Ñim qaica ca 'ena'am da la'amaqchec qataq da llo'oxoyec co'ollaq 'eeta': «'Ena na Ỹalec. Aỹem ỹataqta ỹauotaxat namaye, qataq ỹo'ot da ỹamaicỹaxac.»

Lucas 9:35

Ime, nache qaỹa'axaỹa so nvilỹaxac chemaxaigui so lo'oc, 'eeta': «¡'Era da Ỹalec maye Ica'aguishec! Qaq qami' iuen da ỹataqta qaualaqaiguet.»

Mateo 12:18

«¡Ñaq qauloỹa na ica'aguishec, nam maiche seỹaxana da yaqto' Aỹem do'onataxanot! Aỹem ỹataqta ỹauotaxat namaye. Namaye ỹataqta Aỹem nlaxatchigui da ñetonaxac. Qaq Aỹem sanaigui namaye da lta'araic Saqcha'a Ỹa'añaxac, da yaqto' ỹa'axatem da nalochiguiñi lataxac, 'enauac nam ỹotta'a't shiỹaxauapi.

Marcos 9:7

Nache saqaỹaloq da anac so lo'oc chegoqo'ot na piguem da naloteleguete soomaye. Qaq se'eso lo'oc chemaxaigui so na'aqtac, 'eeta': «'Era da Ỹalec maye ỹataqta ỹauotaxat, damaye qaualaqaiguet qome.»

Lucas 3:22

qaq So Saqcha'a Na'añaxac Qui'itta naỹaña Somaye, 'eeta'am na qoto' ỹataqta yo'oqta. Ime, nache chemqot na piguem so na'aqtac, 'eeta': «'Am maye nache 'am ỹalamaxat Ỹalec, 'am ỹauotaxat, Aỹem ỹataqta 'am ñetootapeguec.»

Marcos 1:11

Nache qaỹa'axaỹa so na'aqtac chemqot na piguem, 'eeta': «'Am maye nache 'am Ỹalec ỹauotaxat, Aỹem ỹataqta 'am ñetootapeguec.»

Colosenses 1:13

Cha'aye Ñimaye qomi' nca'alaxateeguesopa co'ollaxa na napalaxa maye souaqtaigui. Huaña, nache qomi' ỹauegueua'alo da lo'onataxanaxac Som lauotaxat Llalec,

Efesios 1:6

Ñim Lo'onatac 'Enauacna ỹo'ot 'enauac de'era da yaqto' sho'oxorenaq dam lta'araic qataq ỹo'oxoraq lsoxoyec. Qaq ỹoqo'oye huo'o da qana'achecỹaxac souaxat da lta'araic lsoxoyec qataq qomi' ỹanema da qarca'alaxa, ỹachegoxotchigui so lauotaxat Llalec.

Isaías 42:21

Qaq Ñim Nataxala', ye ñimaye deca'alaqtaxan, nache huotaique da ỹo'ot da lta'araic naqa'en qataq ỹo'oxoraq dam lapaxaguenataxanaxac,

Juan 5:37

Nataqa'en Ñim Ita'a maye Aỹem namaq, Ñimaye ỹataqta 'eesa naqa'en de'era ña'aqtaguec. Qaq na'aictaxa da qami' sa qauauañiỹapega da qaua'aqaichigui ca lavilỹaxac Ñimaye, qataq saishet da qauauattoñi ca lasheguiỹaxac.

Apocalipsis 14:2

Ime, qaq sa'axaỹa so nvilỹaxac chemqot na piguem. Somaye 'eeta'am da l-lamaxa na lta'araic la'auaxac, qataq 'eeta'am na lta'araic nalataxa; qataq 'eeta'am na l-lamaxa ana qalota nviquepi da qaiviqueetapigui.

Juan 5:20

Ñimaye ỹataqta Aỹem ỹauotec, ỹoqo'oye Aỹem ỹachaxana nam ỹo'otpi. Qataq Aỹem ỹachaxana na lta'araic ỹo'otpi, nam qami' ỹo'oteque da lta'araic da qara'aalaqai.

1 Juan 5:9

Qomi' ỹataqta huo'o naq 'enec ñaqa'enaq da la'aqtaxanaxac na shiỹaxauapi, qalaxaye ỹactec ñaqa'enaq da lyac da la'aqtac Ñim Lo'onatac 'Enauacna, cha'aye damaye ỹa'axattac da 'eetec So Llalec.

Levítico 15:15

Nache camaye ỹaneuo ca 'oonolec da yaqto' nachetaqtaxanaxat maye sa imauaq da qaỹavigaxat, qaq ca lỹa nache nachetaqtaxanaxat qaỹavigaxatta, qataq ỹauaachigui naqa'en Ñim Nataxala' da ỹo'ot da qui'itta naqa'en que'eca ỹale.