Mateo 3:12 - La'aqtaqa Ñim Lo'onatac 'Enauacna 2013

¹² Qaq camaye lasoqta'a ca lchegoxosoxonaxat, da yaqto' ichegoq na trigo da nqat na lvi. Ime, qaq ỹachaigui ca laỹe'. Qaq na lvi qalaq ỹavigaxat, ỹasaxangui ca norec maye saishet da 'om.»

Nuevo Testamento Toba Sur

¹² Qaq camayi lasoqta'a ca lchigoxosoxonaxat, da yaqto' ichigoq na trigo da nqat na lvi. Ime, qaq ÿoxotoigui ca laÿi'. Qaq na lvi, qalaq ÿavigaxat, ÿasaxangui ca nodec mayi sa ishit da 'om.

Nuevo Testamento Toba Sombrero Negro

¹² Ena'am ta'le nachetac jaga'me 'lonataĝanaqate jo'ne lajoqotaye qama'le najecot ga'me trigo yiyota'a ga'me lojoyiñi. Yachauelo ga'me liquipi' joga'me trigo, qalaĝaja ga'me lojoyiñi qamqa'me yajaĝauelo ga'me dole' jo'ne nach'e eta't edetañgui.”

Mateo 3:12 Referans Kwoze

Malaquías 4:1

Ñim Nataxala' maye Qaica ca Ỹaqalanapec da la'aqtac, 'eeta': «Mashe nayeetai' ca na'a'q, maye ỹataqta 'eroigui 'eeta'am aca nqatelaxanaxaqui, cam huaigui qome 'enauac na ño'oxonnaxaicpi qataq nam qauemaicpi da ỹataqta ỹavicta. Que'eca na'a'q maye anac qome, ỹataqta ỹavigaxatta qome namayepi, nache qaica ca no'onañi.

Mateo 13:30

Qom ivita ca laloqo' da ñeqataq ana ala na trigo, nache huaña da seỹotaqauga na trigo qataq ana huoue maye le'enaxat cizaña. Ñaq qauaqaita'alo ne'enaua dos da ñaxa't. Qom ivita que'eca laloqo' da qanqat ana ala, nache samaq na ỹo'onataxanaxanecpi da yaqto' hua'auñi da napoc ana huoue maye le'enaxat da cizaña, qataq laỹona't da ỹavigaxat. Ime, nache laỹona't na trigo, nache ỹachaigui ñi ỹaponaxanaxaqui. Nache aỹem samaxalec qome ca ỹo'onataxanaxanecpi da ỹa'auaxaañi da nqateua'a ana huoue. Ime, qaq ỹauo'o ana laqtapi da yaqto' ỹavigaxat. Qaq da ime, nache ỹaỹamaxat na trigo da ỹachaigui ca ỹaponaxanaxaqui.›»

Lucas 3:17

Ne'ena aỹem nca'attalec, namaye iỹotauga na no'on da lataxac qataq na qauem da lataxac. Na no'on da lataxac, nache nca'alaxatec, qaq nam qauem da lataxac qalaq ỹasaxangui ca norec maye saishet da 'om.

Jeremías 51:2

So'ot qome da na mpa'aguenaxauapi ye Babilonia nchegoxosheguem yemaye 'eeta'am naqa'en na trigo, qataq so'ot qome da qaica ca netalec ye na'alhua. Qom ivita cam na'a'q da qailaxachigui, nache chegoqteugalo qome nam iloquiaxan yemaye.

Isaías 41:16

Qataq 'auchegoq qome nache ỹache na la'at, qataq na la'at lta'araic ilagaxattac qome. Huaña nache 'auamachiguiñi qome da qoueto'ot Ñim Nataxala', qataq huo'o da 'ana'amqaanaxac da qoueto'ot Ñim Qui'itta Natamnaxala' na Israel le'ecpi.

Mateo 13:41

Aỹem Shiỹaxaua Llalec samaq qome na ỹamaxashecpi da yaqto' nqateeguesop da ỹo'onataxanaxac 'enauac nam shiỹaxauapi maye qauem na ỹo'ottac qataq ỹayen na laỹepi da nataqa'en ỹo'ot ca qauem.

Salmos 1:4

Qaq na qauemaicpi qalaq saishet da nache 'eetec de'era, cha'aye namayepi 'eeta'am na 'auaqpi deqaqta da ỹaỹoxonaqchet na la'at.

Jeremías 7:20

Qaq ỹoqo'oye Aỹem Nataxala', ỹataqta 'eesa qome da secorelec da inogoxonaxac ne'ena nma' qataq nam shiỹaxauapi, qataq nataqa'en na shiguiỹacpi, qataq na qo'oipaqpi maye huetauga na no'onaxa, qataq ana ala na nañiguishec. Qaq 'eeta'am qome ca norec maye saishet da 'om.»

Juan 15:2

Qaq da huo'o aca 'oonole ana icouepi da saishet da huo'o ana ala, nache Ñi Ita'a iquesoxouec; qalaxaye nqat ana llaxataxa ana lcouepi maye huo'o ana ala, da yaqto' nquictec da alaỹaxac.

Jeremías 15:7

Selagaxattac na 'arhuo' le'ecpi, 'eeta'am ñaqa'en ca 'auaqpi ltoxoic ñeqateeguesop na huaqta'a't nỹecpi maye hueta'a ne'ena 'alhua, nache qaica ñaqa'en ca llalaqpi na ỹalamaxat nhuo' le'ecpi, namayepi selaxachigui, souaxat da saishet da ỹalat da qauem lataxac.

Jeremías 17:27

Qalaxaye qami' da saqaualaqaiguet na ỹamaxasoxonaxacpi, da qauỹochiỹauga da ỹalamaxat ye na'a'q mataxaqui, qataq da qauachiitac na qaya'aqui na qa'aitoigui na lasompi na Jerusalén, nache Aỹem sauo'o qome ca norec huetoigui na lasompi na huaqta'a't nỹecpi, cam norec maye ilaxachigui qome na nma' lta'araicpi na Jerusalén, nache qaica qome ca ishet da ỹalamat.›»

Isaías 30:24

Qaq ivira'a qome na qarauegaxanaxala'aipi, huacapi qataq na 'ashenapi maye qauo'onataxañiiteguelec naxa da qauo'ocheetac na 'alhua, da chectac qome na ỹataqta no'on nchegoxoshec 'auaqpi.

Isaías 17:13

Qalaxaye Ñim Lo'onatac 'Enauacna, qom nlaxa namayepi, nache datauec taỹa ca qaỹoqta, 'eeta'am ca 'auaqpi da ỹache ca la'at, nache talec naqa'en ana qasoxonaxapi, huo'otaq aca cotaque da huaỹoxon naqa'en ca la'at lta'araic.

Isaías 5:24

Qaq ỹoqo'oye 'eeta'am qome ca norec da ỹavicta naqa'en ca 'auaqpi deqaqta, qataq na le'eraxa camaye da chepchiguiñi naqa'en ana deqaqta laue ana qo'oipaq, qaq nache 'eetec qome namayepi da imeuo, 'eeta'am aca qo'oipaq da lto na lpa'a'pi, qataq ana lauoxo nlaguiñi nache nañigui namoxoỹaxa, cha'aye sa ỹalaxagueta naua lapaxaguenataxanaxaco qataq naua lamaxasoxonaxaco Ñim Nataxala' maye Qaica ca Ỹaqalanapec, Ñim Qui'itta Natamnaxala' na Israel le'ecpi.

Isaías 1:31

Qaq cam ỹale 'añaxaic qalaq 'eeta'am ca 'auaqpi, qataq nam lo'onatacpi 'eeta'am aca lto'o, qaq caamaye 'enauaque da ỹavi'c, nache qaica ca anac da ỹalama't.»

Salmos 35:5

nache 'eeta'am qome na 'auaqpi da ỹache na la'at, qom ỹasaxauec namayepi so lamaxashec piguem le'ec Ñim Nataxala'.

Da na'aqtaguec so Job 21:18

¿Che laguio' co'ollaxa da ilagaxattac namayepi, da 'eeta'am naqa'en na 'auaqpi, da ỹache ana daua'ache?

Mateo 13:43

Qalaxaye nam ỹalaxaguet Ñim Lo'onatac 'Enauacna, namayepi ỹataqta 'eroigui 'ena'am añi nala' qom huetaigui da lo'onataxanaxac Ñim Lo'onatac 'Enauacna. ¡Qami' da 'eesa da huo'oi naua qartelai lauacolli', nache no'on da ỹataqta qana'axaỹaxañi!

Amós 9:9

Cha'aye aỹem samaxasoxoolec qome da qaichegoq na Israel le'ecpi da ỹalectaigui na ỹotta'a't shiỹaxauapi, 'eeta'am da qaichegoq na trigo da qanqateua'a na lvi, qaq nache saishet da huo'otaq 'oonole ala aca naañi qanqa'en da talec na 'alhua.

Oseas 13:3

Qaq ỹoqo'oye namayepi 'eeta'am na sheue ye nte'eta, qataq 'eeta'am na 'aỹa, da ña nte'etom nache qaica, qataq 'eeta'am na 'auaqpi da ỹache na la'at lta'araic, qataq 'eeta'am na nmala'q da quisheguemgue ca lliguisheguem da huaỹoxoosheguem.

Jeremías 4:11

Qaq qom ivita cam laloqo' de'era, nache qoỹenapega qome na nhuo' le'ecpi na Jerusalén, qoỹeeta': «Chegoqtelec qome ye toolec 'alhua ca la'at dapaqa, da nasheeresheguem nache taalec na pa'aỹa'ague na ỹalamaxat nhuo' le'ecpi. Qalaxaye camaye saishet da taiguet da qaichegoq na ala na trigo,

Isaías 66:24

Qaq qom anac namayepi nache ilalec na shiỹaxauapi leuaxaicpi, nam shiỹaxauapi maye Aỹem dataỹa'aguet co'ollaxa. Qaq saishet qome da ileu nam qoche'lpi maye chec qome namayepi, qataq saishet qome da 'om cam norec maye ỹavigaxat namayepi. ¡Nache 'enauac qome na shiỹaxauapi da deqaiga namayepi!»

Isaías 27:4

Aỹem saishet da senotac, qalaxaye da huo'o aca ỹaxat qataq ca ato', nache aỹem ashec da selogui', nache ỹataqta imauec da savigaxat.

Mateo 13:42

Qaq na ỹamaxashecpi ỹasaxaña namayepi que'eca nhuaxanaqa' na 'etaxaloxoicpi, huaña nache ỹaguec da nnoinaxac qataq inaga't naua lhue da nqui'ic.

Lucas 3:16

Qalaxaye so Juan 'enapega 'enauac so shiỹaxauapi, 'eeta': –Aỹem 'eesa da qami' ñachelaxanguilo nagui na 'etaxat, qalaxaye huo'o na aỹem nca'attalec maye ỹataqta ỹactec da la'añaxac napacalec aỹem. Namaye qami' nachelaxanguilo So Saqcha'a Na'añaxac Qui'itta qataq norec. ¡Aỹem ỹataqta sa yaloua'a Namaye na'aictaxa da choche aỹem l-latac!

Isaías 28:28

Qaq nachenata na trigo maye ishet da qaichegoq qalaxaye saishet da sa qaỹa'axaneguet, qataq ishet da pelec qanqa'en aca lasaxanna aca naigona da qaiỹotauga ana ala, qalaxaye saishet da dolagui qanqa'en.