Mateo 3:1 - La'aqtaqa Ñim Lo'onatac 'Enauacna 2013

¹ Qaq co'ollaq mashe qaỹoqteguelo soua vi'iye, nache so nachelaxanataxanaq le'enaxat Juan tauga da da'aqtaxaatapeguelec ye toolec 'alhua maye huaigui ye Judea.

Nuevo Testamento Toba Sur

¹ Qaq co'ollaq mashi qaÿoqteguelo soua vi'iyi, nachi so nachilaxanataxanaq l'enaxat Juan anac da da'aqtaxaatapeguelec yi tojlec 'alhua mayi huaña yi Judea.

Nuevo Testamento Toba Sombrero Negro

¹ Uo'oe gaa'me 'uoidi jo'ne yenoĝodegue ca'li, qama'le 'uo ñe'me Juan 'me chilaĝanataĝanaĝaic ue'ta di'me aleua jo'ne totapega't ua'ña di'me Judea.

Mateo 3:1 Referans Kwoze

Lucas 1:76

Qaq 'am ỹalcolec, 'am qoỹanagui qome da 'am: ‹La'aqtaxanaxanec Ñim Lo'onatac 'Enauacna maye 'amaqtaqaic.› 'Am 'aua'auta'ague qome da tata'ague cam Lca'aguishec Ñim Lo'onatac 'Enauacna, da 'auqataxanai' na shiỹaxauapi yaqto' lhuotta qom nvi' camaye.

Mateo 11:11

Qaq ỹataqta 'eesa de'era shenapec da 'enauac nam shiỹaxauapi co'ollaxa da chegoqta'ague, choche ivitta'a nagui da qaica ca ishet da napacalec da la'amaqchec so Juan maye nachelaxanataxanaq. Qalaxaye nam ỹapactec da qaica ca la'amaqchec da huetaigui dam lo'onataxanaxac Ñim Lo'onatac 'Enauacna, nagui qataq dam taỹa'ague namayepi napacalec somaye.

Marcos 1:15

«¡Mashe ivita ye laloqo' da lo'onataxanaxac Ñim Lo'onatac 'Enauacna! Qaq ỹoqo'oye qavi'eguelaqaỹot qome Ñimaye qataq qaua'amaqchiñi da no'on na'axaỹaxac.»

Mateo 16:14

Nache soomaye 'ena'apo': –Qomye huo'o na 'eetega da 'am Juan maye nachelaxanataxanaq, qataq huo'o na 'eetega da 'am nacheso som la'aqtaxanaxanec Ñim Lo'onatac 'Enauacna le'enaxat Elías, qataq huo'o na 'am 'eetega da na'aqtaxanaxanec Jeremías, qalqo' ca 'oonolec som hua'au la'aqtaxanaxanecpi Ñim Lo'onatac 'Enauacna.

Hechos 1:22

chegoqchiguiña co'ollaq cheta'ague da nachelaxan so Juan qataq ivitta'a co'ollaq Somaye da taigue da piguem. Qaq ỹoqo'oye no'on da huo'o ca qalca'aua'a da qomi' qaỹalecnoiguilo, da yaqto' nataqa'en ỹa'axat da So Jesús mashe qaltaq qanca'alaxatec.»

Lucas 7:24

Qaq co'ollaq mashe je'c soua lapaxaguenataqa so Juan, nache So Jesús ỹachegoxottot da da'aqtaxaatapeguem so shiỹaxauapi, da 'eetec co'ollaxa so Juan, 'eeta': –«¿Negue't som qaumeenaxañiitapeuga co'ollaxa yem toolec 'alhua? ¿Peta'a ỹale da 'eeta'am aca coqta da ỹacholaxaatac na la'at?

Mateo 11:7

Qaq co'ollaq mashe je'c soua lapaxaguenataqa so Juan, nache So Jesús cot da da'aqtaxanem so shiỹaxauapi da lataxac so Juan, 'eeta': –¿Negue't som qaumeenaxañiitapeuga yem toolec 'alhua co'ollaxa? ¿Peta'a 'eeta'am aca coqta ỹacholaxaatac na la'at somaxa?

Mateo 3:8

Ỹataqta qauachaxañiita da qarataxaqui da qaỹa'axañiiue'c naua qauema maye qauo'ocheeta'ape.

Mateo 21:32

Cha'aye anac so Juan maye nachelaxanataxanaq da yaqto' qami' ỹapaxagueneque ca lataxac da yaqto' no'on da qarataxaqui qataq qaualaqaiguet Ñim Lo'onatac 'Enauacna, qalaq qami' saishet da qaua'amaqchiñi somaye. Qalaxaye nam ỹacootapeeguet ana nsheetenaqte ca nta'a qataq anam quisheguetaxaipi ỹa'amaqten somaye co'ollaxa. Qalaxaye qami' na'aictaxa da qauauañiichigui 'enauac de'era, qalaxaye ñaqaiyeta saishet da qanaralaxache' naua qarhuennataxacolli', nachaqrata da nache qoquiito'ot da saishet da qaua'amaqchiñi somaye.

Jueces 1:16

So chegoxoguetpi so Hobab maye queniita, som lacho' so Moisés, somayepi chegoqchiguiña co'ollaxa ye huaqta'a't nỹecpi maye le'enaxat Chaisat, nache lỹatec so maiche nhuo' le'ecpi maye chegoxoguetpi so Judá da nqo'ona ye toolec 'alhua ye Judá, maye pa'aỹa'ague da la'añaxa ye Arad, da yaqto' nache naña, nache lauoreuapi som shiỹaxauapi maye lma' yemaye.

Josué 14:10

Qaq mashe inoxoorec soua cuarenta y cinco vi'iye da Ñim Nataxala' ỹa'n ne'enaua la'aqtaqa maye nasaxarec co'ollaxa so Moisés se'eso na'a'q co'ollaq ñaq coleetapeguelec ye toolec 'alhua na Israel le'ecpi. Nache ỹataqta ipacchigui de'era la'aqtac Ñimaye da aỹem qaica cara da ñachaalataxac. Qaq ỹoqo'oye nagui mashe sevi' naua ochenta y cinco vi'iye da ñachaalataxac.

1 Reyes 2:34

Nache so Benaías, maye llalec so Joyadá, jec, taỹa so Joab, nache ỹalauat. Ime, nache somaye qailareña so lma' maye naña ye toolec 'alhua.

Marcos 1:2

'Enauac ipacchigui dam maiche ỹa'axattac Ñim Lo'onatac 'Enauacna co'ollaxa, ỹachegoxotchigui so la'aqtaxanaxanec le'enaxat Isaías, 'eeta': «Aỹem samaq qome ca ỹa'aqtaxanaxanec da sa'auaxaata'ague da 'ata'ague da yaqto' ỹaỹamaxaañi 'enauac, da yaqto' lhuotta qom 'avi'.