Mateo 28:7 - La'aqtaqa Ñim Lo'onatac 'Enauacna 2013

⁷ Qaq nagui sa qanaỹaloxoñi qome da qoqui, nache qaua'aqtaxañima caua lapaxaguenataqa, da Somaye mashe nca'alec qataq hua'auta'ague da Galilea. Qaq huaña qome yemaye, nache qanauañi'. Qaq 'era da na'aqtac maye qami' sa'axatema.»

Nuevo Testamento Toba Sur

⁷ Qaq sa qanaÿaloxoñi qome da qoquii, nachi qau'aqtaxañiima caua lapaxaguenataqa. Qoñiita': “Somayi ileu, qalaxayi mashi qaltaq nca'aleec. Qaq mashi hua'auta'ague da Galilea. Qaq huaña qome yimayi, nachi qanauañi'.” Qaq 'eda da n'aqtac mayi qami' sa'axatema.

Nuevo Testamento Toba Sombrero Negro

⁷ Jamoyi nataq'aen a'uaqataĝañema gaa'me lapaĝaguenataqa joñe'me: «¡Joote 'niyelaĝajeguem! Qama'le yec'ata di'me Galilea qaedi yitaĝa ami yemata'a't. Naqaedi di'me ua'a da'me auañiya qomle.» Naq'aeta da'me 'yaqatac 'me ami ja'aĝatema.

Mateo 28:7 Referans Kwoze

Mateo 26:32

Qalaxaye qom Aỹem ỹe'eguelaxatem da ica'alaxa Ñim Lo'onatac 'Enauacna, nache Aỹem sa'auta'ague qome da Galilea.

Mateo 28:10

Nache So Jesús 'enapegalo soomaye, 'eeta': «Saishet qome da qayi'i. Nachaqrata da qanqalgoqoi da yaqto' qaua'aqtaxañim qome caua ỹapaxaguenataqa da taregue da Galilea. Huaña qome yemaye, nache ñauaneto.»

Juan 16:4

Qaq nagui qami' sa'axatema de'era, yaqto' qom ivita ca laloqo', nache qami' ishet da qauennache da mashe sogote da qami' sa'aqtaxaateguema de'era. Saishet da qami' sa'axatema de'era co'ollaq cheta'ague da so'onataxan, cha'aye Aỹem ñaq qami' soota'agueta.

1 Corintios 15:4

Somaye qailareñi. Qaq co'ollaq inoxoore'c soua tres na'axa'te, nache Ñim Lo'onatac 'Enauacna qaltaq nca'alaxatec.

Juan 14:29

Qaq Aỹem nagui qami' sa'axatema de'era, yaqto' qom ivita da ipacchigui, nache ishet da Aỹem qaua'amaqchiñi.

Lucas 24:34

Nache som hueta'a yi'iye da'aqtaxanema soomaye, 'eeta': –Ỹoqta 'eesa da qaltaq nca'alec So Qarataxala', cha'aye so Simón mashe nauane'.

Marcos 16:13

Nache soua dos lapaxaguenataqa je'c da icoyegue'n soua lỹa't, qalaxaye nataqa'en sa qaỹa'amaqte'n soomaye.

Marcos 16:10

Qaq soua lapaxaguenataqa ñaq daquicota'ape qataq nỹeeta'ape souaxat da l-leuaxa So Jesús, nache ivireuo asomaye, nache da'aqtaxanema soomaye da So Jesús nca'altauec.

Marcos 14:28

Qalaxaye qom ỹoltaq Aỹem ỹe'eguelaxatem da ica'alaxa Ñim Lo'onatac 'Enauacna, nache Aỹem sa'auta'a qome ye 'alhua Galilea.

Mateo 24:25

Qaq damaye mashe nache 'eetai' da qami' sa'aqtaxaateguema

Isaías 45:21

Ña qaua'aqtaxañi qataq qauachaxañi cam ỹo'ot da 'eesa de'era, qana'aqtaxañiỹa't ñi 'oonolec na'aqtaxane' ca lỹa. ¿Negue't ca ỹa'axatta'a co'ollaxa de'era? qataq ¿Negue't cam ỹa'axatta'aguet co'ollaxa de'era soua hua'au' vi'iye? ¿Saisheto' da nachaỹem, Aỹem Nataxala'? Qaq qaica ca lỹa Atamnaxala', maye huegaxanaxaic qataq ca'alaqtaxanaxaic.

Isaías 44:8

¡Qalaxaye qana'añaxache, saishet da qayi'iitac! 'Era da ỹa'aqtac co'ollaxa soua qaỹoqteguelo vi'iye, qaq qami' nache qami' ỹa'aqtaxanaxanaqa de'era. Qaq ¿peta'a huo'o ca lỹa atamnaxala' ỹaqauga? 'A'i, qaica ca lỹa ñe'eguenaxala', qaica ca sauatton.»

1 Corintios 15:6

Ime, nache qaltaq nachaxana so napacalec ca quinientos som ca'attague' co'ollaxa. Qaq qalota nagui namayepi na ña nca'altauec, qataq huo'o na mashe qanmataxanaxanec.

Mateo 28:8

Nache soua 'alol ỹataqta ñi'i' qalaxaye nataqa'en ỹataqta lta'araic da ntonaxa'c, nache je'c ỹataqta nqalgoqte' da iroua'alo da la'axaỹaxa'c soua napaxaguenataqa.