Mateo 28:6 - La'aqtaqa Ñim Lo'onatac 'Enauacna 2013

⁶ Qaq Somaye saishet da hueta'a ne'ena. Cha'aye mashe qaltaq nca'alec, ipacchigui co'ollaxa da 'enapec. Qalaxaye qauanaqui ña qaumiiñi nam qaỹachaña co'ollaxa so lo'ocỹaxac.

Nuevo Testamento Toba Sur

⁶ Qaq somayi sa ishit da hueta'a ne'ena. Cha'ayi mashi qaltaq nca'aleec, ipacchigui co'ollaxa da 'enapec. Qayalaÿi, ña qaumijñi nam qaÿachaña co'ollaxa.

Nuevo Testamento Toba Sombrero Negro

⁶ Ja ue'ta jena'me jenjo'; joote 'niyelaĝajeguem, naq'aeta da'me 'yaĝatetac ca'li. Anec'achiya qaedi auec'achiñe di'me qoyacha'ña quelqaya.

Mateo 28:6 Referans Kwoze

Marcos 16:6

qalaxaye so nsoq 'enapegalo' soomaye, 'eeta': «Saishet da qayi'i. Qami' qanmichiitaique So Jesús som ỹale maye Nazaret le'ec, som ileu qaiuaxaata'aguet so npe'enaxala' soua na'axa'te lỹa't. Somaye saishet da hueta'a ne'ena. Somaye qaltaq nca'alec. Ñaq qaumichiñi yem qaỹachaña co'ollaxa so lo'ocỹaxac.

Mateo 12:40

Cha'aye de'era 'eetec so Jonás co'ollaq ivi' naua tres na'axa'te qataq tres pe' da huetaigui na lauel aso late'e na nỹaq, qaq nachera qome da 'eetec nataqa'en Aỹem Shiỹaxaua Llalec da ivi' caua tres na'axa'te qataq tres pe' da sootaigui ana 'alhua.

Mateo 16:21

Qaq huaña, nache So Jesús ỹataqta da'aqtaxaatema soua lapaxaguenataqa dam taỹa'a da ivireguet, 'eeta': «Aỹem iuen da saigue da Jerusalén. Qaq huaña qome yemaye, nache na nqueroxonecpi maye nataxala'pi qataq na lataxala'pi na ltaxaỹaxanaxanecpi na shiỹaxauapi da qaitaxaỹapegue' Ñim Lo'onatac 'Enauacna, qataq nam dapaxaguenataxaatapeguec na namaxasoxonaxacpi maye chegoqo'ot so Moisés, namayepi ỹataqta qalota qome naqa'en da ñeque'eenaxac, qataq Aỹem ỹalauat. Qalaxaye qom mashe inoxoore'c caua tres na'axa'te, nache qaltaq ñeca'alec.»

Lucas 24:23

Qaq co'ollaq saishet da ỹanata ca lo'ocỹaxac Somaye, nache ñe'eguelaxareuo da ỹa'axattrac da lauanaqche'c co'ollaq ilora'a soua namaxa'she piguem lashe' ỹa'axatta'ape da ca Jesús mashe nca'alec.

Lucas 24:44

Qaq co'ollaq ime, nache 'enapegalo soomaye, 'eeta': –De'era souaigui, nachera dam sa'axattac co'ollaq ña qami' soota'agueta: da iuen da ipacchigui qome 'enauac na ña'aqtaguec maye ỹa'axat nam namaxasoxonaxacpi maye ỹiyiñi co'olloxocheye so Moisés qataq naua leregui'she som la'aqtaxanaxanecpi Ñim Lo'onatac 'Enauacna qataq nam no'onecpi le'enaxat Salmos.

Mateo 27:63

Nache qoỹeetega, qoỹeeta': –'Am Qarataxala', qomi' tachigui qarhuel se'eso tenataxanaxaic da la'aqtac co'ollaq ña nca'altauec, nache 'eetega da qom inoxoore'c caua tres na'axa'te, nache qaltaq nca'aleeguesop da nleuaxa.

Juan 2:19

Nache So Jesús 'enapeco': –Qomye qanlaxachiiñi ana no'onaxanaxaqui late'erai, nache Aỹem qaltaq ño'oxoosheguem qome; tres na'axa'te, nache qaltaq semat.

Marcos 8:31

So Jesús da'aqtaxanema soua lapaxaguenataqa dam taỹa'a da ivireguet Somaye, 'eeta': «Aỹem Shiỹaxaua Llalec ỹataqta qalota qome da ñeque'eenaxac. Aỹem ỹo'orauec na lataxala'pi na shiỹaxauapi qataq na lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq nam dapaxaguenataxaatapeguec na namaxasoxonaxacpi. Qataq ivira'a da Aỹem qaỹalauat, qalaxaye qom mashe inoxoore'c caua tres na'axa'te, nache qaltaq ñeca'alec.»

Juan 10:17

Ñim Ita'a ỹataqta Aỹem ỹauotec, cha'aye san da ñachaalataxac, qaq da ime, nache qaltaq ñe'eguelaxaala't.

Lucas 24:12

Qalaxaye so Pedro, nache nqalgoq da demeenaxaneuga aso huachiqui. Qaq co'ollaq ivireuga nache ỹalloigui na pa'auo asomaye, nache ndotec so hualoxolaỹi lapagaxaic maye qalpataxangui co'ollaxa so lo'ocỹaxac So Jesús da huetaua'a na laỹe asomaye. Ime, nache ỹe'eguelaxaua'a ca lma' ỹataqta huo'o da la'aalaxa dam qanayeuaigui.

Mateo 20:19

qataq Aỹem ỹaneua'a nam ỹaqa'a ca chegaqa'ague, da yaqto' Aỹem ỹe'en, qataq Aỹem iuaxaatac, ime, qaq Aỹem ỹalauat Aỹem iuaxaata'aguet ca ñepe'enaxaqui. Qalaxaye qom mashe inoxoore'c caua tres na'axa'te, nache qaltaq ñeca'alec.»

Mateo 17:23

Nache Aỹem ỹalauat, qalaxaye Aỹem Shiỹaxaua Llalec qom inoxoore'c caua tres na'axa'te, nache qaltaq ñeca'alec.» Qaq co'ollaq hua'aqchigui de'era soua lapaxaguenataqa, nache ỹataqta daquicote'.

Mateo 17:9

Qaq co'ollaq mashe huenotreeguesopa aso qaỹoqotcheguemec 'alhua, nache So Jesús 'enapegalo soua lapaxaguenataqa, 'eeta': –Saishet qome da huo'o ca qaua'aqtaxañim de'era qarauanaqchiqui, nato' qom Aỹem Shiỹaxaua Llalec mashe seleu qataq da mashe ñeca'alec.

Hechos 2:24

Qalaxaye Ñim Lo'onatac 'Enauacna qaltaq nca'alaxatec Somaye, nca'alaxateeguesop da la'añaxac da nleuaxa, cha'aye da nleuaxa qaica ca la'añaxac da nllañi Somaye.