Mateo 28:5 - La'aqtaqa Ñim Lo'onatac 'Enauacna 2013

⁵ Nache so namaxashec 'enapegalo soua 'alol, 'eeta': «Saishet qome da qayi'i. Aỹem saỹaten da qami' qanmichiitaique So Jesús som qaỹalauat qataq qaiuaxaneuo co'ollaxa.

Nuevo Testamento Toba Sur

⁵ Nachi so namaxashic piguem l'ec, somayi 'enapegalo soua 'alo, 'eeta': –Sa ishit qome da qayi'ii. Aÿim saÿaten da qami' qanmichiitaique so Jesús som qaiuaxaneuo co'ollaxa.

Nuevo Testamento Toba Sombrero Negro

⁵ Joñe'me piyem le'ec dojapegue'to gaa'me yauo', enaac: —Ena'te at'oiyi, qa'a jayaten queda'me aueloyitaque ñe'me Jesús, ñe'me jo'ne qoyep'enajeguem ca'li.

Mateo 28:5 Referans Kwoze

Hebreos 1:14

Cha'aye na namaxashecpi piguem le'ecpi, namayepi choche saqcha'a na'añaxacpi maye do'onataxaatacot Ñim Lo'onatac 'Enauacna. Qataq Ñimaye ỹamaxa namayepi da itauan 'enauac nam shiỹaxauapi maye taỹa'a da nca'alaxatec Ñimaye.

Isaías 41:10

Saishet qome da 'añe'etac cha'aye Aỹem 'am soota'aguet, saishet da 'añe'etac cha'aye nache Aỹem 'Anatanmaxala'. Aỹem 'am sanem da 'ara'añaxac, Aỹem 'am setauan qome, Aỹem sauota'a qome na ihuaq maye huegaxanaxaic da 'am ñasoqtañi.

Lucas 24:5

Qaq soua 'alol ỹataqta nlaqchiguilo da lcolanaqa', nache ỹa'alyiñi naua l-llectel, nache ỹataqta iviraxata'agueta naqa'en na 'alhua naua lata'api. Nache se'esoua ỹale't 'ena'apo': –¿Ta'ainco' ye qanmichiitapigui na leuaxaicpi da qanmichiitaique som nca'altauec?

Lucas 1:30

Nache se'eso namaxashec 'enapeco': –María, 'am saishet da 'añi'i, cha'aye Ñim Lo'onatac 'Enauacna ỹataqta 'am tatelec da lqouagaxanaqtaic.

Marcos 16:6

qalaxaye so nsoq 'enapegalo' soomaye, 'eeta': «Saishet da qayi'i. Qami' qanmichiitaique So Jesús som ỹale maye Nazaret le'ec, som ileu qaiuaxaata'aguet so npe'enaxala' soua na'axa'te lỹa't. Somaye saishet da hueta'a ne'ena. Somaye qaltaq nca'alec. Ñaq qaumichiñi yem qaỹachaña co'ollaxa so lo'ocỹaxac.

Mateo 28:10

Nache So Jesús 'enapegalo soomaye, 'eeta': «Saishet qome da qayi'i. Nachaqrata da qanqalgoqoi da yaqto' qaua'aqtaxañim qome caua ỹapaxaguenataqa da taregue da Galilea. Huaña qome yemaye, nache ñauaneto.»

Mateo 14:27

Nache So Jesús 'enapegalo soomaye, 'eeta': –¡Qaue'enaxañiitai'! ¡Saishet da qayi'i! ¡Nachaỹem!

Daniel 10:19

nache aỹem 'enapega, 'eeta': «Saishet da 'añi'i, qataq saishet da ỹapac da 'arhuogoxo. Ñim Lo'onatac 'Enauacna 'am ỹauotec, ¡qaq ỹoqo'oye 'ana'añaxat, qataq 'aua'añaxachigui ye 'arhuel!» Qaq so ñaq aỹem detaqtacot nache ñanomteguet da huo'o da ỹa'añaxac, nache shenapega somaye sheeta': 'Am Nataxala' aỹem 'autaxaỹot nagui, cha'aye mashe aỹem 'avi'eguelaxatem da ỹa'añaxac.

Daniel 10:12

Qaq huaña nache somaye aỹem 'enapega, 'eeta': «'Am Daniel saishet da 'añi'i, cha'aye chegoqchiguiña so hua'auchiguiñi na'a'q co'ollaq 'auennataxaalec da yaqto' 'auaỹaten som lataxac maye ỹataqta huo'o da lqalaic, nache 'auacona da qaica ca 'ara'amaqchec da 'auataỹot Ñim 'Anatamnaxala', nache Ñimaye hua'axaỹa co'ollaxa so 'anatamnaxac. Qaq ỹoqo'oye aỹem ñanac.

Isaías 41:14

Ñim Nataxala' da la'aqtac, 'eeta': 'Am Israel, maye 'auachegoxoguet so Jacob, na'aictaxa da qaica ca 'ara'amaqchec qataq ca 'ara'añaxac, qalaxaye saishet qome da 'añe'etac, Aỹem 'am setauan qome. Aỹem, maye Aỹem Qui'itta Natamnaxala' na Israel le'ecpi, Aỹem, 'am ñeca'alaxatec.

Isaías 35:4

qataq qoñiỹapega nam colanqaicpi, qoñeeta': «¡Qana'añaxache, saishet qome da qayi'iitac! ¡Cha'aye Ñim Qanatamnaxala'ai mashe anacta da yaqto' qami' nca'alaxatrec qataq ỹauo'o cam 'itchiguiñi nhuaxanaguec na qampa'aguenaxauaipi!»

Mateo 28:4

Qaq so huataxanaqpi co'ollaq ila'a somaye, nache ỹataqta iviloxolaqchet da lcolanaxa. Nache somayepi huetaiya' 'eeta'am na leuaxaicpi.

Hechos 2:24

Qalaxaye Ñim Lo'onatac 'Enauacna qaltaq nca'alaxatec Somaye, nca'alaxateeguesop da la'añaxac da nleuaxa, cha'aye da nleuaxa qaica ca la'añaxac da nllañi Somaye.