Mateo 27:51 - La'aqtaqa Ñim Lo'onatac 'Enauacna 2013

⁵¹ Huaña, nache nataqa'en so lapoxot hualoxolaỹi maye pa'auo aso no'onaxanaxaqui late'erai, som nacchiguingui na laiñi, somaye colaqchiguingui na laiñi ỹataqta ivirañi so lcolaxa, qaq ana 'alhua qalaq cholaxan qataq na coma'pi qalaq depoqogui,

Nuevo Testamento Toba Sur

⁵¹ Huaña, nachi depoqchiguingui na laiñi so lapoxot aso n'onaxanaxaqui, som nacchiguingui na laiñi. Nachi na 'alhua ÿataqta cholaxan, nachi depoqogui ana coma'pi.

Nuevo Testamento Toba Sombrero Negro

⁵¹ Nach'ega ua'a ca'li ga'me ualoq let'adaic jo'ne yapadelegue ga'me chalataqa' jo'ne ja 'nalegue ga'me tamenaĝaiqui cojayi ga'me laeñi, chiyoqochije'ma ga'me p'ajeguem chayovida'a ga'me p'añe. Qoyedaĝat jena'me aleua, nataq'aen ga'me qadipi cojayilo ca'li.

Mateo 27:51 Referans Kwoze

Marcos 15:38

Huaña, nache so hualoxolaỹi maye pa'auo aso no'onaxanaxaqui late'erai, som nacchiguingui na laiñi, somaye colaqchiguingui na laiñi, ỹataqta ivirañi se'eso lcolaxa.

Hebreos 6:19

Qaq de'era qanaquitaxac, nachera dam qomi' ỹanema da ỹataqta 'eesa de'era. Damaye 'eeta'am acam lcat maye nllañi aso notaxaqui late'erai maye quiguingui na 'etaxat, da yaqto' qaica ca ldaxac ca hueta'a. Qaq de'era qanaquitaxac, damaye qomi' ỹanema So Jesucristo, Som pa'aueegue da laỹe so napoxonaxat maye pa'auo añi lo'onaxanaxaqui late'erai Ñim Lo'onatac 'Enauacna na pa'asheguem, qataq huenoxoneua'a yem ndaqa' maye ỹataqta sa qaishetapec.

Lucas 23:45

cha'aye añi nala' qalaq ỹataqta qaica ca le'eraxa, qaq som lapoxonaxat hualoxolaỹi maye pa'auo aso no'onaxanaxaqui late'erai qalaq colaqchiguingui na laiñi.

Apocalipsis 11:19

Huaña, nache nauatoiguilo soua laso'omi añi lo'onaxanaxaqui late'erai Ñim Lo'onatac 'Enauacna maye neta'ague da piguem, qaq ỹataqta yo'oqta aso laỹe' soua naỹamaxataxaco Ñimaye. Nache huo'o so nqashelgaxa, qataq huo'o so lta'araic nalataxa, qataq so lta'araic lacholaxanaxa ana 'alhua, qataq anac aso late'erai lache.

Mateo 27:54

Nache so huataxanaq lta'a maye Roma le'ec qataq som nalleppi maye nauaatalec So Jesús co'ollaq ỹauaachigui so nacholaxanaxa qataq nam laỹepi maye yo'oq, nache ỹataqta iviloxolaqchet da lcolanaxa. Nache somayepi 'enapeco': «¡Ñi'iñi ỹale ỹoqta 'eesa da Llalec Ñim Lo'onatac 'Enauacna!»

Mateo 28:2

Nache nque'elaxatta da huo'o so lacholaxanaxa ana 'alhua, cha'aye so lamaxashec Ñim Lo'onatac 'Enauacna, somaye chegoqtot na piguem da naỹaña aso huachiqui. Nache nqat so coma' lta'araic maye lapoxot asomaye, nache nso'oolec.

Isaías 25:7

Qaq nache huaña qome aña'añi qasoxonaxa da Ñim Nataxala' nlaxaañi som ipelteetalec 'enauac na nhuo' le'ecpi, so npo' maye ỹapotalec 'enauac na ỹotta'a't shiỹaxauapi.

Apocalipsis 11:13

Qaq nache huetoigui da huo'o so lta'araic qalagoxoñi 'alhua, nache ilaxachigui ñi 'oonolec nam diez nỹecpi se'eso lta'araic nỹecpi, qataq ivi' siete mil so ileu shiỹaxauapi. Qaq som lca'alaxaicpi ỹataqta lta'araic da lcolanaxa, nache cheta'ague da ỹo'oxoreetac Ñim Lo'onatac 'Enauacna maye neta'ague da piguem.

Hebreos 9:3

Qaq dam laỹe so napoxonaxat hualoxolaỹi nataqa'en huo'o so lỹa ndaqa', le'enaxat Ndaqa' sa Qaishetapec,

Habacuc 3:10

Qaq ana qasoxonaxapi, qalaq cholaxan da 'am ila'a, qaq na piguem qalaq namaq na ỹataqta lta'araic auot, qaq aso qaỹoqchiguingui auaxai qalaq ỹataqta dauaxan, souaxat da ỹataqta qaỹoqotcheguemegue ana lapaxa.

2 Crónicas 3:14

Nataqa'en ỹo'ot so napoxonaxat hualoq laỹe morau da lo'oxoỹaxac, qataq so lỹa ỹactec da ltogaxa da lo'oxoỹaxac, qataq so lino, ime nache ỹachalec somaye soua le'enaqtaqa querubines maye huo'oi naua laua't.

Levítico 21:23

Qalaxaye saishet da inoxoneua'a ye pa'auo ñi napoxonaxat ye ñegueuo ñi lpe'l, qataq saishet da taua'a añi nca'atoxonaxalate, cha'aye camaye huo'o ca lque'emaxa, nache saishet da ishepaxanaqchet ye ỹanataqa'. Cha'aye Aỹem Nataxala' maye sanem camayepi da Aỹem do'onataxanot.»

Habacuc 3:13

'Am 'auanac da 'autauan nam 'aralamaxat nhuo' le'ecpi, qataq so nta'a maye maiche 'arca'aguishec. Qataq 'aulaxachigui so lauo' lapo' som qauemaic, qataq yo'oqchiguiña 'anqa'en, so coma' maye lo'oxonaxala' so lma'.

Salmos 18:15

Huaña nache yo'oqta na pa'aguiñi aso auaxai, qataq na na'attalec ana 'alhua ishet da qaila'a, souaxat da 'arvilỹaxac dequichoqtaxan 'Am Nataxala', qataq souaxat so lta'araic 'ara'at maye 'auasheerelec anamaye.

Salmos 18:7

Qaq huaña nache daỹapec qataq cholaxan ana 'alhua, qataq daỹa'ape naua na'attaleguete ana qasoxonaxapi, ỹataqta cholaxa'n souaxat da lalemataic Ñimaye.

Levítico 16:2

Nache Ñim Nataxala' 'enapega so Moisés, 'eeta': «Qonapega qome ñi 'arqaỹa Aarón da saishet da saq ỹataq ca ñichiguiña añi nala' da huenoxoneua'a ye pa'auo ñi lapoxonaxat ñi npe'l maye netaña añi laỹe' naua ñaỹamaxataxaco, yaqto' da ñachaxan nache saishet da ileu, da sootaigui ca lo'oc maye nalotcheguema ñi lapoxot añi laỹe' naua ñaỹamaxataxaco.

Éxodo 40:21

Ime, nache iroua'a so pa'auo so npe'l, qataq ỹaviguisheguem so lapoxot, da yaqto' ỹapoua'a aso arca maye laỹe' soua nqataxaco, huaña nache ipacchigui da la'aqtac Ñim Nataxala'.

Números 4:5

Da ivita da jec ne'ena nhuo' le'ecpi, nache so Aarón qataq na llalaqpi, nachena na nqat qome ca lapoxot ca ñegueuo ca npe'l, nache dapoxona camaye da ỹapolec añi arca maye laỹe' da aỹamaxataxac.

Lucas 23:47

Nache so huataxanaq lta'a co'ollaq ỹauaachigui de'era, nache ỹo'oxoreetac Ñim Lo'onatac 'Enauacna, 'eeta': –Ỹoqta 'eesa da ñi'iñi ỹale qaica ca ỹasouaxat.